1 Tesalonika 4:3 - Nyaa Shɔɔ Ɓɔɔ Laa a Ɓɛɛ

³ Laa kasɛ nɛɛ nɔɔ nwang zang ɓɔɔ shi kpang ka bii ɓarɛ kpang. Nɛɛ nɔɔ ti yaa dũndũng palɛnang dɔ̃ɔ gbete.

1 Tesalonika 4:3 ပူးပေါင်းရင်းမြစ်များ

Matiyu 12:50

Zang piti ɓɔɔ nɛɛ palɛ vuu ɓɔɔ Daa mɛɛ ɓɔɔ ka lapa kasɛ nɛɛ wu palɛ, wukɔ jaa nàá mɛɛ, nɛɛ nàá mɛɛ.”

Matiyu 15:19

Ka ruu ɓɔɔ vuu shi kpang ɓɔɔ ka yeti shɔnzang kɔ shing zang, zang rɛ̃rɛ vuu shi kpang. Zang nyɔ zang vɔrɔ, roonang nɛɛ soro zang ɓɔɔgn, roonang nɛɛ jaa soro ɓɔɔ zang gee ka takpang ɓɛɛ. Zang ti ɓɔɔ shɔngɓɔ, zang zɛ̃ɛ zang nyaa, zang ti rang yee shi kpang ka yuu zang.

Matiyu 5:32

A n kɔɔ nɔɔ, naa soro zang roo nɛɛ zang ɓɔɔgn kpang, a varɛ ɓiɓɛ hing wu, varɛ ɓiɓɛ kɔ shing wu palɛ dũndũng. Zang ɓɔɔ nɛɛ shing soro ɓɔɔ zang hing katɔ, pálɛ̀ ɓi doo dũndũng kɔ.

Matiyu 7:21

“Wu zang piti ɓɔɔ ri ɓaarɛ m nɛɛ, ‘Kpanti, Kpanti’ kɔ naa daa nɔng ɓɔɔ Laa roo kpanti kpang. Ɓi zang ɓɔɔ ri palɛ vuu ɓɔɔ Daa mɛɛ ɓɔɔ ka lapa kasɛ ɓɛɛ kɔ, ri daayi.

Maraku 3:35

“Zang ɓɔɔ nɛɛ palɛ vuu ɓɔɔ Daa mɛɛ ɓɔɔ ka lapa kasɛ nɛɛ wu palɛ, wukɔ naa mɛɛ nɛɛ rɛɛ jaa nàá mɛɛ.”

Yɔhana 4:34

Yeesɔ kɔɔ ri tɔɔ, “Vuu shaanang mɛɛ ɓi palɛnang vuu ɓɔɔ zang ɓɔɔ shong m kasɛ ɓɛɛ, ń ti hangsɛ shonang ɓɔɔ wu a m ɓɛɛ.

Yɔhana 7:17

Zang ɓɔɔ nɛɛ kasɛ tɔ, nɛɛ wu palɛ vuu ɓɔɔ Laa kasɛ ɓɛɛ katɔ, vuu ɓɔɔ n túsù nɛɛ a nɛɛ bii Laa, zang keɓe nɛ̀ɛ́ zi katɔ. N nɛɛ ti kɔ̀ɔrɔ́ ɓɔɔ yuu mɛɛ, nɛ̀ɛ́ ti zi katɔ kpang ya?

Zang Shonang Yeesɔ 15:20

Rúu bèe ri laa kɔ jong, rúu kɔɔ ri nɛɛ rí shaa vuu ɓɔɔ zang yee vaka kpang, ri rooro nɛɛ zang soro ɓɔɔ wu soro ɓarɛ kpang, kpang. Ri shaa vuu ɓɔɔ zang bɔ̃ɔ vɔ̃ɔrɔ katɔ ɓɛɛ kpang, ri ti shaa zĩi kpang.

