1 Koranti 9:1 - Nyaa Shɔɔ Ɓɔɔ Laa a Ɓɛɛ

¹ N zi m tɔ nɛɛ vuu ɓɔɔ zang zãa m katɔ kagn kpang. N m zang shonang Yeesɔ Kirisi. N ti zi Yeesɔ Kirisi ɓɔɔ wukɔ Kpanti ɓuru tɔ nɛɛ jĩng mɛɛ. Nɔɔ manɛ zang ɓɔɔ n atɛ ri nɛɛ ri naa dũng Kpanti Yeesɔ Kirisi ɓɛɛ, ka ruu shonang ɓɔɔ n pàlɛ̀ wu ɓɛɛ.

1 Koranti 9:1 ပူးပေါင်းရင်းမြစ်များ

Zang Shonang Yeesɔ 13:2

Diki ɓɔɔgn ri bang Laa, a ri seng nyaalaa a Suru Laa kɔɔ ri tɔɔ, “Nɔɔ zɔ̃ng m Shaawulu nɛɛ Baranaba ka ruu shonang, ɓɔɔ n ɓàa ri nyaa ɓɛɛ.”

Zang Shonang Yeesɔ 14:14

Ɓɔɔ Bulu nɛɛ Baranaba ri tãa vuu ɓɔɔ ri nɛɛ ri pálɛ̀, ri lɔɔsɔ fɔ̃ɔrɔ ɓarɛ. Ri yurɛ ri daa ka teteng zang ɓɔɔ ri kpalɛ zɔɔ. Ri mɛɛ nyaa ri tɔɔ,

Zang Shonang Yeesɔ 14:4

Zang gari ri basɛ zɔɔ tìng ziti. Tìng gbete ri ta nyaa zang Yahudi, a ɓɔɔ gbete ri ta ɓarɛ kaa nyaa rɛɛ zang shonang Yeesɔ.

Zang Shonang Yeesɔ 23:11

Nɛɛ zĩi kpanti Yeesɔ naa shii ka kagn Bulu kɔɔ wu tɔɔ, “Mã danggn kagn. Mɔ̀ɔ kɔɔ zang ruu tɔ̃ɔ, ka yuu mɛɛ ka Urushalima keɓe, mɔɔ daa kɔɔ zang ditɔ nɔngkɔ tɔkn ka Rooma.”

Zang Shonang Yeesɔ 9:15

A Kpanti Yeesɔ kɔɔ wu tɔɔ, “Dita ka ruu ɓɔɔ n zɔ̃́ng wu tɔ, nɛɛ wu pàlɛ̀ m shonang ɓɛɛ. Wu daa kɔɔrɔ zang ɓɔɔ ri zang Isirela kpang, nɛɛ rɛɛ kpanti ɓarɛ, nɛɛ zang Isirela, ruu mɛɛ kati ɓɛɛ.

Zang Shonang Yeesɔ 9:17

A Hananiya daayi, daa hãa nyaa ka yeti gãa, shing naa ka yuu Shaawulu, a kɔɔyi tɔɔ, “Manzung Shaawulu, Kpanti Yeesɔ ɓɔɔ nwáng nyaa ka mɔɔ ka gbalang, ka ɓɔɔ mɔɔ a ka nihn ɓɛɛ, wukɔ shong m. Shong m nɛɛ tɔ̀ɔ, mɔɔ zi nɔng kaa tɔkn, nɛɛ tɔ̀ɔ, Suru Laa wu a kaa bii ɓaaɓɛ”.

Zang Shonang Yeesɔ 9:3

Daa kana gbalang, a naabm tɔ nɛɛ Damasiku, a nɔng yakɛ nɛɛ lapa, kiiri wu nyaa ka teteng.

Zang Shonang Yeesɔ 9:5

A Shaawulu hɛ̃ɛyi nɛɛ, “Mɔkɔ ɓu wiya, Kpanti?” A yee keɓe kɔɔ wu tɔɔ, “Nkɔ Yeesɔ, ɓɔɔ mɔɔ dang wu jĩng ɓɛɛ.”

Rooma 1:1

Labeenang keɓe, a nɛɛ bii mɛɛ nkɔ Bulu ɓɔɔ n jaafoo Yeesɔ Kirisi ɓɛɛ. A n ti zang shonang ɓɔɔ Yeesɔ zɔ̃ng m, a shing m nɛɛ, n kɔ̀ɔrɔ̀ zang Ruu Tɔ̃ɔ Laa ɓɛɛ.

Rooma 1:5

Laa a ruu gbalang nɛɛ bii ɓiɓɛ kɔ, a ruu nwàng zang shonang ɓiɓɛ ka ruu Yeesɔ, tɔ̀ɔ, rúu gɔ̃ zang koolaa nandon ri shing danggn, ri ti dũng nyaa ɓiɓɛ.

Rooma 11:13

N rang yee kaa nɛɛ nɔkɔ ɓɔɔ nɔɔ zang Yahudi kpang ɓɛɛ. Laa shong m nɛɛ n pálɛ́ shonang ka teteng manɛ ɓɛɛ, ka ruu nɔngkɔ, n dɔ̀ɔ́ bii ka ruu shonang ɓɔɔ wu a m nɛɛ n palɛ ɓɛɛ.

