1 Koranti 5:6 - Nyaa Shɔɔ Ɓɔɔ Laa a Ɓɛɛ

⁶ Daa naa ɓɔɔ nɔɔ tuu yuu manɛ naa wee nɔɔ pálɛ̀ ɓee kpang. Nɔɔ zi kpang nɛɛ yisi tɔkɔlɔng tàntɛ́ yeti borodi bàanang wu shing borodi wu puuyi kpang ya?

1 Koranti 5:6 ပူးပေါင်းရင်းမြစ်များ

Matiyu 13:33

Yeesɔ ti rang ri nyaa vuu jeenang ɓɔɔgn tɔɔ, “Kpanti roonang Laa nwang naa vuu ɓɔɔ zang ɓaa nɛɛ yisi ɓɛɛ. Zang soro ya tɔkɔlɔng nwɛ̃ɛtɛ nɛɛ zũng ɓɔɔ zang palɛ borodi nɛɛ mani, waka bang bang taati, wu shingnɛ zũng wu puuyi ɓɛɛ.”

Luka 13:21

Nwang naa yisi tɔkɔlɔng ɓɔɔ zang soro tɛ̃ɛ ka zũng ɓɔɔ zang palɛ borodi nɛɛ mani, ɓɔɔ ka taasa gaagaa, wu puu kati ɓɛɛ.”

Rooma 6:16

Nɔɔ zi tɔ nɛɛ, naa nɔɔ a zang ɓɔɔ yuu manɛ nɛɛ nɔɔ nwang jaafoo ɓiɓɛ, nɔɔ ɓaa shoo ka nyaa ɓiɓɛ. Nɔɔ manɛ jaafòó zang gãa ɓɔɔ nɔɔ ɓaa shoo ka nyaa ɓiɓɛ ɓɛɛ. Naa nɔɔ ɓaa shoo doo ka nyaa vuu shi kpang ɓɔɔ nwǎng zang vɔrɔ ɓɛɛ, naa nɔɔ ti ɓaa shoo ka nyaa Laa, tɔ̀ɔ, Laa wu ta nɔɔ nɛɛ nɔɔ zang tɔ̃ɔ ka tĩng ɓiɓɛ ɓɛɛ.

1 Koranti 15:33

Nɔ́ɔ yaa zang ri nwãarɛ nɔɔ kpang. “Naa mɔɔ rakɛ nɛɛ zang ɓɔɔ ri palɛ shi kpang, mɔɔ naa palɛ doo shi kpang naa ɓɔɔ ri palɛ ɓɛɛ kɔ.”

1 Koranti 3:21

Ka ruu nɔngkɔ, zang ɓɔɔ wu rang yee bang bang ka yuu ɓiɓɛ, ka ruu ɓɔɔ wu di yuu ka bii shɔnzang kpang. Vuu piti ɓi ɓɔɔ manɛ.

1 Koranti 5:2

Zang ri nɛɛ pálɛ̀ naa weɓe ka teteng manɛ, nɔɔ palɛ biya nɔɔ tuu yuu manɛ viya? Nɔɔ káa katɔ kɔ jong, ka ruu vuu shi kpang manɛ. Nɔɔ hing zang ɓɔɔ pálɛ̀ vuu shi kpang keɓe katɔ, wu yaa teteng manɛ.

Galati 5:9

Zang kɔɔrɔ nyaa nɛɛ, “Yisi tɔkɔlɔng shing zũng borodi palɛnang dɔɔli ɓɔɔ zang wee ɓɛɛ, wu puuyi.”

2 Timoti 2:17

Zɔ̃ng yee keɓe nwang ɓi naa nɔɔrɔ ɓɔɔ shaa ɓi katɔ kɔ jong ɓɛɛ. Zang ziti ka teteng zang ɓɔɔ ri túsù zɔ̃ng yee keɓe, ɓi rɛɛ Himinaya nɛɛ Filetu.

Yakubu 4:16

Ɓɔɔ kãntang keɓe nɔɔ lakɛ jĩng, a nɔɔ rang ruu bang bang ka yuu manɛ. Ruu bang bang ɓɔɔ nɔɔ kɔɔrɔ ka yuu manɛ naa weɓe ɓi vuu shi kpang.