1 Koranti 5:11 - Nyaa Shɔɔ Ɓɔɔ Laa a Ɓɛɛ

¹¹ N kɔɔ nɔɔ m nɛɛ, nɔɔ nwàng nɔng gbete nɛɛ zang ɓɔɔ kɔɔyi nɛɛ wu dũng Laa a palɛ dũndũng, shing jĩng ka vuu zang, ti bang doo vaka, dãlɛ zang, ti ɓoo saa, a ti ɓɔɔrɔ vuu ɓɛɛ kpang. Nɔɔ ti shaa vuu shaanang nɛɛ rɛɛ zɔ̃ng zang keɓe kpang tingkiring.

1 Koranti 5:11 ပူးပေါင်းရင်းမြစ်များ

Matiyu 18:17

Nɛɛ ti tãa nyaa zang kaɓa kpang kɔ doori, tɔ̀ɔ mɔɔ daa kɔɔ zang Laa ɓɔɔ nimbang kati. Nɛɛ ɓaa shoo ka nyaa zang Laa ɓɔɔ nimbang kpang kɔ doori, tɔ̀ɔ mɔɔ yaa wu nɔngkɔ, naa ɓɔɔ mɔɔ yaa zang ɓɔɔ dũng Laa kpang ɓɛɛ, kɔ zang ɓɔɔ ta saka tipi ɓɛɛ.

Matiyu 23:25

“Vuu gn kɔnang kagn yuu manɛ zang ɓɔɔ tusu zang vuu nɛɛ zang Farisi. Nɔɔ ɓɔɔ nɔɔ nwãarɛ zang nɛɛ vuu palɛnang ɓɛɛ. Nɔɔ nwang naa waka, nɛɛ gbanti ɓɔɔ zang sɔɔ dakn biling kɔ shɛ̃ɛning, a yeti ɓiɓɛ tɔ̀ɔ ɓi katɔ ɓɛɛ. Yeti manɛ nwang doo nɔngkɔ. Yeti manɛ ɓi ɓangge nɛɛ yuu kasɛnang kɔ shɛ̃ɛning.

Luka 18:11

Yɔɔ Farisi seepaa gaa Laa, a kɔɔ ruu bang bang ka yuu ɓiɓɛ tɔɔ, ‘Laa n zãa mɔɔ tɔ, ka ruu ɓɔɔ, n nwang m naa zang ɓɔɔ nimbang ɓɔɔ ri ta zang vuu nɛɛ ɓangge, nɛɛ zang ɓɔɔ ri palɛ vuu shi kpang, nɛɛ zang dũndũng kpang. N m ti naa zang ɓɔɔ ta saka tipi kaɓa kpang ɓɛɛ.

Luka 21:34

“Nɔɔ gãng jĩng kagn, rɛ̃rɛnang manɛ nɛɛ kpiti nɛɛ vuu shaanang nɛɛ vuu ɓoonang. Rɛ̃rɛnang ɓɔɔ nɔɔ rɛ̃rɛ ka yuu vuu ɓɔɔ nɔɔ kasɛ ka koo keɓe ɓɛɛ. Ka ruu ɓɔɔ, diki kaɓa nɛɛ arɛ, bɛ̀ɛ́ nɔɔ shing danggn kpang, naa ɓɔɔ saka ta yɔpɔ ɓɛɛ.

Zang Shonang Yeesɔ 1:15

Ka diki ɓɔɔ kagn, zang ɓɔɔ ri shíng danggn tɔ laa maani tu bmati, ri kpalɛ zɔɔ. A Bituru seepaa a shiiyi, rang yee.

Zang Shonang Yeesɔ 9:17

A Hananiya daayi, daa hãa nyaa ka yeti gãa, shing naa ka yuu Shaawulu, a kɔɔyi tɔɔ, “Manzung Shaawulu, Kpanti Yeesɔ ɓɔɔ nwáng nyaa ka mɔɔ ka gbalang, ka ɓɔɔ mɔɔ a ka nihn ɓɛɛ, wukɔ shong m. Shong m nɛɛ tɔ̀ɔ, mɔɔ zi nɔng kaa tɔkn, nɛɛ tɔ̀ɔ, Suru Laa wu a kaa bii ɓaaɓɛ”.

