1 Tesalonika 2:4 - Nyaa Shɔɔ Ɓɔɔ Laa a Ɓɛɛ

⁴ Ruu kɔɔrɔ ruu ɓuru naa ɓɔɔ Laa kasɛ nɛɛ ruu kɔɔ ɓɛɛ kɔ jong. Ka ruu ɓɔɔ, Laa zirɛ ruu daa naa ɓɔɔ wu a ruu Ruu Tɔ̃ɔ ɓiɓɛ tɔ ruu daa kɔɔ zang ɓɛɛ. Ruu tɔɔ kpang nɛɛ ruu rang yee tɔ̀ɔ zang ri tãa tĩnang kpang, ruu kasɛ ɓuru nɛɛ Laa ɓɔɔ wukɔ zi vuu ɓɔɔ ka yeti ɓuru tɔ wu tãa tĩnang.

1 Tesalonika 2:4 ပူးပေါင်းရင်းမြစ်များ

Luka 12:42

A kpanti kasɛ wu nyaa tɔɔ, “Ɓu wi zang shonang tɔ̃ɔ, a ti zũng katɔ wiya? Ɓɔɔ zang gãa ɓiɓɛ yaa wu gãa ka naa, nɛɛ wu alɛ zang vuu shaanang ka laa vuu shaanang ɓarɛ wiya?

Luka 16:11

Naa nɔɔ shing jĩng ka vuu naa ɓɔɔ koo keɓe tɔ̃ɔ tɔ̃ɔ kpang, ɓu wi yàá nɔɔ vuu naa ɓɔ̀ɔ́ Suru Laa ka naa wiya?

Yɔhana 21:17

Yeesɔ kɔɔ tɔkn daa kaa doo taati tɔɔ, “Siman jaa Yɔhana mɔɔ kasɛ m katɔ ya?” Yeti Bituru lasɛ, ka ruu ɓɔɔ, Yeesɔ hɛ̃ɛ wu daa doo taati nɛɛ, “Mɔɔ kasɛ m katɔ ya?” ɓɛɛ. A kɔɔ Yeesɔ tɔɔ, “Kpanti, mɔɔ zi vuu tɔ nandon, mɔɔ zi tɔ nɛɛ n kasɛ mɔɔ katɔ.” Yeesɔ kɔɔ wu tɔɔ, “Hnti zang mɛɛ.”

Rooma 8:27

A Laa ɓɔɔ zi yeti shɔnzang tɔ nandon, zi vuu ɓɔɔ Suru rɛ̃rɛ tɔ. Ka ruu ɓɔɔ, Suru bakɛ Laa ka ruu zang Laa, ka doo vuu ɓɔɔ yeti Laa kasɛ ɓɛɛ.

1 Koranti 7:25

N kɔɔ nɔɔ ruu, ka yuu zang ɓɔɔ ri gee soro gn kpang ɓɛɛ. Ɓi Laa a m nyaa dannang ka yuu ruu keɓe kpang. N kɔ̀ɔ́ nɔɔ m ɓɔɔ yeti mɛɛ. Nɔɔ ɓaa shoo waasɛ̃, ka ruu ɓɔɔ, Kpanti Yeesɔ Kirisi pàlɛ̀ m tɔ̃ɔ, tɔ̀ɔ, n nwang zang ɓɔɔ daa naa ɓɔɔ zang shing gn ka wu katɔ ɓɛɛ.

1 Koranti 9:17

Naa nkɔ nɛɛ rɛ̃rɛ nɛɛ yeti mɛɛ nɛɛ, n kɔ̀ɔrɔ́ zang Ruu Tɔ̃ɔ Laa, n nɛɛ shing jĩng katɔ nɛɛ zang a m vuu ɓɔɔ. Á ɓi nkɔ rɛ̃rɛ nɛɛ n palɛ shonang keɓe kpang, ɓi Laa yaa m shonang keɓe ka naa, a dang m nyaa nɛɛ n pàlɛ̀ wu.

