1 Tesalonika 5:12 - Nyaa Shɔɔ Ɓɔɔ Laa a Ɓɛɛ

¹² Rɛɛ manzung ɓuru, ruu gaa nɔɔ, nɔ́ɔ seng zang ɓɔɔ ri palɛ shonang ka teteng manɛ waasɛ̃. Zang ɓɔɔ rikɔ sɔ̀ɔ́ nɔɔ ɓɔɔ nɔɔ dũng Laa ɓɛɛ tĩng, a ri ti tusu nɔɔ vuu, nɛɛ tɔ̀ɔ nɔɔ palɛ vuu shi kpang, kpang ɓɛɛ.

1 Tesalonika 5:12 ပူးပေါင်းရင်းမြစ်များ

Luka 10:7

Nɔɔ nwang ka gãa gbete kaɓa kɔ, nɔ́ɔ shaa vuu, nɔ́ɔ ti ɓoo mii ɓoonang ɓɔɔ ri a nɔɔ ɓɛɛ. Ka ruu ɓɔɔ, zang sɔ̀ɔrɔ́ zang shonang doo ɓi katɔ ɓɛɛ. Nɔ́ɔ dɔ̃sɔ gãa kpang.

Yɔhana 4:38

N shong nɔɔ nɛɛ nɔɔ daa yee vuu ka jaa ɓɔɔ wu nɔkɔ lang kpang ɓɛɛ. Zang ɓɔɔgn ri langnɛ, nɔɔ wàlɛ́ vuu shaanang manɛ kaa nɔng ɓɔɔ ri pálɛ̀ shonang ɓɛɛ.”

Zang Shonang Yeesɔ 20:28

Nɔɔ gãng jĩng ka yuu manɛ nɛɛ zang ɓɔɔ Suru Laa, a ri nɔɔ ka naa ɓɛɛ waasɛ̃. Nɔɔ nwang jagãng zang ɓɔɔ ri dũng Laa, ɓɔɔ ri nwàng ka ruu ɓɔɔ, wu hoo ri nɛɛ zĩi Jaa ɓiɓɛ ɓɛɛ.

Zang Shonang Yeesɔ 20:35

N tusu nɔɔ ka vuu piti nɛɛ nɔɔ palɛ shonang gbãng gbãng naa weɓe, nɔ́ɔ yi zang ɓɔɔ ri lakɛ takpang naa ka bii. Danggn yee ɓɔɔ Kpanti Yeesɔ kɔɔ nɛɛ yuu ɓiɓɛ, wu ning nɔɔ kpang. Kɔɔyi tɔɔ, ‘Mɔɔ tã̀a tĩnang, ka ɓɔɔ mɔɔ a zang vuu, ɓa ɓɔɔ zang kɔ a mɔɔ jong katɔ.’ ”

Rooma 16:12

Nɔɔ jèe m rɛɛ Tarafina nɛɛ Tarafusa nyaa. Ri pàlɛ́ Laa doo shonang kɔ. Nɔ́ɔ ti jèe masang Barasisa ɓɔɔ n kasɛ wu dɔɔli ɓɛɛ nyaa. Ɓi jaa soro ɓɔɔ pálɛ́ shonang Kpanti Yeesɔ tɔ dɔɔli ɓɛɛ.

Rooma 16:6

Nɔɔ jèe Marayamu ɓɔɔ palɛ shonang tɔ gbãng gbãng ka ruu manɛ ɓɛɛ, nyaa.

1 Koranti 12:28

Ka teteng zang ɓɔɔ ri dũng Laa ɓɛɛ, Laa kɔɔyi, nɛɛ zang ɓu wu nwangnɛ, shonang ɓiɓɛ kagn. Gaayu zɔ̃ngkɔ zang ɓɔɔ nɛɛ ri nwang zang shonang Yeesɔ Kirisi. A naa zɔ̃ngkɔ zang ɓɔɔ nɛɛ ri kɔɔ zang ruu ɓɔɔ Laa tusu ri ɓɛɛ. Ri ɓang knti zang tĩng. A zɔ̃ngkɔ zang ɓɔɔ nɛɛ ri màsɛ̀ zang kɔnang, ri ɓang knti. Zɔ̃ngkɔ zang ɓɔɔ nɛɛ ri yi zang naa ka bii. Nɛɛ zang ɓɔɔ ri nwang ɓarɛ zang bang ɓɔɔ ri yiti zang ɓɛɛ. A zang ɓɔɔ ri rang yee nɛɛ nyaa zang ɓɔɔ ri kpɛ̃ɛrɛ katɔ kpang nɛɛ náa ɓɔɔ Suru Laa a ri ɓɛɛ.

