1 Koranti 4:10 - Nyaa Shɔɔ Ɓɔɔ Laa a Ɓɛɛ

¹⁰ Ruu nwang kaa naa zang shoko, ka ruu Yeesɔ Kirisi. Nɔɔ tuu yuu manɛ naa zang ɓɔɔ ri zũng katɔ ɓɔɔ ri ɓakɛ yuu kaa nɛɛ Yeesɔ Kirisi ɓɛɛ. Rùu lakɛ naa ɓuru bii kpang. Kaka ɓi kagn bii manɛ. Zang seng nɔɔ manɛ katɔ, ruu ɓuru zang ɓɔɔ zang palɛ ri vuu yusɛ̃ɛ ɓɛɛ.

1 Koranti 4:10 ပူးပေါင်းရင်းမြစ်များ

Matiyu 24:9

“Zang ti naa yiki nɔɔ ditɔ, zang a zang ɓɔɔ ri dang nɔɔ jĩng, tɔɔ ri nyɔ nɔɔ vɔrɔ kati. Zang koo keɓe piti naa bɛ̃ɛ nɔɔ ditɔ ka ruu nung mɛɛ.

Matiyu 5:11

“Tĩnang Tãanang ɓi ɓɔɔ manɛ kɔ, naa zang dãa nɔɔ, zang dang nɔɔ jĩng, a zang ti kɔɔ ruu shi kpang nɛɛ sèé ka yuu manɛ, ka ruu ɓɔɔ, nɔɔ zang mɛɛ ɓɛɛ.

Luka 10:16

A kɔɔ zang ɓɔɔ ri mantɛ vuu ka bii ɓiɓɛ tɔɔ, “Zang ɓɔɔ nɛɛ ɓaa shoo ka nyaa manɛ, ɓaa shoo ka nyaa mɛɛ kɔ. Zang ɓɔɔ nɛɛ ti bɛ̃ɛ nɔɔ bɛ̃ɛ ɓi nkɔ. Zang ɓɔɔ nɛɛ ti bɛ̃ɛ m, bɛ̃ɛ ɓi zang ɓɔɔ shong m ɓɛɛ.”

Luka 18:9

A ti kɔɔ zang ɓɔɔ ri shing gn tɔ́ɔ, ri ɓarɛ zang tɔ̃ɔ, ri kasɛ ruu zang ɓɔɔgn ɓarɛ kpang, ruu keɓe kaa nɛɛ nyaa vuu jeenang.

Luka 6:22

Tĩnang tãanang ɓi ɓɔɔ manɛ kɔ, naa zang kasɛ ruu manɛ kpang, zang bɛ̃ɛ nɔɔ, zang dãa nɔɔ, zang kɔɔ nɛɛ nɔɔ shi kpang, ka ruu Jaa Shɔnzang.

Zang Shonang Yeesɔ 17:18

A zang ɓɔɔ ri dũng vuu ɓɔɔ Epikuru nɛɛ Sitoki ri túsú ɓɛɛ, ri ti a ka bii ɓiɓɛ. A zang ɓɔɔ ka teteng ɓarɛ ri kɔ̀ɔrɔ́ nɛɛ “Yɔɔ kɔ yìkí nyaa katɔ ɓee, naa kɔ̀ɔ́ ɓu viya?” Zang ɓɔɔ ri kɔɔyi nɛɛ, “Mɔɔ kɔɔ nɛɛ kɔ̀ɔ́ rúu ka yuu vuu gãnti ɓɔɔ ruu zi gngn kpang ɓɛɛ.” Ri kɔɔ ruu keɓe waati kpang, ka ruu ɓɔɔ bɛ̀ɛ́ Bulu kɔɔ ruu ka yuu Yeesɔ nɛɛ naa ɓɔɔ wu yupaa nɛɛ saa ɓɛɛ.

Zang Shonang Yeesɔ 17:32

Ɓɔɔ ri tãayi Bulu kɔɔ ruu ka yuu paa yunang nɛɛ saa, zang ɓɔɔ ri kpaa wu, a zang ɓɔɔ ri kɔɔ wu nɛɛ “Ruu kasɛ nɛɛ ruu tãa ruu ka yuu vuu keɓe tɔkn.”

Zang Shonang Yeesɔ 26:24

Ɓɔɔ Bulu kɔɔ ruu kana naa weɓe, Fesitu shaa wu nɛɛ varɛ nɛɛ, “Bulu, mɔɔ shoko, láa ɓɔɔ mɔɔ bèe dɔɔli risi mɔɔ yuu kaa tɔ”.

Zang Shonang Yeesɔ 9:16

Ń ti tusu wu naa ɓɔɔ wu naa dang jĩng dɔɔli, ka ruu mɛɛ ɓɛɛ.”

1 Koranti 1:21

Laa ɓɔɔ zũng dɔɔli ɓɛɛ, kasɛ kpang nɛɛ zang koo ri zi wu nung nɛɛ zũnang ɓarɛ kpang. Nɛɛ wu ta yuu zang ɓɔɔ ri shing danggn tɔ ɓɛɛ kɔ jong, nɛɛ ruu kɔ ruu rangnɛ, a zang risi naa nyaa shoko ɓee.

1 Koranti 1:23

A ruu kɔ̀ɔrɔ́ zang ɓuru ruu Yeesɔ Kirisi, ɓɔɔ zang ɓaa wu naa ka laa ɓɛɛ. Ruu keɓe làsɛ́ rɛɛ zang Yahudi yeti katɔ, zang ɓɔɔ ri kɔɔ ɓarɛ nɛɛ ɓi ruu shoko.