1 Koranti 1:1

Labeenang keɓe a nɛɛ bii mɛɛ nkɔ Bulu, ɓɔɔ Laa kasɛ m katɔ, a zɔ̃ng m nɛɛ, n nwang zang nyaa shonang Yeesɔ Kirisi ɓɛɛ. Ruu nɛɛ manzung ɓuru Sɔtanɛ.

1 Koranti 10:29

Mɔɔ yáa vuu shaanang kaɓa ka ruu rɛ̃rɛnang zang kaɓa, wu ka ruu rɛ̃rɛnang ɓaaɓɛ kpang. Zang ɓɔɔ kɔɔyi nɛɛ, “N yáa vuu ɓɔɔ n palɛ ɓɛɛ, nɛɛ ka ruu ɓɔɔ, zang ɓɔɔ rɛ̃rɛ nɛɛ n pálɛ̀ vuu shi kpang ka ruu viya?

1 Koranti 10:30

Naa n zã̀a Laa ka yuu vuu shaanang ɓɔɔ n shaa ɓɛɛ, zang ɓɔɔ ri rangkɛ m ka ruu viya? Ka ruu ɓɔɔ, n shaa vuu shaanang ɓɔɔ n zãa Laa kagn ɓɛɛ ya?”

1 Koranti 11:16

Naa zang ɓɔɔ kagn ɓɔɔ bɛ̃ɛ ruu keɓe, wu zirɛ nɛɛ ruu nandon nɛɛ zang Gãa Laa ɓɔɔ ka bm bm nandon, ruu palɛ ɓuru nɔngkɔ.

1 Koranti 3:6

Rùu ɓuru naa zang ɓɔɔ ri lang jaa ɓɛɛ. Nkɔ ɓaa jĩng vuu, a Apolo ɓaarɛ mii kagn. Ɓi Laa kɔ ka bm gbete shingnɛ jĩng vuu tarɛ, a bangnɛ.

1 Koranti 9:19

N m jaafoo zang ɓɔɔ kpang. N m ti ɓɔ̀ɔ́ zang ɓɔɔ kpang. Naa n doo jaafoo zang ɓɔɔ kpang n risi yuu mɛɛ tɔ naa jaafòó zang piti, tɔ̀ɔ, n atɛ zang dɔɔli ri naa dũng Kpanti Yeesɔ Kirisi.

2 Koranti 10:7

Nɔɔ pɛ̃ɛrɛ manɛ bii biling vuu kɔ shɛ̃ɛning. Zang ɓɔɔ kagn nɔngkɔ, ɓɔɔ tuu yuu nɛɛ wu ɓi ɓɔɔ Yeesɔ Kirisi ya? Wukɔ tɔ̃ɔ. Zang kaɓa wu rɛ̃rɛ ka yuu ɓiɓɛ tɔkn, ka ruu ɓɔɔ, ruu ɓuru dòo zang Yeesɔ Kirisi kɔ naa wukɔ ɓɛɛ.

2 Koranti 11:5

N zi tɔ, n m dòo naa zang kɔ nɔɔ rɛ̃rɛ manɛ nɛɛ rikɔ zang shonang Yeesɔ ɓɔɔ bang bang, nɛɛ ri ɓa m katɔ ɓa kɔ.

2 Koranti 6:1

Ka shonang kɔ ruu pálɛ̀ ka nyaa zɔɔ nɛɛ Laa ɓee, ruu gàa nɔɔ ɓɔɔ Laa pàlɛ̀ nɔɔ tɔ̃ɔ tɔ ɓɛɛ, wu nwàng naa pàlɛ̀ nɔɔ ka dalɛ waati kpang.

Galati 1:1

Labeenang keɓe nɛɛ bii mɛɛ nkɔ Bulu ɓɔɔ zang ɓàa m nyaa nɛɛ n nwang zang shonang Yeesɔ ɓɛɛ. Nyaa keɓe wu shɔnzang ɓaayi kpang, wu ti shɔnzang shingnɛ kpang, ɓi Yeesɔ Kirisi shingnɛ nɛɛ Laa ɓɔɔ wukɔ Daa ɓɔɔ wisi wu paa nɛɛ sàa ɓɛɛ.

Galati 5:1

Kirisi ta yuu ɓuru nɛɛ ruu nwang tɔ̀ɔ́ naa jaafoo kpang. Nɔɔ yaa zang ɓɔɔ wu shingnɛ, nɔ́ɔ nwang naa zang ɓɔɔ ri jaafoo ɓɛɛ kpang. Nɔɔ nwàng tɔ̀ɔ́ jaafoo tɔkn kpang.

1 Tesalonika 2:6

Ruu tɔɔ kpang nɛɛ ruu shing nɔɔ, nɔɔ dɔɔ ruu kpang, a ruu ti kãa gbalang ɓɔɔ zang ɓɔɔ ri dɔ̀ɔ ruu ɓɛɛ kpang.

1 Timoti 2:7

Ka ruu nɔngkɔ, Laa shing m, zang ɓɔɔ palɛ shonang ɓɛɛ. Nɛɛ n kɔ̀ɔ zang ɓɔɔ ri zang Isirela kpang Ruu Tɔ̃ɔ Laa, n ti tùsù ri danggn shinang ɓɔɔ niizang ɓɛɛ. N kɔɔ ruu ɓɔɔ niizang kɔ nwani. N suu wu sèé kpang.

2 Timoti 1:11

Laa zɔ̃ng m nɛɛ n nwang zang shonang Yeesɔ, n tusu zang vuu, a n ti kɔ̀ɔ zang Ruu Tɔ̃ɔ Laa.