1 Koranti 5:8 - Nyaa Shɔɔ Ɓɔɔ Laa a Ɓɛɛ

⁸ Ka ruu nɔngkɔ, ruu yáa nɔɔ zɔ̃ng vuu shi kpang ta nandon, tɔ̀ɔ, vuu shi kpang kaɓa, wu baa kaa tɔ̀ɔ́ teteng ɓuru kpang. Ruu palɛ nɔɔ tɔ̃ɔ, ruu ti dũng gbalang Laa nɛɛ yeti gbete. Kaa naa weɓe kɔ, ruu nwang naa borodi ɓɔɔ zang tɛ̃ɛ yisi kagn kpang tingkiring ɓɔɔ zang Yahudi ri sháa ka nyaalaa pasika ɓɛɛ. Wee naa ɓɔɔ ruu shaa nyaalaa kaɓa jong tɔ̃ɔ ɓɛɛ kɔ.

1 Koranti 5:8 ပူးပေါင်းရင်းမြစ်များ

Matiyu 16:12

A zang ɓɔɔ ri mantɛ vuu ka bii ɓiɓɛ, ri naa zi kaa nɛɛ knti, nɛɛ Yeesɔ, kɔɔ ri ɓarɛ nɛɛ ri gãng jĩng ka yisi ɓɔɔ puu zũng ɓɔɔ zang palɛ borodi nɛɛ mani ɓɛɛ kpang. Nɛɛ ri gãng jĩng ɓarɛ ka vuu ɓɔɔ zang Farisi nɛɛ Saduki ri tusu zang ɓɛɛ.

Matiyu 16:6

A Yeesɔ kɔɔ ri tɔɔ, “Nɔɔ shing danggn kagn, nɔɔ gãng jĩng ka yisi, vuu ɓɔɔ puu zũng ɓɔɔ zang palɛ borodi nɛɛ mani, ɓɔ̀ɔ́ zang Farisi nɛɛ ɓɔ̀ɔ́ zang Saduki ning.”

Maraku 8:15

Ri daa kana, a Yeesɔ gaa tɔɔsung ɓɔɔ wu shaarɛ ri nyaa ɓɛɛ kati, kɔɔ ri tɔɔ, “Nɔɔ shing danggn kagn, nɔɔ gãng jĩng ka yisi ɓɔɔ zang Farisi nɛɛ ɓɔɔ Hiridu ning.”

Luka 12:1

Zang ri kpalɛ zɔɔ ɓarɛ tɔ labang gaagaa, nɔng doo naanang kagn kpang. Ri vãlɛ kaa yuu zɔɔ. A Yeesɔ gaa tɔɔsung yee rannang kaa nɛɛ zang ɓɔɔ ri mantɛ vuu ka bii ɓiɓɛ kɔ shɔɔnang tɔɔ, “Nɔɔ gãng jĩng ka yisi zang Farisi. Yisi ɓarɛ ɓi nwãarɛnang ɓɔɔ ri nwãarɛ zang nɛɛ vuu palɛnang ɓɛɛ.

Yɔhana 1:47

Yeesɔ zi Natanalu a kana bii ɓiɓɛ, a kɔɔyi tɔɔ, “Nɔɔ zirɛ, zang ɓɔɔ wukɔ zang Isirela ɓɔɔ niizang kaɓa, vuu ɓɔɔ shing zang, zang pálɛ̀ vuu shi kpang kagn bii ɓiɓɛ kpang.”

1 Koranti 3:3

Nɔɔ nwang doo naa zang koo keɓe, ka ruu ɓɔɔ, nɔɔ kaa doo sũnyaa nɛɛ zɔɔ, nɔɔ haa doo nyaa nɛɛ zɔɔ ɓɛɛ. Nɔɔ zi kpang nɛɛ naa nɔɔ pálɛ̀ nɔngkɔ, nɔɔ doo naa zang koo keɓe kɔ kpang ya? Nɔɔ palɛ wu naa ɓɔɔ zang piti palɛ ɓɛɛ kpang ya?

1 Koranti 5:1

Zang ri kɔɔrɔ nɛɛ zang ɓɔɔ kagn teteng manɛ ri palɛ dũndũng. Naa doo zang ɓɔɔ ri zi Laa kpang, ri pálɛ̀ zɔ̃ng vuu shi kpang keɓe kpàng. N tãayi nɛɛ zang gbete ka teteng manɛ, rooro nɛɛ soro ɓeedaa.

1 Koranti 5:6

Daa naa ɓɔɔ nɔɔ tuu yuu manɛ naa wee nɔɔ pálɛ̀ ɓee kpang. Nɔɔ zi kpang nɛɛ yisi tɔkɔlɔng tàntɛ́ yeti borodi bàanang wu shing borodi wu puuyi kpang ya?

2 Koranti 1:12

Vuu ɓɔɔ shingnɛ ruu tuu yuu ɓuru kagn gbete, rɛ̃rɛnang ɓuru kɔɔ ruu nɛɛ, nwannang ɓuru ka koo keɓe, nɛɛ vuu ɓɔɔ rùu palɛ nɛɛ nɔɔ, rùu palɛ niizang nɛɛ yeti gbete, naa ɓɔɔ Laa kasɛ ɓɛɛ. Ruu palɛ wu ka doo zũnang yuu ɓuru kpang, ruu palɛ nɛɛ naa vuu palɛnang tɔ̃ɔ ɓɔɔ Laa pàlɛ́ ruu ɓɛɛ.

2 Koranti 2:17

Ruu ɓuru naa zang dɔɔli ɓɔɔ, Ruu Laa nwàng ri ɓarɛ kaa gbalang ɓɔɔ ri kãa vuu shaanang nɛɛ mani ɓɛɛ kpang. Ruu palɛ shonang ɓuru nɛɛ yeti gbete. Ruu kɔɔ Ruu Laa ɓuru naa ɓɔɔ Laa tusu ruu gbalang ɓɛɛ. Naa zang nyaa shonang ɓiɓɛ, a ɓɔɔ kaa naa zang shonang Yeesɔ Kirisi.

2 Koranti 8:8

N dang nɔɔ wu nyaa kpang. N kasɛ nɛɛ n gãsɛ zang kasɛnang manɛ nɛɛ ɓɔɔ zang ɓɔɔ ri dũng doo Laa kɔ. Tɔ̀ɔ, n zirɛ nɛɛ niizang kɔ nwani ɓɛɛ.

Afisa 6:24

N gaa Laa nɛɛ wu pàlɛ̀ zang ɓɔɔ ri kasɛ Kpanti ɓuru Yeesɔ Kirisi gbãng gbãng tɔ̃ɔ.

1 Bituru 4:2

Vuu ɓɔɔ yi nɛɛ lɛɛkɔ, nɔɔ pálɛ̀ manɛ vuu ɓɔɔ Laa kasɛ ɓɛɛ, wu vuu ɓɔɔ bii shɔnzang kasɛ ɓɛɛ kpang.