1 Tesalonika 1:6 - Nyaa Shɔɔ Ɓɔɔ Laa a Ɓɛɛ

⁶ Nɔɔ kpɛ̃ɛrɛ nwannang tɔ naa ɓɔɔ ruu nwang ɓɛɛ, a ɓɔɔ ti naa ɓɔɔ Kpanti Yeesɔ nwang ɓɛɛ. Zang dang nɔɔ jĩng dɔɔli, a nɔɔ ta ruu ɓɔɔ ka yuu Yeesɔ Kirisi doo nɛɛ mani, nɔɔ tãa tĩnang ɓɔɔ Suru Laa shing zang, zang tãa ɓɛɛ.

1 Tesalonika 1:6 ပူးပေါင်းရင်းမြစ်များ

Matiyu 16:24

A Yeesɔ kɔɔ zang ɓɔɔ ri mantɛ vuu ka bii ɓiɓɛ tɔɔ, “Zang piti ɓɔɔ nɛɛ tɔɔ wu dũng m, wu yaa yuu ɓiɓɛ kasɛnang ta, wu ta jĩng dannang ɓɔɔ a ka ruu nung mɛɛ ɓɛɛ, wu tuu laa ɓɔɔ zang ɓaa wu kagn, wu dũng m.

Yɔhana 8:12

A Yeesɔ rang zang Farisi yee tɔkn tɔɔ, “Nkɔ yakɛ koo, zang ɓɔɔ nɛɛ dũ̀ng m ra ka nɔng ɓɔɔ tɔɔ katɔ kpang. Walɛ ɓi nɔng yakɛnang ɓɔɔ a zang suru bii ɓɛɛ kɔ jong.”

Zang Shonang Yeesɔ 13:52

Zang ɓɔɔ ri dũng Laa ri tãa tĩnang dɔɔli, Suru Laa ti a ka bìí ɓarɛ.

Zang Shonang Yeesɔ 5:41

Rɛɛ zang shonang Yeesɔ ri yaa nɔng ruu jɛ̃ɛnang ri tãa ɓarɛ tĩnang, nɛɛ Laa zirɛ ri daa naa ɓɔɔ ri dang jĩng ka ruu nung Yeesɔ tɔ.

Zang Shonang Yeesɔ 9:31

Ka diki kaɓa, zang ɓɔɔ ri dũng Laa ɓɔɔ ri ka tipi Yahudi, nɛɛ tipi Galili, nɛɛ tipi Samariya nandon, ri tãa tĩnang nwannang ɓarɛ kati. Suru Laa yi ri naa kagn, a mã ri danggn. Ri shang kaa jong ka ɓɔɔ ri nwangnɛ ri a Laa bannang ɓɛɛ.

Rooma 15:13

Laa ɓɔɔ wukɔ shingnɛ nɔɔ shing gn ɓɛɛ, wu shingnɛ nɔɔ tãa tĩnang gbãng gbãng ka yeti manɛ, yeti manɛ wu ti valɛ. Tɔ̀ɔ, Suru Laa wu a nɔɔ naa, nɔɔ shing gn kaa gbãng gbãng.

1 Koranti 11:1

Nɔɔ palɛ vuu doo naa ɓɔɔ n pálɛ̀ ɓɛɛ kɔ. Naa ɓɔɔ n palɛ naa ɓɔɔ Kirisi pálɛ́ ɓɛɛ.

1 Koranti 11:2

N dɔ̀ɔ́ nɔɔ ka ruu ɓɔɔ danggn ruu mɛɛ nandon, ning nɔɔ kpang ka vuu piti ɓɛɛ. Nɔɔ ti palɛ vuu naa ɓɔɔ n tùsù nɔɔ katɔ ɓɛɛ.

1 Koranti 4:16

Ka ruu nɔngkɔ, n gaa nɔɔ katɔ, nɔɔ palɛ vuu naa ɓɔɔ n palɛ ɓɛɛ.

2 Koranti 6:10

Zang làsɛ́ ruu yeti katɔ, a ruu tãa kaa tĩnang diki diki, mɔɔ kɔɔ nɛɛ vuu ka naa ɓuru kpang, a ɓi rukɔ shing zang ri wàlɛ́ vuu naa. Mɔɔ kɔɔ nɛɛ vuu ka naa ɓuru kpang, a ɓeekpang vuu piti ɓi ka naa ɓuru.

2 Koranti 8:5

Vuu ɓɔɔ ri pálɛ́ ɓa ɓɔɔ ruu shing gn katɔ. Ri gaayu ri a Kpanti Yeesɔ yuu ɓarɛ, a ri ti naa a ruu yuu ɓarɛ kaa jong naa ɓɔɔ Laa kasɛ ɓɛɛ.

Galati 5:22

A Suru Laa shing zang ɓiri, zang wu kasɛ zang, zang wu tãa tĩnang, yeti zang wu valɛ katɔ, zang wu mã danggn, zang wu palɛ zang tɔ̃ɔ, zang wu pàlɛ̀ vuu ɓɔɔ tɔ̃ɔ ɓɛɛ, zang wu nwang zang ɓɔɔ zang shing danggn katɔ bii ɓiɓɛ.