Rooma 13:13

Rúu gaayu nwannang waasɛ̃, naa zang ɓɔɔ ri nwang ka nɔng ɓɔɔ yakɛ katɔ ɓɛɛ. Wu ka ɓɔɔ nɔɔ gaarɛ zɔɔ, nɔɔ ɓooro saa ɓɛɛ kpang, nɔɔ palɛ dũndũng kpang, nɔɔ ti pálɛ̀ shi kpang, kpang, nɔɔ hàa nyaa kpang, nɔɔ ti kaa sũnyaa kpang.

Rooma 16:17

Manzung, ɓɔɔ ri dũng doo Laa kɔ ɓɛɛ, n gaa nɔɔ katɔ, nɔɔ gãng jĩng ka zang ɓɔɔ ri basɛ teteng zang, a ri ti shing zang ɓɔɔ ri shing danggn, ri yaa gbalang Laa ɓɛɛ. Ri tusu nɔɔ vuu náa ɓɔɔgn naa ɓɔɔ zang tusu nɔɔ tɔ ɓɛɛ kpang. Nɔɔ yaa gbalang ɓarɛ katɔ.

1 Koranti 10:14

Ka ruu nɔngkɔ, rɛɛ masang ɓɔɔ n kasɛ ruu manɛ katɔ ɓɛɛ, n kɔɔ nɔɔ, nɔɔ yaa vaka ta dɔ̃ɔ gbete.

1 Koranti 11:21

N kɔɔ nɔngkɔ, ka ruu ɓɔɔ nɔɔ nɛɛ shaa vuu shaanang kana, zang ɓu shaa ɓi vuu shaanang ɓiɓɛ ɓɛɛ. Ka ruu nɔngkɔ, ɓɔɔ zang ɓɔɔ nyɔkɔ nyɔ ri ɓarɛ katɔ, zang ɓɔɔ ri ɓoo saa ɓarɛ tɔ, ri puu tɔ, saa yee ri kana.

1 Koranti 5:13

Ɓi Laa naa jɛ̃ɛ zang ɓɔɔ ri dũ̀ng wu kpang ruu. Ka ruu nɔngkɔ, naa ɓɔɔ zang bee ka yeti labeenang Laa ɓɛɛ, “Nɔɔ hing zang ɓɔɔ palɛ vuu shi kpang katɔ, wu yaa teteng manɛ.”

1 Koranti 6:10

Zang ɓɔɔ ri ɓɔ̀ɔ́ shɔngɓɔ, zang ɓɔɔ ri shing jĩng ka vuu zang, zang ɓɔɔ sàa si ri, zang ɓɔɔ ri rangkɛ yee shi kpang ka yuu zang ɓɔɔ, zang ɓɔɔ ri mulu zang, nɛɛ zang piti ɓɔɔ ri palɛ rɛɛ zɔ̃ng vuu shi kpang keɓe, ri daa nɔng ɓɔɔ Laa roo kpanti kpang.

1 Koranti 6:6

Daa naa ɓɔɔ zang ɓɔɔ dũng Laa daa ɓàá ɓeezung ɓɔɔ dũng doo Laa kɔ nyaavaa, tɔ̀ɔ, zang ɓɔɔ shing danggn ka bii Yeesɔ Kirisi kpang, wu daa jɛ̃ɛ ri ruu ɓɛɛ kpang.

1 Koranti 6:9

Nɔɔ zi tɔ nɛɛ, zang ɓɔɔ ri ta yeti shi kpang, ri daa nɔng ɓɔɔ Laa roo kpanti kpang. Nɔ́ɔ nwãarɛ yuu manɛ kpang. Zang ɓɔɔ ri palɛ dũndũng, zang ɓɔɔ ri bang vaka, zang ɓɔɔ ri rooro nɛɛ soro zang, zang varɛ ɓɔɔ ri rooro doo nɛɛ zang varɛ kɔ ɓɛɛ.

1 Koranti 7:12

Zang ɓɔɔ ri gee zang ɓɔɔ dũ̀ng Laa kpang ɓɛɛ, n kɔ̀ɔ́ nɔɔ ruu keɓe. Ruu keɓe nkɔ kɔ̀ɔ́ ɓɔɔ yuu mɛɛ, wu nyaa ɓɔɔ Kpanti Yeesɔ Kirisi dang ɓɛɛ kpang. Naa zang ɓɔɔ dũ̀ng Yeesɔ Kirisi gee soro ɓɔɔ dũ̀ng Kirisi ɓi kpang ɓɛɛ. Jaa soro bìí, nɛɛ kasɛ tɔ, nɛɛ wu nwang nɛɛ wu katɔ, zang keɓe wu hing soro bìí kpang.

