1 Tesalonika 3:2 - Nyaa Shɔɔ Ɓɔɔ Laa a Ɓɛɛ

² A ruu shong manzung ɓuru Timoti, ɓɔɔ palɛ Laa shonang nɛɛ ruu ka gbalang Ruu Tɔ̃ɔ ɓɔɔ ka yeti Kirisi ɓɔɔ ruu kɔɔrɔ zang ɓɛɛ. Ruu tɔɔ wu naa shing nɔɔ, nɔɔ shii gbãng gbãng, wu ti mã nɔɔ danggn, nɔɔ yaa danggn ɓɔɔ nɔɔ shing ka bii Yeesɔ ɓɛɛ kpang.

1 Tesalonika 3:2 ပူးပေါင်းရင်းမြစ်များ

Zang Shonang Yeesɔ 16:1

Bulu daa ka Daabe, a naa daa ka Lisitira nɔng ɓɔɔ yɔɔ ɓɔɔ dũng Laa ɓɔɔ zang ɓaa wu nɛɛ Timoti kagn ɓɛɛ. Niiɓɛ ɓɔɔ dũng doo Laa kɔ doori, ɓi zang Yahudi a diiɓɛ ɓi kaa zang Heleni.

Zang Shonang Yeesɔ 16:5

Ka ruu nɔngkɔ, Laa yi zang ɓɔɔ ri dũng wu naa ka bii, a ri shing danggn ka bii ɓiɓɛ gbãng gbãng, a ri ti shang kaa diki diki.

Zang Shonang Yeesɔ 18:5

Ɓɔɔ Timoti nɛɛ Siila ri a nɛɛ Makidoniya, Bulu raa jĩng ɓi kaa Ruu Laa kɔɔrɔnang dɔ̃ɔ gbete. Kɔɔrɔ zang Yahudi nɛɛ Yeesɔ kɔ Kirisi.

Rooma 16:21

Timoti zang ɓɔɔ ruu palɛ shonang nɛɛ wu jée nɔɔ nyaa. Lukiyu, nɛɛ Jaasong a ɓɔɔ Susibatara ɓɔɔ ri doo zang Yahudi kɔ, ri jée nɔɔ nyaa jong.

1 Koranti 3:10

Laa pàlɛ̀ m tɔ̃ɔ ka tĩng, yáa m nɛɛ nkɔ n gaayu shonang kaɓa. N loo doo gãa kaɓa waasɛ̃, naa zang ɓɔɔ zunung gãa mãanang katɔ ɓɛɛ. N loo doo gãa tɔ a zang ɓɔɔ mãa ɓi ka gãa. Zang ɓu wu palɛ waasɛ̃ naa ɓɔɔ wu mãa gãa bìí ɓɛɛ.

1 Koranti 4:17

Vuu ɓɔɔ palɛ n shong Timoti nɛɛ wu a ka bìí manɛ ɓɛɛ kɔ. Tɔ̀ɔ, wu naa kpaa nɔɔ danggn nwannang mɛɛ ka gbalang Yeesɔ Kirisi, naa ɓɔɔ n tùsù zang ka nɔng piti, a ɓɔɔ ti ka nɔng ɓɔɔ nɔɔ kpalɛ zɔɔ ka Gãa Laa ɓɛɛ piti, nɛɛ ri palɛ ɓɛɛ. Timoti ɓi jaa mɛɛ ɓɔɔ n kasɛ wu katɔ ɓɛɛ, ka ruu ɓɔɔ, ruu nɛɛ wu gbete ka bìí Yeesɔ Kirisi ɓɛɛ. Ti palɛ shonang Kpanti Yeesɔ Kirisi nɛɛ yeti gbete ɓɛɛ.

2 Koranti 1:1

Labeenang keɓe a nɛɛ bii mɛɛ nkɔ Bulu, ɓɔɔ Laa kasɛ m katɔ, a n nwang zang shonang Yeesɔ Kirisi ɓɛɛ. A ɓɔɔ manzung ɓuru Timoti, ɓɔɔ dũng doo Laa kɔ ɓɛɛ. Ruu bèé zang ɓɔɔ ri dũng Laa ɓɔɔ ri ka Koranti, nɛɛ zang Laa nandon ɓɔɔ ri ka tipi Akaya nandon ɓɛɛ.

2 Koranti 1:19

Ka ruu ɓɔɔ, Yeesɔ Kirisi Jaa Laa, ɓɔɔ Siila nɛɛ Timoti, a ɓɔɔ nkɔ, ruu kɔɔ ruu ɓiɓɛ ka teteng manɛ ɓɛɛ, ɓi zang ɓɔɔ kasɛ nyaa nɛɛ “Nn” a ɓɔɔ nɛɛ “Kpang, kpang.” Yeesɔ kɔɔ ɓi ruu ɓɔɔ niizang kɔ diki diki, ta nyaa ziti ɓi jong kpang.

