1 Koranti 6:9 - Nyaa Shɔɔ Ɓɔɔ Laa a Ɓɛɛ

⁹ Nɔɔ zi tɔ nɛɛ, zang ɓɔɔ ri ta yeti shi kpang, ri daa nɔng ɓɔɔ Laa roo kpanti kpang. Nɔ́ɔ nwãarɛ yuu manɛ kpang. Zang ɓɔɔ ri palɛ dũndũng, zang ɓɔɔ ri bang vaka, zang ɓɔɔ ri rooro nɛɛ soro zang, zang varɛ ɓɔɔ ri rooro doo nɛɛ zang varɛ kɔ ɓɛɛ.

1 Koranti 6:9 ပူးပေါင်းရင်းမြစ်များ

Matiyu 19:29

Zang piti ɓɔɔ yaa gãa ɓiɓɛ, nɛɛ ɓeezung, nɛɛ ɓeenaa, nɛɛ diiɓɛ, nɛɛ niiɓɛ, nɛɛ wujɛ ɓiɓɛ, a ɓɔɔ tipi jaa lannang ɓiɓɛ, ka ruu mɛɛ, naa walɛ vuu ɓɔɔ wu yaa ɓɛɛ ditɔ dakn laa maani. Ti walɛ suru bii ɓɔɔ waa nyaa kpang ɓɛɛ katɔ.

Matiyu 25:34

Kpanti wu naa kɔɔ zang ɓɔɔ ri ka naa nakn ɓiɓɛ nɛɛ, ‘Zang ɓɔɔ Daa mɛɛ a ri tĩnang tãanang tɔ ɓɛɛ, nɔɔ a ta nɔ́ɔ ta vuu tɔ̃ɔ ɓɔɔ Daa mɛɛ shĩili nɔɔ, doo ka diki ɓɔɔ wu gaayu koo keɓe mãanang ɓɛɛ.

Luka 21:8

A kɔɔ ri tɔɔ, “Nɔɔ gãng jĩng waasɛ̃ zang ɓɔɔ nɛɛ nwãarɛ nɔɔ. Zang dɔɔli a ditɔ nɛɛ nung mɛɛ, ri naa kɔɔyi nɛɛ rikɔ zang ɓɔɔ naa a ɓɛɛ. A ri ti kɔɔ nɛɛ diki a naabm tɔ. Nɔɔ dũ̀ng ri kpang.

Zang Shonang Yeesɔ 20:32

“N yaa nɔɔ tɔ, ka naa Laa nɛɛ yee ɓiɓɛ. Yee ɓiɓɛ ɓɔɔ zunung ɓɔɔ wu yiti nɔɔ, nɔ́ɔ bangnɛ wu ti a nɔɔ tĩnang tãanang ɓɔɔ wu shing zang ɓɔɔ wu shɛ̃ɛrɛ ri katɔ ɓɛɛ.

Zang Shonang Yeesɔ 24:25

Ɓɔɔ Bulu kɔɔ ruu ka yuu tɔ̃ɔ palɛnang nɛɛ naa ɓɔɔ zang yiti yuu zang waasɛ̃ ɓɛɛ, a ɓɔɔ ruu diki ɓɔɔ Laa naa jɛ̃ɛ zang ruu kagn ɓɛɛ. Filiku kaa vɔrɔ, a kɔɔ Bulu tɔɔ, “Dita gbongkarɛ, n nɛɛ walɛ diki tɔ, n ɓaa mɔɔ nyaa ditɔ tɔkn.”

Rooma 1:18

Gnvɔ Laa tusu bii tɔ nɛɛ lapa, ka yuu zang piti ɓɔɔ ri palɛ vuu shi kpang, nɛɛ zang ɓɔɔ yeti ɓarɛ shi kpang, ɓɔɔ ri kasɛ nɛɛ zang zi vuu ɓɔɔ niizang ka yuu Laa kpang, nɛɛ yeti shi kpang ɓarɛ ɓɛɛ.

1 Koranti 15:33

Nɔ́ɔ yaa zang ri nwãarɛ nɔɔ kpang. “Naa mɔɔ rakɛ nɛɛ zang ɓɔɔ ri palɛ shi kpang, mɔɔ naa palɛ doo shi kpang naa ɓɔɔ ri palɛ ɓɛɛ kɔ.”

