1 Koranti 9:12 - Nyaa Shɔɔ Ɓɔɔ Laa a Ɓɛɛ

¹² Naa zang ɓɔɔ ri shing danggn nɛɛ, nɔɔ a ri vuu naa manɛ katɔ, daa naa ɓɔɔ nɔɔ alɛ ruu vuu, ɓa ɓɔɔ ɓarɛ katɔ kpang ya? Ruu zi tɔ nɔngkɔ, a ruu tɔɔ gngn nɛɛ, ruu gaa nɔɔ nɛɛ nɔɔ a ruu vuu naa manɛ kpang. Ruu kasɛ tɔ ruu dang jĩng kɔ jong, ka ɓɔɔ ruu, nɛ̀ɛ́ nɔ̀ɔ́ gbalang Ruu Tɔ̃ɔ ɓɔɔ ka yuu Yeesɔ Kirisi kɔɔnang ɓɛɛ.

1 Koranti 9:12 ပူးပေါင်းရင်းမြစ်များ

Luka 11:52

“Jĩng dannang kagn yuu manɛ, zang ɓɔɔ tusu zang labeenang Laa ɓɛɛ. Ka ruu ɓɔɔ, nɔɔ ta zang gbalang Ruu Laa zinang, a nɔɔ ti dũ̀ng gbalang kaɓa kpang ɓɛɛ. Nɔɔ yaa zang ɓɔɔ ri kasɛ daanang katɔ gbalang kpang.”

Zang Shonang Yeesɔ 18:3

Ka ruu ɓɔɔ, shonang ɓiɓɛ ɓi putali wàanang naa ɓɔɔ ɓarɛ, nwang kaa nɛɛ ri, palɛ shonang kaa nɛɛ ri.

Rooma 15:22

Vuu ɓɔɔ zãa m anang bii manɛ doo tɛ̃ɛ tɛ̃ɛ ɓɛɛ kɔ.

1 Koranti 13:7

Zang kasɛnang yaa vuu nyaa ka gbalang kpang, shing danggn ɓi sasak, yaa gn naa ka vuu kpang, mã danggn ka vuu piti.

1 Koranti 6:7

Niizang, naa nɔɔ ɓàarɛ́ zɔɔ nyaavaa, ruu zi kaa wukɔ nɛɛ nɔɔ palɛ vuu shi kpang tɔ. Naa zang palɛ mɔɔ vuu shi kpang, mɔɔ mã danggn wukɔ tɔ̃ɔ. Ɓa ɓɔɔ mɔɔ daa ɓaa zang nyaavaa katɔ. Naa zang mulu mɔɔ, a mɔɔ yaa ka nɔngkɔ gbã̀ágbãa, wukɔ tɔ̃ɔ.

1 Koranti 9:14

Zang ɓɔɔ ri kɔɔrɔ zang Ruu Tɔ̃ɔ Laa, ri ɓarɛ doo nɔngkɔ. Kpanti Yeesɔ kɔɔ doo nɔngkɔ nɛɛ, zang ri a ri vuu nwannang koo keɓe katɔ, ka ruu shonang ɓarɛ.

1 Koranti 9:15

Naa doo nɔngkɔ piti, n tɔɔ gngn nɛɛ, zang ɓɔɔ wu a m vuu ɓɔɔ kpang. Wee n bée laa keɓe, n bee wu nɛɛ nɔɔ a m vuu ɓɔɔ kpang. N vɔ katɔ gbã̀ágbãa, ka ɓɔɔ zang ɓɔɔ nɛɛ zãa m vuu ɓɔɔ n dɔɔ bii kagn ɓɛɛ.

1 Koranti 9:16

Naa n kɔɔrɔ zang Ruu Tɔ̃ɔ Laa doori, vuu ɓɔɔ naa n tuu yuu kagn ɓɛɛ kpang. Ɓi Laa kɔɔ m nɛɛ n kɔɔrɔ zang Ruu Tɔ̃ɔ ɓiɓɛ. Jĩng dannang kagn yuu mɛɛ, n nɛɛ kɔɔrɔ zang Ruu Tɔ̃ɔ Laa kaɓa kpàng ɓɛɛ.

1 Koranti 9:18

N walɛ ɓu viya? Wee n kɔɔrɔ zang Ruu Tɔ̃ɔ Laa waati ɓee, ɓi vuu ɓɔɔ n walɛ ɓɛɛ kɔ. Ka ruu nɔngkɔ, n gaa zang wu nɛɛ zang a m vuu ɓɔɔ kagn kpang.

1 Koranti 9:2

Naa zang ɓɔɔ ri kasɛ doo kpang nɛɛ n zang shonang Yeesɔ Kirisi kpang. Nɔɔ zi manɛ tɔ nɛɛ n m zang shonang Yeesɔ Kirisi, ka ruu ɓɔɔ, zang zi ka nɔkɔ nɛɛ n zang shonang Kirisi ɓɛɛ.

2 Koranti 11:12

N yaa vuu kɔ n palɛ ɓee kpang. Tɔ̀ɔ, n zãa zang ɓɔɔ ri ɓaa yuu ɓarɛ nɛɛ ri zang shonang Yeesɔ, vuu ɓɔɔ yi ri naa kagn, ri kɔɔ nɛɛ ri palɛ shonang doo naa ɓɔɔ ruu palɛ kɔ ɓɛɛ.

2 Koranti 11:20

Nɔɔ mã danggn katɔ nɛɛ zang piti ɓɔɔ risi nɔɔ naa jaafoo ɓɛɛ, zang ɓɔɔ shaa nɔɔ katɔ, zang ɓɔɔ ri risi nɔɔ naa shoko ɓɛɛ, nɛɛ zang ɓɔɔ ri risi nɔɔ naa vĩi, a ɓɔɔ zang ɓɔɔ ri dãlɛ nɔɔ ɓɛɛ.

2 Koranti 2:12

Ɓɔɔ n a ka Torowasa, n tɔɔ, n naa kɔɔrɔ zang Ruu Tɔ̃ɔ ka yuu Yeesɔ Kirisi. N zirɛ, Kpanti Laa puu m gbalang shonang tɔ ka nɔng.

2 Koranti 6:3

Ruu kasɛ kpang nɛɛ ruu shing zang wu palɛ vuu shi kpang, kpang, ka ruu nɔngkɔ, ruu kasɛ kpang ruu nɔɔ zang ɓɔɔ gbalang kpang.