1 Koranti 4:5 - Nyaa Shɔɔ Ɓɔɔ Laa a Ɓɛɛ

⁵ Ka ruu nɔngkɔ, daa naa ɓɔɔ nɔɔ dɔng zang ruu ɓɛɛ kpang. Nɔɔ yaa gbongkarɛ diki ɓiɓɛ wu arɛ. Diki ɓɔɔ Kpanti Yeesɔ gbãayu kagn ɓɛɛ. Naa nwangsɛ dĩiri vuu ɓɔɔ zang waasɛ̃ katɔ kãntang keɓe ditɔ. Ti naa nwangsɛ rɛ̃rɛnang ɓɔɔ zang ɓu rɛ̃rɛ ka yeti ɓiɓɛ ditɔ. Ka diki kaɓa kɔ, Laa naa dɔ̀ɔ zang ɓu nɛɛ dɔɔnang ɓɔɔ daa teetee nɛɛ zang ɓu ɓɛɛ.

1 Koranti 4:5 ပူးပေါင်းရင်းမြစ်များ

Matiyu 10:26

“Ka ruu nɔngkɔ, nɔɔ kaa vɔrɔ ɓarɛ kpang. Vuu ɓɔɔ zang palɛ, a zang màkɛ̀ piti, Laa naa nwangsɛ ditɔ. Ruu ɓɔɔ zang ti kɔɔ nɛɛ nwĩiri, zang naa tãa ditɔ nandon.

Matiyu 24:30

“Tɔ̀ɔ zang naa zi vuu ɓɔɔ zang zirɛ zang mã naa ka danggn ka lapa ɓɔɔ tusu zang nɛɛ n ɓɔɔ n Jaa Shɔnzang n a kana ɓɛɛ. Zɔ̃ng zang ɓɔɔ ka koo keɓe piti, ri naa kaa ditɔ. Ri ti naa zi m kati, ka ɓɔɔ n a ka yeti sãmbong nɛɛ naa vuu palɛnang mɛɛ, nɛɛ bannang mɛɛ ɓɛɛ.

Matiyu 24:46

Tĩnang tãanang ɓi ɓɔɔ, zang shonang kaɓa kɔ, dabang gãa ɓiɓɛ nɛɛ naa ĩi wu palɛ doo shonang ɓɔɔ wu yaa wu ɓɛɛ.

Matiyu 25:21

“Yɔɔ gãa ɓiɓɛ tɔɔ, ‘Nn hn, mɔɔ zang shonang tɔ̃ɔ ɓɔɔ ɓaa shoo ka nyaa zang, ti palɛ vuu tɔ̃ɔ ɓɛɛ. Mɔɔ palɛ vuu tɔ̃ɔ, ka vuu ɓɔɔ tɔkɔlɔng, n shing mɔɔ ka yuu vuu ɓɔɔ dɔɔli ɓɛɛ. A ta, mɔɔ tãa tĩnang nɛɛ n.’

Matiyu 25:23

“Yɔɔ gãa ɓiɓɛ tɔɔ, ‘Nn hn zang shonang tɔ̃ɔ ɓɔɔ ɓaa shoo ka nyaa zang, ti palɛ vuu tɔ̃ɔ ɓɛɛ. Mɔɔ palɛ vuu tɔ̃ɔ ka vuu ɓɔɔ tɔkɔlɔng, n shing mɔɔ ka yuu ɓɔɔ dɔɔli ɓɛɛ. A ta, mɔɔ tãa tĩnang nɛɛ n.’

Luka 6:37

“Nɔ́ɔ jɛ̃̀ɛ zang ruu kpang, Kpanti Laa wu ti naa jɛ̃ɛ nɔɔ ruu kpang kɔ doori. Nɔ́ɔ kɔɔ kpang nɛɛ zang keɓe palɛ vuu shi kpang tɔ kpang. Tɔɔ Kpanti Laa wu ti naa kɔɔ kaa takpang nɛɛ nɔɔ palɛ vuu shi kpang tɔ kpang. Nɔɔ yaa zang gbalang vuu shi kpang ɓɔɔ zang palɛ nɔɔ ɓɛɛ katɔ, tɔ̀ɔ Laa wu ti naa yaa nɔɔ gbalang vuu shi kpang ɓɔɔ nɔɔ palɛ ɓɛɛ.

