1 Koranti 9:5 - Nyaa Shɔɔ Ɓɔɔ Laa a Ɓɛɛ

⁵ Vuu ɓɔɔ zãyi naa ruu gee zang soro ɓɔɔ dũng Laa ɓɛɛ kagn ya? Jaa soro bìí wu ti daarɛ nɔng ɓɔɔ ruu daarɛ nɛɛ ruu, naa ɓɔɔ Bituru nɛɛ zang shonang Yeesɔ Kirisi ɓɔɔ nimbang nɛɛ rɛɛ jaa nàá Kpanti Yeesɔ Kirisi ri palɛ ɓɛɛ.

1 Koranti 9:5 ပူးပေါင်းရင်းမြစ်များ

Matiyu 13:55

Wee wu jaa yɔɔ ɓɔɔ seere laa ɓɛɛ kpang ya? Wu Marayamu kɔ niiɓɛ kpang ya? Wu ti rɛɛ, Yakub nɛɛ Yusufu, nɛɛ Siman nɛɛ Yahuda kɔ jaa niiɓɛ kpang ya?

Matiyu 8:14

Yeesɔ naa a ka gãa Bituru, a zi Bituru ɓeekpeng ɓɔɔ yi soro Bituru roo tɔ ka latãng, bii zàa wu katɔ.

Maraku 1:30

Ka diki kaɓa Siman ɓeekpeng ɓɔɔ yi ɓeeso roo ka tipi, ka ruu ɓɔɔ, bii zaa wu katɔ ɓɛɛ. A zang kɔɔ Yeesɔ kati.

Maraku 6:3

Wee ɓu zang ɓɔɔ seere laa ɓɛɛ kpang ya? Wu Marayamu kɔ niiɓɛ kpang ya? Wu ti rɛɛ Yakub nɛɛ Yose nɛɛ Yahuda nɛɛ Siman kɔ jaa niiɓɛ kpang ya? Wu ti rɛɛ jaa niiɓɛ ɓɔɔ soro kɔ nɛɛ ruu ka nihn kpang ya?” Gnvɔ shaa ri, ri bɛ̃ɛ wu kati.

Luka 6:15

nɛɛ Matiyu, nɛɛ Tooma, nɛɛ Yakub jaa Alifaya, nɛɛ Siman ɓɔɔ kasɛ nɛɛ tipi ɓarɛ wu gbãayu nɛɛ knti kpang ɓɛɛ

Luka 8:20

A zang ɓɔɔgn kɔɔ wu tɔɔ, “Naaɓɛ nɛɛ rɛɛ jaa naaɓɛ ri shi ka biling, ri kasɛ nɛɛ ri rang yee nɛɛ mɔɔ.”

Yɔhana 1:42

A gɔ̃ Siman daa nɛɛ wu ka bii Yeesɔ. Yeesɔ pɛ̃ɛrɛ Siman a kɔɔyi tɔɔ, “Mɔkɔ Siman jaa Yɔhana waa? Zang ɓáa mɔɔ kaa nɛɛ Kefa” (Dĩiri nung keɓe daa gbete nɛɛ Bituru ɓɔɔ zang ɓaa ɓi “Tari ɓɔɔ bang ɓɛɛ”).

Yɔhana 2:12

Kaa nɛɛ knti, Yeesɔ daa ka gari Kafanahu nɛɛ niiɓɛ, nɛɛ jaa niiɓɛ, nɛɛ zang ɓɔɔ ri mantɛ vuu ka bii ɓiɓɛ ɓɛɛ. Ri nwang ka nɔngkɔ diki bee katɔ tɔkɔlɔng.

Zang Shonang Yeesɔ 1:14

Ri kpálɛ̀ zɔɔ diki diki, ri gaa Laa nɔng gbete nɛɛ rɛɛ zang soro ɓɔɔ kagn, nɛɛ Marayamu nàá Yeesɔ, nɛɛ rɛɛ jaa nàá Yeesɔ ɓɔɔ varɛ.

Rooma 16:1

N kasɛ nɔɔ zirɛ nɛɛ Fibi, jaa soro ɓɔɔ shing danggn dòo naa ɓɔɔ ruu shing kɔ, ɓi zang tɔ̃ɔ. Fibi keɓe, palɛ zang Laa shonang ka gari Sensheriya.

1 Koranti 1:12

Vuu ɓɔɔ n kɔɔ nɔɔ keɓe, nɔɔ kúsù yuu manɛ ka vaa vaa. Zang ɓu ka teteng manɛ kɔɔyi nɛɛ, “N dũng m Bulu,” zang ɓɔɔ nɛɛ, “N dũng m Apolo,” zang ɓɔɔ nɛɛ, “N dũng m Bituru”. A zang ɓɔɔ kɔɔyi nɛɛ, “N dũng m Kirisi.”

