1 Tesalonika 4:7 - Nyaa Shɔɔ Ɓɔɔ Laa a Ɓɛɛ

⁷ Laa ɓaa ruu nyaa nɛɛ ruu naa nwang ka yeti dũndũng palɛnang kpang, nɛɛ ruu nwang ɓuru naa ɓɔɔ wu kasɛ ɓɛɛ.

1 Tesalonika 4:7 ပူးပေါင်းရင်းမြစ်များ

Rooma 1:7

Ka ruu nɔngkɔ, n bèé nɔɔ nandon laa keɓe, ɓɔɔ nɔɔ ka gari Rooma, ɓɔɔ Laa kasɛ ruu manɛ katɔ, a zɔ̃ngkɔ nɔɔ nɛɛ nɔ́ɔ naa nwang zang ɓiɓɛ ɓɛɛ. Daa ɓuru Laa nɛɛ, Kpanti ɓuru Yeesɔ Kirisi ri yi nɔɔ naa ka bii, a ri ti shing yeti manɛ ri valɛ katɔ.

1 Koranti 1:2

Ruu bèé zang ɓɔɔ ri dũng Laa, ɓɔɔ ri ka Koranti ɓɔɔ nɔɔ shing danggn tɔ ka bii Yeesɔ Kirisi ɓɛɛ. Laa zɔ̃ngkɔ nɔɔ nɛɛ nɔ́ɔ nwang zang ɓiɓɛ nɛɛ tɔɔ, nɔ́ɔ arɛ nɔ́ɔ nwang naa zang piti ɓɔɔ ri a nɛɛ dalɛ koo piti ɓɔɔ ri ɓaarɛ nung Kpanti ɓuru Yeesɔ Kirisi, ɓɔɔ wukɔ Kpanti ɓuru nɛɛ ri ɓɛɛ.

Galati 5:19

Vuu ɓɔɔ bii shɔnzang pálɛ̀, waasɛ bii ɓi katɔ kpang. Vuu keɓe ɓi rooronang nɛɛ wujɛ soro, nɛɛ sãnsãnrãng, nɛɛ dũndũng palɛnang.

Afisa 1:4

Ɓɔɔ bɛ̀ɛ́ Laa mã́a koo gn kpang, zɔ̃ngkɔ ruu tɔ nɛɛ ruu nwang ɓɔɔ ɓiɓɛ, ka ɓɔɔ ruu shing danggn ka bii Yeesɔ Kirisi ɓɛɛ. Tɔ̀ɔ, ruu nwang zang ɓiɓɛ ɓɔɔ shi kpang ka bii ɓuru kpang ɓɛɛ ka tĩng ɓiɓɛ, ka ruu ɓɔɔ kasɛ ruu katɔ ɓɛɛ.

Afisa 2:10

Laa kɔ mãa ruu, ka yuu ɓɔɔ ruu ɓakɛ nɛɛ Yeesɔ Kirisi, nɛɛ ruu nwang nwannang ɓɔɔ ruu palɛ shonang ɓɔɔ tɔ̃ɔ, ɓɔɔ Laa kpàlɛ̀ ruu bii, doo ka tĩng, nɛɛ ruu naa palɛ ɓɛɛ.

Afisa 4:1

Ka ruu nɔngkɔ, ǹ ɓɔɔ, zang mã m ka sãa ka ruu ɓɔɔ ǹ palɛ Kpanti Yeesɔ shonang ɓɛɛ, n kɔ̀ɔ́ nɔɔ, nɔɔ nwang nwannang ɓɔɔ daa naa nyaa ɓaanang ɓɔɔ Laa ɓàa nɔɔ ɓɛɛ.

Afisa 4:19

Yusɛ̃ɛ tuu ri takpang tingkiring. Ri shing yuu ɓarɛ ɓi kaa vuu shi kpang palɛnang. Ri palɛ zɔ̃ng vuu sãnsãnrãng nandon, ri làabìi vuu ɓɔɔ bii ɓarɛ kasɛ ɓɛɛ palɛnang.

1 Tesalonika 2:3

Ka ɓɔɔ ruu kãa gbalang nɛɛ nɔɔ ta Ruu Tɔ̃ɔ Laa, ruu sùu nɔɔ sèé kpang. Ruu mang vuu shi kpang kagn yeti ɓuru ka yuu manɛ kpang. Ruu ti tɔɔ kpang nɛɛ ruu nwãarɛ zang ɓɔɔ kpang.

2 Timoti 1:9

Wukɔ ɓàa ruu nyaa, a tà yuu ɓuru, nɛɛ ruu nwang nwannang tɔ̃ɔ. Wu ka ruu vuu ɓɔɔ ruu pálɛ̀ ɓɛɛ kpang, ɓi ka ruu tɔ̃ɔ ɓɔɔ wu mang ka yeti ɓiɓɛ ɓɛɛ. Laa pàlɛ̀ ruu tɔ̃ɔ ɓiɓɛ nɛɛ bii Yeesɔ Kirisi bɛ̀ɛ́ zang mãa koo gn kpang.

Yahudi 12:14

Kãa gbalang mɔɔ nwang ka nyaa zɔɔ nɛɛ zang piti, mɔɔ ti nwang zang ɓɔɔ shi kpang, ka bii ɓaaɓɛ kpang ɓɛɛ. Naa mɔɔ nwàng zang ɓɔɔ shi kpang, ka bii ɓaaɓɛ kpang ɓɛɛ kpang, mɔɔ zi Laa kpang.

2 Bituru 2:10

Jĩng dannang keɓe naa a ka bii zang ɓɔɔ ri palɛ vuu shi kpang ka naa ɓɔɔ bii ɓarɛ kasɛ ɓɛɛ. A ri ti bɛ̃ɛ naa vuu palɛnang Laa katɔ ɓɛɛ. Maalang ɓɔɔ ri tusu zang vuu sèé keɓe, ri kaa vɔrɔ vuu ɓɔɔ kpang, ri tuu yuu ɓarɛ dɔɔli. Ri ti kaa vɔrɔ ruu shi kpang kɔɔrɔnang ka yuu zang bang bang ɓɔɔ ri ka tĩng Laa ka lapa, ɓɔɔ zang a ri bannang katɔ ɓɛɛ kpang. Ri dãlɛ ri ɓarɛ katɔ kɔ jong.