1 Tesalonika 5:14 - Nyaa Shɔɔ Ɓɔɔ Laa a Ɓɛɛ

¹⁴ Rɛɛ manzung ɓuru, ruu gaa nɔɔ, nɔɔ shaarɛ zang ɓɔɔ ri nwalɛ waati nyaa katɔ, nɔɔ mã zang ɓɔɔ ri yaa gn naa danggn pati nɔɔ yi zang ɓɔɔ ri lakɛ naa ka bii kpang naa ka bii, a nɔɔ ti mã danggn nɛɛ zang piti.

1 Tesalonika 5:14 ပူးပေါင်းရင်းမြစ်များ

Matiyu 12:20

Ti naa ka lagaa ɓɔɔ lang katɔ kpang. Ti naa ningsi waa zàáng sɔɔ ɓɔɔ ning kana kpang. Wu ti yi tĩng nɛɛ Ruu Laa sasak, zang piti ri zi ruu ɓɔɔ niizang nɛɛ mani.

Luka 22:32

Siman, n gàa mɔɔ Laa tɔ, ka ruu ɓɔɔ, mɔɔ nɛ̀ɛ́ yaa danggn shinnang ka n ɓɛɛ. Mɔɔ nɛɛ a tɔ ka bii mɛɛ tɔkn, mɔ́ɔ yi rɛɛ ɓaazung ɓɔɔ nɔɔ mantɛ vuu nɛɛ ri ka bìí mɛɛ ɓɛɛ naa ka bii, ri shing danggn waasɛ̃.”

Zang Shonang Yeesɔ 20:27

Ka ruu ɓɔɔ, n kɔɔ nɔɔ vuu ɓɔɔ Laa kasɛ ɓɛɛ tɔ nandon, n zárɛ̀ doo kpang ɓɛɛ.

Zang Shonang Yeesɔ 20:31

Nɔɔ gãng jĩng kagn, danggn wu ning nɔɔ naa ɓɔɔ ka saa taati, n yaa ɓɔɔ n mangkɛ zang ɓu kpang. N mangkɛ nɔɔ nɛɛ zĩi nɛɛ laagɛ̃ piti, nɛɛ miiri ka jĩng mɛɛ ɓɛɛ.

Zang Shonang Yeesɔ 20:35

N tusu nɔɔ ka vuu piti nɛɛ nɔɔ palɛ shonang gbãng gbãng naa weɓe, nɔ́ɔ yi zang ɓɔɔ ri lakɛ takpang naa ka bii. Danggn yee ɓɔɔ Kpanti Yeesɔ kɔɔ nɛɛ yuu ɓiɓɛ, wu ning nɔɔ kpang. Kɔɔyi tɔɔ, ‘Mɔɔ tã̀a tĩnang, ka ɓɔɔ mɔɔ a zang vuu, ɓa ɓɔɔ zang kɔ a mɔɔ jong katɔ.’ ”

Rooma 12:1

Rɛɛ manzung, ka ruu tɔ̃ɔ palɛnang Laa, ɓɔɔ Laa tusu ruu dɔɔli ɓɛɛ, n gaa nɔɔ katɔ gbãng gbãng. Nɔɔ a Laa yuu manɛ, naa vuu ɓɔɔ zang dɔɔ wu ɓɛɛ. Nɔɔ nɛɛ a wu yuu manɛ tɔ naa vuu vaa ɓɔɔ zang dɔɔ wu ɓɛɛ, a nɔɔ kaa doo ningkãari ɓɛɛ. Nɔɔ shing yuu manɛ kaa gbãng gbãng nɔɔ pàlɛ́ wu shonang ɓɔɔ shing wu, wu tãa tĩnang manɛ ɓɛɛ. Wee gbalang ɓɔɔ Laa kàsɛ̀ nɛɛ nɔɔ báng wu ɓɛɛ kɔ.

Rooma 14:1

Zang ɓɔɔ nɛɛ shing danggn doo rɛ̃rɛkɛ, nɔɔ ta wu katɔ ka teteng manɛ. Nɔ́ɔ laa nyaa kaa tɔ̀ɔ́ nɛɛ wu ka ruu vuu ɓɔɔ nɔɔ kasɛ nɛɛ wu palɛ, nɛɛ vuu ɓɔɔ wu kasɛ nɛɛ wu palɛ ɓɛɛ kpang.

1 Koranti 4:14

N bèé nɔɔ vuu keɓe nɛɛ, tɔ̀ɔ, yusɛ̃ɛ wu tuu nɔɔ kpang. N kasɛ nɛɛ n tusu nɔɔ m vuu kɔ jong, ka ruu ɓɔɔ, nɔɔ manɛ wujɛ mɛɛ ɓɔɔ n kasɛ ri katɔ ɓɛɛ.

1 Koranti 8:7

A kaa tɔ̀ɔ́ zang piti ri zi tɔ nɛɛ vaka ɓi vuu ɓɔɔ kpang, kpang. Zang ɓɔɔ kagn ɓɔɔ bii ĩi ri tɔ nɛɛ vaka. Kãntang ri zi ɓarɛ nɛɛ vuu shaanang kaɓa ɓi ɓɔɔ vaka. Ka ruu nɔngkɔ, naa ri shaa zɔ̃ng vuu shaanang kaɓa ri rɛ̃rɛ ɓarɛ nɛɛ vuu shaanang kaɓa shing ri, ri nwang zang shi kpang.

