Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Koranti 4:1 - Nyaa Shɔɔ Ɓɔɔ Laa a Ɓɛɛ

1 N kasɛ zang piti ri zirɛ nɛɛ ɓɔɔ ruu zang shonang Yeesɔ Kirisi, ruu dũng wu ɓɛɛ, Laa a ruu vuu ɓɔɔ wu waasɛ katɔ ɓɛɛ tɔ ka naa, nɛɛ ruu gãng jĩng kagn.

အခန်းကိုကြည့်ပါ။ ကော်ပီ




1 Koranti 4:1
29 ပူးပေါင်းရင်းမြစ်များ  

A kasɛ ri nyaa tɔɔ, “Laa a nɔkɔ náa ruu niizang ɓɔɔ zang waasɛ ka yuu kpanti ɓɔɔ Laa rooyi zinang tɔ, a zang a ri ɓarɛ kpang.


“A ɓu wi zang shonang tɔ̃ɔ ɓɔɔ zũng katɔ, ɓɔɔ dabang gãa ɓiɓɛ yaa wu zang ɓɔɔ ka gãa ɓiɓɛ nɛɛ wu alɛ ri vuu shaanang ka laa ɓɔɔ ri shaa vuu kagn wiya?


Yeesɔ kɔɔ ri tɔɔ, “Laa a nɔɔ kɔ naa zinang ruu ɓɔɔ zang waasɛ katɔ ka yuu kpanti ɓɔɔ Laa rooyi ɓɛɛ, a vuu piti, zang tusu zang ɓɔɔ ri dũng Laa kpang ɓarɛ nɛɛ nyaa vuu jeenang.


naa ɓɔɔ ruu tãa ka nyaa zang ɓɔɔ ri rang yee Laa ɓɔɔ ri zi naa ɓɔɔ vuu keɓe gaayu nɛɛ jĩng ɓarɛ ɓɛɛ.


A kpanti kasɛ wu nyaa tɔɔ, “Ɓu wi zang shonang tɔ̃ɔ, a ti zũng katɔ wiya? Ɓɔɔ zang gãa ɓiɓɛ yaa wu gãa ka naa, nɛɛ wu alɛ zang vuu shaanang ka laa vuu shaanang ɓarɛ wiya?


A Yeesɔ kɔɔ ri tɔɔ, “Ruu ɓɔɔ zang waasɛ katɔ ka yuu Kpanti ɓɔɔ Laa rooyi, Laa a nɔkɔ naa zinang. A ɓɔɔ zang ɓɔɔgn, n rang ri yee ɓi nɛɛ nyaa vuu jeenang, ka ruu ɓɔɔ ri shu jĩng nɛɛ ri pɛ̃ɛrɛ vuu, ri zi kpang ɓɛɛ. Ri ɓaa shoo nɛɛ ri tãayi, ri ti zi vuu ɓɔɔ kagn kpang ɓɛɛ.”


Rɛɛ manzung, ɓɔɔ nɔɔ zang Yahudi kpang, n kasɛ nɔɔ tuu yuu manɛ kpang. Tɔ̀ɔ n kɔɔ nɔɔ dĩiri vuu ɓɔɔ palɛ zang Isirela ɓɔɔ nɔɔ zi kpang ɓɛɛ. Zang ɓɔɔ ka teteng ɓarɛ ri taarɛ yuu dɔɔli. Ri nwáng nɔngkɔ sasak Laa wu ta yuu manɛ zang ɓɔɔ nɔɔ zang Yahudi kpang nandon.


Ruu dɔɔ Laa, ɓɔɔ zunung ɓɔɔ wu shingnɛ nɔɔ shing danggn gbãng gbãng, ka doo Ruu Tɔ̃ɔ Yeesɔ Kirisi ɓɔɔ n kɔɔ ɓɛɛ. Bɛ̀ɛ́ zang waasɛ Ruu Tɔ̃ɔ keɓe katɔ, ka sáa dɔɔli ɓɔɔ ɓa ɓɛɛ, a zang nwangsɛ tɔ kati.


