1 Tesalonika 2:1 - Nyaa Shɔɔ Ɓɔɔ Laa a Ɓɛɛ

¹ Rɛɛ manzung, nɔɔ nɛɛ yuu manɛ nɔɔ zi tɔ nɛɛ, lennang ɓɔɔ ruu leng nɔɔ, nwàng nɔɔ vuu tɔ̃ɔ katɔ.

1 Tesalonika 2:1 ပူးပေါင်းရင်းမြစ်များ

1 Koranti 15:10

A gn mɛɛ naa kɔng Laa. Ka ruu tɔ̃ɔ ɓɔɔ wu palɛ zang, palɛ m tɔ̃ɔ, a shing m n raa zang ɓɔɔ nɔɔ zi m kãntang keɓe. Tɔ̃ɔ ɓɔɔ wu palɛ m, wu waati kpang. Nwáng vuu tɔ̃ɔ tɔ, ka ruu ɓɔɔ, n palɛ shonang nɛɛ kaka mɛɛ, n ɓa zang shonang ɓɔɔ nimbang nandon ɓɛɛ. N palɛ vuu keɓe wu nɛɛ yuu mɛɛ kpang, ɓi tɔ̃ɔ ɓiɓɛ ɓɔɔ ka bii mɛɛ palɛ.

1 Koranti 15:2

Laa ti tá yuu manɛ kana ka ruu ruu kaɓa, nɔɔ nɛɛ dũng vuu ɓɔɔ n kɔɔ nɔɔ nɛɛ yeti gbete ɓɛɛ. Nɔɔ nɛɛ ti zi vuu ɓɔɔ nɔɔ shing danggn kagn tɔ niizang ɓɛɛ.

1 Koranti 15:58

Ka ruu nɔngkɔ, manzung, ɓɔɔ n kasɛ nɔɔ katɔ ɓɛɛ, n kɔɔ nɔɔ, nɔɔ shii nɛɛ kaka, vuu ɓɔɔ wu shing nɔɔ nɔ́ɔ kɔ̃sɔ yeti manɛ kpang. Nɔɔ palɛ shonang Kpanti ɓuru Yeesɔ Kirisi nɛɛ yeti manɛ nandon, ka ruu ɓɔɔ, nɔɔ zi tɔ nɛɛ shonang ɓɔɔ nɔɔ pàlɛ́ Kpanti Kirisi naa nwǎng nɔɔ vuu tɔ̃ɔ katɔ ɓɛɛ.

2 Koranti 6:1

Ka shonang kɔ ruu pálɛ̀ ka nyaa zɔɔ nɛɛ Laa ɓee, ruu gàa nɔɔ ɓɔɔ Laa pàlɛ̀ nɔɔ tɔ̃ɔ tɔ ɓɛɛ, wu nwàng naa pàlɛ̀ nɔɔ ka dalɛ waati kpang.

Galati 2:2

N daayi, ka ruu ɓɔɔ, Laa kɔɔ m nɛɛ n daayi ɓɛɛ. Ka ɓɔɔ n shɛ̃ɛ nɔng, n ɓaa rɛɛ zang bang nyaa dang gbete. Ruu nwáng nɛɛ ri, a n kɔɔ ri rúu Ruu Tɔ̃ɔ ɓɔɔ n kɔɔrɔ zang ɓɔɔ ri zang Isirela kpang ɓɛɛ. N kasɛ nɛɛ shonang ɓɔɔ n pálɛ́ ka tĩng, nɛɛ ɓɔɔ n palɛ kãntang, wu shaarɛ waati kpang.

Galati 4:11

Vuu kɔ nɔɔ palɛ ɓee, shing tɔ n káa kaa vɔrɔ. Mɔɔ kɔɔ nɛɛ shonang ɓɔɔ n pálɛ̀ ka ruu manɛ shàarɛ̀ tɔ waati.

Filipi 2:16

Tɔ̀ɔ, nɔ́ɔ ti kɔɔ zang ruu ɓɔɔ a zang suru bii ɓɛɛ. Naa nɔɔ palɛ nɔngkɔ, ka diki ɓɔɔ Yeesɔ Kirisi naa gbãayu, n naa tãa tĩnang, ka ruu ɓɔɔ, n naa zi kaa wukɔ nɛɛ n nyɔ bii ka nɔng shonang ka dalɛ waati kpang ɓɛɛ.

1 Tesalonika 2:13

A vuu ɓɔɔ shingnɛ ruu zãa Laa diki diki ɓɛɛ kagn. Ruu atɛ nɔɔ ruu ɓɔɔ Laa shong nyaa nɛɛ mani ɓɛɛ, nɔɔ tãayi, a nɔɔ tarɛ. Wu naa nyaa shonang shɔnzang kpang, naa nyaa shonang Laa. Ti nyaa shonang Laa kɔ niizang. Ka ruu nɔngkɔ, Ruu Laa ti kɔ̃̀sɔ́ yeti manɛ kana ɓɔɔ nɔɔ shing danggn tɔ ɓɛɛ.

1 Tesalonika 3:5

Vuu ɓɔɔ shingnɛ ruu shong Timoti ɓɛɛ kɔ. Daa naa ɓɔɔ n tí ɓɛɛ takpang, ka ruu nɔngkɔ, ruu shong wu, nɛɛ wu daa zi ruu naa ɓɔɔ danggn shinnang manɛ nwang ɓɛɛ. Ruu zi kpang naa Sheetang gãsɛ nɔɔ tɔ, nɔɔ yaa danggn ɓɔɔ nɔɔ shing ɓɛɛ tɔ. Nɔɔ shing tɔ shonang ɓuru nandon shaarɛ tɔ waati ya?

2 Tesalonika 1:10

Ka diki ɓɔɔ wu arɛ ɓɛɛ, tɔ̀ɔ zang ɓiɓɛ nandon ɓɔɔ ri shing danggn tɔ, ri dɔ̀ɔ wu ri a wu bannang kati. Nɔɔ naa nwang jong ka teteng ɓarɛ, ka ruu ɓɔɔ, nɔɔ shíng danggn tɔ, ka ruu ɓɔɔ, ruu kɔ̀ɔ nɔɔ ɓɛɛ.

2 Tesalonika 3:1

Rɛɛ manzung ɓuru, n hangsɛ ruu kaa nɛɛ ruu keɓe. Nɔɔ gàá Ruu Laa, tɔ̀ɔ, Ruu Tɔ̃ɔ Kpanti Yeesɔ wu bàa nɔng piti piti, wu daa nɛɛ tĩng kɔ sasak. Zang ri a ruu bii bannang, naa ɓɔɔ nɔɔ a ruu bii bannang ɓɛɛ.