1 Koranti 5:5 - Nyaa Shɔɔ Ɓɔɔ Laa a Ɓɛɛ

⁵ Nɔɔ yàa Sheetang zang keɓe, wu lasɛ yɔpɔ bii ɓiɓɛ, tɔ̀ɔ, suru bii ɓiɓɛ wu wɔ kati, ka diki ɓɔɔ Kpanti ɓuru Yeesɔ naa gbãayu ka koo keɓe ɓɛɛ.

1 Koranti 5:5 ပူးပေါင်းရင်းမြစ်များ

Matiyu 4:10

A Yeesɔ kasɛ wu nyaa tɔɔ, “Daa nɛɛ kaaɓa, mɔ́ɔ yàa m bii Sheetang. Ruu Kpanti Laa kɔɔyi tɔɔ, ‘Shɔnzang wu dɔɔ Kpanti Laa ɓiɓɛ kɔ shɛ̃ɛning, nɛɛ wu ti bang wukɔ gbete.’ ”

Luka 22:31

“Siman, ɓaa shoo, zang a Sheetang naa tɔ, nɛɛ wu gãsɛ nɔɔ, tɔ̀ɔ, wu shɛ̃ɛrɛ zang tɔ̃ɔ, wu yaa zang shi kpang, naa ɓɔɔ zang hãlɛ zee ɓɛɛ.

Zang Shonang Yeesɔ 26:18

Mɔ́ɔ pùu ri jĩng, ri yaa nɔng ɓɔɔ tɔ̀ɔ katɔ, ri a ka nɔng ɓɔɔ yakɛ katɔ ɓɛɛ. Ri ti yaa nɔng ɓɔɔ sheetang roo kpanti kagn, ri a ka bii Laa. Tɔ̀ɔ, ka ruu danggn ɓɔɔ ri shing ka bii mɛɛ, Laa wu kɔsɔ ri vuu shi kpang ɓarɛ kati. Wu ti a ri nɔng nwannang jong ka teteng zang ɓɔɔ wu zɔ̃ngkɔ ri katɔ ɓɛɛ.’

1 Koranti 1:8

Ɓi Yeesɔ Kirisi kɔ nɛɛ yuu ɓiɓɛ, yiti nɔɔ diki ɓɔɔ koo waa nyaa wu a nɛɛ mani. Tɔ̀ɔ, ka diki ɓɔɔ Yeesɔ Kirisi gbãayu, Laa wu naa dɔng nɔɔ ruu kaa takpang, nɛɛ nɔɔ pálɛ́ vuu shi kpang tɔ kpang.

1 Koranti 11:32

Kpanti Yeesɔ dɔng rùu ruu, a ti gɔ̃ ruu shoo waati kpang, tusu ruu gbalang tɔ̃ɔ nɛɛ ruu palɛ vuu shi kpang tɔ. Tɔ̀ɔ, diki ɓɔɔ wu naa dɔng zang koo ruu kagn wu ɓakɛ ruu kaa tɔ̀ɔ́ nɛɛ ri kpang.

1 Koranti 5:13

Ɓi Laa naa jɛ̃ɛ zang ɓɔɔ ri dũ̀ng wu kpang ruu. Ka ruu nɔngkɔ, naa ɓɔɔ zang bee ka yeti labeenang Laa ɓɛɛ, “Nɔɔ hing zang ɓɔɔ palɛ vuu shi kpang katɔ, wu yaa teteng manɛ.”

2 Koranti 10:6

Nɔɔ nɛɛ tusu yuu manɛ tɔ nɛɛ, nɔɔ dũng kaa nyaa ɓuru, tɔɔ ruu kpalɛ bii ɓɔɔ ruu dang zang ɓɔɔ ri dũng nyaa ɓuru kpang jĩng kati.

2 Koranti 12:7

Tɔ̀ɔ, zang zãa m yuu tuunang ka lapa dɔɔli, ka ruu vuu ɓɔɔ zang zirɛ zang mã naa ka danggn ɓɔɔ n zili ɓɛɛ. Laa nɛɛ yuu ɓiɓɛ shing nɔng ɓɔɔ ka bii mɛɛ, kɔng m naa zang ɓaa m nɛɛ kɔkɔ. Kɔnang keɓe, nwang naa zang nyaa shonang Sheetang ɓɔɔ zang dɔ̃ wu nɛɛ, wu naa dang m jĩng, wu zãa m yuu tuunang ɓɛɛ.

2 Koranti 13:10

Ka ruu nɔngkɔ, n bèé nɔɔ laa keɓe ka wee n gn nɛɛ nɔɔ nɔng gbete kpang ɓee. Tɔ̀ɔ, n nɛɛ a tɔ ka nɔng manɛ, n palɛ nɔɔ vuu kaa tɔ̀ɔ́ nɛɛ gnvɔ, nɛɛ naa vuu palɛnang ɓɔɔ Laa a m ɓɛɛ kpang. Laa a m naa nɛɛ n yi nɔɔ naa ka bii nɔɔ bangkɛ, nɛɛ n ningsi nɔɔ katɔ kpang.

Filipi 1:6

N yaa gn naa kpang, Laa ɓɔɔ gaayu shonang tɔ̃ɔ kaɓa ka yeti manɛ, naa hangsɛ shonang keɓe ditɔ ka diki ɓɔɔ Yeesɔ Kirisi naa jɛ̃ɛ zang ruu ɓɛɛ.

1 Timoti 1:20

Himinaya nɛɛ Alezanda ri ka teteng zang ɓɔɔ naa weɓe kɔ. N yàa Sheetang naa tɔ wu dang ri jĩng. Tɔ̀ɔ, shoo wu lu ri kati, ri yaa ruu shi kpang kɔɔrɔnang kaa yuu Laa.

2 Timoti 1:18

Kpanti Yeesɔ wu palɛ wu tɔ̃ɔ ka diki ɓɔɔ koo waa nyaa ɓɛɛ. Mɔɔ ti zì vuu ɓɔɔ wu pàlɛ̀ m ka Afisa ɓɛɛ tɔ gbayi gbayi.

2 Bituru 3:12

Nɔɔ shing jĩng manɛ ka diki Laa, nɔ́ɔ ti palɛ vuu ɓɔɔ naa shingnɛ diki kaɓa naa a pati ɓɛɛ. Diki kaɓa, ɓɔɔ waa shaa lapa kagn, tɔ̀ɔ, wu ning kati ɓɛɛ. A waa wu ti yaalɛ vuu ɓɔɔ ka lapa nandon ɓɛɛ.

1 Yɔhana 5:16

Zang ɓɔɔ nɛɛ zi ɓeezung ɓɔɔ dũng Laa kɔ doori, palɛ vuu shi kpang ɓɔɔ naa nyɔ wu vɔrɔ kpang, wu gàa ɓeezung keɓe Laa, wu a wu suru bii ɓɔɔ waa nyaa kpang ɓɛɛ. Vuu shi kpang ɓɔɔ nyɔ zang vɔrɔ katɔ kagn, n kɔɔ nɛɛ zang wu gàa Laa ka ruu ɓiɓɛ kɔ kpang.