2 Koranti 2:17

Ruu ɓuru naa zang dɔɔli ɓɔɔ, Ruu Laa nwàng ri ɓarɛ kaa gbalang ɓɔɔ ri kãa vuu shaanang nɛɛ mani ɓɛɛ kpang. Ruu palɛ shonang ɓuru nɛɛ yeti gbete. Ruu kɔɔ Ruu Laa ɓuru naa ɓɔɔ Laa tusu ruu gbalang ɓɛɛ. Naa zang nyaa shonang ɓiɓɛ, a ɓɔɔ kaa naa zang shonang Yeesɔ Kirisi.

2 Koranti 4:2

Rùu dɔ̃ vuu ɓɔɔ zang waasɛ katɔ, nɛɛ vuu yusɛ̃ɛ tɔ piti nɛɛ kaa. Ruu palɛ vuu tɔ̀ɔ́ nɛɛ sèé kpang. Ruu ti risi Ruu Laa tɔ̀ɔ́ wu raa sèé kpang. Ruu kɔɔ rúu ɓɔɔ niizang ka dalɛ, ka tĩng Laa. Ruu kasɛ nɛɛ zang ɓu wu zi ka yeti ɓiɓɛ nɛɛ ruu ɓuru zang tɔ̃ɔ.

2 Koranti 5:11

Ruu zi vuu ɓɔɔ zang ɓaa nɛɛ zang kaa vɔrɔ Laa tɔ, ka ruu nɔngkɔ, ruu bàkɛ́ zang piti. Laa zi ruu nung tɔ dɔ̃ɔ gbete, n ti shing gn nɛɛ, ka yeti manɛ, nɔɔ zi ruu nung tɔ gbãng gbãng.

2 Koranti 5:16

Rúu dɔ̀ng zang ɓɔɔ ruu, tɔ̀ɔ́ ka doo nwannang shɔnzang kpang. Niizang, ɓeleng ruu dɔ̀ng Yeesɔ Kirisi ruu ka gbalang kaɓa kɔ, a kãntang keɓe, ruu palɛ tɔ̀ɔ́ nɔngkɔ kpang.

Galati 1:10

Ruu keɓe nwang naa ɓɔɔ n kãayi nɛɛ nyaating mɛɛ wu puu ka bii shɔnzang ya? Kpang, n kasɛ nyaating mɛɛ wu puu ka bii Laa. N kasɛ nɛɛ tɔ zang piti ri zi m nung ya? Naa n nɛɛ palɛ nɔngkɔ, n nɛɛ tɔ̀ɔ́ zang ɓɔɔ palɛ Kirisi shonang kpang.

Galati 2:7

Ri zi ɓarɛ katɔ kɔ jong nɛɛ, Laa a m shonang tɔ nɛɛ n kɔ̀ɔ zang ɓɔɔ ri zang Yahudi kpang Ruu Tɔ̃ɔ, naa ɓɔɔ shing Bituru, nɛɛ wu kɔɔ zang Yahudi Ruu Tɔ̃ɔ ɓɛɛ.

Afisa 3:8

Nkɔ ɓɔɔ n daa doo rɛɛ zang Laa ɓɔɔ ri daa doo rɛɛ zang nimbang kpang. Laa a kaa dòo nkɔ gbalang nɛɛ n daa kɔɔ zang ɓɔɔ zang Isirela kpang, Ruu Tɔ̃ɔ ɓɔɔ ka yuu tĩnang ɓɔɔ zang gãsɛ nɛɛ vuu ɓɔɔ kpang, ɓɔɔ zang walɛ nɛɛ bìí Yeesɔ Kirisi ɓɛɛ.

Afisa 6:6

Nɔ́ɔ zi wu jĩng ɓarɛ, nɔ́ɔ pálɛ́ vuu keɓe kpang, tɔ̀ɔ, ri dɔɔ nɔɔ kati ɓɛɛ kpang. Nɔɔ palɛ vuu ɓɔɔ Laa kasɛ ɓɛɛ, nɛɛ yeti manɛ nandon, ka ruu ɓɔɔ, nɔɔ manɛ jaafoo Yeesɔ Kirisi ɓɛɛ.

