1 Koranti 7:22 - Nyaa Shɔɔ Ɓɔɔ Laa a Ɓɛɛ

²² Ka ruu ɓɔɔ, naa mɔɔ jaafoo ka ɓɔɔ Laa ɓaa mɔɔ nyaa nɛɛ mɔɔ naa dũng Kpanti Yeesɔ Kirisi kãntang keɓe, mɔɔ ɓaa tɔ̀ɔ́ jaafoo kpang. Ka ruu ɓɔɔ, mɔɔ ɓákɛ́ yuu tɔ nɛɛ Kpanti Yeesɔ Kirisi ɓɛɛ. Doo nɔngkɔ, zang ɓɔɔ nɛɛ jaafoo kpang, ka ɓɔɔ Laa ɓaa wu nyaa, nwáng jaafoo Kirisi tɔ.

1 Koranti 7:22 ပူးပေါင်းရင်းမြစ်များ

Rooma 1:1

Labeenang keɓe, a nɛɛ bii mɛɛ nkɔ Bulu ɓɔɔ n jaafoo Yeesɔ Kirisi ɓɛɛ. A n ti zang shonang ɓɔɔ Yeesɔ zɔ̃ng m, a shing m nɛɛ, n kɔ̀ɔrɔ̀ zang Ruu Tɔ̃ɔ Laa ɓɛɛ.

1 Koranti 7:21

Naa Laa ɓaa mɔɔ nyaa bɛ̀ɛ́ mɔɔ jaafoo, mɔɔ tɔɔ kpang nɛɛ vuu ɓɔɔ wu kpãa mɔɔ, ka ruu ɓɔɔ, mɔɔ jaafoo ɓɛɛ kpang. Mɔɔ nɛɛ walɛ gbalang ɓɔɔ mɔɔ yaa jaafoo nwannang katɔ, mɔ́ɔ ti yaayi.

1 Koranti 9:19

N m jaafoo zang ɓɔɔ kpang. N m ti ɓɔ̀ɔ́ zang ɓɔɔ kpang. Naa n doo jaafoo zang ɓɔɔ kpang n risi yuu mɛɛ tɔ naa jaafòó zang piti, tɔ̀ɔ, n atɛ zang dɔɔli ri naa dũng Kpanti Yeesɔ Kirisi.

1 Koranti 9:21

Naa n nɛ̀ɛ zang ɓɔɔ ri dũ̀ng nyaa dannang Musa kpang, n palɛ vuu naa ɓɔɔ ri palɛ ɓɛɛ. Tɔ̀ɔ, n atɛ ri jong ri naa dũng Yeesɔ Kirisi. N tɔɔ kpang nɛɛ, n dũ̀ng nyaa dannang Laa kpang, kpang. N dũng m nyaa dannang Yeesɔ Kirisi.

Galati 1:10

Ruu keɓe nwang naa ɓɔɔ n kãayi nɛɛ nyaating mɛɛ wu puu ka bii shɔnzang ya? Kpang, n kasɛ nyaating mɛɛ wu puu ka bii Laa. N kasɛ nɛɛ tɔ zang piti ri zi m nung ya? Naa n nɛɛ palɛ nɔngkɔ, n nɛɛ tɔ̀ɔ́ zang ɓɔɔ palɛ Kirisi shonang kpang.

Galati 5:1

Kirisi ta yuu ɓuru nɛɛ ruu nwang tɔ̀ɔ́ naa jaafoo kpang. Nɔɔ yaa zang ɓɔɔ wu shingnɛ, nɔ́ɔ nwang naa zang ɓɔɔ ri jaafoo ɓɛɛ kpang. Nɔɔ nwàng tɔ̀ɔ́ jaafoo tɔkn kpang.

Galati 5:13

Ɓɔɔ manɛ ɓɛɛ, rɛɛ manzung, zang ɓaa nɔɔ nyaa nɛɛ nɔ́ɔ nwang zang ɓɔɔ ri jaafoo kpang ɓɛɛ. A nɔɔ yaayi nwannang manɛ keɓe, wu yàa nɔɔ gbalang vuu ɓɔɔ bii shɔnzang manɛ kasɛ ɓɛɛ palɛnang kpang. Zɔɔ kasɛnang wu shing nɔɔ katɔ kɔ jong, nɔ́ɔ pàlɛ́ zɔɔ shonang.

Kolosi 4:12

Epafara ɓɔɔ dòo zang manɛ kɔ, a ti pàlɛ́ Yeesɔ Kirisi shonang, jee nɔɔ nyaa, gaa Laa ka ruu manɛ gbãng gbãng, gaa wu nɛɛ, wu shing nɔɔ, nɔ́ɔ shii nɛɛ kaka, nɔ́ɔ zũng danggn, nɔ́ɔ ta ruu ɓiɓɛ katɔ, ka ɓɔɔ nɔɔ palɛ vuu ɓɔɔ wu kasɛ dɔ̃ɔ gbete ɓɛɛ.

Filimon 1:16

Kãntang keɓe ɓi tɔ̀ɔ́ jaafoo waati kpang, ɓa jaafoo ɓi kaa tɔ. Ɓi kaa manzung ɓuru ka gbalang Yeesɔ Kirisi. Ɓi zang tɔ̃ɔ ka bii mɛɛ. Nwǎng mɔɔ tɔ̃ɔ ditɔ jong gbãng gbãng, wu naa jaafoo kɔ shɛ̃ɛning kpang, naa ɓaazung ka gbalang Kpanti ɓuru.

1 Bituru 2:16

Nɔɔ nwàng manɛ naa zang ɓɔɔ ri jaafoo zang ɓɔɔ kpang ɓɛɛ. Nɔ́ɔ tɔɔ kpang nɛɛ wee nɔɔ jaafoo zang ɓɔɔ kpang ɓee, nɔɔ walɛ gbalang vuu shi kpang palɛnang tɔ kpang. Nɔɔ nwáng nwannang ɓɔɔ daa naa ɓɔ̀ɔ́ zang ɓɔɔ ri pàlɛ́ Laa shonang ɓɛɛ kati.

2 Bituru 1:1

Labeenang keɓe, nɛɛ naa mɛɛ, nkɔ Siman Bituru, nkɔ jaafoo Yeesɔ Kirisi, nkɔ ti zang shonang ɓiɓɛ. N bèé nɔɔ labeenang keɓe, nɔɔ nandon ɓɔɔ nɔɔ shing danggn tɔ ka bii Yeesɔ Kirisi naa ɓɔɔ ruu shing jong ɓɛɛ. Ka ruu tɔ̃ɔ Yeesɔ Kirisi ɓɔɔ wukɔ ta yuu ɓuru nɛɛ nɔɔ, nɛɛ tɔ̃ɔ Laa, ruu walɛ gbalang, a ruu shing danggn keɓe.

Yahuza 1:1

Labeenang keɓe nɛɛ bii mɛɛ Yahuza, zang shonang Yeesɔ Kirisi, ɓɔɔ ti jaa nàá Yakub ɓɛɛ. N bèé zang ɓɔɔ Laa ɓaa ri nyaa ɓɛɛ. Ɓɔɔ Laa ɓɔɔ wukɔ Daa, kasɛ ri katɔ, a Yeesɔ Kirisi ti gãng jĩng ka ri ɓɛɛ.