1 Tesalonika 4:17 - Nyaa Shɔɔ Ɓɔɔ Laa a Ɓɛɛ

¹⁷ Tɔ̀ɔ, ɓɔɔ ruu doo ningkãari ka diki kaɓa, Laa naa sèé ruu, daa kaa nɛɛ ruu ka yeti sãmbong, wu daa lapa nɛɛ ruu. Ruu daa kpisi kpanti Yeesɔ yuu ka lapa. Ruu nwáng kaa nɛɛ Kpanti sasak.

1 Tesalonika 4:17 ပူးပေါင်းရင်းမြစ်များ

Matiyu 26:64

A Yeesɔ kasɛ wu nyaa kati tɔɔ, “Nn nkɔ. N kɔɔ nɔɔ, nɔɔ naa zi m ɓɔɔ n Jaa Shɔnzang ditɔ ka naa nakn Kpanti Laa ɓɔɔ palɛ vuu piti ɓɛɛ. Nɔɔ ti naa zi naa ɓɔɔ n a ka yeti sãmbong ditɔ.”

Maraku 14:62

Yeesɔ kasɛ wu nyaa tɔɔ, “Nn, nkɔ.” Nɔɔ naa zi m ɓɔɔ n Jaa Shɔnzang ditɔ ka naa nakn Kpanti Laa ɓɔɔ palɛ vuu piti ɓɛɛ. Nɔɔ ti naa zi naa ɓɔɔ n a ka yeti sãmbong ditɔ.

Yɔhana 12:26

Zang ɓɔɔ nɛɛ shòng m shonang, wu dũng, m ka knti. Nɔng ɓɔɔ n kagn zang shonang mɛɛ nwáng doo ka nɔngkɔ. Daa mɛɛ ti naa a zang ɓɔɔ palɛ m shonang bannang katɔ.”

Yɔhana 14:3

N nɛɛ daa tɔ, n nɛɛ daa shĩili nɔng tɔ, n gbãayu kati. Ń naa see nɔɔ, nɔ́ɔ daa nwáng nɛɛ n, ka nɔng ɓɔɔ n kagn ɓɛɛ.

Yɔhana 17:24

“Daa mɛɛ, n kasɛ nɛɛ zang kɔ mɔɔ a m ri ɓee, ri nwang nɛɛ n ka nɔng ɓɔɔ n naa nwáng ɓɛɛ. Tɔ̀ɔ, ri zi bannang ɓɔɔ mɔɔ a m doo tɛ̃ɛ tɛ̃ɛ bɛ̀ɛ́ zang mãa koo gn kpang ɓɛɛ. Mɔɔ a m bannang keɓe, ka ruu ɓɔɔ, mɔɔ kasɛ m katɔ ɓɛɛ.

Zang Shonang Yeesɔ 1:9

Kɔɔ ruu keɓe tɔ, a Laa tuu wu kati daa kaa nɛɛ wu ka lapa. Ri pɛ̃ɛrɛ wu nɛɛ jĩng. A sãmbong ɓɔɔ arɛ naa zuu wu, ri zi wu takpang.

Zang Shonang Yeesɔ 8:39

Ri nwang tɔ nɛɛ yeti mii, a Suru Laa tuu Filibu daa nɛɛ wu. Yɔɔ zang bang keɓe, zi Filibu takpang, a yi gbalang daanang ɓiɓɛ, tã̀a tĩnang dɔɔli.

1 Koranti 15:52

naa ɓɔɔ zang ka jĩng ɓɛɛ. Ka ɓɔɔ zang naa jee vuukãng ɓɔɔ zang di nyaa vuu piti kagn ɓɛɛ. Zang nɛɛ jee tɔ, zang piti ɓɔɔ ri vɔlɔ tɔ, ri yuku paa tɔkn. Laa a ri kaa bii ɓɔɔ naa pũng takpang ɓɛɛ. Ka làá kaɓa, Laa naa kɔ̃sɔ ruu bii katɔ nandon.

