1 Tesalonika 4:9 - Nyaa Shɔɔ Ɓɔɔ Laa a Ɓɛɛ

⁹ Ka ruu naa ɓɔɔ nɔɔ kasɛ rɛɛ ɓaazung ɓɔɔ ri dũng doo Laa kɔ ɓɛɛ, daa naa ɓɔɔ ruu bee labeenang ka yuu ruu keɓe kpang. Ka ruu ɓɔɔ, nɔɔ nɛɛ yuu manɛ, Laa tusu nɔɔ naa ɓɔɔ nɔɔ kasɛ zɔɔ tɔ ɓɛɛ.

1 Tesalonika 4:9 ပူးပေါင်းရင်းမြစ်များ

Matiyu 22:39

Ɓɔɔ ɓàng doo ɓiɓɛ, ɓi weɓe. ‘Kàsɛ̀ zang ɓɔɔ mɔɔ nwalɛ nɛɛ ri doo naa ɓɔɔ mɔɔ kasɛ bii ɓaaɓɛ kɔ.’

Yɔhana 14:26

Suru Laa ɓɔɔ Daa naa shong wu ka nung mɛɛ, naa tusu nɔɔ vuu ditɔ nandon. Wu ti kpaa nɔɔ danggn vuu ɓɔɔ n kɔ̀ɔ nɔɔ ɓɛɛ nandon.

Zang Shonang Yeesɔ 4:32

Zang ɓɔɔ ri shing danggn tɔ nandon, yeti ɓarɛ gbete. Zang ɓɔɔ tɔɔ kpang nɛɛ vuu naa ɓiɓɛ, ɓi ɓɔ̀ɔ́ ɓiɓɛ ka bm kpang. Ri basɛ vuu ka naa ɓarɛ nɛɛ zɔɔ ri nandon.

Rooma 12:10

Nɔɔ kasɛ ruu zɔɔ gbãng gbãng, ka ruu ɓɔɔ, nɔɔ kaa gbete ka gbalang Kirisi ɓɛɛ. Nɔ́ɔ zarɛ bii ka nɔng ɓɔɔ nɔɔ a zɔɔ bannang kpang.

2 Koranti 9:1

Dàa naa ɓɔɔ n bèé nɔɔ labeenang tɔ̀ɔ́ sasak, ka yuu vuu ɓɔɔ zang kpalɛ zang ɓɔɔ ri dũng doo Laa kɔ, ɓɔɔ ri ka tipi Yahudi ɓɛɛ kpang.

Filipi 3:15

Wee naa ɓɔɔ rùu ɓɔɔ rùu tɔ̀ɔ́ wujɛ ka rɛɛ vuu Suru Laa kpang, rùu rɛ̃rɛ ɓɛɛ kɔ. Naa zang ɓɔɔ kagn teteng manɛ rɛ̃rɛ náabm̀, Laa naa tusu nɔɔ ditɔ nɔɔ zi waasɛ̃.

1 Tesalonika 5:1

Daa naa ɓɔɔ n bee nɔɔ labeenang ka yuu diki ɓɔɔ Kpanti Yeesɔ naa gbãa yuu kagn ɓɛɛ kpang.

Yahudi 10:16

“Laa kɔɔyi nɛɛ, wee nyaa ɓɔɔ n naa mã nɛɛ ri ka knti rɛɛ diki kaɓa kɔ. N naa shing nyaa dannang mɛɛ ka yeti ɓarɛ, a n beere ka ɓoro ɓarɛ”.

Yahudi 13:1

Nɔɔ yi tĩng nɛɛ zɔɔ kasɛnang, wee nɔɔ manzung zɔɔ ka gbalang Laa dũnnang ɓee.

1 Bituru 3:8

N hangsɛ nɔɔ nyaa ruu kaa nɛɛ ruu keɓe. Nɔɔ nandon nyaa manɛ wu daa gbete, gn zɔɔ wu kɔng nɔɔ katɔ, nɔɔ kasɛ ruu zang ɓɔɔ ri dũng doo Laa kɔ katɔ, ka ruu ɓɔɔ ri ɓarɛ rɛɛ ɓaazung ɓɛɛ. Nɔ́ɔ ti pàlɛ̀ zɔɔ tɔ̃ɔ katɔ, a nɔ́ɔ ti lakɛ jĩng kpang.

1 Bituru 4:8

Nɔɔ kasɛ ruu zɔɔ katɔ gbãng gbãng nɛɛ yeti manɛ nandon, wukɔ ɓa vuu piti. Ka ruu ɓɔɔ, naa nɔɔ kasɛ ruu zang, nɔɔ yaa ri gbalang vuu shi kpang ɓɔɔ ri pàlɛ̀ nɔɔ dɔɔli ɓɛɛ katɔ.

2 Bituru 1:7

Nɔɔ pàlɛ̀ zɔɔ tɔ̃ɔ, naa nɔɔ jaa nàá gbete, ka yuu nwannang keɓe. Nɔɔ ti kasɛ zang piti.

1 Yɔhana 2:10

Zang ɓɔɔ kasɛ ruu ɓeezung katɔ, nwàng ɓi ka nɔng ɓɔɔ yakɛ katɔ ɓɛɛ. Vuu ɓɔɔ shing zang, zang palɛ vuu shi kpang, ɓi ka bii ɓiɓɛ kpang.

1 Yɔhana 3:11

Wee ruu ɓɔɔ nɔɔ tãa ka tĩng shɔɔnang kɔ, nɛɛ ruu kasɛ ruu zɔɔ katɔ.

1 Yɔhana 3:23

Laa dang nyaa tɔ nɛɛ ruu shing danggn ka bii Jaa ɓiɓɛ Yeesɔ Kirisi. Nɛɛ ruu ti kasɛ ruu zɔɔ katɔ naa ɓɔɔ wu dang ruu nyaa ɓɛɛ.

1 Yɔhana 4:21

Kirisi dang ruu nyaa tɔ nɛɛ, zang ɓɔɔ kasɛ Ruu Laa, wu ti kasɛ ruu ɓeezung jong.