1 Koranti 5:7 - Nyaa Shɔɔ Ɓɔɔ Laa a Ɓɛɛ

⁷ Ka ruu nɔngkɔ, nɔɔ nwangsɛ vuu shi kpang keɓe nɔɔ yaa teteng manɛ, ka ruu ɓɔɔ, nɛɛ bàá ka teteng manɛ ɓɛɛ. Nɔɔ nwangsɛ vuu shi kpang keɓe, tɔ̀ɔ, nɔɔ nwang kaa zang ɓɔɔ shi kpang ka bii ɓarɛ kpang ɓɛɛ. Ɓɔɔ ruu dũng Laa ɓɛɛ, ruu ɓuru kaa kalang kalang, ka ruu ɓɔɔ, Yeesɔ Kirisi vɔ ka ruu ɓuru ɓɛɛ. Yeesɔ nwang naa jamɛ̀ɛrɛ́ ɓɔɔ zang dɔɔ Laa, ka laa ɓɔɔ zang shaa nyaalaa pasika ɓɛɛ.

1 Koranti 5:7 ပူးပေါင်းရင်းမြစ်များ

Matiyu 13:33

Yeesɔ ti rang ri nyaa vuu jeenang ɓɔɔgn tɔɔ, “Kpanti roonang Laa nwang naa vuu ɓɔɔ zang ɓaa nɛɛ yisi ɓɛɛ. Zang soro ya tɔkɔlɔng nwɛ̃ɛtɛ nɛɛ zũng ɓɔɔ zang palɛ borodi nɛɛ mani, waka bang bang taati, wu shingnɛ zũng wu puuyi ɓɛɛ.”

Maraku 14:12

Ka diki ɓɔɔ zang gaayu nyaalaa Borodi ɓɔɔ zang tɛ̃ɛ yisi kagn kpang shaanang, diki ɓɔɔ zang yele mɛ̀ɛrɛ́ nyaalaa ɓɔɔ zang kpaa danggn diki ɓɔɔ Laa tɛɛ ɓɛɛ. Zang ɓɔɔ ri mantɛ vuu ka bii ɓiɓɛ ri hɛ̃ɛ wu tɔɔ, “Mɔɔ kasɛ nɛɛ ruu daa pàlɛ̀ mɔɔ vuu shaanang ɓɔɔ mɔɔ naa shaa ka nyaalaa ka niya?”

Yɔhana 1:29

Nɔng naa gãntɛ tɔ, a Yɔhana zi Yeesɔ a kana bìí ɓiɓɛ, a kɔɔyi nɛɛ, “Nɔɔ zirɛ, Jaa Mɛ̀ɛrɛ́ Laa kaɓa, ɓɔɔ naa shingnɛ, Laa yàá zang koo keɓe gbalang vuu shi kpang ɓɔɔ ri pàlɛ̀ ɓɛɛ kɔ.

Yɔhana 1:36

a zi Yeesɔ rakɛ. A Yɔhana kɔɔyi tɔɔ, “Nɔɔ zirɛ, Jaa Mɛ̀ɛrɛ́ Laa kaɓa.”

Yɔhana 19:14

Bɛ̀ɛ́ ka diki ɓɔɔ zang kpalɛ bii ka ruu diki nyaalaa ɓɔɔ zang kpaa danggn diki ɓɔɔ Laa tɛɛ ɓɛɛ. Bɛ̀ɛ́ làa a ka naa dalɛ yuu. A Bilatu kɔɔ zang Yahudi kati tɔɔ, “Kpanti manɛ keɓe.”

Rooma 3:25

Laa a zang wu, nɛɛ zang nyɔ wu vɔrɔ, nɛɛ tɔ̀ɔ, wu nwang kaa gbalang ɓɔɔ Laa yàá shɔnzang nandon gbalang vuu shi kpang ɓarɛ ɓɛɛ. Ka ruu danggn ɓɔɔ ri shing ka bii ɓiɓɛ ɓɛɛ. Laa palɛ vuu keɓe, tɔ̀ɔ, wu tusu zang tɔ̃ɔ ɓiɓɛ. Ka tĩng, Laa mã danggn, a yee laa ka vuu shi kpang ɓɔɔ shɔnzang ri palɛ ɓɛɛ kpang.

1 Koranti 10:17

Ɓɔɔ ruu shaa borodi kaɓa, ruu dɔɔli, a borodi ɓɔɔ ruu shaayi, ɓi kaa gbete. Wukɔ tusu ruu nɛɛ ruu ɓuru gbete nɛɛ zɔɔ.

1 Koranti 5:13

Ɓi Laa naa jɛ̃ɛ zang ɓɔɔ ri dũ̀ng wu kpang ruu. Ka ruu nɔngkɔ, naa ɓɔɔ zang bee ka yeti labeenang Laa ɓɛɛ, “Nɔɔ hing zang ɓɔɔ palɛ vuu shi kpang katɔ, wu yaa teteng manɛ.”

Afisa 4:22

Ka ruu nɔngkɔ, nɔɔ yaa vuu ɓeleng ɓɔɔ bii manɛ kasɛ ɓɛɛ ta, ɓɔɔ shing nɔɔ, nɔɔ nwang naa ɓɔɔ nɔɔ nwang ɓɛɛ. Vuu ɓɔɔ nwãarɛ nɔɔ katɔ, ɓɔɔ nɔɔ kasɛ ɓɛɛ, bɛ̀ɛ́ lasɛ bii manɛ kana.

Vuu ɓɔɔ zang nwangsɛ Yɔhana 5:12

Ri gaa soo ri mɛɛ nyaa nabm nɛɛ, “Jaa Mɛ̀ɛrɛ́ ɓɔɔ bɛ̀ɛ́ zang nyɔ wu vɔrɔ ɓɛɛ, daa naa ɓɔɔ zang a wu naa vuu palɛnang tɔ, nɛɛ vuu naa, nɛɛ zũnang, nɛɛ kaka, nɛɛ bannang, nɛɛ dɔɔnang a ɓɔɔ zɔ̃ɔrɔnang.”