2 Koranti 5:8

Ruu yaa gn naa kpang. Ruu kasɛ katɔ kɔ jong, ruu yaa bii kɔ wukɔ gãa ɓuru ɓee, ruu daa nwang kaa nɛɛ Kpanti Yeesɔ.

Filipi 1:23

N shii kaa teteng vuu ziti keɓe. N kasɛ gbãng gbãng, n yaa koo keɓe, n daa nwang kaa nɛɛ Yeesɔ Kirisi. Ka ruu ɓɔɔ, wukɔ tɔ̃ɔ, ɓa nwannang ningkãari ka koo keɓe katɔ ɓɛɛ.

1 Tesalonika 3:13

Laa wu shingnɛ nɔɔ shii gbãng gbãng, tɔ̀ɔ, zang ɓɔɔ wu tɔɔ kaa takpang nɛɛ nɔɔ palɛ vuu shi kpang tɔ kpang, ka tĩng Laa ɓɔɔ wukɔ Daa ɓuru ɓɛɛ, ka diki ɓɔɔ Kpanti ɓuru Yeesɔ naa a nɛɛ zang ɓiɓɛ ɓɛɛ.

1 Tesalonika 4:15

Vuu kɔ ruu tusu nɔɔ ɓee, ɓi vuu ɓɔɔ Laa tusu ɓɛɛ nɛɛ, ka diki ɓɔɔ Kpanti Yeesɔ naa gbãayu, ɓɔɔ ruu doo ningkãari ka diki kaɓa, rukɔ daa ka bii ɓiɓɛ shɔɔnang, ruu yaa zang ɓɔɔ ri vɔlɔ tɔ ɓɛɛ kpang.

1 Tesalonika 4:18

Ka ruu nɔngkɔ, nɔɔ mã zɔɔ danggn nɛɛ ruu keɓe.

1 Tesalonika 5:10

Yeesɔ vɔ ka ruu ɓuru nɛɛ tɔ̀ɔ, ruu nwang kaa nɔng gbete nɛɛ wu, naa ruu doo ningkãari, kɔ́ ruu vɔlɔ katɔ, ka diki ɓɔɔ wu a kagn ɓɛɛ.

2 Bituru 3:13

Laa kɔɔ ruu ɓuru tɔ, nɛɛ wu naa mãa lapa shɔɔ nɛɛ koo shɔɔ. Nɔng ɓɔɔ vuu piti naa nwang ɓi tɔ̃ɔ diki diki ɓɛɛ. Wee ɓi vuu ɓɔɔ ruu gã ɓɛɛ kɔ.

Vuu ɓɔɔ zang nwangsɛ Yɔhana 1:7

Nɔɔ zirɛ, náa a ka yeti sãmbong, zang piti ri naa zi wu jĩng ka bii. Zang ɓɔɔ ri shu wu nɛɛ shalang, ri ti naa zi wu jong. Zang tipi koolaa keɓe nandon, ri naa káa ka ruu ɓiɓɛ. Vuu keɓe naa nwáng ditɔ nɔngkɔ niizang. Nɔngkɔ.

Vuu ɓɔɔ zang nwangsɛ Yɔhana 11:12

A zang ziti kaɓa, ri tãa yee nwangnɛ lapa, ɓaa ri nyaa nabm nɛɛ, “Nɔɔ a ta ka lapa ka nihn.” A ri daa lapa ka yeti sãmbong, zang ɓɔɔ ri shing jĩng nɛɛ ri kpang nandon, ri zi ri jĩng bii.

Vuu ɓɔɔ zang nwangsɛ Yɔhana 12:5

A jaa soro yi jaa zang varɛ, ɓɔɔ naa roo kpanti ka yuu zang koo nandon ɓɛɛ. Laa ɓɔɔ kpanti yiti ka naa, ɓɔɔ ɓiɓɛ, zang palɛ nɛɛ saka. Ka ɓɔɔ jaa nwang hn, zang tantɛ wu tuunang raayi, zang daa nɛɛ wu ka bii Laa, ka nɔng ɓɔɔ wu nwang ka yuu laa nwannang kpanti ɓɛɛ.