1 Koranti 15:50

Manzung, n kɔ̀ɔ́ nɔɔ nɛɛ vuu ɓɔɔ zang mãa nɛɛ yɔpɔ nɛɛ kaka, a ɓɔɔ zĩi, daa nɔng ɓɔɔ Laa roo kpanti ɓi kpang. Vuu ɓɔɔ pṹng katɔ, nwang vuu ɓɔɔ pũ̀ng kpang ɓi kpang.

1 Koranti 3:16

Nɔɔ zi kpang nɛɛ nɔkɔ Gãa Laa, a Suru Laa nwàng ka yeti manɛ kpang ya?

1 Koranti 5:1

Zang ri kɔɔrɔ nɛɛ zang ɓɔɔ kagn teteng manɛ ri palɛ dũndũng. Naa doo zang ɓɔɔ ri zi Laa kpang, ri pálɛ̀ zɔ̃ng vuu shi kpang keɓe kpàng. N tãayi nɛɛ zang gbete ka teteng manɛ, rooro nɛɛ soro ɓeedaa.

1 Koranti 5:10

N kɔɔ wu nɛɛ nɔɔ nwàng nɔng gbete nɛɛ zang ɓɔɔ ri dũ̀ng Laa kpang, kpang. Zang ɓɔɔ ri dũ̀ng Laa kpang, ri ti palɛ dũndũng, a ri ti shing jĩng ka vuu zang, ri ɓɔɔrɔ vuu, ɓɔɔ ri ti bang vaka, ri ɓarɛ nɛɛ ruu ka koo keɓe diki diki. Ruu palɛ biya ruu nwàng nɛɛ ri kpang viya?

1 Koranti 5:11

N kɔɔ nɔɔ m nɛɛ, nɔɔ nwàng nɔng gbete nɛɛ zang ɓɔɔ kɔɔyi nɛɛ wu dũng Laa a palɛ dũndũng, shing jĩng ka vuu zang, ti bang doo vaka, dãlɛ zang, ti ɓoo saa, a ti ɓɔɔrɔ vuu ɓɛɛ kpang. Nɔɔ ti shaa vuu shaanang nɛɛ rɛɛ zɔ̃ng zang keɓe kpang tingkiring.

1 Koranti 6:10

Zang ɓɔɔ ri ɓɔ̀ɔ́ shɔngɓɔ, zang ɓɔɔ ri shing jĩng ka vuu zang, zang ɓɔɔ sàa si ri, zang ɓɔɔ ri rangkɛ yee shi kpang ka yuu zang ɓɔɔ, zang ɓɔɔ ri mulu zang, nɛɛ zang piti ɓɔɔ ri palɛ rɛɛ zɔ̃ng vuu shi kpang keɓe, ri daa nɔng ɓɔɔ Laa roo kpanti kpang.

1 Koranti 6:18

Ka ruu nɔngkɔ, n kɔɔ nɔɔ, nɔɔ yáa dũndũng palɛnang. Vuu shi kpang ɓɔɔ shɔnzang palɛ nandon, zang palɛ wu ka bii kpang. Zang ɓɔɔ palɛ dũndũng, pàlɛ́ ɓi bii ɓiɓɛ vuu shi kpang.

1 Koranti 6:19

Nɔɔ zi kpang nɛɛ bìí manɛ nwàng ɓi naa Gãa Laa ɓɔɔ Suru Laa nwang kagn ɓɛɛ kpang ya? Laa shing Suru ɓiɓɛ ka yeti manɛ. Bii manɛ ɓi ɓɔɔ manɛ kpang, ɓi ɓɔ̀ɔ́ Laa.

1 Koranti 9:24

Naa zang gɛ̃ɛ zang nɛɛ ri yurɛ, zang dɔɔli ri yuku, a zang a ɓi kaa zang gbete, ɓɔɔ à tĩng shɔɔnang kɔ vuu. Nɔɔ yuku nabm, tɔ̀ɔ, zang wu a nɔɔ vuu.

2 Koranti 12:21

N kaa vɔrɔ naa n paasɛ anang tɔkn ka bii manɛ, Laa naa shingnɛ, yusɛ̃ɛ wu tuu m ka ruu manɛ. N naa káa ka ruu zang dɔɔli ɓɔɔ ri palɛ vuu shi kpang tɔ, a ri kɔ̃sɔ yeti kpang ɓɛɛ. Ri kɔ̃sɔ yeti vuu sãnsãnrãng, nɛɛ dũndũng, nɛɛ vuu yusɛ̃ɛ ɓɔɔ ri palɛ ɓɛɛ kpang.