Yɔhana 21:22

Yeesɔ kasɛ wu nyaa tɔɔ, “Naa n kasɛ nɛɛ wu vɔ kpang, n gbãayu nɛɛ mani, ruu ɓaa hãa kagn ya? Palɛ ɓaa vuu ɓɔɔ n kasɛ ɓɛɛ.”

Yɔhana 21:23

Ruu keɓe, baa teteng zang ɓɔɔ ri mantɛ vuu ka bii Yeesɔ nɛɛ yɔɔ keɓe vɔ ɓi kpang. Yeesɔ kɔɔ ɓi nɛɛ yɔɔ vɔ kpang, kpang, kɔɔ ɓi nɛɛ, “Naa n kasɛ nɛɛ wu vɔ kpang, ń gbãayu nɛɛ mani, ruu ɓaaɓɛ hãa kagn ya?”

Yɔhana 5:44

Nɔɔ kasɛ nɛɛ nɔɔ dɔ̀ɔ́ zɔɔ ka naa manɛ. Nɔɔ kasɛ kpang nɛɛ Laa ɓɔɔ wukɔ Laa gbete gãagãa, wu dɔɔ nɔɔ kpang. A nɔɔ palɛ biya nɔɔ shing danggn ka bii mɛɛ viya?

Rooma 14:4

Mɔɔ dɔng zang shonang zang ɓɔɔ ruu kpang. Ɓi dabang gãa ɓiɓɛ kɔ kɔɔ shɛ̃ɛning nɛɛ zang shonang ɓiɓɛ palɛ vuu tɔ̃ɔ. Nɛɛ ti palɛ shi kpang wukɔ kɔɔyi. Shii ditɔ, ka ruu ɓɔɔ, Laa yi wu naa katɔ ka bii wu shiiyi ɓɛɛ.

Rooma 2:1

Masang, mɔɔ kɔɔ zang katɔ nɛɛ zang ri palɛ vuu shi kpang tɔ ya? Naa mɔɔ doo zang kiya, daa naa ɓɔɔ mɔɔ kɔɔ zang ɓɔɔ nɔngkɔ kpang. Ka ruu ɓɔɔ naa mɔɔ dɔng zang ɓɔɔ ruu ka yuu vuu ɓɔɔ ri palɛ, a mɔɔ palɛ doo vuu ɓɔɔ ri palɛ ɓɛɛ kɔ, mɔɔ dɔng ɓaa yuu ɓaaɓɛ ruu.

Rooma 2:16

Ka diki keɓe, Laa naa jɛ̃ɛ zang ɓu ruu ka yuu vuu ɓɔɔ zang ɓu waasɛ katɔ ɓɛɛ. Jɛ̃ɛ ruu keɓe, nɛɛ bii Yeesɔ Kirisi naa ɓɔɔ n kɔɔ ka Ruu Laa kɔ n kɔ̀ɔrɔ̀ nɔɔ ɓee.

Rooma 2:29

Zang Yahudi ɓɔɔ niizang ɓi, zang Yahudi ɓɔɔ yeti ɓiɓɛ tɔ̃ɔ ɓɛɛ, ɓɔɔ Suru Laa kɔ̃sɔ wu ɓoro tɔ, naa ɓɔɔ zang yée shaa ɓɛɛ. Wu nyaa ɓɔɔ Musa dangnɛ kɔ̃sɔ wu kpang. Zang keɓe ɓi Laa dɔɔ wu, wu shɔnzang ri dɔɔ wu kpang.

Rooma 2:7

Zang ɓɔɔ ri yi tĩng, ri palɛ ɓarɛ tɔ̃ɔ kɔ sasak, nɛɛ tɔ̀ɔ, Laa wu a ri bannang, wu dɔ̀ɔ ri, ri ti nwáng ningkãari dòndòng. Laa naa a ri suru bii ɓɔɔ waa nyaa kpang ɓɛɛ.

