1 Tesalonika 5:11 - Nyaa Shɔɔ Ɓɔɔ Laa a Ɓɛɛ

¹¹ Ka ruu nɔngkɔ, nɔɔ mã zɔɔ danggn, nɔɔ yi zɔɔ naa ka bii. Nɔɔ shing danggn kaa gbãng gbãng naa wee nɔɔ palɛ ɓee.

1 Tesalonika 5:11 ပူးပေါင်းရင်းမြစ်များ

Rooma 14:19

Ka ruu nɔngkɔ, diki diki, rúu shing jĩng ka vuu ɓɔɔ shingnɛ zang ri nwang ka nyaa zɔɔ ɓɛɛ. Ruu ti yì zɔɔ naa kagn, ruu shing danggn gbãng gbãng.

Rooma 15:14

Manzung ɓɔɔ ri dũng doo Laa kɔ ɓɛɛ, n nɛɛ yuu mɛɛ n zi tɔ, nɔɔ palɛ tɔ̃ɔ dɔɔli. Nɔɔ ti zi vuu ɓɔɔ nɔɔ palɛ tɔ nandon. Nɔɔ zunung naa ɓɔɔ nɔɔ tusu zɔɔ vuu tɔ.

Rooma 15:2

Zang ɓu wu pàlɛ̀ ɓeezung ɓɔɔ dũng doo Laa kɔ, vuu ɓɔɔ shing wu tãa tĩnang ɓɛɛ, wu ti shing wu, wu zũng danggn.

1 Koranti 10:23

Nɔɔ kɔɔrɔ nɛɛ, zang zãa nɔɔ vuu ɓɔɔ kagn gbete kpang. Niizang, zang zãa nɔɔ vuu ɓɔɔ kagn gbete kpang, a wu kaa tɔ̀ɔ́ vuu piti yǐ zang naa ka bii kpang. Niizang, zang zãa nɔɔ vuu ɓɔɔ kpang, a vuu kaa gn ɓɔɔ ri shíng zang, zang ri shíi nɛɛ kaka ka vuu Kpanti Yeesɔ Kirisi kpang ɓɛɛ.

1 Koranti 14:12

Ka ruu nɔngkɔ, n kɔ̀ɔ́ nɔɔ, wee nɔɔ shing jĩng ka vuu ɓɔɔ Suru Laa alɛ zang ɓee. Nɔɔ shing jĩng ka vuu ɓɔɔ nɔɔ naa yi zang ɓɔɔ ri dũng Laa naa nɛɛ mani ka bii kɔ gbãng gbãng. Tɔ̀ɔ, ri shii kaa nɛɛ kaka kɔ sasak.

1 Koranti 14:29

Zang ɓɔɔ ri kɔɔ zang vuu ɓɔɔ Laa tusu ri, ri nɛɛ ka nɔng ri ziti kɔ taati ri rang yee. Zang ɓɔɔ nimbang ri rɛ̃̀rɛ̀ ɓarɛ kaa tɔ waasɛ̃ ka yuu ruu ɓɔɔ zang kaɓa ri kɔɔ ɓɛɛ.

1 Koranti 14:5

N kasɛ nɛɛ Suru Laa wu a zang ɓu naa wu kɔɔ ruu nɛɛ nyaa ɓɔɔ wu kpɛ̃ɛrɛ katɔ kpang ɓɛɛ. Naa nɔɔ kɔɔrɔ zang ruu ɓɔɔ a nɛɛ bii Laa, n kàsɛ̀ wukɔ gbãng gbãng. Zang ɓɔɔ kɔɔrɔ zang ruu ɓɔɔ a nɛɛ bii Laa ɓa zang ɓɔɔ rang yee nɛɛ nyaa ɓɔɔ wu kpɛ̃ɛrɛ katɔ kpang katɔ. Zang ɓɔɔ nɛɛ kagn ɓɔɔ nwàngsɛ́ zang ɓɔɔ ri dũng Laa dĩiri ruu bii kpang ɓɛɛ.

2 Koranti 12:19

Nɔɔ rɛ̃rɛ manɛ ɓu nɛɛ, ruu tɔɔ ruu ta yuu ɓuru ka tĩng manɛ ya? Manzung ɓuru, ɓɔɔ ruu kasɛ nɔɔ dɔɔli ɓɛɛ, ruu ráng nɔɔ yee ka tĩng Laa, wee ruu ɓakɛ yuu tɔ nɛɛ Kirisi ɓee. A vuu piti ɓɔɔ ruu palɛ ɓɛɛ, ruu palɛ nɛɛ tɔɔ ruu yi nɔɔ naa ka bii.