Galati 6:7

Nɔɔ nwãarɛ yuu manɛ kpang. Laa ɓi zang ɓɔɔ zang risi wu naa shoko kpang. Vuu ɓɔɔ mɔɔ ɓayi, mɔɔ naa yee ɓaa doo wukɔ.

Kolosi 3:5

Nɔɔ vang vuu koo keɓe ɓɔɔ bii manɛ kasɛ ɓɛɛ ta nɛɛ kaaɓa. Vuu ɓɔɔ naa dũndũng, nɛɛ sãnsãnrãng palɛnang, nɛɛ vuu ɓɔɔ bii shɔnzang kasɛ, nɛɛ vuu shi kpang ɓɔɔ yeti shɔnzang kasɛ, a ɓɔɔ kaa nung sũnang (nung sũnang nwàng ɓi naa vaka bannang).

Yahudi 12:14

Kãa gbalang mɔɔ nwang ka nyaa zɔɔ nɛɛ zang piti, mɔɔ ti nwang zang ɓɔɔ shi kpang, ka bii ɓaaɓɛ kpang ɓɛɛ. Naa mɔɔ nwàng zang ɓɔɔ shi kpang, ka bii ɓaaɓɛ kpang ɓɛɛ kpang, mɔɔ zi Laa kpang.

Yahudi 12:16

Nɔɔ gãng jĩng kagn, zang ɓɔɔ ka teteng manɛ nɛ̀ɛ́ nwáng zang dũndũng, kɔ wu nwang zang ɓɔɔ yee laa ka vuu Laa kpang naa Isuwa, ɓɔɔ ka ruu vuu shaanang laa gbete, mã̀lɛ̀ bannang ɓiɓɛ, ɓɔɔ wukɔ zang bang, ka naa jaa nàá ɓiɓɛ.

Yahudi 13:4

Zang piti ɓɔɔ ri gee zɔɔ tɔ, ri seng zɔɔ katɔ, a zang ɓɔɔ ri gee zɔɔ tɔ, ri yaasɛ zɔɔ gn naa kpang. Ka ruu ɓɔɔ, Laa naa dɔng zang ɓɔɔ ri palɛ dũndũng nɛɛ zang ɓɔɔ ri rooro nɛɛ soro zang, ruu katɔ ɓɛɛ.

Yakubu 1:16

Rɛɛ manzung ɓɔɔ n kasɛ ruu manɛ dɔɔli ɓɛɛ, zang wu nwãarɛ nɔɔ kpang.

1 Yɔhana 3:7

Wujɛ mɛɛ, zang ɓɔɔ wu nwãarɛ nɔɔ kpang. Zang ɓɔɔ palɛ vuu tɔ̃ɔ, ɓi zang tɔ̃ɔ, naa ɓɔɔ Yeesɔ zang tɔ̃ɔ ɓɛɛ.

Vuu ɓɔɔ zang nwangsɛ Yɔhana 21:8

A ɓɔɔ zang ɓɔɔ ri kaa vɔrɔ, nɛɛ zang ɓɔɔ ri shing danggn ka bii Laa kpang ɓɛɛ, nɛɛ zang ɓɔɔ shi kpang kagn bii ɓarɛ ɓɛɛ, nɛɛ zang ɓɔɔ ri nyɔ zang vɔrɔ ɓɛɛ, nɛɛ zang ɓɔɔ ri palɛ dũndũng, nɛɛ zang ɓɔɔ ri shaa nvaa, nɛɛ zang ɓɔɔ ri bang vaka, nɛɛ zang sèé nandon, zang naa tasɛ ri ɓarɛ ka too waa, ɓɔɔ tari ɓɔɔ ri shaa waa katɔ kagn ɓɛɛ. Wee kɔ vɔrɔ ɓɔɔ zang vɔrɛ daa kaa doo ziti ɓɛɛ kɔ.”

Vuu ɓɔɔ zang nwangsɛ Yɔhana 22:15

Zang ɓɔɔ ri palɛ vuu shi kpang, nɛɛ rɛɛ nvaa, nɛɛ zang ɓɔɔ ri palɛ dũndũng, nɛɛ zang ɓɔɔ ri nyɔkɔ zang vɔrɔ, nɛɛ zang ɓɔɔ ri bang vaka, a zang piti ɓɔɔ ri suru sèé, ɓɔɔ ri ti tãa tĩnnang sèé suunang katɔ ɓɛɛ, ri naa nwang ɓarɛ ka yuu knti gari bìí, ri daa yeti ɓiɓɛ kpang.