1 Tesalonika 5:15 - Nyaa Shɔɔ Ɓɔɔ Laa a Ɓɛɛ

¹⁵ Nɔɔ gãng jĩng kagn, zang ɓɔɔ wu waa pãng vuu shi kpang ɓɔɔ zang palɛ wu doo nɛɛ vuu shi kpang kɔ kpang. Nɔɔ shing jĩng kɔ jong diki diki nɛɛ nɔɔ pàlɛ́ zɔɔ tɔ̃ɔ. Nɔɔ ti pàlɛ̀ zang piti tɔ̃ɔ jong.

1 Tesalonika 5:15 ပူးပေါင်းရင်းမြစ်များ

Matiyu 5:39

A n kɔɔ nɔɔ, nɔ́ɔ lɔngsɔ vuu shi kpang ɓɔɔ zang palɛ nɔɔ ɓɛɛ, nɛɛ vuu shi kpang kɔ doori kpang. N kɔɔ nɔɔ, zang nɛɛ nyɔ mɔɔ ka kashoo ɓɔɔ nakn, mɔɔ raa wu ɓɔɔ nagang jong.

Luka 6:35

Nɔɔ kasɛ ruu zang ɓɔɔ ri shing jĩng nɛɛ nɔɔ kpang katɔ. Nɔɔ palɛ ri tɔ̃ɔ. Nɔ́ɔ ti a zang vuu nyaa kɔ́pɔ́ nɛɛ zang wu naa sɔɔrɔ nɔɔ tɔkn kpang. Tɔ̀ɔ, nɔ́ɔ naa walɛ vuu ɓɔɔ Laa shing nɔɔ ɓɛɛ kati. Nɔ́ɔ ti naa nwáng wujɛ Kpanti Laa kati. Ka ruu ɓɔɔ, gn zang ɓɔɔ zãa wu kpang, nɛɛ zang ɓɔɔ yeti ɓarɛ shi kpang kɔng wu katɔ ɓɛɛ.

Zang Shonang Yeesɔ 16:28

A Bulu mɛɛ nyaa ka lapa nabm tɔɔ, “Mɔ́ɔ lasɛ yuu ɓaaɓɛ kpang, ruu doo ka nɔng nandon.”

Rooma 12:9

Mɔ́ɔ kasɛ ruu zang nɛɛ sèé kpang. Vuu ɓɔɔ nɛɛ shi kpang, bɛ̃ɛ katɔ, mɔ́ɔ yiti ɓaa vuu ɓɔɔ tɔ̃ɔ gbãng gbãng ka yeti ɓaaɓɛ.

Rooma 14:19

Ka ruu nɔngkɔ, diki diki, rúu shing jĩng ka vuu ɓɔɔ shingnɛ zang ri nwang ka nyaa zɔɔ ɓɛɛ. Ruu ti yì zɔɔ naa kagn, ruu shing danggn gbãng gbãng.

1 Koranti 14:1

Ka ruu nɔngkɔ, nɔɔ shing jĩng ka zang kasɛnang gbãng gbãng. A nɔɔ ti shing jĩng nɛɛ yeti gbete, Suru Laa wu a nɔɔ naa ɓɔɔ nɔɔ palɛ shonang nɛɛ mani ka teteng zang ɓɔɔ ri dũng Laa ɓɛɛ. Nɔɔ shing jĩng, wu a nɔɔ naa, ɓɔɔ nɔɔ kɔɔ zang ruu ɓɔɔ a nɛɛ bii Laa ɓɛɛ kɔ gbãng gbãng.

1 Koranti 16:10

Timoti nɛɛ a tɔ ka nɔng manɛ, nɔɔ palɛ vuu naa ɓɔɔ wu tãa tĩnang ɓɛɛ. Ka ruu ɓɔɔ, pàlɛ́ Kpanti Kirisi doo shonang kɔ naa ɓɔɔ n palɛ ɓɛɛ.