Zang Shonang Yeesɔ 15:29

Nɔ́ɔ shaa vuu ɓɔɔ zang yee vaka kpang, nɔɔ shaa zĩi kpang. Nɔɔ ti shaa vuu ɓɔɔ zang bɔ̃ɔ vɔ̃ɔrɔ katɔ ɓɛɛ kpang, nɔɔ rooro nɛɛ soro ɓɔɔ wu soro manɛ kpang, kpang. Naa nɔɔ pálɛ̀ rɛɛ vuu keɓe kpang, nɔɔ tãa tĩnang katɔ.”

Zang Shonang Yeesɔ 20:32

“N yaa nɔɔ tɔ, ka naa Laa nɛɛ yee ɓiɓɛ. Yee ɓiɓɛ ɓɔɔ zunung ɓɔɔ wu yiti nɔɔ, nɔ́ɔ bangnɛ wu ti a nɔɔ tĩnang tãanang ɓɔɔ wu shing zang ɓɔɔ wu shɛ̃ɛrɛ ri katɔ ɓɛɛ.

Zang Shonang Yeesɔ 26:18

Mɔ́ɔ pùu ri jĩng, ri yaa nɔng ɓɔɔ tɔ̀ɔ katɔ, ri a ka nɔng ɓɔɔ yakɛ katɔ ɓɛɛ. Ri ti yaa nɔng ɓɔɔ sheetang roo kpanti kagn, ri a ka bii Laa. Tɔ̀ɔ, ka ruu danggn ɓɔɔ ri shing ka bii mɛɛ, Laa wu kɔsɔ ri vuu shi kpang ɓarɛ kati. Wu ti a ri nɔng nwannang jong ka teteng zang ɓɔɔ wu zɔ̃ngkɔ ri katɔ ɓɛɛ.’

Rooma 1:29

Yeti ɓarɛ ɓi gnvɔ kɔ shɛ̃ɛning, ka zɔ̃ng zɔ̃ng, nɛɛ vuu shi kpang, ri kasɛ vuu ɓɔɔ ka naa zang ɓɛɛ. Ri pàlɛ́ zɔɔ shi kpang. Ri kaa sũnyaa dɔɔli, ri nyɔ zang vɔrɔ, ri gaarɛ nyaa. A ri nwãarɛ zɔɔ. Ri rɛ̃rɛ vuu shi kpang ka yuu zang diki diki, ri rang zang.

Rooma 12:2

Nɔ́ɔ yi tĩng nɛɛ vuu ɓɔɔ zang koo keɓe kasɛ palɛnang ɓɛɛ kpang. Nɔɔ yaa Laa wu kɔ̃sɔ nɔɔ yeti manɛ, wu a nɔɔ rɛ̃rɛnang ɓɔɔ shɔɔ. Tɔ̀ɔ, nɔ́ɔ zi vuu ɓɔɔ Laa kasɛ ɓɛɛ kati. Vuu ɓɔɔ tɔ̃ɔ, a ti shing wu tãa tĩnang, nɛɛ vuu ɓɔɔ daa naa katɔ ɓɛɛ.

Rooma 6:22

A kãntang keɓe zang ta nɔɔ tɔ nɛɛ, naa vuu shi kpang palɛnang, nɔɔ kaa jaafoo Laa. Vuu keɓe shing nɔɔ, nɔɔ nwang zang ɓɔɔ shi kpang ka bii ɓarɛ kpang ɓɛɛ. Wu ti shingnɛ nɔɔ wàlɛ̀ suru bii ɓɔɔ waa nyaa kpang ɓɛɛ.

1 Koranti 1:30

Nɔɔ ɓákɛ̀ zɔɔ nɛɛ Yeesɔ Kirisi, ka Ruu Laa kɔ gbete. Ti doo Laa kɔ shingnɛ Yeesɔ Kirisi a ruu zũnang ɓɔɔ niizang ɓɛɛ. Ti ka ruu Yeesɔ Kirisi kɔ, Laa zí ruu naa zang ɓiɓɛ ɓɔɔ ri tɔ̃ɔ ɓɛɛ. A ti tá yuu ɓuru tɔ ka vuu shi kpang nandon, risi ruu, ruu nwang zang ɓiɓɛ.

