1 Tesalonika 2:13 - Nyaa Shɔɔ Ɓɔɔ Laa a Ɓɛɛ

¹³ A vuu ɓɔɔ shingnɛ ruu zãa Laa diki diki ɓɛɛ kagn. Ruu atɛ nɔɔ ruu ɓɔɔ Laa shong nyaa nɛɛ mani ɓɛɛ, nɔɔ tãayi, a nɔɔ tarɛ. Wu naa nyaa shonang shɔnzang kpang, naa nyaa shonang Laa. Ti nyaa shonang Laa kɔ niizang. Ka ruu nɔngkɔ, Ruu Laa ti kɔ̃̀sɔ́ yeti manɛ kana ɓɔɔ nɔɔ shing danggn tɔ ɓɛɛ.

1 Tesalonika 2:13 ပူးပေါင်းရင်းမြစ်များ

Matiyu 10:20

Nɔkɔ daa rang yee kpang, ɓi Suru Daa manɛ kɔ daa rang nɛɛ nyaa manɛ.

Matiyu 10:40

“Zang ɓɔɔ ri nɛɛ tà nɔɔ, ri ta ɓi nkɔ. Zang ɓɔɔ nɛɛ tà m, ta ɓi zang ɓɔɔ shong m ɓɛɛ.

Luka 11:28

Yeesɔ kasɛ wu nyaa tɔɔ, “Tĩnang tãanang ɓi ɓɔɔ zang ɓɔɔ ri tãa Ruu Laa, ri shing ka yeti ɓarɛ ɓɛɛ kɔ jong.”

Luka 5:1

Diki ɓɔɔ kagn, Yeesɔ shii ka nyaa mii waapo Janesara, a zang ɓɔɔ ri kpalɛ zɔɔ ri màasɛ́ wu, ri kasɛ nɛɛ ri tãa yee Laa.

Luka 8:11

Yeesɔ kɔɔyi tɔɔ, “Dĩiri nyaa vuu jeenang keɓe. Jĩng vuu keɓe, ɓi ruu Kpanti Laa.

Luka 8:21

A kasɛ ri nyaa tɔɔ, “Nàá mɛɛ nɛɛ rɛɛ jaa nàá mɛɛ ɓi zang ɓɔɔ ri tãa Ruu Laa, a ri ti palɛ vuu ɓɔɔ Ruu Laa kɔɔ ɓɛɛ.”

Yɔhana 15:3

Ruu ɓɔɔ n kɔɔ nɔɔ, a nɔɔ tarɛ ɓɛɛ, shíng nɔɔ manɛ tɔ, vuu shi kpang ɓi tɔ̀ɔ́ kagn bii manɛ kpang.

Yɔhana 17:17

Shing ri, ri nwáng zang ɓaaɓɛ ɓɔɔ shi kpang kagn bii ɓarɛ kpang ɓɛɛ, nɛɛ ruu ɓaaɓɛ ɓɔɔ niizang ɓɛɛ. Ruu ɓaaɓɛ ɓi niizang.

Yɔhana 17:19

N a mɔɔ yuu mɛɛ, ka ruu ɓarɛ kɔ, tɔɔ ri a mɔɔ yuu ɓarɛ kaa jong niizang.”

Zang Shonang Yeesɔ 10:33

A n tantɛ nyaa kaa shonang ka bii ɓaaɓɛ. Mɔɔ ti pálɛ́ tɔ̃ɔ tɔ, ka ɓɔɔ mɔɔ arɛ ɓɛɛ. Wee ruu kpalɛ zɔɔ tɔ nandon ka tĩng Laa ɓee, kɔɔ ruu vuu ɓɔɔ Laa kɔɔ mɔɔ nɛɛ mɔɔ kɔɔ ruu ɓɛɛ ta.”

Zang Shonang Yeesɔ 13:48

Ɓɔɔ rɛɛ zang ɓɔɔ ri zang Isirela kpang ri tãa naa weɓe, ri tãa tĩnang dɔɔli. Ri a Ruu Laa bannang, a rɛɛ zang ɓɔɔ bɛ̀ɛ́ Laa shingnɛ, nɛɛ ri walɛ Suru bii ɓɔɔ waa nyaa kpang katɔ, ri shing danggn ka bìí Laa.

