1 Tesalonika 4:5 - Nyaa Shɔɔ Ɓɔɔ Laa a Ɓɛɛ

⁵ Wu ka gbalang dũndũng palɛnang kpang, naa zang ɓɔɔ ri zi Laa kpang ɓɛɛ.

1 Tesalonika 4:5 ပူးပေါင်းရင်းမြစ်များ

Matiyu 6:32

Ɓi zang ɓɔɔ ri dũng Laa kpang kɔ, ri shing jĩng ka vuu keɓe. A Daa manɛ ɓɔɔ ka lapa zi tɔ nɛɛ nɔɔ kasɛ vuu keɓe katɔ piti.

Luka 12:30

Zang ɓɔɔ ri dũ̀ng Laa kpang ka koo keɓe, ri shing jĩng ka vuu keɓe kɔ. Daa manɛ zi ɓi tɔ nɛɛ nɔɔ kasɛ veɓe katɔ.

Zang Shonang Yeesɔ 17:23

Ka ruu ɓɔɔ, ɓɔɔ n tɛɛ ka yeti gari manɛ n pɛ̃́ɛrɛ̀ rɛɛ nɔng ɓɔɔ nɔɔ bang vuu gãnti manɛ kagn, n zi nɔng ɓɔɔ nɔɔ dɔ̀ɔ́ vuu gãnti manɛ vuu kagn, ɓɔɔ gbete zang bee vuu ka bii ɓiɓɛ nɛɛ, ‘Ɓɔ̀ɔ́ Laa ɓɔɔ ruu zi wu nung kpang ɓɛɛ.’ Vuu ɓɔɔ nɔɔ bang wu, nɔɔ ti zi wu nung kpang keɓe, n kɔ̀ɔ́ nɔɔ ruu ka yuu ɓiɓɛ kɔ.

Rooma 1:24

Ka ruu ɓɔɔ, shɔnzang ri shoko nɔngkɔ, Laa yaa ri, ri palɛ vuu ɓɔɔ sãnsãnrãng ɓɔɔ yeti ɓarɛ kasɛ ɓɛɛ. A ri pálɛ̀ vuu yusɛ̃ɛ nɛɛ zɔɔ.

Rooma 1:26

Ka ruu nɔngkɔ, Laa yaa ri nɛɛ ri palɛ vuu yusɛ̃ɛ ɓɔɔ yeti ɓarɛ kasɛ ɓɛɛ. Zang soro ɓarɛ ri yaa roonang nɛɛ zang varɛ, ri rooro kaa nɛɛ zang soro kɔ doori. Vuu ɓɔɔ zang pálɛ̀ gngn nɔngkɔ kpang ɓɛɛ.

Rooma 1:28

Ka ruu ɓɔɔ, shɔnzang ri kasɛ nɛɛ ri yítì vuu ɓɔɔ niizang ɓɔɔ zang zi ka yuu Laa ka yeti ɓarɛ kpang. Laa yaa ri tɔ ri rɛ̃rɛ vuu ɓɔɔ shi kpang, tɔɔ ri palɛ vuu ɓɔɔ daa naa palɛnang kpang ɓɛɛ.

1 Koranti 1:21

Laa ɓɔɔ zũng dɔɔli ɓɛɛ, kasɛ kpang nɛɛ zang koo ri zi wu nung nɛɛ zũnang ɓarɛ kpang. Nɛɛ wu ta yuu zang ɓɔɔ ri shing danggn tɔ ɓɛɛ kɔ jong, nɛɛ ruu kɔ ruu rangnɛ, a zang risi naa nyaa shoko ɓee.

1 Koranti 15:34

Nɔɔ yaa vuu shoko manɛ ta, a nɔɔ ti yaa vuu shi kpang ɓɔɔ nɔɔ palɛ ɓɛɛ. N kɔɔ nɔngkɔ, tɔ̀ɔ, yusɛ̃ɛ wu tuu nɔɔ. Ka ruu ɓɔɔ, zang ɓɔɔ ka teteng manɛ ri zi Laa kpang ɓɛɛ.

Galati 4:8

Ɓeleng bɛ̀ɛ́ nɔɔ zi Laa gn kpang, a nɔɔ nwang jaafoo vuu ɓɔɔ ri vuu gãnti kɔ shɛ̃ɛning.

Afisa 2:12

Ka laa kaɓa, bɛ̀ɛ́ nɔɔ shing danggn gň ka bii Yeesɔ Kirisi kpang. Bɛɛ nɔɔ manɛ zang zanti, ka tipi Isirela, a nɔɔ manɛ ka teteng zang Laa kpang. Rɛɛ nyaa ɓɔɔ Laa mã nɛɛ zang ɓiɓɛ, a á ri nyaa kagn, ɓi ɓɔɔ manɛ kpang. Nɔɔ nwang manɛ ka koo keɓe, vuu ɓɔɔ zang shing gn kagn ɓɛɛ kpang, a Laa manɛ ti kagn kpang.

Kolosi 3:5

Nɔɔ vang vuu koo keɓe ɓɔɔ bii manɛ kasɛ ɓɛɛ ta nɛɛ kaaɓa. Vuu ɓɔɔ naa dũndũng, nɛɛ sãnsãnrãng palɛnang, nɛɛ vuu ɓɔɔ bii shɔnzang kasɛ, nɛɛ vuu shi kpang ɓɔɔ yeti shɔnzang kasɛ, a ɓɔɔ kaa nung sũnang (nung sũnang nwàng ɓi naa vaka bannang).

2 Tesalonika 1:8

Naa nwang nyaa nɛɛ waa ɓɔɔ shaa katɔ ɓɛɛ, wu dang zang ɓɔɔ ri bɛ̃ɛ Laa katɔ jĩng, nɛɛ zang ɓɔɔ ri dũng Ruu Tɔ̃ɔ ɓɔɔ ka yuu Kpanti ɓuru Yeesɔ kpang ɓɛɛ.

1 Bituru 4:3

Nɔɔ suukãng tɔ dɔɔli, ka nɔng ɓɔɔ nɔɔ palɛ vuu ɓɔɔ zang ɓɔɔ ri zi Laa kpang ri palɛ ɓɛɛ. Nɔɔ di nyaa ta ka nɔngkɔ. Ɓeleng nɔɔ nwang manɛ nwannang ɓɔɔ daa naa kpang ɓɛɛ. Nɔɔ palɛ manɛ vuu ɓɔɔ yeti manɛ kasɛ ɓɛɛ, nɔɔ ɓooro vuu ɓɔɔ si nɔɔ ɓɛɛ, nɔɔ gaarɛ zɔɔ nɔɔ tãa tĩnang diki diki, nɔɔ ɓooro sàa, nɔɔ ti bang vaka, vuu ɓɔɔ Laa dang nyaa nɛɛ nɔ́ɔ pálɛ̀ kpang ɓɛɛ.