1 Koranti 4:8 - Nyaa Shɔɔ Ɓɔɔ Laa a Ɓɛɛ

⁸ Nɔɔ wàlɛ̀ vuu ɓɔɔ nɔɔ kasɛ manɛ tɔ nandon. Nɔɔ tuu yuu manɛ nɛɛ nɔɔ manɛ kaa zang ying. Nɔɔ nwáng kpanti tɔ, a rùu ɓuru gn kpanti kpang. Naa nɔɔ nɛ̀ɛ́ kpanti niizang, wukɔ nɛ̀ɛ́ tɔ̃ɔ, ruu nɛɛ roo kpanti kaa nɛɛ nɔɔ ka nyaa zɔɔ.

1 Koranti 4:8 ပူးပေါင်းရင်းမြစ်များ

Matiyu 5:1

Yeesɔ zi zang ɓɔɔ ri kpalɛ zɔɔ ka bii ɓiɓɛ gaagaa, a vang kɔpɔ, daa nwang ka tipi. Zang ɓɔɔ ri mantɛ vuu ka bii ɓiɓɛ, ri naa kpalɛ zɔɔ ka bii ɓiɓɛ.

Luka 6:25

Jĩng dannang kagn yuu manɛ, ɓɔɔ buru manɛ puu katɔ kãntang keɓe ɓɛɛ, nyɔkɔ naa nyɔ nɔɔ ditɔ. “Jĩng dannang kagn yuu manɛ ɓɔɔ nɔɔ laarɛ katɔ kãntang keɓe, ka ruu ɓɔɔ, yeti manɛ naa lasɛ ditɔ gbãng gbãng, nɔɔ ti naa kaa nyavɔ ditɔ dɔɔli ɓɛɛ.

Zang Shonang Yeesɔ 26:29

Bulu kasɛ wu nyaa tɔɔ, “Naa nwannang ɓuru bee katɔ kɔ tɔkɔlɔng, n gaa Laa m, n tɔɔ, mɔɔ nɛɛ zang kɔ ri ɓaa shoo, ri tãa m lɛ̀ɛ́kɔ keɓe, ri nwang naa ɓɔɔ n nwang ɓɛɛ nandon. Wu naa ɓɔɔ zang mã m nɛɛ soo saka keɓe kpang.”

Rooma 12:3

A ka ruu tɔ̃ɔ ɓɔɔ Laa pàlɛ̀ m ɓɛɛ, n kɔɔ nɔɔ nandon. Zang ɓu wu rɛ̃rɛ nɛɛ wu ɓa zang piti katɔ kpang. Wu rɛ̃rɛ teetee kɔ jong, wu gãsɛ yuu ɓiɓɛ nɛɛ danggn ɓɔɔ wu shing ka bii Laa ɓɛɛ.

1 Koranti 1:5

Pàlɛ̀ nɔɔ tɔ̃ɔ tɔ waasɛ̃, ɓɔɔ nɔɔ shing danggn ka bii Yeesɔ Kirisi ka gbalang náabm̀ náabm̀. Shing nɔɔ, a nɔɔ zi vuu ɓɔɔ niizang, a nɔɔ ti zunung yee ɓiɓɛ rannang ɓɛɛ.

1 Koranti 4:18

Zang ɓɔɔ ka teteng manɛ ri lakɛ jĩng, ri kɔɔ ɓu nɛɛ n nɛɛ a tɔ, n naa leng nɔɔ kpang ya?

1 Koranti 5:6

Daa naa ɓɔɔ nɔɔ tuu yuu manɛ naa wee nɔɔ pálɛ̀ ɓee kpang. Nɔɔ zi kpang nɛɛ yisi tɔkɔlɔng tàntɛ́ yeti borodi bàanang wu shing borodi wu puuyi kpang ya?

2 Koranti 11:1

N zɔ̃ɔrɔ nɔɔ, nɔɔ mã danggn tɔkɔlɔng nɛɛ vuu shoko kɔ n palɛ ɓee. N zi tɔ, nɔɔ mã danggn katɔ.

2 Koranti 13:9

Ruu tãa ɓuru tĩnang, ruu nɛɛ lakɛ naa ka bii kpang, a kaka manɛ ɓi kagn ɓɛɛ. Ruu gaa ɓuru Laa, nɔ́ɔ nwang nyaa kiiri, ka vuu piti.

Galati 6:3

Naa zang ɓɔɔ tuu yuu ɓiɓɛ nɛɛ wu vuu ɓɔɔ, a ɓeekpang wu ɓi vuu ɓɔɔ kpang, zang keɓe nwãarɛ ɓi yuu ɓiɓɛ.

Filipi 1:27

Nwannang manɛ, wu nwang naa ɓɔɔ Ruu Tɔ̃ɔ Yeesɔ Kirisi kɔɔ ɓɛɛ. Wukɔ daayi, tɔ̀ɔ, naa n naa leng nɔɔ, naa n nɛɛ ti leng nɔɔ dòo kpang, n tãa nyaa katɔ nɛɛ rɛ̃rɛnang manɛ dàá gbete. N ti tãa katɔ nɛɛ nɔɔ kpalɛ yuu nɛɛ zɔɔ, nɔɔ shii gbãng gbãng, nɔɔ kasɛ nɛɛ zang ri shing danggn ka Ruu Tɔ̃ɔ Laa.

Filipi 2:12

Ka ruu nɔngkɔ, masang ɓɔɔ n kasɛ nɔɔ dɔɔli ɓɛɛ, naa ɓɔɔ nɔɔ ɓaa shoo ka nyaa mɛɛ diki diki, bɛ̀ɛ́ n doo nɛɛ nɔɔ ɓɛɛ, nɔɔ ɓaa shoo kaa nyaa mɛɛ gbãng gbãng ka wee kãntang n tɔ̀ɔ́ nɛɛ nɔɔ kpang ɓee. Nɔɔ yi tĩng nɔ́ɔ palɛ vuu ɓɔɔ shingnɛ yuu manɛ ɓɔɔ Laa ta tɔ ɓɛɛ, wu nwang kaa nyaa kiiri. Nɔɔ palɛ vuu keɓe nɛɛ vɔrɔ kaanang nɛɛ bii zaanang.

Vuu ɓɔɔ zang nwangsɛ Yɔhana 3:17

Wee nɔɔ kɔɔ tɔ nɛɛ nɔɔ manɛ wujɛ ying, nɛɛ vuu naa manɛ kagn, rang vuu ɓɔɔ kpaa nɔɔ kpang ɓee. A nɔɔ zi kpang vuu ɓi ka naa manɛ kpang, zang vuu gn kɔnang. Nɔɔ nwang naa zang ɓɔɔ vuu ka naa ɓarɛ kpang ɓɔɔ ri bii bɔ̃bɔ̃rɔ ɓɛɛ. Nɔɔ nwang naa zang ɓɔɔ jĩng zuu ri katɔ ɓɛɛ.

Vuu ɓɔɔ zang nwangsɛ Yɔhana 5:10

Mɔɔ risi ri nɛɛ ri nwáng zang ɓɔɔ mɔkɔ kpanti ɓarɛ ɓɛɛ, a ri ti nwang zang ɓɔɔ ri dɔɔ vuu ka Gãa Laa ɓɔɔ ri palɛ Laa ɓuru shonang ɓɛɛ. Rikɔ roo kpanti ka koo keɓe.”