1 Tesalonika 3:12 - Nyaa Shɔɔ Ɓɔɔ Laa a Ɓɛɛ

¹² Kpanti ɓuru wu shingnɛ zɔɔ kasɛnang manɛ nɛɛ naa ɓɔɔ nɔɔ kasɛ zang piti, wu daa nɛɛ ting kɔ sasak. Tɔ̀ɔ, nɔɔ naa kasɛ zang kaa naa ɓɔɔ ruu kasɛ nɔɔ ɓɛɛ.

1 Tesalonika 3:12 ပူးပေါင်းရင်းမြစ်များ

Matiyu 22:39

Ɓɔɔ ɓàng doo ɓiɓɛ, ɓi weɓe. ‘Kàsɛ̀ zang ɓɔɔ mɔɔ nwalɛ nɛɛ ri doo naa ɓɔɔ mɔɔ kasɛ bii ɓaaɓɛ kɔ.’

Matiyu 7:12

Ka ruu nɔngkɔ, vuu ɓɔɔ nɔɔ kasɛ nɛɛ zang ri palɛ nɔɔ, nɔɔ palɛ ri doo nɔngkɔ. Ruu keɓe kɔ, Labeenang Laa ɓɔɔ Musa beeyi nɛɛ vuu ɓɔɔ zang nyaa shonang Laa ri kɔɔ ka tĩng tɛ̃ɛ tɛ̃ɛ ɓɛɛ.

Luka 17:5

Zang ɓɔɔ Yeesɔ shɛ̃ɛrɛ katɔ, ri kɔɔ wu tɔɔ, “Yi ruu naa jong bii, rúu shing danggn ka bìí Laa gbãng gbãng.”

Rooma 13:8

Zang ɓɔɔ wu dũ̀ng nɔɔ nyaa kɔ́pɔ́ vuu ɓɔɔ kpang. Zang ɓɔɔ wu dũng nɔɔ nyaa kɔ́pɔ́ ruu zang kasɛnang kɔ shɛ̃ɛning. Ka ruu ɓɔɔ, zang piti ɓɔɔ nɛɛ kasɛ ruu shɔnzang katɔ, dṹng vuu ɓɔɔ nyaa dannang Laa kɔɔ ɓɛɛ tɔ.

2 Koranti 9:10

Laa kɔ a zang jĩng vuu, zang ɓàayi, wu ti a wu vuu shaanang, wu shaayi. Ka ruu nɔngkɔ, Laa naa a nɔɔ jĩng vuu ɓɔɔ nɔɔ kasɛ ɓaanang ɓɛɛ ditɔ nandon, wu ti shingnɛ, vuu ɓɔɔ takɛ wu bangkɛ. Ka naa weɓe, Laa shingnɛ, vuu ɓɔɔ nɔɔ a zang nɛɛ yeti gbete, nɔ́ɔ a zang kaa dɔɔli.

Galati 5:22

A Suru Laa shing zang ɓiri, zang wu kasɛ zang, zang wu tãa tĩnang, yeti zang wu valɛ katɔ, zang wu mã danggn, zang wu palɛ zang tɔ̃ɔ, zang wu pàlɛ̀ vuu ɓɔɔ tɔ̃ɔ ɓɛɛ, zang wu nwang zang ɓɔɔ zang shing danggn katɔ bii ɓiɓɛ.

Galati 5:6

Ruu nɛɛ ɓakɛ yuu tɔ nɛɛ Yeesɔ Kirisi, naa ruu yee shaa katɔ, naa ruu yee doo kpang, palɛ vuu ɓɔɔ ɓi kpang tingkiring. Vuu ɓɔɔ zang kasɛ ɓi danggn shinnang ɓɔɔ shing mɔɔ, mɔɔ kasɛ zang ɓɛɛ.

