1 Tesalonika 5:13 - Nyaa Shɔɔ Ɓɔɔ Laa a Ɓɛɛ

¹³ Nɔɔ seng ri katɔ dɔɔli, nɔɔ kasɛ ruu ɓarɛ katɔ, ka ruu shonang ɓɔɔ ri palɛ ɓɛɛ. Nɔɔ nwang ka nyaa zɔɔ waasɛ̃.

1 Tesalonika 5:13 ပူးပေါင်းရင်းမြစ်များ

Matiyu 10:40

“Zang ɓɔɔ ri nɛɛ tà nɔɔ, ri ta ɓi nkɔ. Zang ɓɔɔ nɛɛ tà m, ta ɓi zang ɓɔɔ shong m ɓɛɛ.

Maraku 9:50

“Tãa ɓi tɔ̃ɔ. Naa lanang tãa nɛɛ takpang, zang palɛ bɛɛ nɛɛ mani wu la tɔkn viya? Tãa ɓɔɔ shing zang, nɛɛ zang nwáng ka nyaa zɔɔ, wu nwang ka bii manɛ ning. Nɔɔ ti nwang ka nyaa zɔɔ nɛɛ zɔɔ.”

Yɔhana 15:17

Ka ruu ruu keɓe kɔ n dang nɔɔ nyaa nɛɛ nɔɔ yi tĩng ka ɓɔɔ, nɔɔ kasɛ ruu zɔɔ katɔ ɓɛɛ.

2 Koranti 13:11

Manzung ɓɔɔ ri dũng doo Laa kɔ ɓɛɛ, n di nyaa labeenang keɓe nɛɛ, “Laa wu nwang nɛɛ nɔɔ.” Nɔɔ palɛ vuu ɓɔɔ shingnɛ nɔɔ nwang nyaa kiiri ɓɛɛ, nɔ́ɔ ɓaa shoo ka vuu ɓɔɔ n kɔɔ nɔɔ ɓɛɛ, nyaa manɛ wu daa zɔɔ gbete, a nɔ́ɔ ti nwang ka nyaa zɔɔ. Laa ɓɔɔ kàsɛ̀ ruu zang katɔ, a ti shingnɛ zang ri nwáng ka nyaa zɔɔ, naa nwang ditɔ nɛɛ nɔɔ.

Galati 4:14

A nɔɔ bɛ̃ɛ m ka ɓɔɔ n kɔng vɔrɔ ɓɛɛ kpang. Kɔnang mɛɛ nwang naa vuu ɓɔɔ gãsɛ nɔɔ katɔ ɓɛɛ. Nɔɔ ta m katɔ kɔ jong naa ɓɔɔ nɔɔ nɛɛ tà zang nyaa shonang Laa ɓɔɔ ka lapa ɓɛɛ. Nɔɔ tá m naa nkɔ Yeesɔ Kirisi nɛɛ yuu ɓiɓɛ.

Galati 5:22

A Suru Laa shing zang ɓiri, zang wu kasɛ zang, zang wu tãa tĩnang, yeti zang wu valɛ katɔ, zang wu mã danggn, zang wu palɛ zang tɔ̃ɔ, zang wu pàlɛ̀ vuu ɓɔɔ tɔ̃ɔ ɓɛɛ, zang wu nwang zang ɓɔɔ zang shing danggn katɔ bii ɓiɓɛ.

Galati 6:6

Zang ɓɔɔ zang kpɛ̃̀ɛrɛ́ wu ruu gbalang Laa dũnnang, wu basɛ vuu tɔ̃ɔ ɓɔɔ ka naa ɓiɓɛ nɛɛ zang ɓɔɔ kpɛ̃ɛrɛ wu ɓɛɛ.

Afisa 4:3

Nɔɔ pálɛ́ vuu ɓɔɔ nɔɔ zunung katɔ piti, nɔ́ɔ shingnɛ yuu kpalɛnang ɓɔɔ Suru Laa shing nɔɔ nɛɛ nɔ́ɔ kpalɛ, wu tántɛ̀ kpang. Nɔɔ ɓakɛ yuu gbete ka nwannang ɓɔɔ nɔɔ nwang ka nyaa zɔɔ ɓɛɛ.

Kolosi 3:15

Yeti valɛnang ɓɔɔ Yeesɔ Kirisi a zang, wukɔ wu nwang ka yeti manɛ gbãng gbãng. Ka ruu ɓɔɔ, Laa ɓaa nɔɔ nyaa nɛɛ nɔɔ nwang bii gbete, tɔ̀ɔ, wu a nɔɔ yeti valabm keɓe kɔ ɓɛɛ. Nɔ́ɔ ti zãa wu katɔ.

1 Tesalonika 5:14

Rɛɛ manzung ɓuru, ruu gaa nɔɔ, nɔɔ shaarɛ zang ɓɔɔ ri nwalɛ waati nyaa katɔ, nɔɔ mã zang ɓɔɔ ri yaa gn naa danggn pati nɔɔ yi zang ɓɔɔ ri lakɛ naa ka bii kpang naa ka bii, a nɔɔ ti mã danggn nɛɛ zang piti.

2 Tesalonika 3:16

Ruu gaa Laa ɓɔɔ wukɔ shing yeti ɓuru wu valɛ ɓɛɛ, wu shingnɛ yeti manɛ wu valɛ katɔ diki diki, naa ka gbalang kiya piti. Kpanti ɓuru wu nwang nɛɛ nɔɔ nandon.

2 Timoti 2:22

Yaa vuu ɓɔɔ bii jasang kasɛ ɓɛɛ, mɔɔ kãa ɓaa gbalang ɓɔɔ mɔɔ nwang tɔ̃ɔ ka tĩng Laa ɓɛɛ, mɔɔ shing danggn ka bii Laa. Mɔ́ɔ kasɛ ruu zang ɓɔɔ ri dũng dòo Laa kɔ ɓɛɛ. Mɔ́ɔ nwang ka nyaa zɔɔ nɛɛ ri. Palɛ vuu keɓe nɔng gbete nɛɛ zang ɓɔɔ ri dũng Laa nɛɛ yeti gbete ɓɛɛ.

Yahudi 12:14

Kãa gbalang mɔɔ nwang ka nyaa zɔɔ nɛɛ zang piti, mɔɔ ti nwang zang ɓɔɔ shi kpang, ka bii ɓaaɓɛ kpang ɓɛɛ. Naa mɔɔ nwàng zang ɓɔɔ shi kpang, ka bii ɓaaɓɛ kpang ɓɛɛ kpang, mɔɔ zi Laa kpang.

Yakubu 3:18

Zang ɓɔɔ ri kasɛ nɛɛ zang ri nwang ka nyaa zɔɔ, ri pálɛ́ vuu ɓɔɔ tɔ̃ɔ ɓɛɛ, tɔɔ ri shing zang, zang ri nwang kaa nyaa zɔɔ.