1 Koranti 6:7

Niizang, naa nɔɔ ɓàarɛ́ zɔɔ nyaavaa, ruu zi kaa wukɔ nɛɛ nɔɔ palɛ vuu shi kpang tɔ. Naa zang palɛ mɔɔ vuu shi kpang, mɔɔ mã danggn wukɔ tɔ̃ɔ. Ɓa ɓɔɔ mɔɔ daa ɓaa zang nyaavaa katɔ. Naa zang mulu mɔɔ, a mɔɔ yaa ka nɔngkɔ gbã̀ágbãa, wukɔ tɔ̃ɔ.

Galati 6:10

Ka ruu nɔngkɔ, diki diki naa ɓɔɔ ruu zunung katɔ ɓɛɛ, ruu pàlɛ̀ zang piti tɔ̃ɔ. Ruu pàlɛ̀ manzung ɓuru ɓɔɔ ri shing danggn tɔ ka bii Laa kɔ tɔ̃ɔ gbãng gbãng.

Afisa 5:15

Ka ruu nɔngkɔ, nɔɔ gãng jĩng ka nwannang manɛ waasɛ̃. Nɔ́ɔ nwàng wu naa shoko kpang, nɔɔ nwáng naa zang ɓɔɔ ri zũng katɔ ɓɛɛ.

Afisa 5:33

Zang ráng nɔkɔ ruu keɓe jong. Varɛ ɓu wu kasɛ ɓeeso naa ɓɔɔ wu kasɛ yuu ɓiɓɛ ɓɛɛ, a soro ɓu wu seng ɓeevɛ katɔ.

1 Tesalonika 2:12

Ruu tusu nɔɔ vuu ɓɔɔ daa bii katɔ ɓɛɛ. Ruu mã nɔɔ danggn, ruu yi tĩng, ruu kɔɔ nɔɔ nɛɛ nɔɔ nwang zɔ̃ng nwannang ɓɔɔ shing Laa, Laa tãa tĩnang ɓɛɛ. Laa ɓɔɔ ɓáa nɔɔ nyaa nɛɛ nɔɔ naa nwang jong ka teteng zang ɓɔɔ wu nwang kpanti ɓarɛ ɓɛɛ, nɔɔ zi bannang ɓiɓɛ.

1 Tesalonika 5:21

Nɔɔ gãsɛ ruu piti ɓɔɔ wu kɔɔ ɓɛɛ katɔ. Nɔɔ palɛ vuu ɓɔɔ ɓi tɔ̃ɔ ɓɛɛ.

1 Timoti 6:11

A ɓɔɔ ɓaaɓɛ Timoti, ɓɔɔ mɔɔ ɓaa zang Laa ɓɛɛ, yaa vuu keɓe ɓaa nandon. Kãa ɓaa gbalang ɓɔɔ mɔɔ nwang zang tɔ̃ɔ ka tĩng Laa ɓɛɛ diki diki, zang ɓɔɔ dũng Laa niizang ɓɛɛ, zang ɓɔɔ shing danggn ka bii Laa ɓɛɛ, zang ɓɔɔ kasɛ zang katɔ ɓɛɛ, zang ɓɔɔ mã danggn dɔɔli ɓɛɛ, a ɓɔɔ zang ɓɔɔ pàlɛ́ zang tɔ̃ɔ ɓɛɛ.

2 Timoti 2:24

Zang ɓɔɔ pálɛ̀ Laa shonang wu hàa nyaa ɓi kpang. Wu nwáng ɓi zang ɓɔɔ palɛ zang piti tɔ̃ɔ ɓɛɛ. Wu ti nwáng zang tɔ̃ɔ ɓɔɔ tusu zang vuu, mã danggn katɔ ɓɛɛ.

Titu 3:2

Kɔɔ ri nɛɛ ri rang yee shi kpang ka yuu zang ɓɔɔ kpang. Ri nwang ka nyaa zɔɔ nɛɛ zang, ri yi wusang nɛɛ zang piti. Ri pálɛ̀ hakaka kpang.

