1 Tesalonika 2:9 - Nyaa Shɔɔ Ɓɔɔ Laa a Ɓɛɛ

⁹ Rɛɛ manzung, n tɔɔ n kpàá nɔɔ danggn. Nɔɔ zi naa ɓɔɔ ruu palɛ shonang dɔɔli tɔ. Ruu pálɛ́ shonang nɛɛ zĩi nɛɛ laagɛ̃, ruu walɛ vuu shaanang ɓuru, tɔ̀ɔ ruu kpãa nɔɔ kaa takpang, ka ɓɔɔ ruu kɔɔ nɔɔ Ruu Tɔ̃ɔ ɓɔɔ ka yuu Laa ɓɛɛ.

1 Tesalonika 2:9 ပူးပေါင်းရင်းမြစ်များ

Luka 18:7

A Laa naa jɛ̃ɛ zang ɓiɓɛ ɓɔɔ wu shɛ̃ɛrɛ katɔ, ɓɔɔ ri shàlɛ́ nyaa ka bii ɓiɓɛ, nɛɛ laagɛ̃ nɛɛ zĩi, ruu ɓɔɔ niizang ɓi kpang ya? Yi ri naa ka bii tantɛnang kpang ya?

Zang Shonang Yeesɔ 18:3

Ka ruu ɓɔɔ, shonang ɓiɓɛ ɓi putali wàanang naa ɓɔɔ ɓarɛ, nwang kaa nɛɛ ri, palɛ shonang kaa nɛɛ ri.

Zang Shonang Yeesɔ 20:24

N ti tɔɔ m kpang nɛɛ suru bii mɛɛ daa naa vuu ɓɔɔ tɔ kpang. Ǹ kasɛ n palɛ vuu ɓɔɔ zang shong m ɓɛɛ, n ti hangsɛ shonang ɓɔɔ Kpanti Yeesɔ a m nɛɛ n palɛ ɓɛɛ. Shonang ɓɔɔ nɛɛ n kɔɔrɔ zang rúu, ka yuu tɔ̃ɔ ɓɔɔ Laa pàlɛ́ zang ɓɛɛ.

Zang Shonang Yeesɔ 20:31

Nɔɔ gãng jĩng kagn, danggn wu ning nɔɔ naa ɓɔɔ ka saa taati, n yaa ɓɔɔ n mangkɛ zang ɓu kpang. N mangkɛ nɔɔ nɛɛ zĩi nɛɛ laagɛ̃ piti, nɛɛ miiri ka jĩng mɛɛ ɓɛɛ.

Rooma 1:1

Labeenang keɓe, a nɛɛ bii mɛɛ nkɔ Bulu ɓɔɔ n jaafoo Yeesɔ Kirisi ɓɛɛ. A n ti zang shonang ɓɔɔ Yeesɔ zɔ̃ng m, a shing m nɛɛ, n kɔ̀ɔrɔ̀ zang Ruu Tɔ̃ɔ Laa ɓɛɛ.

Rooma 15:16

N nwàng zang shonang Yeesɔ Kirisi, nɛɛ n palɛ zang ɓɔɔ ri zang Yahudi kpang shonang. N kɔɔ ri Ruu Tɔ̃ɔ Laa, tɔ̀ɔ, zang ɓɔɔ ri zi Laa kpang, ri nwang kaa naa vuu ɓɔɔ zang a Laa, ɓɔɔ shing Laa wu tãa tĩnang ɓɛɛ. Ɓɔɔ Suru Laa risi nwang tɔ̃ɔ ɓɛɛ.

Rooma 15:19

Nɛɛ vuu ɓɔɔ zang zirɛ zang mã naa ka danggn, a ɓɔɔ vuu ɓɔɔ Suru Laa palɛ nɛɛ naa vuu palɛnang ɓiɓɛ ɓɛɛ. Ka rakɛnang ɓɔɔ n gaayu nɛɛ Urushalima, n riki nɔng nandon, n daa nɛɛ mani ka Ilirikum ɓɛɛ, n hangsɛ zang Ruu Laa kɔɔnang tɔ nandon ka yuu Kirisi.

1 Koranti 4:12

Ruu palɛ shonang nɛɛ naa ɓuru gbãng gbãng. Zang nɛɛ dãlɛ ruu, ruu gaa ri Laa nɛɛ, Laa wu palɛ ri tɔ̃ɔ. Zang dang ruu jĩng a ruu mã danggn.

1 Koranti 9:15

Naa doo nɔngkɔ piti, n tɔɔ gngn nɛɛ, zang ɓɔɔ wu a m vuu ɓɔɔ kpang. Wee n bée laa keɓe, n bee wu nɛɛ nɔɔ a m vuu ɓɔɔ kpang. N vɔ katɔ gbã̀ágbãa, ka ɓɔɔ zang ɓɔɔ nɛɛ zãa m vuu ɓɔɔ n dɔɔ bii kagn ɓɛɛ.

1 Koranti 9:18

N walɛ ɓu viya? Wee n kɔɔrɔ zang Ruu Tɔ̃ɔ Laa waati ɓee, ɓi vuu ɓɔɔ n walɛ ɓɛɛ kɔ. Ka ruu nɔngkɔ, n gaa zang wu nɛɛ zang a m vuu ɓɔɔ kagn kpang.

1 Koranti 9:4

Daa naa ɓɔɔ zang a ruu vuu shaanang nɛɛ vuu ɓoonang ka ruu shonang ɓɔɔ ruu palɛ ɓɛɛ kpang ya?