Zũnang kɔ ruu rang yee ka yuu ɓiɓɛ ɓee, ɓi zũnang Laa ɓɔɔ bɛ̀ɛ́ Laa waasɛ katɔ, shɔnzang ri zi kpang ɓɛɛ. Laa pálɛ́ vuu keɓe doo ka tĩng bɛ̀ɛ́ zang mãa koo keɓe gn kpang, nɛɛ tɔ̀ɔ, ruu naa nwang nɛɛ wu ka nɔng bannang ɓiɓɛ.


Zang ɓaa wi nɛɛ Apolo wiya? Zang ɓaa wi nɛɛ Bulu wiya? Ruu ɓuru zang shonang Laa kɔ shɛn. Nɔɔ zi Kirisi nɛɛ naa ɓuru.


Zang ri nɛɛ kɔɔrɔ ruu shi kpang ka yuu ɓuru, ruu kàsɛ́ ri nyaa ɓuru tɔ̃ɔ. Zang ri risi ruu naa vuu ɓɔɔ zang vang ka dòndòng ka koo ɓɛɛ. Naa doo kãntang keɓe, ri zí ruu naa zang ɓɔɔ ri ɓarɛ ka tipi, zang naalɛ ri nɛɛ doo ɓɛɛ.


Vuu ɓɔɔ zang kasɛ ka bìí zang ɓɔɔ gãng zang jĩng ka vuu ɓɛɛ, wu gãng jĩng ka vuu nɛɛ yeti gbete.


Ri zang ɓɔɔ palɛ Yeesɔ Kirisi shonang ya? N palɛ Yeesɔ shonang, n ɓa ri katɔ. N rang yee naa zang shoko. N palɛ shonang tɔ gbãng gbãng, n ɓa ri katɔ. Zang mã m ka sãa doo dɔɔli ɓa ri katɔ, zang nyɔ m tɔ nɛɛ gbãa dɔɔli, ɓa ɓɔɔ ɓarɛ katɔ. A zang yàarɛ́ m nung vɔrɔ gbete diki diki.


Naa n kasɛ nɛɛ n rangkɛ yee bang bang ka yuu mɛɛ, n palɛ vuu shoko kpang, ka ruu ɓɔɔ, n kɔɔrɔ m ruu ɓɔɔ niizang ɓɛɛ. A n kɔɔrɔ ruu bang bang kaa tɔ̀ɔ́ yuu mɛɛ kpang, ka ruu ɓɔɔ, n kasɛ zang ɓɔɔ wu rɛ̃rɛ nɛɛ n ɓa naa wee n ɓee katɔ kpang. N kasɛ zang rɛ̃rɛ ka yuu vuu ɓɔɔ zang zirɛ n palɛ nɛɛ vuu ɓɔɔ zang tãayi n kɔɔ ɓɛɛ.


Ka ruu ɓɔɔ, ruu kɔɔ nɔɔ ruu ka yuu ɓuru kpang ɓɛɛ. Ruu kɔɔ nɔɔ ka yuu Yeesɔ Kirisi, nɛɛ wukɔ Kpanti, a ruu ɓuru kaa zang shonang manɛ ka ruu Yeesɔ.


Ka vuu ɓɔɔ ruu pálɛ́ ɓɛɛ nandon, ruu tusu yuu ɓuru katɔ kɔ jong, nɛɛ ruu ɓuru zang shonang Laa ka danggn ɓɔɔ ruu mã́ ka jĩng dannang, nɛɛ naa ɓɔɔ zang kpãa ruu, a ɓɔɔ vuu ɓɔɔ kpãa ruu ɓɛɛ.


A tuu zũnang nɛɛ vuu zinang ɓiɓɛ pálɛ̀ vuu ɓɔɔ bɛ̀ɛ́ wu mang ɓɛɛ. A tusu ruu vuu ɓɔɔ bɛ̀ɛ́ wu kasɛ nɛɛ wu palɛ, a waasɛ katɔ nɛɛ bii Kirisi.