Zang Shonang Yeesɔ 16:14

Ka teteng zang soro ɓɔɔ ri tã̀á ruu keɓe, jaa soro ɓɔɔ kagn gbete, zang ɓaa wu nɛɛ Lidiya. Jaa soro keɓe, zang gari Tayatira, màlɛ́ fɔ̃ɔrɔ ɓɔɔ nwɛ̃ɛri ɓɛɛ. Ɓi ti zang ɓɔɔ bang Laa ɓɛɛ. Laa puu wu jĩng nɛɛ, wu zi vuu ɓɔɔ Bulu kɔ̀ɔ́ ɓɛɛ, nɛɛ wu ti shing danggn kati.

Zang Shonang Yeesɔ 17:11

Zang Yahudi ɓɔɔ ka nihn, ri ɓarɛ naa ɓɔɔ Tesalonika kpang. Ri ɓaa shoo gbãng gbãng ka ɓɔɔ ri tãa Ruu Laa ɓɛɛ. Ri gã Ruu Laa diki diki nɛɛ ri zirɛ vuu ɓɔɔ Bulu kɔɔyi nɛ́ɛ niizang ɓɛɛ.

Zang Shonang Yeesɔ 17:32

Ɓɔɔ ri tãayi Bulu kɔɔ ruu ka yuu paa yunang nɛɛ saa, zang ɓɔɔ ri kpaa wu, a zang ɓɔɔ ri kɔɔ wu nɛɛ “Ruu kasɛ nɛɛ ruu tãa ruu ka yuu vuu keɓe tɔkn.”

Zang Shonang Yeesɔ 2:41

Zang dɔɔli ri ta ruu ɓiɓɛ, a zang palɛ ri batizima. Ka diki kaɓa, zang ɓɔɔ gisi ka yuu zang ɓɔɔ ri shing danggn tɔ ka bii Laa ɓɛɛ ri daa nung zang labang taati katɔ.

Zang Shonang Yeesɔ 8:14

Zang shonang Yeesɔ ɓɔɔ ri ka Urushalima, ri tãa nyaa nɛɛ zang Samariya ri ta Ruu Laa tɔ, ka ruu nɔngkɔ, ri dɔ̃ Bituru nɛɛ Yɔhana ka bii ɓarɛ.

Rooma 10:17

Ka ruu nɔngkɔ, zang nɛɛ tãa ruu ɓɔɔ zang kɔɔ tɔ, zang shing danggn kati. Zang tã̀á ruu keɓe, ka ɓɔɔ zang kɔɔ ruu Kirisi ɓɛɛ.

2 Koranti 3:18

Ɓɔɔ ruu dũng Laa nɔngkɔ, sɛ̃ɛ fɔ̃ɔrɔ keɓe zùu jĩng ɓuru kpang, ruu zi bannang Kpanti Laa katɔ. Bannang keɓe, ɓɔɔ a nɛɛ bii Kpanti Laa ɓɔɔ ɓi suru ɓɛɛ, rìsí ruu kana, tɔ̀ɔ, ruu nwang naa wukɔ. Ti gìsí ruu bannang ɓɔɔ naa ɓɔɔ ɓiɓɛ gbãng gbãng ɓɛɛ kana, ka yuu zɔɔ, yuu zɔɔ.

Galati 4:14

A nɔɔ bɛ̃ɛ m ka ɓɔɔ n kɔng vɔrɔ ɓɛɛ kpang. Kɔnang mɛɛ nwang naa vuu ɓɔɔ gãsɛ nɔɔ katɔ ɓɛɛ. Nɔɔ ta m katɔ kɔ jong naa ɓɔɔ nɔɔ nɛɛ tà zang nyaa shonang Laa ɓɔɔ ka lapa ɓɛɛ. Nɔɔ tá m naa nkɔ Yeesɔ Kirisi nɛɛ yuu ɓiɓɛ.