1 Koranti 15:10

A gn mɛɛ naa kɔng Laa. Ka ruu tɔ̃ɔ ɓɔɔ wu palɛ zang, palɛ m tɔ̃ɔ, a shing m n raa zang ɓɔɔ nɔɔ zi m kãntang keɓe. Tɔ̃ɔ ɓɔɔ wu palɛ m, wu waati kpang. Nwáng vuu tɔ̃ɔ tɔ, ka ruu ɓɔɔ, n palɛ shonang nɛɛ kaka mɛɛ, n ɓa zang shonang ɓɔɔ nimbang nandon ɓɛɛ. N palɛ vuu keɓe wu nɛɛ yuu mɛɛ kpang, ɓi tɔ̃ɔ ɓiɓɛ ɓɔɔ ka bii mɛɛ palɛ.

1 Koranti 16:16

N gaa nɔɔ katɔ, nɔɔ a zang ɓɔɔ naa weɓe bannang katɔ. Nɔɔ ti seng zang ɓɔɔ ri palɛ shonang nɛɛ ri katɔ.

1 Koranti 16:18

Ri mã m danggn tɔ naa ɓɔɔ ri mã nɔɔ tɔ ɓɛɛ. Zang ɓɔɔ naa weɓe daa naa ɓɔɔ nɔɔ seng ri tɔ.

1 Koranti 3:9

Wee ruu ziti ɓee, ruu kpalɛ yuu ɓuru nɛɛ Laa ruu palɛ shonang. Nɔɔ manɛ kaa jaa ɓɔɔ Laa lang ɓɛɛ. Nɔɔ manɛ naa gãa ɓɔɔ Laa mãa ɓɛɛ.

2 Koranti 11:23

Ri zang ɓɔɔ palɛ Yeesɔ Kirisi shonang ya? N palɛ Yeesɔ shonang, n ɓa ri katɔ. N rang yee naa zang shoko. N palɛ shonang tɔ gbãng gbãng, n ɓa ri katɔ. Zang mã m ka sãa doo dɔɔli ɓa ri katɔ, zang nyɔ m tɔ nɛɛ gbãa dɔɔli, ɓa ɓɔɔ ɓarɛ katɔ. A zang yàarɛ́ m nung vɔrɔ gbete diki diki.

2 Koranti 5:9

Ruu kasɛ, naa ruu doo ka bii keɓe, naa ruu doo ka lapa, ruu palɛ vuu ɓɔɔ shing wu, wu tãa tĩnang ɓɛɛ.

2 Koranti 6:1

Ka shonang kɔ ruu pálɛ̀ ka nyaa zɔɔ nɛɛ Laa ɓee, ruu gàa nɔɔ ɓɔɔ Laa pàlɛ̀ nɔɔ tɔ̃ɔ tɔ ɓɛɛ, wu nwàng naa pàlɛ̀ nɔɔ ka dalɛ waati kpang.

Galati 4:11

Vuu kɔ nɔɔ palɛ ɓee, shing tɔ n káa kaa vɔrɔ. Mɔɔ kɔɔ nɛɛ shonang ɓɔɔ n pálɛ̀ ka ruu manɛ shàarɛ̀ tɔ waati.

Filipi 2:16

Tɔ̀ɔ, nɔ́ɔ ti kɔɔ zang ruu ɓɔɔ a zang suru bii ɓɛɛ. Naa nɔɔ palɛ nɔngkɔ, ka diki ɓɔɔ Yeesɔ Kirisi naa gbãayu, n naa tãa tĩnang, ka ruu ɓɔɔ, n naa zi kaa wukɔ nɛɛ n nyɔ bii ka nɔng shonang ka dalɛ waati kpang ɓɛɛ.

Filipi 2:19

Naa Kpanti Yeesɔ nɛɛ kasɛ tɔ, n tantɛ Timoti shɔɔnang ditɔ ka bii manɛ. Tɔ̀ɔ, nɛɛ gbãayu tɔ ka bii mɛɛ, ruu manɛ ɓɔɔ wu naa kɔɔ m, wu mã m danggn kati.

Kolosi 1:29

Ka ruu vuu keɓe kɔ, n palɛ shonang, n kòngnɛ nɛɛ kaka ɓɔɔ ka bii mɛɛ nandon, ɓɔɔ Kirisi a m, ɓɔɔ palɛ shonang ka bii mɛɛ ɓɛɛ.

1 Tesalonika 2:9

Rɛɛ manzung, n tɔɔ n kpàá nɔɔ danggn. Nɔɔ zi naa ɓɔɔ ruu palɛ shonang dɔɔli tɔ. Ruu pálɛ́ shonang nɛɛ zĩi nɛɛ laagɛ̃, ruu walɛ vuu shaanang ɓuru, tɔ̀ɔ ruu kpãa nɔɔ kaa takpang, ka ɓɔɔ ruu kɔɔ nɔɔ Ruu Tɔ̃ɔ ɓɔɔ ka yuu Laa ɓɛɛ.

