1 Koranti 7:31 - Nyaa Shɔɔ Ɓɔɔ Laa a Ɓɛɛ

³¹ Zang ɓɔɔ ri nɛɛ palɛ shonang ɓɔɔ ka koo keɓe, ri shing danggn nandon ka yuu vuu keɓe kpang. Ka ruu ɓɔɔ, koo keɓe naa wee wu kãntang ɓee, waa nyaa kaa tɔ ɓɛɛ.

1 Koranti 7:31 ပူးပေါင်းရင်းမြစ်များ

1 Yɔhana 2:17

Diki ɓɔɔ koolaa keɓe naa waa nyaa, waa nyaa ɓi nɛɛ vuu ɓɔɔ zang kasɛ ka yeti ɓiɓɛ ning. Zang ɓɔɔ palɛ vuu ɓɔɔ yeti Laa kasɛ, wukɔ nwang ɓi gbinggbing.

1 Bituru 4:7

Diki ɓɔɔ koo keɓe waa nyaa kagn, a naabm tɔ, ka ruu nɔngkɔ, nɔɔ yiti yuu manɛ waasɛ̃, nɔ́ɔ shii tɔ̃ɔ, tɔ̀ɔ, nɔ́ɔ gaa Laa kati.

Yakubu 4:14

Nɔɔ ti zi vuu ɓɔɔ ɓuru atɛ ɓɛɛ kpang. Suru bii manɛ nwang naa viya? Nɔɔ nwang manɛ naa miisĩ́ng ɓɔɔ kpaa nɛɛ gãndi nyaa kɔ doo naa, sãtɛ tɔ ɓɛɛ.

Luka 21:34

“Nɔɔ gãng jĩng kagn, rɛ̃rɛnang manɛ nɛɛ kpiti nɛɛ vuu shaanang nɛɛ vuu ɓoonang. Rɛ̃rɛnang ɓɔɔ nɔɔ rɛ̃rɛ ka yuu vuu ɓɔɔ nɔɔ kasɛ ka koo keɓe ɓɛɛ. Ka ruu ɓɔɔ, diki kaɓa nɛɛ arɛ, bɛ̀ɛ́ nɔɔ shing danggn kpang, naa ɓɔɔ saka ta yɔpɔ ɓɛɛ.

1 Bituru 1:24

Ɓi naa ɓɔɔ zang bée ka yeti labeenang Laa ka tĩng tɛ̃ɛ tɛ̃ɛ ɓɛɛ nɛɛ, “Shɔnzang piti ri nwang naa wisi Shinang ɓarɛ ɓi naa mangwaa wisi, wisi nɛɛ tɔɔrɔ tɔ, mangwaa wu lɔɔyi ɓɛɛ.

1 Koranti 9:18

N walɛ ɓu viya? Wee n kɔɔrɔ zang Ruu Tɔ̃ɔ Laa waati ɓee, ɓi vuu ɓɔɔ n walɛ ɓɛɛ kɔ. Ka ruu nɔngkɔ, n gaa zang wu nɛɛ zang a m vuu ɓɔɔ kagn kpang.

1 Koranti 7:29

Manzung, mɔ́ɔ ɓaa shoo ka vuu kɔ n kɔɔrɔ ɓee. Diki ɓɔɔ Laa ka ruu ɓɛɛ, bee takpang, ka ruu nɔngkɔ, vuu ɓɔɔ gaayu nɛɛ lɛɛkɔ, zang ɓɔɔ ri gee soro tɔ, ri nwang naa zang ɓɔɔ soro ɓarɛ kagn kpang ɓɛɛ.

1 Koranti 7:30

Zang ɓɔɔ ri kaa nyavɔ ri nwáng naa zang ɓɔɔ ri kaa nyavɔ kpang ɓɛɛ. Zang ɓɔɔ ri tãa tĩnang, ri nwáng naa zang ɓɔɔ ri tãa tĩnang kpang ɓɛɛ. Zang ɓɔɔ ri hooro vuu, ri nwang naa zang ɓɔɔ vuu ɓarɛ kagn kpang ɓɛɛ.

Yahudi 12:27

Ruu kɔ zang kɔɔyi nɛɛ, “Yaa dòo doo gbete” tusu nɛɛ, zang naa zĩiti vuu ɓɔɔ Laa mãarɛ ɓɛɛ, zang rùkú, zang yaa nɔng. Tɔ̀ɔ, zang yaa kaa vuu ɓɔɔ zang zunung zĩitinang kpang kɔ shɛ̃ɛning.