1 Tesalonika 4:6 - Nyaa Shɔɔ Ɓɔɔ Laa a Ɓɛɛ

⁶ Wu roo nɛɛ soro ɓeezung kpang tingkiring. Naa rooyi, pàlɛ́ ɓeezung vuu shi kpang, ti shaa wu katɔ. Ruu kɔ̀ɔ ruu keɓe tɔ ka tĩng, a ruu shaarɛ nɔɔ nyaa gbãng gbãng nɛɛ Kpanti Laa naa dang zang ɓɔɔ ri palɛ vuu keɓe jĩng katɔ.

1 Tesalonika 4:6 ပူးပေါင်းရင်းမြစ်များ

Maraku 10:19

Mɔɔ zi nyaa ɓɔɔ Laa dang ɓɛɛ tɔ, Laa tɔɔ, “Mɔɔ nyɔ zang vɔrɔ kpang, mɔɔ palɛ vuu dũndũng kpang, mɔɔ ɓɔ̀ɔ́ shɔngɓɔ kpang, mɔɔ suu sèé ka yuu zang ɓɔɔ kpang, mɔɔ mulu zang kpang. Ɓaa shoo ka nyaa daaɓɛ nɛɛ ɓɔɔ naaɓɛ tɔ̃ɔ tɔ̃ɔ.”

Luka 12:5

N tusu nɔɔ zang ɓɔɔ nɔɔ kaa vɔrɔ ɓiɓɛ katɔ. Nɔɔ kaa vɔrɔ Laa ɓɔɔ nɛɛ nyɔ gãmpãng bii tɔ, zunung ɓɔɔ wu tasɛ ka waa katɔ ɓɛɛ. Niizang n kɔɔ nɔɔ, nɔɔ kaa vɔrɔ ɓiɓɛ kɔ.

Luka 16:28

Jaa nàá mɛɛ zang varɛ kagn maani, wu daa shaarɛ ri nyaa, ka ruu ɓɔɔ, ri nɛ̀ɛ́ a jong ka nɔng jĩng dannang keɓe ɓɛɛ.’

Rooma 1:18

Gnvɔ Laa tusu bii tɔ nɛɛ lapa, ka yuu zang piti ɓɔɔ ri palɛ vuu shi kpang, nɛɛ zang ɓɔɔ yeti ɓarɛ shi kpang, ɓɔɔ ri kasɛ nɛɛ zang zi vuu ɓɔɔ niizang ka yuu Laa kpang, nɛɛ yeti shi kpang ɓarɛ ɓɛɛ.

Rooma 12:19

Manzung, nɔɔ wàa pãng kpang, nɔɔ yàa Laa kɔ jong, wu wàa nɔɔ pãng. Laa kɔɔ ka yeti labeenang ɓiɓɛ tɔɔ, “Nkɔ waa pãng, n shing ri, ri dang jĩng jong.”

Rooma 13:4

Ka ruu ɓɔɔ, zang bang ɓi jaafoo Laa ɓɛɛ. Pálɛ̀ shonang, nɛɛ tɔ̀ɔ wu yi mɔɔ naa kaa bii. Mɔɔ nɛɛ pálɛ̀ vuu shi kpang, mɔɔ ka vɔrɔ ɓiɓɛ katɔ, ka ruu ɓɔɔ, zang a wu bannang ka dalɛ waati kpang ɓɛɛ. Ɓi zang shonang Laa, jɛ̃ɛ zang ruu ka nung ɓɔɔ Laa nɛ̀ɛ́ jɛ̃ɛ zang ɓɛɛ. Wu dàng zang ɓɔɔ ri palɛ vuu shi kpang jĩng.

2 Koranti 7:11

Nɔɔ zi vuu ɓɔɔ yeti lasɛnang keɓe ɓɔɔ Laa kasɛ nɔɔ nɛɛ mani, pàlɛ̀ nɔɔ ɓɛɛ ta. Naa ɓɔɔ nɔɔ làabìi, nɔɔ zɔ̃ng yuu manɛ ɓɛɛ. Yeti manɛ lasɛ tɔ ka yuu vuu ɓɔɔ palɛ ɓɛɛ, a nɔɔ ti kaa vɔrɔ vuu ɓɔɔ naa a ka tĩng ɓɛɛ. Shing nɔɔ, nɔɔ kasɛ m zinang katɔ gbãng gbãng, a nɔɔ kasɛ nɛɛ nɔɔ ta m nyaa, nɔɔ dang zang ɓɔɔ palɛ m vuu shi kpang jĩng. Ka vuu kɔ palɛ ɓee nandon, nɔɔ tusu yuu manɛ nɛɛ ruu manɛ hãa ɓi kagn kpang.