Galati 5:22

A Suru Laa shing zang ɓiri, zang wu kasɛ zang, zang wu tãa tĩnang, yeti zang wu valɛ katɔ, zang wu mã danggn, zang wu palɛ zang tɔ̃ɔ, zang wu pàlɛ̀ vuu ɓɔɔ tɔ̃ɔ ɓɛɛ, zang wu nwang zang ɓɔɔ zang shing danggn katɔ bii ɓiɓɛ.

Afisa 4:2

Nɔ́ɔ tuu yuu manɛ kpang, nɔ́ɔ palɛ vuu hakaka kpang, nɔ́ɔ ti mã danggn nɛɛ zɔɔ diki diki. Nɔɔ tusu zɔɔ naa ɓɔɔ nɔɔ kasɛ zɔɔ ɓɛɛ, ka naa ɓɔɔ nɔɔ yi zɔɔ naa ka bii ɓɛɛ.

Afisa 4:32

Nɔɔ pàlɛ̀ zang tɔ̃ɔ kɔ jong, gn zɔɔ wu ti kɔng nɔɔ katɔ. Nɔɔ yaa zɔɔ gbalang vuu shi kpang ɓɔɔ nɔɔ palɛ zɔɔ katɔ, naa ɓɔɔ Laa yàa nɔɔ gbalang nɛɛ bii Yeesɔ ɓɛɛ.

Kolosi 1:28

Ka ruu nɔngkɔ, ruu kɔɔ zang piti, ruu Yeesɔ Kirisi. Ruu shaarɛ zang piti nyaa, a ruu ti tusu ri nɛɛ zũnang ɓuru nandon, tɔ̀ɔ ruu atɛ zang ɓu ka tĩng Laa naa zang ɓɔɔ zũng danggn tɔ, ɓɔɔ ɓakɛ yuu tɔ nɛɛ Yeesɔ Kirisi ɓɛɛ.

2 Tesalonika 3:15

A nɔɔ palɛ wu kaa tɔ̀ɔ́ naa zang ɓɔɔ nɔɔ shing jĩng nɛɛ wu kpang, kpang. Nɔɔ shaarɛ wu nyaa katɔ kɔ jong naa ɓaazung.

1 Timoti 3:3

Wu zang ɓɔɔ ɓoo sàa kpang, wu zang ɓɔɔ gnvɔ ka yeti ɓiɓɛ dɔɔli kpang, gàa nyaa kpang, ti haa nyaa kpang. Wu ti zang ɓɔɔ kasɛ ruu saka dɔɔli kpang.

1 Timoti 6:11

A ɓɔɔ ɓaaɓɛ Timoti, ɓɔɔ mɔɔ ɓaa zang Laa ɓɛɛ, yaa vuu keɓe ɓaa nandon. Kãa ɓaa gbalang ɓɔɔ mɔɔ nwang zang tɔ̃ɔ ka tĩng Laa ɓɛɛ diki diki, zang ɓɔɔ dũng Laa niizang ɓɛɛ, zang ɓɔɔ shing danggn ka bii Laa ɓɛɛ, zang ɓɔɔ kasɛ zang katɔ ɓɛɛ, zang ɓɔɔ mã danggn dɔɔli ɓɛɛ, a ɓɔɔ zang ɓɔɔ pàlɛ́ zang tɔ̃ɔ ɓɛɛ.

2 Timoti 4:2

Kɔ̀ɔrɔ̀ zang Ruu Tɔ̃ɔ Laa, yi tĩng ɓaa ka kɔɔrɔnang, naa nɛɛ làá kɔɔnang, naa nɛɛ ti laa kɔɔnang kpang piti. Mangkɛ zang, mɔɔ ti mã̀ zang danggn. Mɔɔ mã danggn ka nɔng ɓɔɔ mɔɔ tusu zang vuu ɓɛɛ.

Titu 1:10

Ka ruu ɓɔɔ, zang dɔɔli nɛɛ zang ɓɔɔ ri yaa gbalang zang Yahudi dũnnang ri dũng kaa Laa, ri ta ruu niizang ɓɔɔ zang ɓɔɔ ri dũng Laa ri tusu ɓɛɛ kpang. Ri nwãarɛ zang ɓarɛ nɛɛ yee shoko ɓɔɔ ri rangkɛ ɓɛɛ.

Titu 1:6

Zang bang zang ɓɔɔ ri dũng Laa, wu nwang ɓi zang ɓɔɔ shi kpang ka bii ɓiɓɛ kpang ɓɛɛ. Soro ɓiɓɛ gbete kɔ nwani. Wujɛ ɓiɓɛ nandon, ri shing danggn tɔ ka bii Laa. Ri wu wujɛ ɓɔɔ palɛ vuu shi kpang, kpang, a ri ti tá shoo pɛɛrɛ kpang ɓɛɛ.

Yahudi 12:12

Ka ruu nɔngkɔ, nɔɔ tuuru naa manɛ kɔ tɛ̃ɛ ɓotok ɓi ta ka lapa, nɔɔ ti shiiri gutu manɛ ɓɔɔ lakɛ naa bii kpang ɓɛɛ ka ruu jĩng ɓɔɔ nɔɔ dang ɓɛɛ.

Yahudi 13:3

Danggn zang ɓɔɔ zang mã ri ka sãa, wu ning nɔɔ kpang, nɔɔ nwang naa nɔɔ doo ka sãa kɔ nɛɛ ri. Danggn wu ti ning nɔɔ zang ɓɔɔ zang dang ri jĩng ɓɛɛ kpang, ka ruu ɓɔɔ, nɔɔ tá doo bii kɔ ɓɛɛ.