1 Koranti 7:15

Naa zang ɓɔɔ dũ̀ng Laa kpang kasɛ nɛɛ wu yaa zang ɓɔɔ wu gee ɓɛɛ katɔ, wu yaa wu. Ri nɛɛ yaa zɔɔ tɔ, zang ɓɔɔ dũng Laa ka teteng ɓarɛ, nɛɛ zang varɛ, nɛɛ ti zang soro, tá nyaa dannang kpang, ka ruu ɓɔɔ, Laa kasɛ nɛɛ ruu nwang ka nyaa zɔɔ ɓɛɛ.

1 Koranti 7:39

Zang soro ɓɔɔ gee varɛ tɔ, Laa ɓakɛ wu ɓi tɔ nɛɛ varɛ ɓiɓɛ dòndòng. A naa varɛ ɓiɓɛ vɔrɛ, wàlɛ́ gbalang katɔ wu gee varɛ ɓɔɔgn, ɓɔɔ bii tĩng wu nɛɛ wu ɓɛɛ. Laa kasɛ nɛɛ wu gee doo zang ɓɔɔ dũng Laa katɔ kɔ.

1 Koranti 7:7

Ka jĩng mɛɛ, naa zang ri gee soro kpang, naa wee n gee kpang ɓee, wukɔ tɔ̃ɔ. A Laa palɛ zang kaa bm bm. A zang ɓɔɔ naa, wu palɛ vuu hn, a ti a zang ɓɔɔ naa, wu palɛ vuu ɓi kaa naa ɓɔɔgn.

1 Koranti 7:8

Zang ɓɔɔ ri gee soro gn kpang, nɛɛ zang ɓɔɔ gee varɛ gn kpang, a ɓɔɔ rɛɛ suvɔ, n rang yee keɓe nɛɛ rikɔ. Ri nwang nwannang yuu ɓarɛ, ri gee zɔɔ kpang naa wee n nwang ɓee, wukɔ tɔ̃ɔ.

Galati 1:19

N zi zang ɓɔɔ ka teteng rɛɛ zang shonang Yeesɔ kpang. N zi Yakub jaa nàá Kpanti ɓuru kɔ shɛ̃ɛning.

1 Timoti 3:2

Zang bang zang ɓɔɔ ri dũng Laa, wu nwang ɓi zang ɓɔɔ shi kpang kagn bii ɓiɓɛ kpang ɓɛɛ, wu gee soro gbete kɔ nwani. Wu zang ɓɔɔ yeti ɓiɓɛ lasɛ pati kpang, zang ɓɔɔ yiti yuu ɓiɓɛ waasɛ̃ ɓɛɛ. Zang ɓɔɔ zang seng wu katɔ ɓɛɛ. Zang ɓɔɔ ta zang zanti ka gãa ɓiɓɛ waasɛ̃ ɓɛɛ, ti zunung naa ɓɔɔ wu tusu zang vuu katɔ.

1 Timoti 4:3

Zang ɓɔɔ ri kpɛ̃ɛrɛ zang nɛɛ, soro geenang shi kpang. Nɛɛ vuu shaanang ɓɔɔ kagn, ri ti shaa kpang. Vuu shaanang ɓɔɔ Laa mãarɛ, nɛɛ tɔɔ zang ɓɔɔ ri dũng wu, ɓɔɔ ri ti zi ruu ɓɔɔ niizang tɔ, ri tarɛ ri ti zãa wu kati ɓɛɛ.

1 Timoti 5:2

Palɛ zang soro ɓɔɔ ri bang tɔ naa ɓɔɔ mɔɔ palɛ nàá ɓaaɓɛ ɓɛɛ. Mɔɔ ti palɛ rɛɛ wujɛ soro naa ɓaa naa. Mɔɔ seng ri katɔ.

Titu 1:6

Zang bang zang ɓɔɔ ri dũng Laa, wu nwang ɓi zang ɓɔɔ shi kpang ka bii ɓiɓɛ kpang ɓɛɛ. Soro ɓiɓɛ gbete kɔ nwani. Wujɛ ɓiɓɛ nandon, ri shing danggn tɔ ka bii Laa. Ri wu wujɛ ɓɔɔ palɛ vuu shi kpang, kpang, a ri ti tá shoo pɛɛrɛ kpang ɓɛɛ.

Yahudi 13:4

Zang piti ɓɔɔ ri gee zɔɔ tɔ, ri seng zɔɔ katɔ, a zang ɓɔɔ ri gee zɔɔ tɔ, ri yaasɛ zɔɔ gn naa kpang. Ka ruu ɓɔɔ, Laa naa dɔng zang ɓɔɔ ri palɛ dũndũng nɛɛ zang ɓɔɔ ri rooro nɛɛ soro zang, ruu katɔ ɓɛɛ.