1 Tesalonika 1:5 - Nyaa Shɔɔ Ɓɔɔ Laa a Ɓɛɛ

⁵ Ruu Tɔ̃ɔ ɓɔɔ ka yuu Yeesɔ Kirisi ɓɔɔ ruu kɔɔ nɔɔ ɓɛɛ, ruu kɔɔ wu nɛɛ nyaa waati kpang. Laa a ruu naa vuu palɛnang ɓiɓɛ tɔ nɛɛ Suru ɓiɓɛ, a ruu ti shing danggn tɔ gbãng gbãng ka yuu Ruu Tɔ̃ɔ ɓɔɔ ka yuu Yeesɔ Kirisi ɓɔɔ ruu kɔ̀ɔ nɔɔ ɓɛɛ. Nɔɔ zi zɔ̃ng nwannang ɓɔɔ ruu nwangnɛ, ɓɔɔ bɛ̀ɛ́ ruu doo nɛɛ nɔɔ ɓɛ̀ɛ́ tɔ. Ruu palɛ vuu keɓe nandon ruu tɔɔ ruu yi nɔɔ naa ka bii.

1 Tesalonika 1:5 ပူးပေါင်းရင်းမြစ်များ

Maraku 16:20

A zang ɓɔɔ ri mantɛ vuu ka bii Yeesɔ ri daa kati, ri daa rang yee Laa kaa nɛɛ nɔng piti, piti. A Kpanti Yeesɔ ti palɛ shonang nɛɛ ri ning. Tusu zang nɛɛ yee ɓɔɔ zang ɓɔɔ ri mantɛ vuu ka bii ɓiɓɛ ri rangnɛ, ɓi niizang kɔ nwani. Ka ruu ɓɔɔ, zang zi ka vuu ɓɔɔ ri palɛ ɓɔɔ zang zirɛ zang mã naa ka danggn ɓɛɛ.]

Luka 1:1

N jee mɔɔ nyaa Dabang Tiyofilu. Mɔɔ zi tɔ nɛɛ zang dɔɔli ri bee vuu ɓɔɔ zang palɛ ka teteng ɓuru tɔ,

Zang Shonang Yeesɔ 11:21

Laa yi ri naa kagn, ka ruu nɔngkɔ, zang dɔɔli ri shing danggn, a ri nwang kaa zang Laa.

Zang Shonang Yeesɔ 16:14

Ka teteng zang soro ɓɔɔ ri tã̀á ruu keɓe, jaa soro ɓɔɔ kagn gbete, zang ɓaa wu nɛɛ Lidiya. Jaa soro keɓe, zang gari Tayatira, màlɛ́ fɔ̃ɔrɔ ɓɔɔ nwɛ̃ɛri ɓɛɛ. Ɓi ti zang ɓɔɔ bang Laa ɓɛɛ. Laa puu wu jĩng nɛɛ, wu zi vuu ɓɔɔ Bulu kɔ̀ɔ́ ɓɛɛ, nɛɛ wu ti shing danggn kati.

Zang Shonang Yeesɔ 2:33

Laa wisi wu paa, a shing wu tɔ ka nakn ɓiɓɛ, a á wu suru ɓɔɔ bɛ̀ɛ́ a ruu nyaa nɛɛ wu naa a ruu ɓɛɛ. Vuu ɓɔɔ nɔɔ zirɛ, nɔɔ ti tãa kãntang keɓe, ɓi vuu ɓɔɔ Laa tɔɔ wu a ruu ɓɛɛ kɔ.

Rooma 1:16

Yusɛ̃ɛ Ruu Tɔ̃ɔ Laa kɔɔnang tuu m kpang. Ruu Tɔ̃ɔ Laa kɔ naa vuu palɛnang Laa ɓɔɔ wu ta yuu zang piti, ɓɔɔ ri shing danggn tɔ nɛɛ mani ɓɛɛ. Zang Yahudi kɔ shɔɔnang, wu tɛɛ zang ɓɔɔ zang Yahudi kpang ɓɛɛ.

Rooma 15:13

Laa ɓɔɔ wukɔ shingnɛ nɔɔ shing gn ɓɛɛ, wu shingnɛ nɔɔ tãa tĩnang gbãng gbãng ka yeti manɛ, yeti manɛ wu ti valɛ. Tɔ̀ɔ, Suru Laa wu a nɔɔ naa, nɔɔ shing gn kaa gbãng gbãng.