1 Koranti 1:7

Ka ruu nɔngkɔ, vuu ɓɔɔ yàa nɔɔ tɔ̀ɔ́ kagn ka vuu ɓɔɔ Laa a zang kpang. Ka wee nɔɔ gã diki ɓɔɔ Kpanti ɓuru Yeesɔ Kirisi naa nwàngsɛ́ ruu yuu ɓiɓɛ tɔkn ɓee.

1 Koranti 11:16

Naa zang ɓɔɔ kagn ɓɔɔ bɛ̃ɛ ruu keɓe, wu zirɛ nɛɛ ruu nandon nɛɛ zang Gãa Laa ɓɔɔ ka bm bm nandon, ruu palɛ ɓuru nɔngkɔ.

1 Koranti 11:26

Ka ruu nɔngkɔ, vuu ɓɔɔ gaayu lɛɛkɔ sasak, diki ɓɔɔ Yeesɔ gbãayu a nɛɛ mani, lee ɓɔɔ nɔɔ shaa borodi naa weɓe, a nɔɔ ɓoo mii inabi naa weɓe. Nɔɔ kɔɔrɔ manɛ zang nɛɛ Kpanti Yeesɔ vɔ ka ruu zang nandon.

1 Koranti 15:23

Vuu keɓe piti ri palɛ ka laa ɓarɛ. Kirisi kɔ yupaa shɔɔnang nɛɛ sàa. Ka diki ɓɔɔ wu naa gbã́ayu ka koo keɓe, Laa naa wisi zang ɓɔɔ ri ɓarɛ ɓɔ̀ɔ́ Kirisi paa ditɔ nandon.

1 Koranti 3:13

Diki ɓɔɔ shonang zang naa tusu bii kagn a ditɔ. Ka ruu ɓɔɔ, ka diki kaɓa, ɓɔɔ Yeesɔ Kirisi gbãayu ka koo keɓe, Laa naa gãsɛ shonang zang ɓu nɛɛ waa, waa kɔ naa túsù kati waasɛ̃ naa ɓɔɔ zɔ̃ng shonang zang ɓu nwàng ɓɛɛ.

1 Koranti 3:14

Naa gãa ɓɔɔ zang mãa ka yuu doo gãa kaɓa nɛɛ shii katakata ka yeti waa, waa nɛɛ shaa kpang, Laa a zang kaɓa vuu ɓɔɔ daa naa katɔ ɓɛɛ.

1 Koranti 3:8

Zang ɓɔɔ ɓaa jĩng vuu, nɛɛ zang ɓɔɔ ɓaarɛ mii kagn, ri ɓarɛ gbete, zang ɓɔɔ ɓa zɔɔ kpang. Laa naa á zang ɓu vuu ɓɔɔ daa naa shonang ɓiɓɛ ɓɛɛ.

2 Koranti 10:18

Ka ruu ɓɔɔ, Laa ta ɓi zang ɓɔɔ dɔ̀ɔ́ yuu ɓiɓɛ ɓɛɛ kpang. Zang ɓɔɔ Kpanti dɔ̀ɔ́ wu, Laa ta ɓi wukɔ.

2 Koranti 10:9

N kasɛ kpang, wu nwang naa ɓɔɔ n shing nɔɔ, nɔ́ɔ kaa vɔrɔ nɛɛ labeenang kɔ n bee nɔɔ ɓee kpang.

2 Koranti 4:2

Rùu dɔ̃ vuu ɓɔɔ zang waasɛ katɔ, nɛɛ vuu yusɛ̃ɛ tɔ piti nɛɛ kaa. Ruu palɛ vuu tɔ̀ɔ́ nɛɛ sèé kpang. Ruu ti risi Ruu Laa tɔ̀ɔ́ wu raa sèé kpang. Ruu kɔɔ rúu ɓɔɔ niizang ka dalɛ, ka tĩng Laa. Ruu kasɛ nɛɛ zang ɓu wu zi ka yeti ɓiɓɛ nɛɛ ruu ɓuru zang tɔ̃ɔ.