1 Tesalonika 4:1

Ka ruu nɔngkɔ, rɛɛ manzung, n gisi nɔɔ ruu nɛɛ, nɔɔ kpɛ̃ɛrɛ naa ɓɔɔ nɔɔ nwang nɛɛ Laa wu tãa tĩnang manɛ tɔ ka bii ɓuru, a nɔɔ ti nwang kana nɔngkɔ kãntang. A ruu gaa nɔɔ nɛɛ nung Kpanti Yeesɔ Kirisi nɛɛ nɔɔ nɛɛ nwang nɔngkɔ sasak.

1 Tesalonika 5:14

Rɛɛ manzung ɓuru, ruu gaa nɔɔ, nɔɔ shaarɛ zang ɓɔɔ ri nwalɛ waati nyaa katɔ, nɔɔ mã zang ɓɔɔ ri yaa gn naa danggn pati nɔɔ yi zang ɓɔɔ ri lakɛ naa ka bii kpang naa ka bii, a nɔɔ ti mã danggn nɛɛ zang piti.

1 Timoti 5:1

Mɔɔ mangkɛ zang bang kpang. Rang wu yee naa ɓɔɔ mɔɔ rang daa ɓaaɓɛ ɓɛɛ. Palɛ rɛɛ jasang naa ɓɔɔ mɔɔ palɛ rɛɛ jaa nàá ɓaaɓɛ ɓɔɔ wujaa ɓɛɛ.

1 Timoti 5:20

Zang ɓɔɔ ri nɛɛ palɛ vuu shi kpang, mangkɛ ri ka jĩng zang piti. Tɔ̀ɔ, zang nimbang ri kaa vɔrɔ kati.

2 Timoti 2:6

Zang ɓɔɔ lang jaa, ɓɔɔ palɛ shonang gbãng gbãng, zang wu a wukɔ vuu shaanang ɓɔɔ zang walɛ ka jaa, shɔɔnang.

Titu 1:3

Ka ɓɔɔ diki a tɔ teetee Laa nwangsɛ rùu ruu suru bii keɓe, ka yeti yee ɓiɓɛ. Laa ɓɔɔ wukɔ ta yuu ɓuru, a m ruu keɓe, a kɔɔ m nɛɛ n kɔɔrɔ zang.

Titu 1:5

N yaa mɔɔ ka tipi Karita n tɔɔ, mɔɔ hangsɛ vuu ɓɔɔ ruu palɛ, ruu yaa nyaa ka gbalang ɓɛɛ waasɛ̃. A mɔɔ ti zɔ̃ngkɔ zang bang ka Gãa Laa ka gari gari, naa ɓɔɔ n kɔɔ mɔɔ ɓɛɛ.

Titu 2:15

Tusu zang vuu keɓe. Pálɛ́ shonang nɛɛ naa vuu palɛnang ɓaaɓɛ nandon, mɔ́ɔ mã̀ zang ɓaaɓɛ danggn. Mɔɔ ti mangkɛ ri. Mɔɔ yaa zang ɓɔɔ wu risi mɔɔ naa vĩi kpang.

Yahudi 13:17

Nɔɔ ɓaa shoo ka nyaa rɛɛ zang bang manɛ, nɔɔ palɛ vuu ɓɔɔ ri kɔɔ nɔɔ ɓɛɛ. Ka ruu ɓɔɔ, rikɔ gãng jĩng ka nɔɔ ɓɛɛ, ri ti naa kɔɔ Laa naa ɓɔɔ ri yiti nɔɔ ditɔ ɓɛɛ. Ri pálɛ́ shonang keɓe nɛɛ tĩnang tãanang, wu nɛɛ yeti lasɛnang kpang. Ka ruu ɓɔɔ, naa ri palɛ nɔngkɔ, nwàng nɔɔ vuu ɓɔɔ kpang ɓɛɛ.

Yahudi 13:7

Danggn wu ning nɔɔ zang bang manɛ ɓɔɔ ri ràng nɔɔ yee Laa ɓɛɛ kpang. Nɔɔ pɛ̃́ɛrɛ́ vuu ɓɔɔ nwannang ɓarɛ nwàng ri ɓɛɛ, nɔɔ màsɛ̀ danggn shinnang ɓarɛ.