Kolosi 3:22

Jaafoo, nɔɔ ɓaa shoo ka nyaa zang ɓɔɔ ri dabang gãa manɛ ka vuu piti. Nɔɔ ɓáa, wu ka ɓɔɔ nɔɔ zi jĩng ɓarɛ katɔ kɔ shɛ̃ɛning kpang, tɔɔ nyaating wu pu nɔɔ nɛɛ ri kpang. Nɔ̀ɔ palɛ nɛɛ yeti gbete ka ruu bannang ɓɔɔ nɔɔ a Laa ɓɛɛ.

1 Timoti 6:20

Timoti, gãng jĩng ka vuu ɓɔɔ Laa a mɔɔ ka naa ɓɛɛ waasɛ̃. Mɔɔ ɓaa shoo ka yee sãnsãnrãng ɓɔɔ zang rangkɛ kpang. Mɔɔ ti laa nyaa ka yuu vuu ɓɔɔ zang suu sèé nɛɛ wukɔ “zũnang” ɓɛɛ kpang.

2 Timoti 1:14

Gãng jĩng ka ruu niizang ɓɔɔ Laa a mɔɔ ka naa ɓɛɛ. Yiti nɛɛ naa vuu palɛnang Suru Laa, ɓɔɔ nwang ka yeti ɓuru ruu nandon ɓɛɛ.

2 Timoti 2:2

Túsú vuu ɓɔɔ mɔɔ tãayi, n túsú ka jĩng zang dɔɔli ɓɛɛ, mɔɔ tusu zang ɓɔɔ mɔɔ shing ri gn katɔ ka bii ɓɛɛ. Zang ɓɔɔ ri zunung ɓɔɔ ri tusu zang ɓɔɔ kaa jong ɓɛɛ.

Titu 1:3

Ka ɓɔɔ diki a tɔ teetee Laa nwangsɛ rùu ruu suru bii keɓe, ka yeti yee ɓiɓɛ. Laa ɓɔɔ wukɔ ta yuu ɓuru, a m ruu keɓe, a kɔɔ m nɛɛ n kɔɔrɔ zang.

Yahudi 4:13

Vuu ɓɔɔ Laa mãayi kagn gbete, ɓɔɔ wayi, Laa zi wu kpang ɓɛɛ kpang. Vuu piti ɓi ka dalɛ, zang larɛ ri ɓi katɔ ka jĩng Laa ɓɔɔ ruu naa shii ka tĩng ɓiɓɛ, ruu kɔɔ wu vuu piti ɓɔɔ ruu palɛ ɓɛɛ.

1 Bituru 4:11

Zang ɓɔɔ Laa nɛɛ a wu naa yee rannang, wu rang yee ɓɔɔ a nɛɛ bii Laa ɓɛɛ. Zang ɓɔɔ nɛɛ zunung ɓɔɔ wu shǒng zang katɔ, wu shong nɛɛ kaka ɓɔɔ Laa a wu piti. Nɔɔ palɛ nɔngkɔ tɔ̀ɔ, zang ri dɔɔ Laa ka ruu vuu piti, ka ruu Yeesɔ Kirisi. Bannang nɛɛ naa vuu palɛnang ɓi ɓɔɔ ɓiɓɛ kɔ dòndòng. Nɔngkɔ.

Vuu ɓɔɔ zang nwangsɛ Yɔhana 2:23

N naa nyɔkɔ zang ɓɔɔ ri dũng wu vɔrɔ nandon. Tɔ̀ɔ, zang ɓɔɔ ri dũng Laa ka nɔng piti, ri zi kati nɛɛ nkɔ zang ɓɔɔ zi rɛ̃rɛnang zang tɔ nɛɛ yeti ɓarɛ piti ɓɛɛ. N a zang ɓu vuu ka doo shonang ɓɔɔ wu palɛ ɓɛɛ.