Kolosi 1:6

Ruu Tɔ̃ɔ atɛ zang tĩnang tãanang kana, a tĩnang keɓe, bàa koo tɔ nandon. Naa ɓɔɔ bàa teteng manɛ doo nɛɛ diki ɓɔɔ nɔɔ gaayu tɔ̃ɔ ɓɔɔ Laa palɛ tãanang, a nɔɔ naa zi naa ɓɔɔ nwàng ɓɛɛ nɛɛ mani ɓɛɛ.

Yahudi 4:12

Ruu Laa palɛ shonang katɔ. Wɔng nyaa ɓa yere bang ɓɔɔ nyaa ziti katɔ. Basɛ suru bii katɔ nɛɛ suru. Wu ti basɛ rɛɛ gboko nɛɛ sɛ̃ɛting kaka. Ti dɔng ruu katɔ ka yuu vuu ɓɔɔ zang rɛ̃rɛ nɛɛ vuu ɓɔɔ zang mang ka yeti ɓɛɛ.

Yahudi 4:2

Ka ruu ɓɔɔ, zang kɔɔ ruu Ruu Tɔ̃ɔ Laa tɔ jong, naa ɓɔɔ zang kɔɔ ri ɓɛɛ. A rúu ɓɔɔ ri tãayi nwàng ri vuu ɓɔɔ kaa takpang, ka ruu ɓɔɔ, zang ɓɔɔ ri tãayi, ri shing danggn kpang ɓɛɛ.

Yakubu 1:18

Wukɔ kasɛ nɛɛ yuu ɓiɓɛ, a shing rùu, rùu nwang wujɛ ɓiɓɛ, nɛɛ yee ɓiɓɛ ɓɔɔ niizang ɓɛɛ. Nɛɛ tɔ̀ɔ, ruu nwang kaa naa jamari rɛɛ vuu ɓɔɔ wu mã́arɛ̀ ɓɛɛ.

1 Bituru 1:23

Nɔɔ zi tɔ nɛɛ Laa yi nɔɔ tɔ shɔɔ tɔkn, nɛɛ bii ruu ɓiɓɛ ɓɔɔ a zang suru bii ɓɛɛ. Ruu ɓiɓɛ keɓe shing zang katɔ, zang palɛ vuu wu nwang ɓi dòndòng. Ɓi shɔnzang ɓɔɔ vɔ katɔ kɔ yi nɔɔ kpang, ɓi Laa ɓɔɔ vɔ ɓi jong kpang kɔ a nɔɔ suru bii keɓe nɛɛ yuu ɓiɓɛ.

1 Bituru 1:25

A Ruu Laa nwang ɓi dòndòng.” Ruu keɓe ɓi wukɔ Ruu Tɔ̃ɔ Laa ɓɔɔ zang kɔɔ nɔɔ ɓɛɛ.

1 Bituru 2:2

Nɔɔ nwáng manɛ naa wujɛ rɛ̃ɛting ɓɔɔ ri kaa nyɔkɔ mii nàá ɓarɛ, diki diki ɓɛɛ kɔ jong. Nɔɔ kaa manɛ nyɔkɔ Ruu Laa ɓɔɔ wukɔ mii ɓɔɔ niizang, ɓɔɔ shing nɔɔ, nɔɔ zũng danggn ɓɛɛ. Diki ɓɔɔ Laa naa ta yuu manɛ wu a nɛɛ mani.

2 Bituru 3:2

N kasɛ nɛɛ danggn ruu ɓɔɔ zang nyaa shonang Laa ri kɔɔ ka tĩng doo tɛ̃ɛ tɛ̃ɛ wu ning nɔɔ kpang. Danggn nyaa dannang ɓɔɔ dabang ɓuru Yeesɔ Kirisi, ɓɔɔ wukɔ ta yuu ɓuru kɔɔ zang shonang, ɓɔɔ wu shongko ri ka bii manɛ, nɛɛ ri kɔɔ nɔɔ ɓɛɛ, wu ti ning nɔɔ kpang.

1 Yɔhana 3:3

Zang ɓɔɔ shing gn nɛɛ wu naa nwang naa Kirisi, a ti shing gn nɛɛ vuu keɓe naa nwang ditɔ nɔngkɔ, wu nwang tɔ̃ɔ tɔ̃ɔ naa ɓɔɔ Yeesɔ nwàng ɓɛɛ.