Rooma 2:16

Ka diki keɓe, Laa naa jɛ̃ɛ zang ɓu ruu ka yuu vuu ɓɔɔ zang ɓu waasɛ katɔ ɓɛɛ. Jɛ̃ɛ ruu keɓe, nɛɛ bii Yeesɔ Kirisi naa ɓɔɔ n kɔɔ ka Ruu Laa kɔ n kɔ̀ɔrɔ̀ nɔɔ ɓee.

1 Koranti 1:24

Zang ɓɔɔ Laa shɛ̃ɛrɛ katɔ nɛɛ ri nwáng zang ɓiɓɛ, zang Yahudi nɛɛ zang Heleni piti, ri zi ɓarɛ tɔ nɛɛ, naa vuu palɛnang Laa ɓuru ka bìí Yeesɔ Kirisi kɔ, a wukɔ ti tusu ri naa ɓɔɔ zũnang Laa nwang ɓɛɛ.

1 Koranti 10:33

Naa ɓɔɔ n kãa m gbalang n shing zang ri tãa tĩnang ka vuu piti ɓɔɔ n palɛ ɓɛɛ. N shing jĩng m ka vuu ɓɔɔ yi nkɔ naa ka bii shɛ̃ɛning kpang. N shing jĩng m ka vuu ɓɔɔ, yi zang dɔɔli naa ka bii ɓɛɛ. Tɔ̀ɔ, n atɛ ri, Laa wu ta yuu ɓarɛ kati.

1 Koranti 3:16

Nɔɔ zi kpang nɛɛ nɔkɔ Gãa Laa, a Suru Laa nwàng ka yeti manɛ kpang ya?

1 Koranti 3:6

Rùu ɓuru naa zang ɓɔɔ ri lang jaa ɓɛɛ. Nkɔ ɓaa jĩng vuu, a Apolo ɓaarɛ mii kagn. Ɓi Laa kɔ ka bm gbete shingnɛ jĩng vuu tarɛ, a bangnɛ.

1 Koranti 4:20

Ka ruu ɓɔɔ, kpanti roonang Laa ɓi yee ɓɔɔ zang rangkɛ nɛɛ nyaa waati kpang, ɓi vuu naa vuu palɛnang Laa.

1 Koranti 9:14

Zang ɓɔɔ ri kɔɔrɔ zang Ruu Tɔ̃ɔ Laa, ri ɓarɛ doo nɔngkɔ. Kpanti Yeesɔ kɔɔ doo nɔngkɔ nɛɛ, zang ri a ri vuu nwannang koo keɓe katɔ, ka ruu shonang ɓarɛ.

2 Koranti 3:6

Wukɔ a ruu kaka, ruu palɛ wu shonang naa ɓɔɔ nyaa dannang shɔɔ kɔɔ ɓɛɛ. Wu nyaa dannang shɔɔ ɓɔɔ zang bee katɔ ɓɛɛ kpang, ɓi ɓɔɔ Suru Laa. Nyaa dannang ɓɔɔ zang bee katɔ, nyɔ zang ɓi vɔrɔ, a Suru Laa a zang ɓi suru bii.

Galati 2:2

N daayi, ka ruu ɓɔɔ, Laa kɔɔ m nɛɛ n daayi ɓɛɛ. Ka ɓɔɔ n shɛ̃ɛ nɔng, n ɓaa rɛɛ zang bang nyaa dang gbete. Ruu nwáng nɛɛ ri, a n kɔɔ ri rúu Ruu Tɔ̃ɔ ɓɔɔ n kɔɔrɔ zang ɓɔɔ ri zang Isirela kpang ɓɛɛ. N kasɛ nɛɛ shonang ɓɔɔ n pálɛ́ ka tĩng, nɛɛ ɓɔɔ n palɛ kãntang, wu shaarɛ waati kpang.

Galati 5:5

Ɓɔɔ ɓuru, ruu shing gn ɓuru nɛɛ Laa naa shing rùu rúu nwang zang tɔ̃ɔ ka tĩng ɓiɓɛ nɛɛ naa vuu palɛnang Suru ɓiɓɛ, a ɓɔɔ ka ruu danggn ɓɔɔ ruu shing ka bii Yeesɔ ɓɛɛ. Wee vuu ɓɔɔ ruu gã ɓɛɛ kɔ.

