1 Koranti 4:6 - Nyaa Shɔɔ Ɓɔɔ Laa a Ɓɛɛ6 Rɛɛ manzung, ka vuu kɔ n kɔ̀ɔrɔ̀ nɔɔ ɓee, n tuu Apolo a ɓɔɔ yuu mɛɛ n gã̀sɛ́ nɔɔ vuu nɛɛ mani, tɔ̀ɔ, nɔɔ zi kati. N ti kasɛ nɛɛ nɔɔ naa zi dĩiri ruu ɓɔɔ, tɔɔ, “Nɔɔ ɓa vuu ɓɔɔ zang bee ka yeti labeenang Laa ɓɛɛ kpang.” Daa naa ɓɔɔ nɔɔ tuu yuu manɛ ka ruu zang ɓɔɔ, nɔɔ ti zì zang ɓɔɔ naa vĩi kpang. အခန်းကိုကြည့်ပါ။ |
Ka ruu nɔngkɔ, ruu rangkɛ yee bang bang, ruu ɓa nyaa ɓalɛ ɓuru, ruu daa nɛɛ mani ka nɔng ɓɔɔ zang ɓɔɔgn ri pálɛ̀ shonang kagn ɓɛɛ kpang. Ruu shing ɓuru gn kɔ jong nɛɛ, danggn ɓɔɔ nɔɔ shing ɓɛɛ, wu daa nɛɛ tĩng. Ruu tí zunung ɓɔɔ ruu palɛ shonang ɓɔɔ ɓa ɓɔɔ ruu pálɛ́ tɔ ka teteng manɛ ɓɛɛ bannang katɔ. Shonang ɓuru wu baa ka teteng manɛ, tɔɔ ruu ta nyaa ɓalɛ ɓuru kaa takpang ɓɛɛ.
N kàá nɔɔ vɔrɔ, ka ruu ɓɔɔ, n zirɛ zang ɓɔɔ nɛɛ a tɔ ka bii manɛ, nɔɔ tantɛ wu tanang ɓɛɛ. Nɔɔ tantɛ danggn shinnang ka vuu ɓɔɔ ri kɔ̀ɔ́ nɔɔ ka yuu Yeesɔ ɓɔɔ ɓɛɛ, naa dòo náabm̀ nɛɛ Yeesɔ ɓɔɔ ruu kɔɔ nɔɔ ɓɛɛ. Nɔɔ ti tá suru ɓɔɔgn naa doo Suru Laa ɓɔɔ nɔɔ ta nɛɛ bii ɓuru kpang ɓɛɛ. A nɔɔ ti ta Ruu Tɔ̃ɔ ɓɔɔgn ka yuu Laa, naa doo náabm̀ nɛɛ ɓɔɔ ruu kɔɔ nɔɔ ɓɛɛ.
N kaa vɔrɔ naa n daa shɛ̃ɛ nɔng manɛ, n daa ĩi nɔɔ náabm̀, wu naa ɓɔɔ n kasɛ n ĩi nɔɔ ɓɛɛ kpang, a nɔɔ ti naa zirɛ n náabm̀, wu naa ɓɔɔ nɔɔ kasɛ ɓɛɛ kpang. N kaa vɔrɔ n daa ĩi nɔɔ, nɔɔ haarɛ nyaa, nɔɔ kaa sũnyaa, gnvɔ ka yeti manɛ dɔɔli. Nɔɔ ti kasɛ yuu manɛ kɔ shɛ̃ɛning, nɔɔ dãlɛ zɔɔ, nɔɔ rangkɛ zang, nɔɔ tuu yuu manɛ dɔɔli. A nɔɔ ti vɔ̃ɔtɔ nɔng.
Naa n kasɛ nɛɛ n rangkɛ yee bang bang ka yuu mɛɛ, n palɛ vuu shoko kpang, ka ruu ɓɔɔ, n kɔɔrɔ m ruu ɓɔɔ niizang ɓɛɛ. A n kɔɔrɔ ruu bang bang kaa tɔ̀ɔ́ yuu mɛɛ kpang, ka ruu ɓɔɔ, n kasɛ zang ɓɔɔ wu rɛ̃rɛ nɛɛ n ɓa naa wee n ɓee katɔ kpang. N kasɛ zang rɛ̃rɛ ka yuu vuu ɓɔɔ zang zirɛ n palɛ nɛɛ vuu ɓɔɔ zang tãayi n kɔɔ ɓɛɛ.
Nɔɔ yaa zang ɓɔɔ tuu yuu ɓiɓɛ nɛɛ wu ɓa nɔɔ katɔ, wu dɔng nɔɔ ruu kpang. Zang ɓɔɔ kɔɔyi nɛɛ wu zìlí vuu ka si hingro, a yi tĩng, suu sèé nɛɛ wu tuu yuu ɓiɓɛ kpang, a bang ɓi kaa rɛɛ zang nyaa shonang Laa ɓɔɔ ri ka lapa ɓɛɛ. Zɔ̃ng zang keɓe tuu yuu ɓiɓɛ, ka dalɛ waati, ka rɛ̃rɛnang ɓɔɔ wu rɛ̃rɛ naa shɔnzang ɓɛɛ,
Ruu Tɔ̃ɔ ɓɔɔ ka yuu Yeesɔ Kirisi ɓɔɔ ruu kɔɔ nɔɔ ɓɛɛ, ruu kɔɔ wu nɛɛ nyaa waati kpang. Laa a ruu naa vuu palɛnang ɓiɓɛ tɔ nɛɛ Suru ɓiɓɛ, a ruu ti shing danggn tɔ gbãng gbãng ka yuu Ruu Tɔ̃ɔ ɓɔɔ ka yuu Yeesɔ Kirisi ɓɔɔ ruu kɔ̀ɔ nɔɔ ɓɛɛ. Nɔɔ zi zɔ̃ng nwannang ɓɔɔ ruu nwangnɛ, ɓɔɔ bɛ̀ɛ́ ruu doo nɛɛ nɔɔ ɓɛ̀ɛ́ tɔ. Ruu palɛ vuu keɓe nandon ruu tɔɔ ruu yi nɔɔ naa ka bii.