Yahudi 12:14

Kãa gbalang mɔɔ nwang ka nyaa zɔɔ nɛɛ zang piti, mɔɔ ti nwang zang ɓɔɔ shi kpang, ka bii ɓaaɓɛ kpang ɓɛɛ. Naa mɔɔ nwàng zang ɓɔɔ shi kpang, ka bii ɓaaɓɛ kpang ɓɛɛ kpang, mɔɔ zi Laa kpang.

1 Bituru 1:22

Nɔɔ nwangsɛ vuu shi kpang ɓɔɔ ka yeti manɛ tɔ, ka ruu ɓɔɔ, nɔɔ dũng Ruu Laa ɓɛɛ. A nɔɔ ti kàsɛ̀ ruu zang ɓɔɔ ri dũng doo Laa kɔ kana niizang. Nɔɔ kàsɛ́ ruu zɔɔ nɔngkɔ gbãng gbãng, nɛɛ yeti manɛ nɛɛ kaka manɛ piti.

1 Bituru 2:17

Nɔ́ɔ a zang piti bannang katɔ. Nɔ́ɔ ti kàsɛ̀ ruu zang ɓɔɔ ri dũng doo Laa kɔ katɔ. Nɔ́ɔ kaa vɔrɔ Laa katɔ. Nɔ́ɔ ti a kpanti bannang katɔ.

1 Bituru 3:9

Zang ɓɔɔ nɛɛ pàlɛ̀ nɔɔ shi kpang, nɔ́ɔ ti palɛ ri doo shi kpang kɔ kpang. Zang ri nɛɛ dãa nɔɔ, nɔ́ɔ ti dãa ri jong kpang. Nɔɔ gàa ri manɛ Laa kɔ jong, wu pàlɛ̀ ri tɔ̃ɔ, ka ruu ɓɔɔ, Laa shɛ̃ɛrɛ nɔɔ nɛɛ wu pàlɛ́ nɔɔ tɔ̃ɔ ɓɛɛ.

3 Yɔhana 1:11

Masang ɓɔɔ n kasɛ mɔɔ dɔɔli ɓɛɛ, mɔ́ɔ màsɛ̀ zang ɓɔɔ ri palɛ vuu shi kpang, kpang. Màsɛ̀ zang ɓɔɔ ri pálɛ̀ vuu tɔ̃ɔ ɓɛɛ, zang ɓɔɔ palɛ vuu tɔ̃ɔ, wukɔ zang Laa. Zang ɓɔɔ pálɛ̀ vuu shi kpang, zi Laa nung ɓi gn kpang.

Vuu ɓɔɔ zang nwangsɛ Yɔhana 19:10

A n tang nɛɛ gutu ka tĩng ɓiɓɛ, n tɔɔ n bang wu kaa tɔ, a kɔɔ m tɔɔ, “Mɔ́ɔ palɛ vuu keɓe kpang tingkiring, ruu ɓuru zang shonang Laa nɛɛ mɔɔ, nɛɛ rɛɛ ɓaazung ɓɔɔ ri shing danggn tɔ, ka ruu ɓɔɔ niizang ɓɔɔ Yeesɔ tùsù ri ɓɛɛ. Báng ɓaa Laa.” Ka ruu ɓɔɔ, ruu niizang ɓɔɔ Yeesɔ nwangsɛ ruu, rɛɛ zang nyaa shonang Laa, ri walɛ ruu ɓɔɔ ri kɔɔrɔ zang ka wukɔ ɓɛɛ.

Vuu ɓɔɔ zang nwangsɛ Yɔhana 22:9

a kɔɔ m nɛɛ, “Mɔɔ palɛ vuu keɓe kpang tingkiring. Ruu ɓuru zang shonang Laa nɛɛ mɔɔ, naa rɛɛ ɓaazung ɓɔɔ ri zang nyaa shonang Laa ɓɛɛ, a ɓɔɔ zang kaɓa piti, ɓɔɔ ri dũng ruu ɓɔɔ zang bee ka labeenang keɓe ɓɛɛ. Bang ɓaa Laa.”