2 Koranti 11:27

N lee tɔ, ka nɔng ɓɔɔ n palɛ shonang gbãng gbãng ɓɛɛ. Diki mɛɛ dɔɔli n roo hingro kpang. Lee ɓɔɔ n shaa vuu kpang, n ti ɓoo mii kpang. Diki mɛɛ dɔɔli vuu shaanang daa nyaa mɛɛ kpang. Sɔ̀ɔrɔ́ ti si m, a fɔ̃ɔrɔ ɓɔɔ n hãa ka bii kpang.

2 Koranti 11:9

Ka ɓɔɔ n dòo nɛɛ nɔɔ, kɔ́pɔ̀ nɛɛ ka naa mɛɛ kpang, n kpãa zang gbete ka teteng manɛ nɛɛ wu yi m naa ka bii kpang. Manzung ɓuru ɓɔɔ ri dũng doo Laa kɔ, ɓɔɔ ri a nɛɛ tipi Makidoniya, rikɔ a m vuu piti ɓɔɔ n kasɛ ɓɛɛ. N ĩ̀i nɔɔ ka yuu, nɛɛ nɔkɔ nɔɔ yi m naa ka bii kpang. N ĩi kãntang keɓe kpang, n ti ĩ̀i nɔɔ kpang dòndòng.

2 Koranti 6:5

Zang nyɔ ruu tɔ nɛɛ gbãa, zang mã ruu ka sãa, a zang ti kãarɛ ruu. Zang mã ruu nyaa ka shonang sasak, ruu ti roo hingro ka jĩng kpang, a nyɔkɔ ti nyɔ ruu.

Filipi 4:16

Ka ɓɔɔ n ka gari Tesalonika, nɔɔ yi m naa ka bii, ɓa doo gbete katɔ, ka ɓɔɔ vuu ka naa mɛɛ kpang ɓɛɛ.

1 Tesalonika 1:3

Diki ɓɔɔ ruu gaa Laa ɓuru ɓɔɔ wukɔ ti Daa ɓuru ɓɛɛ, danggn manɛ ning ruu kpang. Ruu ɓaa nung manɛ ka naa ɓɔɔ nɔɔ túsù danggn ɓɔɔ nɔɔ shing ɓɛɛ ka vuu ɓɔɔ nɔɔ palɛ ɓɛɛ. Naa ɓɔɔ nɔɔ palɛ shonang gbãng gbãng, ka ruu ɓɔɔ nɔɔ kasɛ Kpanti Yeesɔ Kirisi katɔ ɓɛɛ. A ɓɔɔ ti naa ɓɔɔ gn ɓɔɔ nɔɔ shing ka bii Kpanti ɓuru Yeesɔ Kirisi ruutu kpang tingkiring ɓɛɛ.

1 Tesalonika 2:2

Nɔɔ zi naa ɓɔɔ zang dang ruu jĩng, a zang dãlɛ ruu ka Filipi tɔ, a ruu naa a ka bii manɛ ka Tesalonika. Zang dɔɔli nɛɛ ri zãa ruu Ruu Tɔ̃ɔ kɔɔnang ka gari manɛ, a Laa mã ruu danggn doo nɛɛ mani, a ruu kɔɔ nɔɔ Ruu Tɔ̃ɔ ɓɔɔ a nɛɛ bii ɓiɓɛ ɓɛɛ.

1 Tesalonika 2:6

Ruu tɔɔ kpang nɛɛ ruu shing nɔɔ, nɔɔ dɔɔ ruu kpang, a ruu ti kãa gbalang ɓɔɔ zang ɓɔɔ ri dɔ̀ɔ ruu ɓɛɛ kpang.

1 Tesalonika 3:10

Nɛɛ zĩi nɛɛ laagɛ̃ ruu gaa wu nɛɛ yeti ɓuru nandon, nɛɛ wu yàa ruu gbalang jong ruu zi nɔɔ nɛɛ jĩng ɓuru, tɔɔ ruu tusu nɔɔ vuu ɓɔɔ yaa nɔɔ doogn ka danggn ɓɔɔ nɔɔ shing ɓɛɛ.

1 Timoti 1:11

Vuu ɓɔɔ niizang keɓe, ɓi ka Ruu Tɔ̃ɔ Laa, ɓɔɔ Laa ɓɔɔ daa naa ɓɔɔ zang piti dɔɔ wu katɔ, a m nɛɛ n kɔɔ zang ɓɛɛ.

1 Timoti 4:10

Ka ruu nɔngkɔ, rùu palɛ shonang, a ruu ti takɛ bii, ka ruu ɓɔɔ, ruu shing danggn ka bii Laa ɓɔɔ ningkãari, ɓɔɔ wukɔ ta yuu zang piti ɓɛɛ. Tá yuu zang ɓɔɔ ri shing danggn tɔ kɔ gbãng gbãng.

1 Timoti 5:5

Suvɔ ɓɔɔ ɓi ka bm, zang ɓɔɔ gãng jĩng ka wu kpang shing gn ɓi kaa bii Laa. Gaa Laa nɛɛ zĩi nɛɛ laagɛ̃, nɛɛ Laa wu yi wu naa ka bii.

2 Timoti 1:3

N zãa Laa ɓɔɔ n pàlɛ́ wu shonang nɛɛ yeti gbete tɔ, naa ɓɔɔ rɛɛ dabang mɛɛ ri pálɛ́ ɓɛɛ. N zãa wu ka ɓɔɔ, n gaa wu nɛɛ laagɛ̃ nɛɛ zĩi n ɓaa nung ɓaaɓɛ kagn diki diki ɓɛɛ.