1 Tesalonika 4:8 - Nyaa Shɔɔ Ɓɔɔ Laa a Ɓɛɛ

⁸ Ka ruu nɔngkɔ, naa zang ɓɔɔ bɛ̃ɛ vuu kɔ ruu tusu ɓee, bɛ̃ɛ ɓi shɔnzang kpang, bɛ̃ɛ ɓi Laa ɓɔɔ a ruu Suru ɓiɓɛ ɓɛɛ.

1 Tesalonika 4:8 ပူးပေါင်းရင်းမြစ်များ

Luka 10:16

A kɔɔ zang ɓɔɔ ri mantɛ vuu ka bii ɓiɓɛ tɔɔ, “Zang ɓɔɔ nɛɛ ɓaa shoo ka nyaa manɛ, ɓaa shoo ka nyaa mɛɛ kɔ. Zang ɓɔɔ nɛɛ ti bɛ̃ɛ nɔɔ bɛ̃ɛ ɓi nkɔ. Zang ɓɔɔ nɛɛ ti bɛ̃ɛ m, bɛ̃ɛ ɓi zang ɓɔɔ shong m ɓɛɛ.”

Yɔhana 12:48

Zang ɓɔɔ nɛɛ bɛ̃ɛ m, nɛɛ ti ta ruu mɛɛ kpang, zang ɓɔɔ dɔng wu ruu kagn. Ruu mɛɛ ɓɔɔ n kɔɔ ɓɛɛ, wukɔ naa dɔng wu ruu ka diki ɓɔɔ koo waa nyaa ɓɛɛ.

Zang Shonang Yeesɔ 13:41

“ ‘Nɔɔ zirɛ, ɓɔɔ nɔɔ zang ɓɔɔ nɔɔ kpaa zang ɓɛɛ. Nɔɔ zi vuu ɓɔɔ zang zirɛ zang mã naa ka danggn ɓɛɛ, nɔɔ ti vɔlɔ. Ka ruu ɓɔɔ, vuu ɓɔɔ n palɛ ka diki manɛ keɓe, ɓi vuu ɓɔɔ naa zang ɓɔɔ kɔɔ nɔɔ doori nɔɔ shing danggn kagn kpang ɓɛɛ.’ ”

Rooma 5:5

Ruu nɛɛ yaa gn naa kpang, yusɛ̃ɛ tuu ruu kpang, ka ruu ɓɔɔ, Laa shìng ruu zɔ̃ng zang kasɛnang ɓiɓɛ tɔ, ka yeti ɓuru nɛɛ bii Suru ɓiɓɛ ɓɔɔ wu a ruu ɓɛɛ.

1 Koranti 2:10

Laa nwangsɛ rukɔ vuu keɓe nɛɛ naa Suru ɓiɓɛ. Suru Laa zi yeti vuu tɔ nandon dɔ̃ɔ gbete, ti zili rɛɛ vuu ɓɔɔ Laa mang ka yeti ɓiɓɛ tɔ.

1 Koranti 7:40

Ɓɔɔ n zi ka yeti mɛɛ, naa jaa soro kaɓa gee varɛ ɓɔɔ kpang, tãa tĩnang ɓa ɓɔɔ wu nɛɛ gee varɛ ɓɔɔgn katɔ. N zi tɔ, Suru Laa kɔ tusu m vuu kɔ n kɔɔ ɓee.

2 Koranti 1:22

Shing vuu ka bii ɓuru, tɔ̀ɔ, zang ri zi kaa gn nɛɛ rùu ɓɔɔ ɓiɓɛ. A á ruu Suru ɓiɓɛ tɔ ka yeti, tɔ̀ɔ, ruu zi kaa gn nɛɛ naa á ruu vuu ɓɔɔ wu shing ruu katɔ ɓɛɛ ditɔ nandon.

Galati 4:6

Ka ruu ɓɔɔ, nɔɔ wujɛ ɓiɓɛ, Laa shong nyaa nɛɛ Suru Jaa ɓiɓɛ, nɛɛ wu nwang ka yeti manɛ. Suru ɓɔɔ kaarɛ nyaa nɛɛ, “Daa mɛɛ, Daa mɛɛ,” ɓɛɛ.

1 Bituru 1:12

A Laa tusu ri nɛɛ ri pàlɛ́ ɓi yuu ɓarɛ shonang kpang, ri pàlɛ́ ɓi nɔkɔ. Kãntang keɓe, zang ɓɔɔ ri kɔ̀ɔrɔ̀ nɔɔ Ruu Laa, ri kɔɔ nɔɔ rɛɛ vuu keɓe tɔ, naa ɓɔɔ Suru Laa ɓɔɔ à nɛɛ lapa a ri naa ɓɛɛ. Zang nyaa shonang Laa ɓɔɔ ri ka lapa, ri kasɛ nɛɛ ri zi rɛɛ vuu keɓe jong.

2 Bituru 1:21

Ruu ɓɔɔ rɛɛ zang nyaa shonang ri kɔɔyi nwang ɓi nɛɛ rɛ̃rɛnang shɔnzang kpang. Ɓi Suru Laa kɔ a zang naa, wu ti shing zang, zang kɔɔ ruu ɓɔɔ a nɛɛ bii Laa ɓɛɛ.

1 Yɔhana 3:24

Zang ɓɔɔ nɛɛ ɓaa shoo ka nyaa ɓɔɔ Laa dangnɛ wukɔ nwàng ɓi nɛɛ Laa. Laa ti nwàng nɛɛ wu. Ruu zirɛ nɛɛ Laa nwàng nɛɛ ruu, ka suru bii ɓɔɔ wu a ruu ɓɛɛ.

Yahuza 1:8

Zang kɔ n rang yee ka yuu ɓarɛ ɓee, doo nɔngkɔ. Ri rɔ̃kɔ rɔ̃kɔnang ɓɔɔ shing ri, ri pàlɛ́ bii ɓarɛ vuu shi kpang. Ri tá nyaa ɓɔɔ Laa dang ɓɛɛ, a ri ti dãlɛ zang nyaa shonang Laa ɓɔɔ ri ka lapa ɓɛɛ.