2 Koranti 5:10

Ka ruu ɓɔɔ, ruu nandon ruu naa shii ditɔ ka tĩng Yeesɔ Kirisi, wu jɛ̃ɛ rùu rúu. Wu jɛ̃ɛ ruu rúu, wu ti pàlɛ̀ zang ɓu vuu naa ɓɔɔ daa naa katɔ ɓɛɛ. Yeesɔ pàlɛ́ ruu vuu ka doo vuu tɔ̃ɔ nɛɛ vuu shi kpang ɓɔɔ zang ɓu palɛ ka koo keɓe ɓɛɛ.

1 Tesalonika 5:2

Ka ruu ɓɔɔ, nɔɔ nɛɛ yuu manɛ nɔɔ zi tɔ waasɛ̃ nɛɛ diki ɓɔɔ Kpanti Yeesɔ naa a kagn, naa nwang naa ɓɔɔ shɔngɓɔ, a nɛɛ zĩi bɛ̀ɛ́ nɔɔ shing gn kpang ɓɛɛ.

Yahudi 4:13

Vuu ɓɔɔ Laa mãayi kagn gbete, ɓɔɔ wayi, Laa zi wu kpang ɓɛɛ kpang. Vuu piti ɓi ka dalɛ, zang larɛ ri ɓi katɔ ka jĩng Laa ɓɔɔ ruu naa shii ka tĩng ɓiɓɛ, ruu kɔɔ wu vuu piti ɓɔɔ ruu palɛ ɓɛɛ.

Yakubu 4:11

Manzung, nɔ́ɔ rang yee shi kpang ka yuu zɔɔ kpang. Zang ɓɔɔ nɛɛ rang yee shi kpang ka yuu zang ɓɔɔ dũng doo Laa kɔ, a ti dɔng wu ruu, rang yee shi kpang ka yuu nyaa dannang Laa a ti tuu yuu ɓiɓɛ naa wu ɓa nyaa dannang Laa katɔ. Mɔɔ nɛɛ tɔɔ, mɔɔ ɓa nyaa dannang Laa katɔ, mɔɔ ɓáa zang ɓɔɔ palɛ vuu ɓɔɔ nyaa dannang Laa kɔɔ ɓɛɛ kpang. Mɔɔ ɓaa zang ɓɔɔ ɓa nyaa dannang Laa katɔ ɓɛɛ.

Yakubu 5:7

Ka ruu nɔngkɔ manzung, n kɔɔ nɔɔ, nɔɔ mã danggn kagn, nɔɔ gã diki ɓɔɔ Kpanti Yeesɔ gbãayu ɓɛɛ. Nɔɔ zi zang ɓɔɔ ri lang jaa ɓɛɛ. Ri gã vuu ɓɔɔ ri ɓaa ka tipi ɓɛɛ, mii tĩng shɔɔnang nɛɛ mii ɓɔɔ gɔɔ nyaa wu arɛ. Mã danggn sasak diki ɓɔɔ wu kpalɛ vuu shaanang ka jaa ɓiɓɛ a nɛɛ mani.

Yakubu 5:9

Manzung nɔ́ɔ gɔ̃ɔrɔ yee ka yuu zɔɔ kpang, ka ruu ɓɔɔ zang nɛɛ jɛ̃ɛ nɔɔ ruu ɓɛɛ. Zang ɓɔɔ naa jɛ̃ɛ ruu rúu, kɔ shii tɔ ka nyaa gãa ɓee.

