1 Tesalonika 4:4 - Nyaa Shɔɔ Ɓɔɔ Laa a Ɓɛɛ

⁴ Zang varɛ ɓu wu yiti yuu ɓiɓɛ waasɛ̃, ka gbalang tɔ̃ɔ naa ɓɔɔ Laa nɛɛ shɔnzang piti ri kasɛ katɔ ɓɛɛ.

1 Tesalonika 4:4 ပူးပေါင်းရင်းမြစ်များ

Zang Shonang Yeesɔ 9:15

A Kpanti Yeesɔ kɔɔ wu tɔɔ, “Dita ka ruu ɓɔɔ n zɔ̃́ng wu tɔ, nɛɛ wu pàlɛ̀ m shonang ɓɛɛ. Wu daa kɔɔrɔ zang ɓɔɔ ri zang Isirela kpang, nɛɛ rɛɛ kpanti ɓarɛ, nɛɛ zang Isirela, ruu mɛɛ kati ɓɛɛ.

Rooma 1:24

Ka ruu ɓɔɔ, shɔnzang ri shoko nɔngkɔ, Laa yaa ri, ri palɛ vuu ɓɔɔ sãnsãnrãng ɓɔɔ yeti ɓarɛ kasɛ ɓɛɛ. A ri pálɛ̀ vuu yusɛ̃ɛ nɛɛ zɔɔ.

Rooma 12:1

Rɛɛ manzung, ka ruu tɔ̃ɔ palɛnang Laa, ɓɔɔ Laa tusu ruu dɔɔli ɓɛɛ, n gaa nɔɔ katɔ gbãng gbãng. Nɔɔ a Laa yuu manɛ, naa vuu ɓɔɔ zang dɔɔ wu ɓɛɛ. Nɔɔ nɛɛ a wu yuu manɛ tɔ naa vuu vaa ɓɔɔ zang dɔɔ wu ɓɛɛ, a nɔɔ kaa doo ningkãari ɓɛɛ. Nɔɔ shing yuu manɛ kaa gbãng gbãng nɔɔ pàlɛ́ wu shonang ɓɔɔ shing wu, wu tãa tĩnang manɛ ɓɛɛ. Wee gbalang ɓɔɔ Laa kàsɛ̀ nɛɛ nɔɔ báng wu ɓɛɛ kɔ.

Rooma 6:19

N rang nɔɔ yee, n gãsɛ nɔɔ vuu nɛɛ vuu ɓɔɔ ruu zi diki diki ɓɛɛ. Ka ruu ɓɔɔ, bii shɔnzang manɛ lakɛ naa ka bii, ka vuu zinang kpang ɓɛɛ. Bɛ̀ɛ́ nɔɔ á dũndũng, nɛɛ vuu shi kpang, yuu manɛ dɔ̃ɔ gbete naa jaafoo, kãntang keɓe, nɔɔ á yuu manɛ doo nɔngkɔ dɔ̃ɔ gbete, nɔɔ palɛ vuu ɓɔɔ tɔ̃ɔ ɓɛɛ, tɔ̀ɔ, nɔɔ nwang kaa zang Laa niizang.

1 Koranti 6:15

Nɔɔ zi kpang nɛɛ bii manɛ ɓi ɓɔɔ Yeesɔ Kirisi kpang ya? Naa n tuu bii Yeesɔ Kirisi dang gbete n ɓakɛ nɛɛ bii zang soro ɓɔɔ rakɛ wàázaa tɔ̃ɔ ya? Nɔ́ɔ palɛ nɔngkɔ kpang tingkiring.

1 Koranti 7:2

A ka ruu ɓɔɔ dũndũng shang dɔɔli, zang varɛ ɓu wu gee soro ɓiɓɛ, zang soro ɓu wu ti gee varɛ ɓiɓɛ.

1 Koranti 7:9

A zang ɓɔɔ ri nɛɛ kagn ɓɔɔ ri zunung yuu ɓarɛ yitinang kpang, ri gee zɔɔ. Naa zang gee zɔɔ, wukɔ tɔ̃ɔ, ka ɓɔɔ sɛ̃ɛrɛ bii ɓannang nɛɛ soro nɛ̀ɛ́ shaa mɔɔ naa waa ɓɛɛ.

2 Koranti 4:7

Ka ruu ɓɔɔ, a ruu vuu ɓɔɔ bang keɓe, rùu ɓɔɔ ruu nwang ɓuru naa ɓari tapɔng. Tɔ̀ɔ, zang zi kati nɛɛ naa vuu palɛnang bang keɓe, ɓi ɓɔɔ Laa, wu ɓɔɔ ɓuru kpang.

Filipi 4:8

Rɛɛ manzung, ruu ɓɔɔ n gɔɔ nyaa nɛɛ mani keɓe. Nɔɔ rɛ̃rɛ ka yuu rɛɛ vuu ɓɔɔ niizang ɓɛɛ, ɓɔɔ daa naa ɓɔɔ zang seng katɔ ɓɛɛ. Rɛɛ vuu ɓɔɔ teetee ɓɛɛ, vuu ɓɔɔ shi kpang kagn kpang ɓɛɛ, vuu ɓɔɔ shi dɔɔli ɓɛɛ, vuu ɓɔɔ zang kasɛ, a zang ti a wu bannang katɔ ɓɛɛ, vuu nandon ɓɔɔ daa naa dɔɔnang katɔ ɓɛɛ.

Yahudi 13:4

Zang piti ɓɔɔ ri gee zɔɔ tɔ, ri seng zɔɔ katɔ, a zang ɓɔɔ ri gee zɔɔ tɔ, ri yaasɛ zɔɔ gn naa kpang. Ka ruu ɓɔɔ, Laa naa dɔng zang ɓɔɔ ri palɛ dũndũng nɛɛ zang ɓɔɔ ri rooro nɛɛ soro zang, ruu katɔ ɓɛɛ.

1 Bituru 3:7

Ɓɔɔ nɔɔ varɛ zang ɓɛɛ, nɔɔ nwang nwannang tɔ̃ɔ nɛɛ soro manɛ, nɔɔ zi tɔ, ri lakɛ naa ka bii naa nɔkɔ kpang. Ka ruu nɔngkɔ, nɔɔ a ri bannang jong ka ruu ɓɔɔ nɔɔ nandon nɔɔ wàlɛ́ suru bii ɓɔɔ Laa a zang waati kɔ ɓɛɛ. Naa nɔɔ palɛ nɔngkɔ, vuu ɓɔɔ zãyi, Laa tãa gaanang ɓɔɔ nɔɔ gaa wu kpang ɓɛɛ kagn kpang.