Afisa 2:10

Laa kɔ mãa ruu, ka yuu ɓɔɔ ruu ɓakɛ nɛɛ Yeesɔ Kirisi, nɛɛ ruu nwang nwannang ɓɔɔ ruu palɛ shonang ɓɔɔ tɔ̃ɔ, ɓɔɔ Laa kpàlɛ̀ ruu bii, doo ka tĩng, nɛɛ ruu naa palɛ ɓɛɛ.

Afisa 3:20

Zang wu dɔɔ Laa ɓɔɔ zunung ɓɔɔ wu pàlɛ́ ruu vuu ɓa ɓɔɔ ruu gaa wu, a ruu ti rɛ̃rɛ katɔ ɓɛɛ. Pálɛ̀ nɛɛ bii naa vuu palɛnang ɓiɓɛ, ɓɔɔ ruu palɛ shonang nɛɛ mani ɓɛɛ.

Filipi 2:13

Ka ruu ɓɔɔ, Laa kɔ shing mɔɔ, nɛɛ mɔɔ kasɛ vuu ɓɔɔ wu kasɛ palɛnang ɓɛɛ. Wukɔ ti shingnɛ, mɔɔ zunung ɓarɛ palɛnang.

Filipi 4:9

Vuu ɓɔɔ nɔɔ kpɛ̃ɛrɛ, kɔ́ nɔɔ tarɛ ka bii mɛɛ, kɔ́ nɔɔ nɛɛ tãa ka nyaa mɛɛ, kɔ́ ɓɔɔ nɔɔ zi ka nwannang mɛɛ ɓɛɛ, nɔɔ palɛ wukɔ. Laa ɓɔɔ shingnɛ yeti zang wu valɛ ɓɛɛ, naa nwang ditɔ nɛɛ nɔɔ.

Kolosi 2:2

N palɛ nɔngkɔ, tɔ̀ɔ, ń mã ri danggn kati. Tɔ̀ɔ zɔɔ kasɛnang ɓarɛ wu ɓakɛ ri yuu kaa nɔng gbete, tɔ̀ɔ ri zi vuu ɓɔɔ kagn ɓɛɛ kaa nyaa kiiri. Ri ti zi vuu ɓɔɔ Laa waasɛ katɔ keɓe, ɓɔɔ ɓi wukɔ Kirisi ɓɛɛ.

1 Tesalonika 2:13

A vuu ɓɔɔ shingnɛ ruu zãa Laa diki diki ɓɛɛ kagn. Ruu atɛ nɔɔ ruu ɓɔɔ Laa shong nyaa nɛɛ mani ɓɛɛ, nɔɔ tãayi, a nɔɔ tarɛ. Wu naa nyaa shonang shɔnzang kpang, naa nyaa shonang Laa. Ti nyaa shonang Laa kɔ niizang. Ka ruu nɔngkɔ, Ruu Laa ti kɔ̃̀sɔ́ yeti manɛ kana ɓɔɔ nɔɔ shing danggn tɔ ɓɛɛ.

2 Tesalonika 2:14

Laa ɓaa nɔɔ nyaa nɛɛ nɔɔ nwang zang ɓiɓɛ nɛɛ Ruu Tɔ̃ɔ ɓɔɔ ruu kɔɔ nɔɔ ɓɛɛ. Ɓaa nɔɔ nyaa nɛɛ nɔɔ naa tãa tĩnang jong ka ruu bannang Kpanti ɓuru Yeesɔ Kirisi.

2 Timoti 2:10

Ka ruu nɔngkɔ, n mã danggn vuu piti ka ruu zang ɓɔɔ Laa shɛ̃ɛrɛ ri katɔ ɓɛɛ. Tɔ̀ɔ, Laa wu ta yuu ɓarɛ kaa jong. Yuu tanang ɓɔɔ a nɛɛ bii Yeesɔ Kirisi ɓɛɛ, ɓɔɔ ti atɛ suru bii ɓɔɔ waa nyaa kpang ɓɛɛ.

