1 Tesalonika 5:10 - Nyaa Shɔɔ Ɓɔɔ Laa a Ɓɛɛ

¹⁰ Yeesɔ vɔ ka ruu ɓuru nɛɛ tɔ̀ɔ, ruu nwang kaa nɔng gbete nɛɛ wu, naa ruu doo ningkãari, kɔ́ ruu vɔlɔ katɔ, ka diki ɓɔɔ wu a kagn ɓɛɛ.

1 Tesalonika 5:10 ပူးပေါင်းရင်းမြစ်များ

Matiyu 20:28

Naa ɓɔɔ n Jaa Shɔnzang n arɛ, nɛɛ zang shong m shonang kpang, n arɛ nɛɛ n shong m zang kɔ jong, n ti mãlɛ́ bii mɛɛ ka ruu zang dɔɔli nɛɛ tɔɔ n ta yuu ɓarɛ.”

Yɔhana 10:11

“Nkɔ jagãng ɓɔɔ tɔ̃ɔ ɓɛɛ. Jagãng ɓɔɔ tɔ̃ɔ mãlɛ́ yuu ɓiɓɛ ka ruu mɛ̀ɛrɛ́ ɓiɓɛ.

Yɔhana 10:17

“Daa kasɛ ruu mɛɛ, ka ruu ɓɔɔ, n kasɛ tɔ nɛɛ, n mãlɛ́ yuu mɛɛ ɓɛɛ. Tɔ̀ɔ, zang naa wisi m paa tɔkn.

Yɔhana 15:13

Zang kasɛnang ɓɔɔ ɓa ɓɔɔ zang wu a yuu ɓiɓɛ, nɛɛ zang nyɔ wu vɔrɔ ka ruu rɛɛ ɓeesang kagn kpang.

Rooma 8:34

Ɓu wi dɔ̌ng ri ruu wiya? Ɓi Yeesɔ Kirisi ɓɔɔ vɔrɛ, Laa wisi wu paa nɛɛ saa. Nwang ka nakn Laa. Wukɔ ti bàkɛ́ Laa ka ruu ɓuru.

1 Koranti 15:3

N kɔɔ nɔɔ Ruu Tɔ̃ɔ keɓe tɔ ka tĩng, ɓɔɔ Yeesɔ Kirisi kɔɔ m ka tĩng ɓɛɛ. Ruu Tɔ̃ɔ keɓe ɓa vuu piti katɔ, Ruu Tɔ̃ɔ keɓe, kɔɔ ruu nɛɛ Kirisi vɔ ka ruu vuu shi kpang ɓɔɔ ruu palɛ ɓɛɛ. Naa ɓɔɔ zang bée ka yeti labeenang Laa ka tĩng tɛ̃ɛ tɛ̃ɛ nɛɛ wu naa palɛ ɓɛɛ.

2 Koranti 5:15

Vɔ ka ruu zang piti, tɔ̀ɔ, zang ɓɔɔ ri doo ningkãari ri nwàng tɔ̀ɔ́, nwannang yuu ɓarɛ kpang. Ri nwang ɓarɛ kaa nwannang zang ɓɔɔ vɔrɛ, a zang wisi wu paa tɔkn ningkãari ka ruu ɓarɛ ɓɛɛ.

2 Koranti 5:21

Yeesɔ Kirisi palɛ vuu shi kpang ɓi gngn kpang, a ka ruu ɓuru, Laa risi wu naa zang ɓɔɔ pálɛ̀ vuu shi kpang ɓɛɛ. A ka ruu vuu keɓe kɔ, yuu ɓɔɔ ruu ɓakɛ nɛɛ Yeesɔ Kirisi shingnɛ, ruu nwàng zang tɔ̃ɔ ka tĩng Laa.

Afisa 5:2

Nɔɔ nwáng nwannang zɔɔ kasɛnang, naa ɓɔɔ Yeesɔ Kirisi kasɛ ruu ɓuru, a á yuu ɓiɓɛ nɛɛ zang nyɔ wu vɔrɔ ka ruu ɓuru ɓɛɛ. Suru bii ɓiɓɛ keɓe, ɓɔɔ wu a Laa, nwang kaa naa vuu ɓɔɔ á sɛ̃ɛ tɔ̃ɔ, ɓɔɔ zang dɔ̀ɔ́ Laa, a shingnɛ Laa tãa tĩnang ɓɛɛ.

