1 Koranti 9:7 - Nyaa Shɔɔ Ɓɔɔ Laa a Ɓɛɛ

⁷ Sɔɔja ɓɔɔ kagn ta sĩiri, wu ti kãa vuu shaanang nɛɛ yuu ɓiɓɛ ya? Zang ɓɔɔ kagn lang jaa shaa vuu ɓɔɔ wu lang ɓɛɛ kpang ya? Jagãng napo ri ɓoo mii napo kpang ya?

1 Koranti 9:7 ပူးပေါင်းရင်းမြစ်များ

Zang Shonang Yeesɔ 20:28

Nɔɔ gãng jĩng ka yuu manɛ nɛɛ zang ɓɔɔ Suru Laa, a ri nɔɔ ka naa ɓɛɛ waasɛ̃. Nɔɔ nwang jagãng zang ɓɔɔ ri dũng Laa, ɓɔɔ ri nwàng ka ruu ɓɔɔ, wu hoo ri nɛɛ zĩi Jaa ɓiɓɛ ɓɛɛ.

1 Timoti 1:18

Jaa mɛɛ Timoti, ruu kɔ n kɔɔ mɔɔ ɓee, ɓi kaa doo ruu ɓɔɔ rɛɛ zang nyaa shonang Laa ri kɔɔ tɔ kagn ka yuu ɓaaɓɛ ɓɛɛ. Naa mɔɔ dũng nyaa keɓe, mɔɔ ta sĩiri bii ditɔ tɔ̃ɔ tɔ̃ɔ.

1 Timoti 6:12

Ĩi yuu kagn ka gbalang danggn kɔ ruu shing ɓee. Yiti suru bii ɓɔɔ waa nyaa kpang ɓɔɔ mɔɔ walɛ tɔ ɓɛɛ gbãng gbãng. Wee suru bii ɓɔɔ Laa ɓaa mɔɔ nyaa ka ruu ɓiɓɛ kɔ, ka ɓɔɔ mɔɔ kasɛ nyaa ka shoo zang dɔɔli nɛɛ mɔɔ shing danggn tɔ ka bii Yeesɔ Kirisi ɓɛɛ.

2 Timoti 4:7

N yuu m tɔ waasɛ̃ n yurɛ n daa hangsɛ nyaa. N yaa danggn ɓɔɔ n shing ka bii Laa ɓɛɛ kpang.

1 Bituru 5:2

gãng jĩng ka rɛɛ zang Laa ɓɔɔ Laa a nɔɔ ri ka naa ɓɛɛ. Nɛɛ nɔ́ɔ gãng jĩng ka ri naa ɓɔɔ jagãng gãng jĩng ka mɛ̀ɛrɛ́ ɓɛɛ, vuu ɓɔɔ wu lee ri naa ka bii kpang. Nɔ́ɔ gãng jĩng wu naa zang mã nɔɔ nyaa kagn kpang, nɔɔ gãng jĩng naa vuu ɓɔɔ nɔɔ tãa tĩnang palɛnang katɔ nɛɛ yeti gbete ɓɛɛ. Wu ka ruu saka ɓɔɔ zang shu nɔɔ kɔ shɛ̃ɛning kpang, ka ruu ɓɔɔ, nɔɔ kasɛ tɔ ka yeti manɛ nɛɛ nɔɔ palɛ shonang keɓe katɔ ɓɛɛ.