1 Koranti 7:15

Naa zang ɓɔɔ dũ̀ng Laa kpang kasɛ nɛɛ wu yaa zang ɓɔɔ wu gee ɓɛɛ katɔ, wu yaa wu. Ri nɛɛ yaa zɔɔ tɔ, zang ɓɔɔ dũng Laa ka teteng ɓarɛ, nɛɛ zang varɛ, nɛɛ ti zang soro, tá nyaa dannang kpang, ka ruu ɓɔɔ, Laa kasɛ nɛɛ ruu nwang ka nyaa zɔɔ ɓɛɛ.

1 Koranti 8:11

Ka ruu nɔngkɔ, naa mɔɔ shaa vuu shaanang kaɓa, mɔɔ shing zang kaɓa yaa gbalang tɔ, nɛɛ vuu ɓɔɔ mɔɔ zi ɓɛɛ. Naa mɔɔ palɛ vuu ɓɔɔ shing ɓaazung ɓɔɔ Kirisi vɔ ka ruu ɓiɓɛ jong ning gbalang, wukɔ tɔ̃ɔ ya?

Galati 2:12

Ɓɔɔ zang varɛ ɓɔɔ Yakub shong ri, ri a nɔng kaɓa gn kpang, Bituru shaa vuu shaanang nɔng gbete nɛɛ manzung ɓuru ɓɔɔ ri zang Yahudi kpang ɓɛɛ. Ɓɔɔ ri naa shɛ̃ɛ nɔng, Bituru gɔ̃ bii, shaa vuu shaanang tɔ̀ɔ́ nɛɛ ri kpang, ka ruu ɓɔɔ, kaa vɔrɔ zang ɓɔɔ ri kasɛ ɓarɛ nɛɛ zang yèe zang ɓɔɔ ri zang Yahudi kpang shaa katɔ ɓɛɛ.

Afisa 5:18

Nɔ́ɔ yaa sàa wu si nɔɔ kpang, lasɛ nɔɔ katɔ. Nɔɔ yaa Suru Laa kɔ jong wu nwang ka yeti manɛ.

Afisa 5:5

Ǹ kàsɛ̀ nɛɛ nɔ́ɔ zi vuu keɓe waasɛ̃. Zang ɓɔɔ palɛ dũndũng, ɓɔɔ rɛ̃rɛnang ɓiɓɛ ti kalang kalang kpang, ɓɔɔ ti shing jĩng ka vuu zang, naa daa nɔng ɓɔɔ Yeesɔ Kirisi roo kpanti kagn nɛɛ Laa ɓɛɛ kpang. Ka ruu ɓɔɔ rɛɛ vuu keɓe dàa wu ka yeti, ɓa ɓɔɔ wu palɛ vuu ɓɔɔ Laa kasɛ ɓɛɛ.

Kolosi 3:5

Nɔɔ vang vuu koo keɓe ɓɔɔ bii manɛ kasɛ ɓɛɛ ta nɛɛ kaaɓa. Vuu ɓɔɔ naa dũndũng, nɛɛ sãnsãnrãng palɛnang, nɛɛ vuu ɓɔɔ bii shɔnzang kasɛ, nɛɛ vuu shi kpang ɓɔɔ yeti shɔnzang kasɛ, a ɓɔɔ kaa nung sũnang (nung sũnang nwàng ɓi naa vaka bannang).

2 Tesalonika 3:14

Zang ɓɔɔ ka teteng manɛ nɛɛ dũng ruu kɔ ruu shong nɔɔ ka yeti labeenang keɓe kpàng. Nɛɛ nɔngkɔ, nɔɔ zi zang keɓe waasɛ̃ nɔ́ɔ pálɛ̀ vuu ɓɔɔ nɛɛ wu kpang, tɔ̀ɔ yusɛ̃ɛ wu tuu wu.

2 Tesalonika 3:6

Rɛɛ manzung ɓuru, ruu dang nɔɔ nyaa nɛɛ nung Kpanti ɓuru Yeesɔ Kirisi nɛɛ nɔɔ ɓákɛ̀ yuu nɛɛ zang ɓɔɔ ri dũng doo Laa kɔ, ɓɔɔ ri nwang nwannang rang ɓɛɛ kpang. A ri dũng nyaa ɓuru kpang ɓɛɛ.