Filipi 1:9

N gàá Laa ka ruu manɛ, nɛɛ, kasɛnang ɓɔɔ nɔɔ kasɛ ruu zɔɔ nɛɛ manɛ wu daa nɛɛ tĩng sasak. Nɔ́ɔ ti zi vuu dɔɔli, nɔ́ɔ zunung naa ɓɔɔ nɔɔ basɛ teteng vuu tɔ̃ɔ nɛɛ ɓɔɔ shi kpang ɓɛɛ ka vuu piti.

1 Tesalonika 2:8

Ka ruu ɓɔɔ, ruu kasɛ nɔɔ katɔ ɓɛɛ, ruu kpalɛ bii tɔ ruu kɔɔ nɔɔ wu Ruu Tɔ̃ɔ Laa kɔ shɛ̃ɛning kpang, ruu ti vɔ ka ruu manɛ ka ruu ɓɔɔ ruu kasɛ nɔɔ katɔ gbãng gbãng.

1 Tesalonika 4:1

Ka ruu nɔngkɔ, rɛɛ manzung, n gisi nɔɔ ruu nɛɛ, nɔɔ kpɛ̃ɛrɛ naa ɓɔɔ nɔɔ nwang nɛɛ Laa wu tãa tĩnang manɛ tɔ ka bii ɓuru, a nɔɔ ti nwang kana nɔngkɔ kãntang. A ruu gaa nɔɔ nɛɛ nung Kpanti Yeesɔ Kirisi nɛɛ nɔɔ nɛɛ nwang nɔngkɔ sasak.

1 Tesalonika 5:15

Nɔɔ gãng jĩng kagn, zang ɓɔɔ wu waa pãng vuu shi kpang ɓɔɔ zang palɛ wu doo nɛɛ vuu shi kpang kɔ kpang. Nɔɔ shing jĩng kɔ jong diki diki nɛɛ nɔɔ pàlɛ́ zɔɔ tɔ̃ɔ. Nɔɔ ti pàlɛ̀ zang piti tɔ̃ɔ jong.

2 Tesalonika 1:3

Rɛɛ manzung ɓuru, daa naa ɓɔɔ ruu zãa Laa diki diki ka ruu manɛ tɔ. Daa naa ɓɔɔ ruu zãa wu tɔ, ka ruu ɓɔɔ, danggn ɓɔɔ nɔɔ shing ka bii Yeesɔ daa kana nɛɛ tĩng dɔɔli, a naa ɓɔɔ zang ɓu ka teteng manɛ ri kasɛ zɔɔ ti daa nɛɛ tĩng kɔ sasak.

Yakubu 1:17

Vuu ɓɔɔ tɔ̃ɔ ɓɔɔ ti gbarɛ katɔ, ɓɔɔ zang a zang piti, a ɓi nɛɛ bii Laa. Vuu keɓe ri a ɓarɛ nɛɛ bii Laa ɓɔɔ wukɔ mãa vuu ɓɔɔ ri yakɛ nɔng ɓɔɔ ri ka lapa ɓɛɛ. Laa ɓɔɔ kɔ̃sɔ bii ɓi jong kpang, ràa ruu yuu knti, wu yaa ruu ka nɔng tɔɔnang kpang.

2 Bituru 1:7

Nɔɔ pàlɛ̀ zɔɔ tɔ̃ɔ, naa nɔɔ jaa nàá gbete, ka yuu nwannang keɓe. Nɔɔ ti kasɛ zang piti.

2 Bituru 3:18

Nɔɔ dũng manɛ Kpanti ɓuru Yeesɔ Kirisi kɔ jong, ɓɔɔ wukɔ ta yuu ɓuru ɓɛɛ. Tɔ̀ɔ, wu palɛ nɔɔ tɔ̃ɔ kaa yuu zɔɔ, yuu zɔɔ. Zinang ɓɔɔ nɔɔ zi wu, wu ti daa ka tĩng. Zang ri a wukɔ bannang dòndòng. Nɔngkɔ.