1 Bituru 1:7

Vuu gãsɛnang alɛ ka bii manɛ, tɔ̀ɔ, zang ri zi kati nɛɛ danggn ɓɔɔ nɔɔ shing ka bii Laa ɓi ɓɔɔ niizang kɔ nwani. Zinariya ɓɔɔ lasɛ katɔ ɓɛɛ, zang dɔɔ ka waa, tɔ̀ɔ, zang zirɛ nɛ́ɛ ɓɔɔ tɔ̃ɔ ɓɛɛ. Zang palɛ danggn shinnang manɛ ɓɔɔ ɓa zinariya shinang katɔ doo nɔngkɔ. Zang gãsɛ danggn ɓɔɔ nɔɔ shing ka bii Laa kãntang keɓe, ka ruu ɓɔɔ, ka diki ɓɔɔ Yeesɔ Kirisi naa nwang nyaa, zang wu dɔɔ nɔɔ, zang ti a nɔɔ bannang ka ruu danggn ɓɔɔ nɔɔ shing ɓɛɛ.

1 Bituru 5:4

Naa nɔɔ palɛ nɔngkɔ, ka diki ɓɔɔ Yeesɔ Kirisi ɓɔɔ wukɔ kpanti jagãng tusu yuu ɓiɓɛ nɛɛ tɔ̀ɔ, zang piti ri zi wu nɛɛ jĩng, naa a nɔɔ bannang. Zang kãng nɔɔ lapoo yuu kpanti ɓɔɔ kɔlɔ katɔ ɓɛɛ ka yuu. Kɔlɔnang lapoo keɓe tù ɓi kpang dòndòng.

2 Bituru 3:12

Nɔɔ shing jĩng manɛ ka diki Laa, nɔ́ɔ ti palɛ vuu ɓɔɔ naa shingnɛ diki kaɓa naa a pati ɓɛɛ. Diki kaɓa, ɓɔɔ waa shaa lapa kagn, tɔ̀ɔ, wu ning kati ɓɛɛ. A waa wu ti yaalɛ vuu ɓɔɔ ka lapa nandon ɓɛɛ.

2 Bituru 3:4

Ri naa kɔɔrɔ nɛɛ, “Yeesɔ Kirisi kɔɔ zang nɛɛ wu gbãayu katɔ niizang, a wu kaa kiya? Dabang ɓuru ɓɔɔ ri ta Ruu Laa, ri vɔlɔ tɔ, vuu piti ɓi doo naa ɓeleng. Ɓu dòo ɓɔɔ koo gaayu katɔ dòo tɛ̃ɛ tɛ̃ɛ ɓɛɛ, vuu ɓɔɔ kɔ̃sɔ bii gn kpang.”

Yahuza 1:14

Ɛnɔk, zɔ̃ng Adamu ɓɔɔ daa kaa manziti ɓɛɛ, kɔ kɔɔ ruu keɓe ka yuu ɓarɛ tɔɔ, “Nɔɔ zirɛ, Kpanti Laa naa a ditɔ nɛɛ zang nyaa shonang ɓiɓɛ ɓɔɔ ri ka lapa ɓɛɛ labang gaagaa.

Vuu ɓɔɔ zang nwangsɛ Yɔhana 1:7

Nɔɔ zirɛ, náa a ka yeti sãmbong, zang piti ri naa zi wu jĩng ka bii. Zang ɓɔɔ ri shu wu nɛɛ shalang, ri ti naa zi wu jong. Zang tipi koolaa keɓe nandon, ri naa káa ka ruu ɓiɓɛ. Vuu keɓe naa nwáng ditɔ nɔngkɔ niizang. Nɔngkɔ.

Vuu ɓɔɔ zang nwangsɛ Yɔhana 20:12

N ti zi zang ɓɔɔ ri vɔlɔ tɔ ɓɛɛ. Zang bang nɛɛ wujɛ, ri shiiri ka tĩng laa nwannang kpanti kaɓa. A zang atɛ rɛɛ labeenang ɓɔɔ, zang púlù ka tĩng ɓarɛ. Zang ti puu labeenang ɓɔɔ zang beere nung zang ɓɔɔ ri walɛ suru bii ɓɔɔ waa nyaa kpang tɔ kagn ɓɛɛ. A zang jɛ̃ɛ zang ɓɔɔ ri vɔlɔ tɔ ruu ka doo shonang ɓɔɔ ri palɛ ɓɛɛ, ɓɔɔ zang beere ka rɛɛ labeenang kaɓa ɓɛɛ.