Vuu ɓɔɔ zang nwangsɛ Yɔhana 1:20

Zirɛ, rɛɛ sang manziti kɔ n yiti ka naa ɓee, nɛɛ rɛɛ vuu manziti ɓɔɔ zang shĩili waa zàáng sɔɔ kagn, ɓɔɔ zang palɛ ri nɛɛ zinariya ɓɛɛ. N kaaɓi n nwangsɛ mɔɔ dĩiri rɛɛ vuu keɓe. Rɛɛ sang manziti keɓe, ɓi rɛɛ zang nyaa shonang Laa, ɓɔɔ ri ka lapa, ɓɔɔ ri gãng jĩng, ka rɛɛ Gãa Laa manziti kaɓa ɓɛɛ. Vuu manziti ɓɔɔ zang shĩili waa zàáng sɔɔ kagn kaɓa, ɓi kaa rɛɛ Gãa Laa bìí, nɛɛ yuu ɓarɛ.”

Vuu ɓɔɔ zang nwangsɛ Yɔhana 2:12

A kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Pagamu ɓɛɛ ruu keɓe, mɔɔ kɔɔ wu nɛɛ, Wee ruu ɓɔɔ nwang nɛɛ nyaa zang ɓɔɔ yere bang ɓiɓɛ kagn nyaa ɓiɓɛ ziti, wɔng katɔ kɔ nandon ɓɛɛ.

Vuu ɓɔɔ zang nwangsɛ Yɔhana 2:18

A kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Tayatira ɓɛɛ ruu keɓe, mɔɔ kɔɔ wu nɛɛ: Wee ruu ɓɔɔ nwang nɛɛ nyaa Jaa Laa, ɓɔɔ jĩng ɓiɓɛ yakɛ nɔng naa nyɛlɛ waa ɓɛɛ, doo ɓiɓɛ kɔlɔ naa saka ɓɔɔ zang ɓaa nɛɛ tagula ɓɔɔ zang mɔlɔ bii ɓiɓɛ nɛɛ waa ɓɛɛ.

Vuu ɓɔɔ zang nwangsɛ Yɔhana 2:3

N zi tɔ nɔɔ mã danggn tɔ, nɔɔ dang jĩng tɔ dɔɔli, ka ruu nung mɛɛ, a nɔɔ ti yaa gn naa kpang.

Vuu ɓɔɔ zang nwangsɛ Yɔhana 2:8

A kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Simina ruu keɓe, mɔɔ kɔɔ wu nɛɛ, Wee ruu ɓɔɔ nwang nɛɛ nyaa zang ɓɔɔ wukɔ ka tĩng shɔɔnang wukɔ ti waa nyaa knti ɓɛɛ, ɓɔɔ vɔrɛ, a yupaa tɔkn ningkãari ɓɛɛ.

Vuu ɓɔɔ zang nwangsɛ Yɔhana 3:1

Zang kaɓa kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Sadisu ɓɛɛ ruu keɓe, mɔɔ kɔɔ wu nɛɛ, Wee ruu ɓɔɔ nwang nɛɛ nyaa zang ɓɔɔ yiti rɛɛ Suru Laa manziti nɛɛ sang manziti ka naa ɓɛɛ. N zi shonang ɓɔɔ nɔɔ palɛ ɓɛɛ tɔ. Zang zi nɔɔ naa nɔɔ ningkãari, a ɓeekpang nɔɔ vɔlɔ manɛ katɔ.

Vuu ɓɔɔ zang nwangsɛ Yɔhana 3:14

A zang kaɓa kɔɔ tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Lawodikiya ɓɛɛ ruu keɓe, mɔɔ kɔɔ wu nɛɛ: Wee ruu ɓɔɔ nwang nɛɛ nyaa zang ɓɔɔ zang ɓaa wu nɛɛ, Wu nwang ta nɔngkɔ ɓɛɛ. Zang ɓɔɔ kɔ̀ɔ́ ɓi ruu ɓɔɔ niizang diki diki, ɓɔɔ ti palɛ vuu ɓɔɔ wu kɔɔ ɓɛɛ katɔ ɓɛɛ. Laa ti mã́arɛ̀ vuu piti nɛɛ bii ɓiɓɛ kɔ.

Vuu ɓɔɔ zang nwangsɛ Yɔhana 3:7

A kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Filadifiya ɓɛɛ ruu keɓe, mɔɔ kɔɔ wu nɛɛ: Wee ruu ɓɔɔ nwang nɛɛ nyaa zang ɓɔɔ shi kpang ɓi ka bii ɓiɓɛ kpang, zang ɓɔɔ wu ɓi niizang ɓɛɛ. Wukɔ yiti shɔng saka nyaa gãa ɓɔɔ bɛ̀ɛ́ Dawuda yiti ɓɛɛ. Nɛɛ puu nyaa gãa tɔ, zang ɓɔɔ zunung kunang kagn kpang, nɛɛ ti ku tɔ, zang ɓɔɔ zunung puunang kagn kpang.