1 Tesalonika 4:13

Rɛɛ manzung ɓuru, ruu kasɛ nɛɛ nɔɔ zi vuu ɓɔɔ niizang ka yuu zang ɓɔɔ ri vɔlɔ tɔ ɓɛɛ. Tɔ̀ɔ, nɔɔ lasɛ yeti kaa tɔ̀ɔ́ sasak naa zang ɓɔɔ ri shing gn ka bii Laa kpang ɓɛɛ, ri lasɛ yeti ɓɛɛ kpang.

1 Tesalonika 4:15

Vuu kɔ ruu tusu nɔɔ ɓee, ɓi vuu ɓɔɔ Laa tusu ɓɛɛ nɛɛ, ka diki ɓɔɔ Kpanti Yeesɔ naa gbãayu, ɓɔɔ ruu doo ningkãari ka diki kaɓa, rukɔ daa ka bii ɓiɓɛ shɔɔnang, ruu yaa zang ɓɔɔ ri vɔlɔ tɔ ɓɛɛ kpang.

1 Tesalonika 4:17

Tɔ̀ɔ, ɓɔɔ ruu doo ningkãari ka diki kaɓa, Laa naa sèé ruu, daa kaa nɛɛ ruu ka yeti sãmbong, wu daa lapa nɛɛ ruu. Ruu daa kpisi kpanti Yeesɔ yuu ka lapa. Ruu nwáng kaa nɛɛ Kpanti sasak.

1 Tesalonika 5:6

Ka ruu nɔngkɔ, ruu gãng nɔɔ jĩng, rúu nwàng naa zang ɓɔɔ kpang. Ruu nwang nɔɔ ningkãari, ruu yiti yuu ɓuru waasɛ̃.

1 Timoti 2:6

Wukɔ a yuu ɓiɓɛ, nɛɛ tɔ̀ɔ, wu ta yuu shɔnzang nandon. A yuu ɓiɓɛ teetee ka laa ɓɔɔ bɛ̀ɛ́ Laa kasɛ nɛɛ wu ta yuu zang piti kagn ɓɛɛ.

2 Timoti 2:11

Ruu keɓe niizang kɔ nwani. Zang kɔɔyi nɛɛ, Ruu nɛɛ vɔ tɔ nɛɛ wu, Ruu ti naa nwang ditɔ ningkãari nɛɛ wu.

Titu 2:14

Yeesɔ a yuu ɓiɓɛ ka ruu ɓuru nɛɛ wu ta ruu nɛɛ naa vuu shi kpang nandon. Wu shing ruu, ruu nwang zang ɓiɓɛ kɔ bm gbete. Wu shing rùu rúu nwang zang ɓɔɔ ri kpalɛ bii tɔ, nɛɛ ri palɛ vuu ɓɔɔ tɔ̃ɔ ɓɛɛ.

1 Bituru 2:24

Yeesɔ ta vuu shi kpang ɓuru ɓɔɔ ruu palɛ ɓɛɛ ka yuu ɓiɓɛ, ka ɓɔɔ zang ɓaa wu naa ka laa ɓɛɛ. Nɛɛ tɔ̀ɔ, ruu yi tĩng tɔ̀ɔ́ nɛɛ vuu shi kpang palɛnang kpang. Ruu nwángnɛ́ ruu pálɛ́ kaa vuu tɔ̃ɔ. Kɔnang ɓuru valɛ tɔ nandon, ka ruu nyaa vuu waa ɓɔɔ zang shĩili wu ka bii ɓɛɛ.

1 Bituru 3:18

Yeesɔ Kirisi nɛɛ yuu ɓiɓɛ dàng jĩng, ka ruu vuu shi kpang ɓuru a hangsɛ shonang keɓe doo gbete. Zang ɓɔɔ ɓi zang tɔ̃ɔ ka tĩng Laa, vɔ ka ruu zang ɓɔɔ ri palɛ ɓarɛ vuu ɓɔɔ daa bii kpang ɓɛɛ. Nɛɛ tɔ̀ɔ, wu atɛ ruu ka bii Laa. Zang ri nyɔ wu vɔrɔ, a Laa wisi wu paa nɛɛ sàa tɔkn.