A nɔ́ɔ gaa m Laa jong, wu hãa m ruu ka nyaa, n nɛɛ kpalɛ bii tɔ, nɛɛ n kɔɔ zang kaa ruu ɓɛɛ. Tɔ̀ɔ, n rang yee, n nwàngsɛ̀ zang ruu niizang ɓɔɔ zang waasɛ katɔ ka yuu Ruu Tɔ̃ɔ Laa ɓɛɛ, ń kaa vɔrɔ kpang.


N palɛ nɔngkɔ, tɔ̀ɔ, ń mã ri danggn kati. Tɔ̀ɔ zɔɔ kasɛnang ɓarɛ wu ɓakɛ ri yuu kaa nɔng gbete, tɔ̀ɔ ri zi vuu ɓɔɔ kagn ɓɛɛ kaa nyaa kiiri. Ri ti zi vuu ɓɔɔ Laa waasɛ katɔ keɓe, ɓɔɔ ɓi wukɔ Kirisi ɓɛɛ.


Nɔɔ ti gàa rùu Laa jong, tɔ̀ɔ, Laa wu pùu ruu gbalang tɔ̃ɔ jong, ruu rang zang yee ɓiɓɛ. Ruu kɔ̀ɔ zang vuu ɓɔɔ bɛ̀ɛ́ zang waasɛ katɔ ka yuu Kirisi ɓɛɛ. Ka ruu ɓɔɔ, wee zang mã m ka sãa kãntang ɓee, zang mã m ka ruu vuu keɓe kɔ ɓɛɛ.


Ruu niizang ɓɔɔ Laa nwangsɛ ka yuu gbalang ɓiɓɛ kɔ ruu dũng ɓee, bang dɔɔli. Wu vuu ɓɔɔ zang laa nyaa ɓiɓɛ kpang. Yeesɔ tuu bii shɔnzang a nɔng ka koo. Suru Laa tusu nɛɛ wu ɓi zang ɓɔɔ shi kpang ka bii ɓiɓɛ kpang ɓɛɛ. Zang nyaa shonang Laa ɓɔɔ ri ka lapa, ri zi wu nɛɛ jĩng ɓarɛ. Zang ri kɔɔ ruu ɓiɓɛ ka koo piti. A zang dɔɔli ka koo ri shing danggn tɔ ka bii ɓiɓɛ. Zang tuu wu tɔ, zang daa nɛɛ wu ka lapa, ka tĩng Laa.


Wu ti zang ɓɔɔ shing danggn ka bii Laa diki bee gn kpang, kpang. Ka ruu ɓɔɔ, nɛ̀ɛ́ tuu yuu ɓiɓɛ dɔɔli, zang nɛ̀ɛ́ dɔng wu ruu naa ɓɔɔ zang dɔng Sheetang ɓɛɛ.


Ri ti yiti ruu niizang keɓe ɓɔɔ Laa nwangsɛ ka yuu danggn ɓɔɔ zang ɓɔɔ dũng wu ri shingnɛ, ri yaa gn naa kpang.


Ka ruu ɓɔɔ, zang bang Gãa Laa gãng jĩng ɓi ka shonang Laa, wu nwang ɓi zang ɓɔɔ shi kpang ka bii ɓiɓɛ kpang ɓɛɛ. Wu tuu yuu kpang, wu ti ta yeti gbãngko kpang. Wu zang ɓɔɔ sàa si wu kpang, wu zang ɓɔɔ laa nyaa kpang. Wu ti zang ɓɔɔ shing jĩng ka saka kãanang ɓɛɛ kpang, a wu ti zang ɓɔɔ shaa varɛ dɔɔli kpang.


Laa palɛ nɔɔ tɔ̃ɔ tɔ ka gbalang náabm̀ náabm̀. Laa a zang ɓu naa vuu palɛnang wu palɛ vuu ka zɔ̃ng zɔ̃ng. Ka ruu nɔngkɔ, zang ɓu wu palɛ tɔ̃ɔ, wu palɛ shonang nɛɛ naa ɓɔɔ Laa a wu, wu yi zang ɓɔɔ naa ka bii.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