1 Koranti 7:2

A ka ruu ɓɔɔ dũndũng shang dɔɔli, zang varɛ ɓu wu gee soro ɓiɓɛ, zang soro ɓu wu ti gee varɛ ɓiɓɛ.

2 Koranti 12:21

N kaa vɔrɔ naa n paasɛ anang tɔkn ka bii manɛ, Laa naa shingnɛ, yusɛ̃ɛ wu tuu m ka ruu manɛ. N naa káa ka ruu zang dɔɔli ɓɔɔ ri palɛ vuu shi kpang tɔ, a ri kɔ̃sɔ yeti kpang ɓɛɛ. Ri kɔ̃sɔ yeti vuu sãnsãnrãng, nɛɛ dũndũng, nɛɛ vuu yusɛ̃ɛ ɓɔɔ ri palɛ ɓɛɛ kpang.

Galati 5:19

Vuu ɓɔɔ bii shɔnzang pálɛ̀, waasɛ bii ɓi katɔ kpang. Vuu keɓe ɓi rooronang nɛɛ wujɛ soro, nɛɛ sãnsãnrãng, nɛɛ dũndũng palɛnang.

Afisa 5:17

Nɔ́ɔ nwàng wu naa shoko kpang, nɔɔ kãa manɛ gbalang ɓɔɔ nɔɔ zi vuu ɓɔɔ Laa nɛɛ nɔɔ pálɛ́ ɓɛɛ.

Afisa 6:6

Nɔ́ɔ zi wu jĩng ɓarɛ, nɔ́ɔ pálɛ́ vuu keɓe kpang, tɔ̀ɔ, ri dɔɔ nɔɔ kati ɓɛɛ kpang. Nɔɔ palɛ vuu ɓɔɔ Laa kasɛ ɓɛɛ, nɛɛ yeti manɛ nandon, ka ruu ɓɔɔ, nɔɔ manɛ jaafoo Yeesɔ Kirisi ɓɛɛ.

Kolosi 1:9

Ka ruu nɔngkɔ, rùu gaa Laa diki diki ka ruu manɛ, ruu gaayu doo nɛɛ diki ɓɔɔ ruu tãa ruu manɛ ɓɛɛ. Ruu gaa Laa wu shing nɔɔ, nɔɔ zi vuu ɓɔɔ wu kasɛ nɛɛ zang palɛ ɓɛɛ. Suru Laa wu a nɔɔ zũnang nɛɛ vuu zinang ɓɔɔ nɔɔ palɛ vuu keɓe nɛɛ mani ɓɛɛ.

Kolosi 3:5

Nɔɔ vang vuu koo keɓe ɓɔɔ bii manɛ kasɛ ɓɛɛ ta nɛɛ kaaɓa. Vuu ɓɔɔ naa dũndũng, nɛɛ sãnsãnrãng palɛnang, nɛɛ vuu ɓɔɔ bii shɔnzang kasɛ, nɛɛ vuu shi kpang ɓɔɔ yeti shɔnzang kasɛ, a ɓɔɔ kaa nung sũnang (nung sũnang nwàng ɓi naa vaka bannang).

Kolosi 4:12

Epafara ɓɔɔ dòo zang manɛ kɔ, a ti pàlɛ́ Yeesɔ Kirisi shonang, jee nɔɔ nyaa, gaa Laa ka ruu manɛ gbãng gbãng, gaa wu nɛɛ, wu shing nɔɔ, nɔ́ɔ shii nɛɛ kaka, nɔ́ɔ zũng danggn, nɔ́ɔ ta ruu ɓiɓɛ katɔ, ka ɓɔɔ nɔɔ palɛ vuu ɓɔɔ wu kasɛ dɔ̃ɔ gbete ɓɛɛ.

