1 Koranti 7:18 - Nyaa Shɔɔ Ɓɔɔ Laa a Ɓɛɛ

¹⁸ Zang ɓɔɔ nɛɛ kagn ɓɔɔ zang yee wu shaa tɔ, ka ɓɔɔ Laa ɓaa wu nyaa, wu tɔɔ kpang nɛɛ wu gɔ̃ koo bii ka yuu shaa ka nɔng, wu nwang kaa naa bɛ̀ɛ́ wu yee shaa ka takpang kpang. Zang ɓɔɔ nɛɛ ti kagn ɓɔɔ bɛ̀ɛ́ yee shaa gn kpang, ka ɓɔɔ Laa ɓaa wu nyaa ɓɛɛ, wu tɔɔ kpang nɛɛ zang yee wu shaa kpang.

1 Koranti 7:18 ပူးပေါင်းရင်းမြစ်များ

Zang Shonang Yeesɔ 15:19

“Ka ruu nɔngkɔ, n kɔɔ nɔɔ, rúu kpãa zang ɓɔɔ ri zang Isirela kpang, ɓɔɔ ri a ka bii Laa ɓɛɛ kpang.

Zang Shonang Yeesɔ 15:24

Ruu tãa nyaa nɛɛ zang ɓɔ̀ɔ́gn ri daa nɛɛ teteng ɓuru, ri daa kpãa nɔɔ, ri lasɛ nɔɔ yeti nɛɛ vuu ɓɔɔ ri kɔɔrɔ ɓɛɛ. Rùu ti kɔɔ ri vuu ɓɔɔ kagn nɛɛ ri daa kɔɔ nɔɔ kpang.

Zang Shonang Yeesɔ 15:28

Nyaa ɓuru daa gbete nɛɛ Suru Laa nɛɛ ruu gisi nɔɔ vuu ɓɔɔ tɔ̀ɔ́ ka yuu rɛɛ vuu ɓɔɔ daa naa ɓɔɔ nɔɔ palɛ katɔ ɓɛɛ kpang.

Zang Shonang Yeesɔ 15:5

A zang ɓɔɔ ri shing danggn tɔ, ɓɔɔ ri ɓarɛ ka vaa zang Farisi ɓɛɛ, ri yupaa ri kɔɔyi tɔɔ, “Zang ɓɔɔ ri zang Isirela kpang ɓɔɔ ri shing danggn tɔ, ri yée shaa katɔ. Zang ti kɔɔ ri nɛɛ ri dũng nyaa ɓɔɔ Musa dang ɓɛɛ.”

Zang Shonang Yeesɔ 21:21

Ri ti tãa nyaa nɛɛ mɔɔ tusu zang Yahudi ɓɔɔ ri nwang ka teteng zang ɓɔɔ ri zang Isirela kpang ɓɛɛ, nɛɛ ri dũ̀ng nyaa ɓɔɔ Musa dang ɓɛɛ takpang. Mɔɔ nɛɛ ri yee wujɛ ɓarɛ shaa kpang, nɛɛ ri dũ̀ng vuu ɓɔɔ dabang ɓuru ri kpɛ̃ɛrɛ ruu kpang.

Kolosi 3:11

Ka ruu nɔngkɔ, Laa basɛ teteng zang ɓɔɔ ri zang Isirela nɛɛ zang ɓɔɔ ri zang Isirela kpang kpàng. Zang ɓɔɔ ri yee shaa katɔ, nɛɛ zang ɓɔɔ ri yee shaa kpang, kpang, zang ɓɔɔ jĩng ɓarɛ puu gn kpang, nɛɛ zang ɓɔɔ ri shaa yɔpɔ shɔnzang ɓɛɛ kpang, basɛ teteng jaafoo nɛɛ zang ɓɔɔ ri jaa gãa ɓɛɛ kpang. Yeesɔ Kirisi kɔ, ɓi kaa vuu piti, wukɔ ɓi ka yeti vuu piti.