2 Timoti 2:8

Danggn Yeesɔ Kirisi ɓɔɔ zang wisi paa nɛɛ saa, wu ning mɔɔ kpang. Yeesɔ ɓɔɔ wu jaa zɔ̃ng Dawuda ɓɛɛ, naa ɓɔɔ n túsú ka yeti Ruu Tɔ̃ɔ Laa kɔ n kɔ́ɔrɔ̀ zang ɓɛɛ.

Yahudi 10:22

Rúu a nɔɔ ta, ka bii Laa nɛɛ yeti tɔ̃ɔ. Ruu yaa gn naa kpang, ka ruu ɓɔɔ, Kirisi sɔɔ yeti ɓuru tɔ kalang kalang, rɛ̃rɛnang shi kpang kagn kpang. A zang ti sɔɔ ruu bii katɔ nɛɛ mii ɓɔɔ kalang kalang ɓɛɛ.

Yahudi 6:11

Rùu kasɛ zang ɓu ka teteng manɛ wu shing yuu kagn, diki ɓɔɔ koo waa nyaa wu a nɛɛ mani. Tɔ̀ɔ, wu wàlɛ̀ vuu ɓɔɔ wu shing gn kagn ɓɛɛ kati.

1 Bituru 1:12

A Laa tusu ri nɛɛ ri pàlɛ́ ɓi yuu ɓarɛ shonang kpang, ri pàlɛ́ ɓi nɔkɔ. Kãntang keɓe, zang ɓɔɔ ri kɔ̀ɔrɔ̀ nɔɔ Ruu Laa, ri kɔɔ nɔɔ rɛɛ vuu keɓe tɔ, naa ɓɔɔ Suru Laa ɓɔɔ à nɛɛ lapa a ri naa ɓɛɛ. Zang nyaa shonang Laa ɓɔɔ ri ka lapa, ri kasɛ nɛɛ ri zi rɛɛ vuu keɓe jong.

1 Bituru 1:3

Ruu dɔɔ Laa ɓɔɔ wukɔ Laa nɛɛ Daa Kpanti ɓuru Yeesɔ Kirisi ɓɛɛ. Pàlɛ̀ ruu tɔ̃ɔ gbãng gbãng, ka ruu nɔngkɔ, shingnɛ ruu nwàng zang ɓɔɔ zang yi ruu shɔɔ tɔkn ɓɛɛ, nɛɛ tɔ̀ɔ, gn shinnang ɓuru wu shàarɛ̀ kaa takpang. Ruu walɛ vuu keɓe ka ɓɔɔ zang wisi Yeesɔ paa nɛɛ sàa ɓɛɛ.

1 Bituru 5:3

Nɔ́ɔ pálɛ̀ zang ɓɔɔ Laa a nɔɔ ri ka naa, nɛɛ nɔ́ɔ gãng jĩng ka ri nɛɛ kaka kpang. Nɔɔ nwang nwannang ɓɔɔ ri zirɛ, ri dũng ɓɛɛ kɔ jong.

2 Bituru 1:10

Ka ruu nɔngkɔ, rɛɛ manzung, n gaa nɔɔ, nɔɔ shing jĩng kagn, nɔɔ palɛ rɛɛ vuu keɓe nɛɛ kaka manɛ, ka ruu ɓɔɔ, Laa ɓaa nɔɔ nyaa a ti zɔ̃ng nɔɔ nɛɛ nɔ́ɔ palɛ naa weɓe kɔ ɓɛɛ. Naa nɔɔ palɛ rɛɛ vuu keɓe, nɔɔ yaa gbalang Laa kpang dòndòng.

2 Bituru 1:19

Ka ruu nɔngkɔ, ruu zi tɔ nɛɛ, rúu ɓɔɔ zang nyaa shonang Laa ri kɔ̀ɔrɔ̀, ɓi niizang kɔ nwani. Naa nɔɔ ɓaa shoo ka ruu keɓe waasɛ̃, wukɔ tɔ̃ɔ, ka ruu ɓɔɔ, ruu kaɓa nwàng naa waa zàáng sɔ̀ɔ ɓɔɔ yakɛ ka nɔng ɓɔɔ tɔ̀ɔ katɔ, nɔng gãntɛ nɛɛ mani ɓɛɛ. Ka diki keɓe, ɓɔɔ Kirisi ɓɔɔ wukɔ sang yuu gãndi naa arɛ, nɔɔ naa zi vuu piti kaa wukɔ gbayi gbayi.