1 Koranti 9:3 - Nyaa Shɔɔ Ɓɔɔ Laa a Ɓɛɛ

³ Naa zang ri rang ruu shi kpang ka yuu mɛɛ, n kɔɔ ri m nɛɛ,

1 Koranti 9:3 ပူးပေါင်းရင်းမြစ်များ

Luka 12:11

“Zang nɛɛ atɛ nɔɔ tɔ, nɛɛ zang jɛ̃ɛ nɔɔ ruu ka gãa zɔɔ kpalɛnang zang Yahudi, kɔ ka bii gɔmna, kɔ bii zang bang bang ɓɔɔ ri yiti tipi ɓɛɛ, nɔɔ rɛ̃rɛ ka ruu naa ɓɔɔ, nɔɔ daa kasɛ zang nyaa, nɛɛ naa vuu ɓɔɔ nɔɔ daa kɔɔ ɓɛɛ kpang.

Zang Shonang Yeesɔ 22:1

“Rɛɛ manzung, nɛɛ rɛɛ daa mɛɛ, nɔɔ ɓaa shoo, ka ruu kɔ n kɔ̀ɔ́ nɔɔ ka yuu mɛɛ ɓee.”

Zang Shonang Yeesɔ 25:16

A n kɔɔ ri nɛɛ zang Rooma ri palɛ ɓarɛ nɔngkɔ kpang. Ri a zang, zang ɓɔɔ zang ɓaa wu nyaavaa wu waati nɔngkɔ kpang. Ri átɛ̀ ri ɓarɛ gbongkarɛ nɔng gbete nɛɛ zang ɓɔɔ ri ɓaa wu nyaavaa ɓɛɛ. Tɔ̀ɔ, zang yàa wu gbalang wu kɔɔ ruu ka yuu vuu ɓɔɔ zang ɓaa wu nyaavaa kagn ɓɛɛ.

1 Koranti 14:37

Zang ɓɔɔ nɛɛ tuu yuu ɓiɓɛ nɛɛ wu zang ɓɔɔ kɔɔ ruu ɓɔɔ Laa tusu wu ɓɛɛ. Nɛɛ ti rɛ̃rɛ ka yeti ɓiɓɛ nɛɛ suru Laa ti a wu naa tɔ. Wu zi katɔ nɛɛ ruu kɔ n bèé nɔɔ ɓee, ɓi Kpanti Yeesɔ Kirisi nɛɛ yuu ɓiɓɛ dang nyaa nɛɛ ruu palɛ vuu keɓe.

1 Koranti 9:2

Naa zang ɓɔɔ ri kasɛ doo kpang nɛɛ n zang shonang Yeesɔ Kirisi kpang. Nɔɔ zi manɛ tɔ nɛɛ n m zang shonang Yeesɔ Kirisi, ka ruu ɓɔɔ, zang zi ka nɔkɔ nɛɛ n zang shonang Kirisi ɓɛɛ.

1 Koranti 9:4

Daa naa ɓɔɔ zang a ruu vuu shaanang nɛɛ vuu ɓoonang ka ruu shonang ɓɔɔ ruu palɛ ɓɛɛ kpang ya?

2 Koranti 13:10

Ka ruu nɔngkɔ, n bèé nɔɔ laa keɓe ka wee n gn nɛɛ nɔɔ nɔng gbete kpang ɓee. Tɔ̀ɔ, n nɛɛ a tɔ ka nɔng manɛ, n palɛ nɔɔ vuu kaa tɔ̀ɔ́ nɛɛ gnvɔ, nɛɛ naa vuu palɛnang ɓɔɔ Laa a m ɓɛɛ kpang. Laa a m naa nɛɛ n yi nɔɔ naa ka bii nɔɔ bangkɛ, nɛɛ n ningsi nɔɔ katɔ kpang.

2 Koranti 13:3

Naa nɔɔ kasɛ nɛɛ zang tusu nɔɔ nɛɛ Yeesɔ Kirisi kɔ rang yee nɛɛ bii mɛɛ. Nɔɔ zi tɔ nɛɛ Yeesɔ palɛ nɔɔ vuu ɓi naa zang ɓɔɔ lakɛ naa ka bii kpang, kpang, tusu naa vuu palɛnang ɓiɓɛ ɓi katɔ kɔ jong ka teteng manɛ.

2 Koranti 13:5

Nɔɔ gãsɛ yuu manɛ karɛ nɔɔ zirɛ, naa nɔɔ nwang doo nwannang danggn ɓɔɔ nɔɔ shing ka bii Yeesɔ Kirisi ɓɛɛ ya? Nɔɔ gãsɛ yuu manɛ ta. Nɔɔ zi tɔ niizang Kirisi nwang ka yeti manɛ. Nɔɔ nɛɛ zi kpang, bɛ̀ɛ́ vuu ɓɔɔ nɔɔ gãsɛ yuu manɛ nɛɛ mani ɓa kaka manɛ tɔ.

Filipi 1:17

Zang ɓɔɔ ri kaa sũnyaa kaɓa, ri kɔɔrɔ zang ruu ka yuu Yeesɔ nabm, ka ruu ɓɔɔ, ri kasɛ nɛɛ ri ɓa m ɓɛɛ. A ri kɔɔrɔ ruu ɓarɛ kaa nyaa lapa waati. Ri kasɛ nɛɛ ri gisi m jĩng dannang ka yuu, ka wee n ka sãa ɓee.

Filipi 1:7

Daa naa ɓɔɔ n rɛ̃rɛ zɔ̃ng rɛ̃rɛnang keɓe tɔ ka yuu manɛ nandon, ka ruu ɓɔɔ, n kasɛ ruu manɛ katɔ ka yeti mɛɛ dɔɔli ɓɛɛ. Ka ruu ɓɔɔ, nɔɔ nɛɛ n, ruu zi tɔ̃ɔ ɓɔɔ Laa palɛ ruu ka nyaa zɔɔ tɔ. Kãntang kɔ wee zang mã m ka sãa, a ɓɔɔ ti ka laa ɓɔɔ n shii ka nɔng ɓɔɔ zang jɛ̃ɛ zang ruu ɓɛɛ. N tusu zang nɛɛ Ruu Tɔ̃ɔ Laa ɓi niizang kɔ nwani ɓɛɛ.

2 Timoti 4:16

Ka ɓɔɔ tĩng shɔɔnang, zang ɓaa m nyaavaa ɓɛɛ, zang ɓɔɔ tà m nyaa kagn kpang. Zang ri yaa m nandon. N gaa Laa wu tɔɔ kpang nɛɛ ri palɛ vuu shi kpang tɔ kpang.