1 Koranti 8:9 - Nyaa Shɔɔ Ɓɔɔ Laa a Ɓɛɛ

⁹ Nɔɔ zi manɛ tɔ nɛɛ, Laa yaa ruu gbalang tɔ, ruu shaa zɔ̃ng vuu shaanang ɓu nandon. Nɔɔ palɛ waasɛ̃ nɔɔ nɛ̀ɛ́ shing zang ɓɔɔ danggn shinnang ɓarɛ zũng gn kpang ri nɛɛ palɛ vuu shi kpang.

1 Koranti 8:9 ပူးပေါင်းရင်းမြစ်များ

Matiyu 18:10

“Nɔɔ palɛ tɔ̃ɔ, nɔ́ɔ pɛ̃́ɛrɛ̀ jaa tɔkɔlɔng gbete ka teteng wujɛ keɓe nɛɛ jĩng gɔɔnang kpang. N kɔɔ nɔɔ, zang nyaa shonang Laa ɓɔɔ ɓarɛ, ɓɔɔ ri ka lapa, ri pɛ̃ɛrɛ ɓi waa nyaating Daa mɛɛ ɓɔɔ ka lapa diki diki.

Rooma 15:1

Ɓɔɔ ruu shing danggn ɓuru tɔ gbãng gbãng ɓɛɛ, ruu yi zang ɓɔɔ ri shing danggn doo rɛ̃rɛkɛ naa ka bii, ri shing danggn jong gbãng gbãng. Rúu pálɛ̀ vuu ɓɔɔ shing ruu, rukɔ tãa tĩnang ka bm gbete kpang.

1 Koranti 10:24

Zang ɓu wu pálɛ́ vuu ɓɔɔ yi zang ɓɔɔgn naa kaa bii ɓɛɛ, wu vuu ɓɔɔ pàlɛ́ yuu ɓiɓɛ kɔ tɔ̃ɔ gbete ɓɛɛ kpang.

1 Koranti 10:28

Zang ɓɔɔgn nɛɛ naa kɔɔ mɔɔ nɛɛ, “Vuu shaanang keɓe zang báng vaka nɛɛ mani.” Mɔɔ shaa kpang, ka ruu zang ɓɔɔ kɔɔ mɔɔ kaɓa, nɛ̀ɛ́ kɔɔyi nɛɛ nɔɔ pálɛ́ vuu shi kpang tɔ.

1 Koranti 10:29

Mɔɔ yáa vuu shaanang kaɓa ka ruu rɛ̃rɛnang zang kaɓa, wu ka ruu rɛ̃rɛnang ɓaaɓɛ kpang. Zang ɓɔɔ kɔɔyi nɛɛ, “N yáa vuu ɓɔɔ n palɛ ɓɛɛ, nɛɛ ka ruu ɓɔɔ, zang ɓɔɔ rɛ̃rɛ nɛɛ n pálɛ̀ vuu shi kpang ka ruu viya?

1 Koranti 10:32

Palɛ waasɛ̃, mɔɔ pálɛ̀ vuu ɓɔɔ lasɛ zang ɓɔɔ yeti kpang, naa zang keɓe ri doo zang Yahudi, naa doo zang ɓɔɔ ri dũ̀ng Laa kpang, naa doo zang ɓɔɔ ri dũng Laa ɓɛɛ.

1 Koranti 8:10

Naa zang ɓɔɔ kɔɔ ɓi nɛɛ zɔ̃ng vuu shaanang kaɓa shing ri, ri nwáng zang shi kpang, ri zì mɔɔ zang ɓɔɔ mɔɔ zì ɓaa tɔ, mɔɔ nwang ka gãa vaka mɔɔ shaa vuu shaanang ɓɔɔ zang nwãa ka ruu vaka bannang. Shing wu katɔ wu naa shaa vuu shaanang vaka jong.

1 Koranti 8:12

Naa nɔɔ palɛ nɔngkɔ, nɔɔ pàlɛ̀ ɓaazung manɛ vuu shi kpang tɔ. Ka ɓɔɔ nɔɔ shing ri, ri palɛ vuu ɓɔɔ ri zi ɓarɛ nɛɛ shing ri, ri nwang zang shi kpang ɓɛɛ. Nɔɔ ti pàlɛ̀ Yeesɔ Kirisi nɛɛ yuu ɓiɓɛ vuu shi kpang tɔ jong.