1 Timoti 3:3

Wu zang ɓɔɔ ɓoo sàa kpang, wu zang ɓɔɔ gnvɔ ka yeti ɓiɓɛ dɔɔli kpang, gàa nyaa kpang, ti haa nyaa kpang. Wu ti zang ɓɔɔ kasɛ ruu saka dɔɔli kpang.

1 Timoti 6:5

a ri hãa nyaa diki diki. Zang keɓe, yeti ɓarɛ zunung rɛ̃rɛnang tɔ̃ɔ kpang, ri ti zi ruu ɓɔɔ niizang ɓarɛ kpang. Zang keɓe, ri kɔɔ ɓarɛ nɛɛ gbalang Laa ɓi gbalang ɓɔɔ zang walɛ saka kagn ɓɛɛ.

2 Yɔhana 1:10

Zang piti ɓɔɔ nɛɛ alɛ ka bii manɛ, a à nɛɛ vuu kpɛ̃ɛrɛnang keɓe kɔ kpang, nɔ́ɔ ta wu ka gãa manɛ kpang. Nɔ́ɔ ti jee wu nyaa kpang tingkiring.

Vuu ɓɔɔ zang nwangsɛ Yɔhana 2:14

A vuu shi kpang ɓɔɔ nɔɔ palɛ kaa gn, ɓɔɔ n kasɛ kpang ɓɛɛ. Zang ɓɔɔ kagn ka teteng manɛ ɓɔɔ ri palɛ vuu ɓɔɔ yɔɔ ɓɔɔ zang ɓaa wu nɛɛ Balamu tusu zang ɓɛɛ. Balamu ɓɔɔ kpɛ̃ɛrɛ Balak naa ɓɔɔ wu shing zang Isirela, ri palɛ vuu shi kpang, nɛɛ ri shaa vuu shaanang ɓɔɔ zang a vaka, nɛɛ ri palɛ dũndũng.

Vuu ɓɔɔ zang nwangsɛ Yɔhana 2:20

A vuu ɓɔɔ nɔɔ palɛ kaa gn gbete ɓɔɔ n kasɛ kpang ɓɛɛ. Naa ɓɔɔ nɔɔ yaa jaa soro kaɓa, ɓɔɔ zang ɓaa wu nɛɛ Jezebel, nwàng ka teteng manɛ ɓɛɛ. A kpɛ̃ɛrɛ zang mɛɛ, nwãarɛ ri nɛɛ ri palɛ dũndũng, nɛɛ ri ti shaa vuu shaanang ɓɔɔ zang a vaka ɓɛɛ.

Vuu ɓɔɔ zang nwangsɛ Yɔhana 21:8

A ɓɔɔ zang ɓɔɔ ri kaa vɔrɔ, nɛɛ zang ɓɔɔ ri shing danggn ka bii Laa kpang ɓɛɛ, nɛɛ zang ɓɔɔ shi kpang kagn bii ɓarɛ ɓɛɛ, nɛɛ zang ɓɔɔ ri nyɔ zang vɔrɔ ɓɛɛ, nɛɛ zang ɓɔɔ ri palɛ dũndũng, nɛɛ zang ɓɔɔ ri shaa nvaa, nɛɛ zang ɓɔɔ ri bang vaka, nɛɛ zang sèé nandon, zang naa tasɛ ri ɓarɛ ka too waa, ɓɔɔ tari ɓɔɔ ri shaa waa katɔ kagn ɓɛɛ. Wee kɔ vɔrɔ ɓɔɔ zang vɔrɛ daa kaa doo ziti ɓɛɛ kɔ.”

Vuu ɓɔɔ zang nwangsɛ Yɔhana 22:15

Zang ɓɔɔ ri palɛ vuu shi kpang, nɛɛ rɛɛ nvaa, nɛɛ zang ɓɔɔ ri palɛ dũndũng, nɛɛ zang ɓɔɔ ri nyɔkɔ zang vɔrɔ, nɛɛ zang ɓɔɔ ri bang vaka, a zang piti ɓɔɔ ri suru sèé, ɓɔɔ ri ti tãa tĩnnang sèé suunang katɔ ɓɛɛ, ri naa nwang ɓarɛ ka yuu knti gari bìí, ri daa yeti ɓiɓɛ kpang.