1 Tesalonika 4:2

Nɔɔ zi nyaa ɓɔɔ ruu kɔ̀ɔ nɔɔ nɛɛ naa ɓɔɔ Kpanti Yeesɔ a ruu ɓɛɛ tɔ, naa ɓɔɔ nɔɔ nwang ɓɛɛ.

1 Tesalonika 4:4

Zang varɛ ɓu wu yiti yuu ɓiɓɛ waasɛ̃, ka gbalang tɔ̃ɔ naa ɓɔɔ Laa nɛɛ shɔnzang piti ri kasɛ katɔ ɓɛɛ.

1 Tesalonika 5:18

Naa doo viya pálɛ̀ mɔɔ, zãa Laa katɔ. Wee naa ɓɔɔ Laa kasɛ nɛɛ nɔɔ nwangnɛ, ɓɔɔ nɔɔ ɓakɛ zɔɔ tɔ nɛɛ Yeesɔ Kirisi ɓɛɛ kɔ.

1 Tesalonika 5:23

Laa ɓɔɔ shing zang, zang ri nwang ka nyaa zɔɔ, wu palɛ nɔɔ, nɔɔ nwang zang tɔ̃ɔ dɔ̃ɔ gbete. Wu shingnɛ zang ɓɔɔ wu tɔɔ kpang nɛɛ nɔɔ palɛ vuu shi kpang tɔ kpang, ka diki ɓɔɔ Kpanti Yeesɔ Kirisi a kagn ɓɛɛ.

2 Tesalonika 2:13

Rɛɛ manzung, ruu zã́a Laa katɔ ka diki kiya piti, ka ruu manɛ, ɓɔɔ Laa kasɛ nɔɔ katɔ ɓɛɛ. Ka ruu ɓɔɔ, Laa zɔ̃ng nɔɔ nɛɛ wu ta yuu manɛ kɔ shɔɔnang ɓɛɛ. Nɛɛ wu ta yuu manɛ nɛɛ naa vuu palɛnang Suru ɓiɓɛ, tɔ̀ɔ wu shing nɔɔ, nɔɔ nwang zang Laa, a ɓɔɔ kaa ruu danggn ɓɔɔ nɔɔ shing ka ruu ɓɔɔ niizang ɓɔɔ ka yuu Kpanti ɓuru Yeesɔ Kirisi ɓɛɛ.

Titu 2:14

Yeesɔ a yuu ɓiɓɛ ka ruu ɓuru nɛɛ wu ta ruu nɛɛ naa vuu shi kpang nandon. Wu shing ruu, ruu nwang zang ɓiɓɛ kɔ bm gbete. Wu shing rùu rúu nwang zang ɓɔɔ ri kpalɛ bii tɔ, nɛɛ ri palɛ vuu ɓɔɔ tɔ̃ɔ ɓɛɛ.

Yahudi 10:36

Nɔ́ɔ yaa danggn mãnang kpang, tɔ̀ɔ, nɔ́ɔ pálɛ́ vuu ɓɔɔ Laa kasɛ ɓɛɛ. Wu a nɔɔ vuu ɓɔɔ wu a nyaa nɛɛ wu á nɔɔ ɓɛɛ kati.

Yahudi 12:16

Nɔɔ gãng jĩng kagn, zang ɓɔɔ ka teteng manɛ nɛ̀ɛ́ nwáng zang dũndũng, kɔ wu nwang zang ɓɔɔ yee laa ka vuu Laa kpang naa Isuwa, ɓɔɔ ka ruu vuu shaanang laa gbete, mã̀lɛ̀ bannang ɓiɓɛ, ɓɔɔ wukɔ zang bang, ka naa jaa nàá ɓiɓɛ.

Yahudi 13:21

N gaa wu, wu a nɔɔ vuu tɔ̃ɔ piti ɓɔɔ nɔɔ kasɛ ɓɛɛ, tɔ̀ɔ, nɔɔ palɛ vuu ɓɔɔ wu kasɛ ɓɛɛ. Wu palɛ vuu ɓɔɔ shing wu, wu tãa tĩnang ka yeti ɓuru, nɛɛ bii Yeesɔ Kirisi. Zang a wu bannang ta gbinggbing. Nɔngkɔ.