Galati 5:21

Ri shing jĩng ka vuu zɔɔ, ri ɓoo sàa, sàa palɛ ri, a ri gaarɛ zɔɔ ri shaa vuu shaanang dɔɔli nɛɛ rɛɛ zɔ̃ng vuu ɓɔɔ naa weɓe dɔɔli. N shaarɛ nɔɔ nyaa kãntang keɓe naa ɓɔɔ n shaarɛ nɔɔ tɔ ka tĩng ɓɛɛ, zang ɓɔɔ ri palɛ zɔ̃ng vuu keɓe, ri daa nɔng ɓɔɔ Laa roo kpanti kpang.

Afisa 4:17

N kɔɔ vuu keɓe nɛɛ nung Kpanti Yeesɔ, n ti shaarɛ nɔɔ nyaa. Nɔ́ɔ nwàng nwannang manɛ tɔ̀ɔ́ naa zang ɓɔɔ ri zi Laa kpang, kpang. Zang ɓɔɔ rɛ̃rɛnang ɓarɛ daa naa ɓi kpang tɔ̃ɔri ɓɛɛ.

Afisa 4:28

Zang ɓɔɔ bɛ̀ɛ́ shɔngɓɔ wu yaa vuu ɓɔɔnang ta, wu gaayu shonang ɓɔɔ tɔ̃ɔ palɛnang ta nɛɛ naa ɓiɓɛ. Tɔ̀ɔ, wu walɛ vuu ɓɔɔ wu yi zang ɓɔɔ vuu ka naa ɓarɛ kpang naa ka bii.

Afisa 5:6

Zang ɓɔɔ wu nwãarɛ nɔɔ nɛɛ nyaa shoko kpang. Ɓi ka ruu rɛɛ vuu shi kpang keɓe kɔ, gnvɔ shaa Laa nɛɛ zang ɓɔɔ ri dũng nyaa ɓiɓɛ kpang ɓɛɛ.

1 Tesalonika 2:11

Nɔɔ zi tɔ ruu palɛ zang ɓu ka teteng manɛ naa ɓɔɔ dáa palɛ wujɛ ɓiɓɛ ɓɛɛ.

2 Tesalonika 1:8

Naa nwang nyaa nɛɛ waa ɓɔɔ shaa katɔ ɓɛɛ, wu dang zang ɓɔɔ ri bɛ̃ɛ Laa katɔ jĩng, nɛɛ zang ɓɔɔ ri dũng Ruu Tɔ̃ɔ ɓɔɔ ka yuu Kpanti ɓuru Yeesɔ kpang ɓɛɛ.

Yahudi 13:4

Zang piti ɓɔɔ ri gee zɔɔ tɔ, ri seng zɔɔ katɔ, a zang ɓɔɔ ri gee zɔɔ tɔ, ri yaasɛ zɔɔ gn naa kpang. Ka ruu ɓɔɔ, Laa naa dɔng zang ɓɔɔ ri palɛ dũndũng nɛɛ zang ɓɔɔ ri rooro nɛɛ soro zang, ruu katɔ ɓɛɛ.

Yahudi 2:6

A zang ɓɔɔ kɔɔ kagn ka nɔng ɓɔɔ, ka yeti labeenang Laa tɔɔ, “Shɔnzang ɓu viya? A mɔɔ rɛ̃rɛ ka yuu ɓiɓɛ wiya? A jaa shɔnzang ɓɔɔ mɔɔ gãng jĩng ka wu ɓɛɛ, ɓu viya?

Yakubu 2:6

Nɔɔ risi zang ɓɔɔ ri zang ying kpang naa vĩi. Wu zang ying kɔ ri dang nɔɔ jĩng kpang ya? Wu rikɔ ɓaa nɔɔ nyaavaa kpang ya?

Yakubu 5:4

Nɔɔ shu zang ɓɔɔ kpalɛ vuu shaanang manɛ ɓɔɔ ka jaa manɛ kpang. Ka ruu nɔngkɔ, ri kaa Kpanti Laa nyavɔ kana, a Laa ɓɔɔ mãa vuu piti, ti tãa nyavɔ ɓarɛ tɔ.