Afisa 4:12

Pálɛ̀ vuu keɓe nɛɛ tɔ̀ɔ zang ɓɔɔ ri dũng Laa ri kpalɛ bii ka ruu shonang ɓɔɔ ri naa shòng zang ɓɛɛ. Tɔ̀ɔ ri shingnɛ, zang ɓɔɔ ri shing danggn tɔ ka bii Yeesɔ Kirisi, ri zũng danggn kati.

Afisa 4:16

Yeesɔ Kirisi kɔ zang bang zang ɓɔɔ ri dũng wu, ɓɔɔ ri nwang kaa naa bii ɓiɓɛ ɓɛɛ. Bii keɓe, Yeesɔ kɔ yiti nɔng gbete, a shing vuu ɓɔɔ ka bii piti ri palɛ shonang tɔ̃ɔ tɔ̃ɔ. Ka ɓɔɔ bii keɓe bangkɛ, wu lakɛ ka naa ɓɔɔ ri kasɛ ruu zɔɔ ɓɛɛ.

Afisa 4:29

Nɔ́ɔ rangkɛ yee sãnsãnrãng takpang. Nɔɔ ráng kaa yee ɓɔɔ yi zang naa katɔ ka bii ɓɛɛ, zɔ̃ng yee ɓɔɔ shing zang, zang bangnɛ ka doo vuu ɓɔɔ zang kasɛ ɓɛɛ. Tɔ̀ɔ, vuu ɓɔɔ mɔɔ kɔɔ ɓɛɛ wu nwàng zang ɓɔɔ ri tãa mɔɔ vuu tɔ̃ɔ kati.

1 Tesalonika 4:10

A nɔɔ ti tusu naa ɓɔɔ nɔɔ kasɛ rɛɛ ɓaazung ɓɔɔ ri dũng doo Laa kɔ ka Makidoniya ɓɛɛ tɔ. Ka ruu nɔngkɔ, rɛɛ manzung ɓuru, ruu gaa nɔɔ nɛɛ nɔɔ palɛ nɔngkɔ sasak.

1 Tesalonika 4:18

Ka ruu nɔngkɔ, nɔɔ mã zɔɔ danggn nɛɛ ruu keɓe.

1 Timoti 1:4

Mɔ́ɔ kɔ̀ɔ ri nɛɛ ri suukãng waati ka nɔng ruu gbãagbãa kɔɔrɔnang, nɛɛ nɔng ɓɔɔ ri gã zɔ̃ng rɛɛ dabang ɓarɛ ɓɛɛ kpang. Vuu keɓe shing ɓi nyaa laanang waati. Shingnɛ ruu zi vuu tɔ̃ɔ ɓɔɔ Laa mang ka yuu ɓuru nɛɛ ruu walɛ ɓɛɛ kpang. Danggn ɓɔɔ ri shing ka bii ɓiɓɛ kɔ tusu vuu keɓe shɛ̃ɛning.

Yahudi 10:25

Ruu yaa nɔɔ yuu kpalɛnang nɛɛ zɔɔ kpang, naa ɓɔɔ zang ɓɔɔ ri kɔng bii yaarɛnang ɓɛɛ. Ruu mã nɔɔ zɔɔ danggn ruu ti mã nɔɔ zɔɔ kaa gbãng gbãng, ka wee ruu zi tɔ, diki ɓɔɔ Yeesɔ gbãayu kagn, a naabm kana ɓee.

Yahudi 3:13

Nɔɔ mã zɔɔ danggn katɔ kɔ jong diki diki, tɔɔ vuu shi kpang wu shing zang ɓɔɔ kaa tɔ̀ɔ́ ka teteng manɛ wu taarɛ yuu kpang, ka laa ɓɔɔ nɔɔ doo ningkãari kɔ, zang ɓaa nɛɛ “Lɛɛkɔ” ɓee.

2 Bituru 1:12

Ka ruu nɔngkɔ, n kpàarɛ́ nɔɔ danggn rɛɛ vuu keɓe dòo nɛɛ mani ka wee nɔɔ zi ri tɔ, a nɔɔ ti shii tɔ gbãng gbãng ka yuu ruu niizang kɔ nɔɔ ta ɓee.

Yahuza 1:20

Rɛɛ masang ɓɔɔ manɛ, nɔɔ pálɛ́ vuu ɓɔɔ shingnɛ nɔɔ daa manɛ nɛɛ tĩng kɔ jong ka danggn kɔ nɔɔ shing ka bii Laa ɓee. Suru Laa wu a nɔɔ naa, nɔɔ gaa Laa.