1 Koranti 9:22

Naa n nwàng nɛɛ zang ɓɔɔ ri shing danggn gn gbãng gbãng ka vuu ɓɔɔ ri shing danggn kagn ɓɛɛ kpang, n risi yuu mɛɛ naa ri. Tɔ̀ɔ, n atɛ ri, ri naa dũng Yeesɔ Kirisi. Naa zang nwang doo naa viya, n kasɛ tɔ n risi yuu mɛɛ naa ri. Tɔ̀ɔ, n palɛ vuu ɓɔɔ n zunung katɔ nandon, n gɔ̃ zang ɓɔɔ nɛɛ teteng ɓarɛ ri a ka bii Laa, tɔ̀ɔ, Laa wu ta yuu ɓarɛ kati.

2 Koranti 11:21

Yusɛ̃ɛ tuu m katɔ, ka ruu ɓɔɔ, ruu kaa vɔrɔ dɔɔli, a ruu palɛ nɔɔ rɛɛ vuu keɓe kpang. N rang yee kaa naa zang shoko. Zang ɓɔɔ nɛɛ tɔɔ wu rangkɛ yee bang bang katɔ ka yuu vuu ɓɔɔ, n ràngkɛ̀ m dòo nɔngkɔ.

2 Koranti 11:29

Ɓu wi shing gn gbãng gbãng ka vuu Suru Laa kpang, a bii mɛɛ vɔ kpang wiya? Ɓu wi shing zang ɓɔɔ, nɛɛ zang palɛ vuu shi kpang, a yeti lasɛ m dɔɔli kpang wiya?

2 Koranti 6:3

Ruu kasɛ kpang nɛɛ ruu shing zang wu palɛ vuu shi kpang, kpang, ka ruu nɔngkɔ, ruu kasɛ kpang ruu nɔɔ zang ɓɔɔ gbalang kpang.

Galati 5:13

Ɓɔɔ manɛ ɓɛɛ, rɛɛ manzung, zang ɓaa nɔɔ nyaa nɛɛ nɔ́ɔ nwang zang ɓɔɔ ri jaafoo kpang ɓɛɛ. A nɔɔ yaayi nwannang manɛ keɓe, wu yàa nɔɔ gbalang vuu ɓɔɔ bii shɔnzang manɛ kasɛ ɓɛɛ palɛnang kpang. Zɔɔ kasɛnang wu shing nɔɔ katɔ kɔ jong, nɔ́ɔ pàlɛ́ zɔɔ shonang.

Kolosi 2:8

Nɔɔ gãng jĩng kagn, zang ɓɔɔ nɛ̀ɛ́ nwãarɛ nɔɔ nɛɛ zũnang ɓɔɔ a nɛɛ bìí shɔnzang, ɓɔɔ nwàng zang vuu tɔ̃ɔ kpang ɓɛɛ. Zũnang ɓɔɔ nwáng ɓi nɛɛ vuu ɓɔɔ dabang ri tusu ka tĩng a ɓɔɔ nɛɛ nyaa dannang sèé ɓɔɔ shɔnzang ri túsù ɓɛɛ, wu nɛɛ bii Yeesɔ Kirisi kpang ɓɛɛ.

1 Bituru 2:16

Nɔɔ nwàng manɛ naa zang ɓɔɔ ri jaafoo zang ɓɔɔ kpang ɓɛɛ. Nɔ́ɔ tɔɔ kpang nɛɛ wee nɔɔ jaafoo zang ɓɔɔ kpang ɓee, nɔɔ walɛ gbalang vuu shi kpang palɛnang tɔ kpang. Nɔɔ nwáng nwannang ɓɔɔ daa naa ɓɔ̀ɔ́ zang ɓɔɔ ri pàlɛ́ Laa shonang ɓɛɛ kati.

2 Bituru 2:19

Ri kɔɔrɔ zang kaɓa nɛɛ ri naa yaa ri naa ditɔ, a ɓeekpang ɓɔɔ ri rang yee keɓe, ri zunung naa ɓɔɔ ri yaa vuu shi kpang ɓɔɔ ri palɛ ɓɛɛ kpang. Naa vuu ɓɔɔ yiti zang, zang zunung yaanang kpang, zang nwang ɓi kaa jaafoo vuu bìí.

Vuu ɓɔɔ zang nwangsɛ Yɔhana 2:14

A vuu shi kpang ɓɔɔ nɔɔ palɛ kaa gn, ɓɔɔ n kasɛ kpang ɓɛɛ. Zang ɓɔɔ kagn ka teteng manɛ ɓɔɔ ri palɛ vuu ɓɔɔ yɔɔ ɓɔɔ zang ɓaa wu nɛɛ Balamu tusu zang ɓɛɛ. Balamu ɓɔɔ kpɛ̃ɛrɛ Balak naa ɓɔɔ wu shing zang Isirela, ri palɛ vuu shi kpang, nɛɛ ri shaa vuu shaanang ɓɔɔ zang a vaka, nɛɛ ri palɛ dũndũng.