1 Koranti 1:25

Vuu ɓɔɔ nwàng ka jĩng shɔnzang naa Laa palɛ vuu shoko ɓɛɛ, vuu shoko keɓe ɓa zũnang shɔnzang katɔ. Vuu ɓɔɔ shɔnzang zirɛ kɔɔ nɛɛ Laa lakɛ naa ɓi bii kpang, ɓa vuu ɓɔɔ shɔnzang ɓɔɔ lakɛ dɔɔli palɛ ɓɛɛ katɔ.

1 Koranti 10:12

Ka ruu nɔngkɔ, zang ɓɔɔ nɛɛ zirɛ nɛɛ wu shii ɓi katɔ nɛɛ kaka gbatagbata, wu palɛ waasɛ̃, wu nɛɛ watɛ ka ɓɔɔ zang gãsɛ wu ɓɛɛ.

1 Koranti 2:14

Zang ɓɔɔ Suru Laa nɛɛ kagn yeti ɓiɓɛ kpang, ta vuu ɓɔɔ Suru Laa alɛ zang ɓi kpang. Zang kaɓa zi vuu keɓe kpang, vuu bìí nwang wu ɓi naa vuu shoko, ka ruu ɓɔɔ, ɓi Suru Laa kɔ shɛ̃ɛning shing zang, zang zi vuu kaɓa ɓɛɛ.

1 Koranti 2:3

N a naa zang ɓɔɔ lakɛ naa ka bii kpang ɓɛɛ. N kaa vɔrɔ, bii zàa m kagn.

1 Koranti 3:18

Nɔ́ɔ nwãarɛ yuu manɛ kpang. Naa zang ɓɔɔ ka teteng manɛ tuu yuu ɓiɓɛ nɛɛ wu zũng dɔɔli ka yeti vuu koo keɓe, wu risi yuu ɓiɓɛ naa shoko, tɔ̀ɔ, wu zũng kati.

1 Koranti 3:2

N á nɔɔ míi, wu vuu shaanang ɓɔɔ lakɛ katɔ kpang. Ka ruu ɓɔɔ, bɛ̀ɛ́ nɔɔ daa naa shaanang gn kpang ɓɛɛ. Bìí kãntang keɓe nɔɔ ti daa naa shaanang gn kpang kɔ sasak.

1 Koranti 4:8

Nɔɔ wàlɛ̀ vuu ɓɔɔ nɔɔ kasɛ manɛ tɔ nandon. Nɔɔ tuu yuu manɛ nɛɛ nɔɔ manɛ kaa zang ying. Nɔɔ nwáng kpanti tɔ, a rùu ɓuru gn kpanti kpang. Naa nɔɔ nɛ̀ɛ́ kpanti niizang, wukɔ nɛ̀ɛ́ tɔ̃ɔ, ruu nɛɛ roo kpanti kaa nɛɛ nɔɔ ka nyaa zɔɔ.

2 Koranti 10:10

Zang ɓɔɔ ri kɔɔ katɔ nɛɛ, “Rɛɛ labeenang Bulu kpiti katɔ, a vuu ɓɔɔ wu kasɛ nɛɛ zang ri palɛ bang dɔɔli. A nɛɛ a tɔ ka bii ɓuru, wu zang ɓɔɔ mɔɔ kaa vɔrɔ ɓiɓɛ kpang. Ruu ɓiɓɛ ti kpãa zang takpang.”

2 Koranti 11:19

Nɔɔ nɛɛ yuu manɛ nɔɔ zũng tɔ dɔɔli, ka ruu nɔngkɔ, nɔɔ mã danggn katɔ nɛɛ zang ɓɔɔ shoko ɓɛɛ, a nɔɔ tãa tĩnang ɓarɛ ya?

2 Koranti 11:29

Ɓu wi shing gn gbãng gbãng ka vuu Suru Laa kpang, a bii mɛɛ vɔ kpang wiya? Ɓu wi shing zang ɓɔɔ, nɛɛ zang palɛ vuu shi kpang, a yeti lasɛ m dɔɔli kpang wiya?

2 Koranti 13:9

Ruu tãa ɓuru tĩnang, ruu nɛɛ lakɛ naa ka bii kpang, a kaka manɛ ɓi kagn ɓɛɛ. Ruu gaa ɓuru Laa, nɔ́ɔ nwang nyaa kiiri, ka vuu piti.

2 Koranti 4:12

Nwàng ɓi kaa naa ɓɔɔ ruu màlɛ̀ yuu ɓuru tɔ ka naa vɔrɔ, ka ruu nɔngkɔ, nɔɔ wàlɛ̀ suru bii tɔ ɓɛɛ.

2 Koranti 6:8

Lee ɓɔɔ zang a ruu bannang, lee ɓɔɔ zang ti pálɛ́ ruu vuu yusɛ̃ɛ, zang dãa ruu ɓɔɔ katɔ. Lee ɓɔɔ zang ti dɔ̀ɔ ruu, zang risi ruu naa zang sèé, a ruu ti ráng ɓuru ruu ɓɔɔ niizang ɓɛɛ.

1 Tesalonika 4:8

Ka ruu nɔngkɔ, naa zang ɓɔɔ bɛ̃ɛ vuu kɔ ruu tusu ɓee, bɛ̃ɛ ɓi shɔnzang kpang, bɛ̃ɛ ɓi Laa ɓɔɔ a ruu Suru ɓiɓɛ ɓɛɛ.

1 Bituru 4:14

Naa zang ri dãa nɔɔ, ka ruu ɓɔɔ nɔɔ dũng Kirisi, nɔ́ɔ tãa manɛ tĩnang. Nɔɔ nɛɛ dǎng jĩng nɔngkɔ, Suru Laa ɓɔɔ ɓa zang piti bannang katɔ, naa nwang nɛɛ nɔɔ ning.