Yahudi 13:4

Zang piti ɓɔɔ ri gee zɔɔ tɔ, ri seng zɔɔ katɔ, a zang ɓɔɔ ri gee zɔɔ tɔ, ri yaasɛ zɔɔ gn naa kpang. Ka ruu ɓɔɔ, Laa naa dɔng zang ɓɔɔ ri palɛ dũndũng nɛɛ zang ɓɔɔ ri rooro nɛɛ soro zang, ruu katɔ ɓɛɛ.

1 Bituru 1:2

Nɔɔ manɛ zang ɓɔɔ Daa ɓuru Laa zi vuu ɓɔɔ nɛɛ wu palɛ nɛɛ nɔɔ tɔ, doo ka tĩng tɛ̃ɛ tɛ̃ɛ ɓɛɛ. Laa shɛ̃ɛrɛ nɔɔ nɛɛ naa vuu palɛnang Suru ɓiɓɛ, nɛɛ nɔ́ɔ nwang zang ɓiɓɛ, nɔ́ɔ ɓaa shoo ka nyaa Yeesɔ Kirisi. Zĩi Yeesɔ keɓe wu sɔ̀ɔ nɔɔ, nɔ́ɔ nwang zang tɔ̃ɔ ka tĩng Laa. Laa wu gisi nɔɔ tĩnang tãanang, wu ti shingnɛ yeti manɛ wu valɛ katɔ diki diki.

1 Bituru 4:2

Vuu ɓɔɔ yi nɛɛ lɛɛkɔ, nɔɔ pálɛ̀ manɛ vuu ɓɔɔ Laa kasɛ ɓɛɛ, wu vuu ɓɔɔ bii shɔnzang kasɛ ɓɛɛ kpang.

1 Yɔhana 2:17

Diki ɓɔɔ koolaa keɓe naa waa nyaa, waa nyaa ɓi nɛɛ vuu ɓɔɔ zang kasɛ ka yeti ɓiɓɛ ning. Zang ɓɔɔ palɛ vuu ɓɔɔ yeti Laa kasɛ, wukɔ nwang ɓi gbinggbing.

Vuu ɓɔɔ zang nwangsɛ Yɔhana 21:8

A ɓɔɔ zang ɓɔɔ ri kaa vɔrɔ, nɛɛ zang ɓɔɔ ri shing danggn ka bii Laa kpang ɓɛɛ, nɛɛ zang ɓɔɔ shi kpang kagn bii ɓarɛ ɓɛɛ, nɛɛ zang ɓɔɔ ri nyɔ zang vɔrɔ ɓɛɛ, nɛɛ zang ɓɔɔ ri palɛ dũndũng, nɛɛ zang ɓɔɔ ri shaa nvaa, nɛɛ zang ɓɔɔ ri bang vaka, nɛɛ zang sèé nandon, zang naa tasɛ ri ɓarɛ ka too waa, ɓɔɔ tari ɓɔɔ ri shaa waa katɔ kagn ɓɛɛ. Wee kɔ vɔrɔ ɓɔɔ zang vɔrɛ daa kaa doo ziti ɓɛɛ kɔ.”

Vuu ɓɔɔ zang nwangsɛ Yɔhana 22:15

Zang ɓɔɔ ri palɛ vuu shi kpang, nɛɛ rɛɛ nvaa, nɛɛ zang ɓɔɔ ri palɛ dũndũng, nɛɛ zang ɓɔɔ ri nyɔkɔ zang vɔrɔ, nɛɛ zang ɓɔɔ ri bang vaka, a zang piti ɓɔɔ ri suru sèé, ɓɔɔ ri ti tãa tĩnnang sèé suunang katɔ ɓɛɛ, ri naa nwang ɓarɛ ka yuu knti gari bìí, ri daa yeti ɓiɓɛ kpang.