2 Koranti 2:12

Ɓɔɔ n a ka Torowasa, n tɔɔ, n naa kɔɔrɔ zang Ruu Tɔ̃ɔ ka yuu Yeesɔ Kirisi. N zirɛ, Kpanti Laa puu m gbalang shonang tɔ ka nɔng.

2 Koranti 2:13

A ka ruu ɓɔɔ n ĩi manzung Titu ka nɔng kpang, vuu bìí kpãa m ka yeti dɔɔli. Ka ruu nɔngkɔ, n yaa rɛɛ zang gari kaɓa, a n daa ka gari Makidoniya.

2 Koranti 8:23

Titu ɓi zang ɓɔɔ rakɛ nɛɛ n ɓɛɛ, palɛ shonang ɓi nɛɛ n, tɔ̀ɔ, ruu yi nɔɔ naa ka bii. Zang ziti ɓɔɔ ri daa nɛɛ wu keɓe, ri daa ɓarɛ ka nung zang ɓarɛ, shonang ɓarɛ shingnɛ, zang a Kirisi bannang.

Filipi 1:25

Nn, nɔngkɔ niizang, ka ruu nɔngkɔ, n nwang kaa nɛɛ nɔɔ ka koo keɓe. N nwang nɛɛ nɔɔ tɔ̀ɔ, ń yi nɔɔ naa kaa bii, nɔɔ shing danggn kaa gbãng gbãng. Nɔɔ ti tãa tĩnang kaa dɔɔli.

Kolosi 1:1

Labeenang keɓe nɛɛ bii mɛɛ nkɔ Bulu ɓɔɔ Laa kɔ kasɛ, a n nwàng zang shonang Yeesɔ Kirisi ɓɛɛ, a ɓɔɔ kaa manzung ɓuru Timoti.

Kolosi 1:7

Nɔɔ tãa vuu keɓe nɛɛ nyaa Epafara, zang ɓɔɔ palɛ shonang nɛɛ ruu, ɓɔɔ ruu kasɛ wu dɔɔli ɓɛɛ. Ɓɔɔ pàlɛ́ Yeesɔ Kirisi shonang nɛɛ yeti gbete, ka nung ɓɔɔ ruu nɛɛ pálɛ̀ ɓɛɛ.

Kolosi 4:12

Epafara ɓɔɔ dòo zang manɛ kɔ, a ti pàlɛ́ Yeesɔ Kirisi shonang, jee nɔɔ nyaa, gaa Laa ka ruu manɛ gbãng gbãng, gaa wu nɛɛ, wu shing nɔɔ, nɔ́ɔ shii nɛɛ kaka, nɔ́ɔ zũng danggn, nɔ́ɔ ta ruu ɓiɓɛ katɔ, ka ɓɔɔ nɔɔ palɛ vuu ɓɔɔ wu kasɛ dɔ̃ɔ gbete ɓɛɛ.

Kolosi 4:9

Ri a nɛɛ Onesimu, manzung ɓuru ɓɔɔ ruu kasɛ wu dɔɔli a ti palɛ vuu nɛɛ yeti gbete ɓɛɛ. Ɓɔɔ ɓi zang manɛ kɔ ɓɛɛ. Ri naa kɔɔ nɔɔ vuu piti ɓɔɔ palɛ ruu ka nihn ɓɛɛ.

1 Tesalonika 3:13

Laa wu shingnɛ nɔɔ shii gbãng gbãng, tɔ̀ɔ, zang ɓɔɔ wu tɔɔ kaa takpang nɛɛ nɔɔ palɛ vuu shi kpang tɔ kpang, ka tĩng Laa ɓɔɔ wukɔ Daa ɓuru ɓɛɛ, ka diki ɓɔɔ Kpanti ɓuru Yeesɔ naa a nɛɛ zang ɓiɓɛ ɓɛɛ.

1 Tesalonika 3:5

Vuu ɓɔɔ shingnɛ ruu shong Timoti ɓɛɛ kɔ. Daa naa ɓɔɔ n tí ɓɛɛ takpang, ka ruu nɔngkɔ, ruu shong wu, nɛɛ wu daa zi ruu naa ɓɔɔ danggn shinnang manɛ nwang ɓɛɛ. Ruu zi kpang naa Sheetang gãsɛ nɔɔ tɔ, nɔɔ yaa danggn ɓɔɔ nɔɔ shing ɓɛɛ tɔ. Nɔɔ shing tɔ shonang ɓuru nandon shaarɛ tɔ waati ya?

2 Tesalonika 2:17

Wu mã nɔɔ danggn gbãng gbãng, tɔ̀ɔ, diki diki nɔɔ palɛ vuu ɓɔɔ tɔ̃ɔ, nɔɔ ti kɔɔrɔ ruu ɓɔɔ tɔ̃ɔ ɓɛɛ.