Afisa 5:1

Wee nɔɔ kaa wujɛ Laa, ɓɔɔ Laa kasɛ nɔɔ dɔɔli ɓee, nɔɔ nwáng nwannang naa ɓɔɔ Laa nwàng ɓɛɛ.

Filipi 3:17

Rɛɛ manzung, nɔɔ kãa gbalang ɓɔɔ nɔɔ palɛ vuu naa ɓɔɔ n palɛ ɓɛɛ nɔɔ nandon. Nɔɔ ti pɛ̃ɛrɛ zang ɓɔɔ ri nwang nwannang tɔ̃ɔ naa weɓe jong. Rùu nwàng nɔɔ ɓuru kaa gbalang ɓɔɔ nɔɔ dũng ɓɛɛ.

2 Tesalonika 1:4

Ka ruu nɔngkɔ, ruu rangkɛ ruu bang bang ka yuu manɛ, ka ɓɔɔ ruu lengke zang ɓɔɔ ri dũng Laa ka nɔng ɓɔɔ ɓɛɛ. Yusɛ̃ɛ tuu ruu kpang. Ruu rangkɛ ruu ka yuu naa ɓɔɔ nɔɔ mã danggn, a nɔɔ shing danggn sasak ka yeti jĩng kɔ nɔɔ dang nandon ɓee ɓɛɛ.

2 Tesalonika 3:7

Nɔɔ nɛɛ yuu manɛ, nɔɔ zi tɔ waasɛ̃ nɛɛ daa naa ɓɔɔ nɔɔ dũng nyaa ɓuru tɔ. Ɓɔɔ ruu nwang nɛɛ nɔɔ, ruu si rang kpang.

2 Tesalonika 3:9

Ruu palɛ vuu keɓe, wu ka ruu ɓɔɔ daa naa ɓɔɔ ruu kɔɔ nɔɔ nɛɛ nɔɔ yi ruu naa ka bii kpang, kpang. Ruu palɛ nɔngkɔ, tɔ̀ɔ, ruu nwang nɔɔ vuu ɓɔɔ nɔɔ dũng ɓɛɛ.

2 Timoti 4:2

Kɔ̀ɔrɔ̀ zang Ruu Tɔ̃ɔ Laa, yi tĩng ɓaa ka kɔɔrɔnang, naa nɛɛ làá kɔɔnang, naa nɛɛ ti laa kɔɔnang kpang piti. Mangkɛ zang, mɔɔ ti mã̀ zang danggn. Mɔɔ mã danggn ka nɔng ɓɔɔ mɔɔ tusu zang vuu ɓɛɛ.

Yahudi 10:34

Ka ruu ɓɔɔ, gn zang ɓɔɔ zang mã ri ka sãa kɔng nɔɔ katɔ. Ɓɔɔ zang lasɛ vuu manɛ zang seeyi, yeti manɛ lasɛ kpang. Ka ruu ɓɔɔ, nɔɔ nɛɛ yuu manɛ, nɔɔ zi tɔ, nɛɛ vuu manɛ kagn ɓɔɔ ɓa weɓe katɔ, a ti nwang ɓi dòndòng ɓɛɛ.

1 Bituru 1:6

Ka ruu nɔngkɔ, nɔɔ tãa tĩnang ta ka ruu rɛɛ vuu kɔ Laa palɛ ɓee. Kãntang keɓe, yeti manɛ lasɛ katɔ, ka ruu ɓɔɔ, zang gãsɛ nɔɔ nɛɛ vuu gãsɛnang ka zɔ̃ng zɔ̃ng ɓɛɛ. Nɔɔ ti zi tɔ, diki ɓɔɔ zang gãsɛ nɔɔ kagn keɓe bée kpang.

1 Bituru 1:8

Nɔɔ zi Yeesɔ gngn nɛɛ jĩng manɛ kpang, nɔɔ kasɛ ruu ɓiɓɛ doo nɛɛ mani, a nɔɔ ti shing danggn tɔ ka bii ɓiɓɛ, ka ruu nɔngkɔ, nɔɔ tã̀a tĩnang ka yeti manɛ dɔɔli ɓa ɓɔɔ zang kɔ̀ɔ́ nɛɛ nyaa ɓɛɛ katɔ.

1 Bituru 3:13

Naa mɔɔ shing ka yeti ɓaaɓɛ nɛɛ, mɔɔ palɛ ɓaa tɔ̃ɔ kɔ gbete, zang ɓɔɔ palɛ mɔɔ shi kpang kagn ya?

3 Yɔhana 1:11

Masang ɓɔɔ n kasɛ mɔɔ dɔɔli ɓɛɛ, mɔ́ɔ màsɛ̀ zang ɓɔɔ ri palɛ vuu shi kpang, kpang. Màsɛ̀ zang ɓɔɔ ri pálɛ̀ vuu tɔ̃ɔ ɓɛɛ, zang ɓɔɔ palɛ vuu tɔ̃ɔ, wukɔ zang Laa. Zang ɓɔɔ pálɛ̀ vuu shi kpang, zi Laa nung ɓi gn kpang.