1 Koranti 3:9 - Nyaa Shɔɔ Ɓɔɔ Laa a Ɓɛɛ

⁹ Wee ruu ziti ɓee, ruu kpalɛ yuu ɓuru nɛɛ Laa ruu palɛ shonang. Nɔɔ manɛ kaa jaa ɓɔɔ Laa lang ɓɛɛ. Nɔɔ manɛ naa gãa ɓɔɔ Laa mãa ɓɛɛ.

1 Koranti 3:9 ပူးပေါင်းရင်းမြစ်များ

Matiyu 15:13

Yeesɔ kasɛ ri nyaa tɔɔ, “Vuu piti ɓɔɔ wu Daa mɛɛ ɓɔɔ ka lapa shɔrɛ kpang, zang naa ru ɓi ditɔ.

Matiyu 16:18

N kɔɔ mɔɔ, mɔkɔ Bituru. Dĩiri nung keɓe ɓi pɛngkɛ. N mãa gãa mɛɛ, zang ɓɔɔ ri naa shing gn ka bii mɛɛ, ka yuu pɛngkɛ keɓe kɔ. Vɔrɔ zunung ɓɔɔ wu lasɛ kpang.

Matiyu 9:37

A raa jĩng kɔɔ zang ɓɔɔ ri mantɛ vuu ka bii ɓiɓɛ tɔɔ, “Zee zũng tɔ dɔɔli, a zang yeenang ri haa kaa takpang.

Maraku 16:20

A zang ɓɔɔ ri mantɛ vuu ka bii Yeesɔ ri daa kati, ri daa rang yee Laa kaa nɛɛ nɔng piti, piti. A Kpanti Yeesɔ ti palɛ shonang nɛɛ ri ning. Tusu zang nɛɛ yee ɓɔɔ zang ɓɔɔ ri mantɛ vuu ka bii ɓiɓɛ ri rangnɛ, ɓi niizang kɔ nwani. Ka ruu ɓɔɔ, zang zi ka vuu ɓɔɔ ri palɛ ɓɔɔ zang zirɛ zang mã naa ka danggn ɓɛɛ.]

Zang Shonang Yeesɔ 4:11

Yeesɔ keɓe kɔ, “ ‘Tari ɓɔɔ nɔɔ zang ɓɔɔ mãa gãa nɔɔ bɛ̃ɛyi, wukɔ naa raa tari ɓɔɔ yiti gãa ɓɛɛ kati.’

1 Koranti 3:16

Nɔɔ zi kpang nɛɛ nɔkɔ Gãa Laa, a Suru Laa nwàng ka yeti manɛ kpang ya?

1 Koranti 3:6

Rùu ɓuru naa zang ɓɔɔ ri lang jaa ɓɛɛ. Nkɔ ɓaa jĩng vuu, a Apolo ɓaarɛ mii kagn. Ɓi Laa kɔ ka bm gbete shingnɛ jĩng vuu tarɛ, a bangnɛ.

1 Koranti 6:19

Nɔɔ zi kpang nɛɛ bìí manɛ nwàng ɓi naa Gãa Laa ɓɔɔ Suru Laa nwang kagn ɓɛɛ kpang ya? Laa shing Suru ɓiɓɛ ka yeti manɛ. Bii manɛ ɓi ɓɔɔ manɛ kpang, ɓi ɓɔ̀ɔ́ Laa.

2 Koranti 6:1

Ka shonang kɔ ruu pálɛ̀ ka nyaa zɔɔ nɛɛ Laa ɓee, ruu gàa nɔɔ ɓɔɔ Laa pàlɛ̀ nɔɔ tɔ̃ɔ tɔ ɓɛɛ, wu nwàng naa pàlɛ̀ nɔɔ ka dalɛ waati kpang.

2 Koranti 6:16

Zang ɓɔɔ ri dũng Laa, ri palɛ biya nyaa ɓarɛ wu daa gbete nɛɛ zang ɓɔɔ ri bang vaka viya? Ka ruu nɔngkɔ, ruu ɓuru gãa Laa, Laa ɓɔɔ ningkãari ɓɛɛ. Laa kɔɔyi tɔɔ, “N palɛ nɔng nwannang mɛɛ ka nɔng zang mɛɛ, n nwang ka teteng ɓarɛ. N nwang Laa ɓɔɔ ri bang ɓɛɛ, ri nwang ɓarɛ kaa zang mɛɛ.”

Afisa 2:10

Laa kɔ mãa ruu, ka yuu ɓɔɔ ruu ɓakɛ nɛɛ Yeesɔ Kirisi, nɛɛ ruu nwang nwannang ɓɔɔ ruu palɛ shonang ɓɔɔ tɔ̃ɔ, ɓɔɔ Laa kpàlɛ̀ ruu bii, doo ka tĩng, nɛɛ ruu naa palɛ ɓɛɛ.

Kolosi 2:7

Nɔɔ ɓáa saara manɛ ka bii ɓiɓɛ, tɔ̀ɔ, nɔɔ bang kati. Tɔ̀ɔ, nɔɔ shii ka gbãng gbãng ka danggn ɓɔɔ nɔɔ shing ɓɛɛ, naa ɓɔɔ zang tusu nɔɔ ɓɛɛ. Nɔɔ ti zãa Laa ka yeti manɛ diki diki.

1 Timoti 3:15

Vuu ɓɔɔ nɛɛ suu m kã̀ng anang, labeenang keɓe, wu kɔ̀ɔ mɔɔ naa ɓɔɔ zang ri nwang ka yeti Gãa Laa ɓɛɛ. Gãa Laa keɓe, ɓi wukɔ zang ɓɔɔ ri dũng Laa ɓɛɛ. Laa ɓɔɔ nwang ɓi ningkãari dòndòng ɓɛɛ. Zang keɓe, kaa rikɔ doo gãa nɛɛ vuu ɓɔɔ yiti ruu ɓɔɔ niizang ɓɛɛ.

Yahudi 3:6

A Yeesɔ nwáng zang ɓɔɔ zang shing gn katɔ ka bii ɓiɓɛ ka Gãa Laa nandon, ka ruu ɓɔɔ, wu ɓi Jaa ɓɛɛ. Rukɔ Gãa keɓe, ruu nɛɛ yiti danggn ɓɔɔ ruu mãrɛ gbãng gbãng, nɛɛ gn ɓɔɔ ruu shingnɛ kɔ, ruu dɔɔ bii nɛɛ mani ɓee ɓɛɛ.

1 Bituru 2:5

Nɔɔ ɓɔɔ Yeesɔ Kirisi a nɔɔ suru bii tɔ ɓɛɛ, nɔɔ nwàng doo naa rɛɛ tari kɔ. Tari ɓɔɔ Laa mãa gãa ɓɔɔ suru nwang kagn ɓɛɛ. Nɔɔ manɛ zang ɓɔɔ Laa zɔ̃ng ri nɛɛ ri nwang zang ɓɔɔ ri dɔ̀ɔ́ wu vuu ɓɛɛ. Nɛɛ tɔ̀ɔ, nɔ́ɔ shòng wu kaa nɛɛ yeti manɛ piti naa ɓɔɔ wu tãa tĩnang ɓɛɛ, ka ruu Yeesɔ Kirisi.

3 Yɔhana 1:8

Ka ruu nɔngkɔ, ɓɔɔ ruu zang Laa, ruu yi nɔɔ zang ɓɔɔ ri palɛ shonang tɔ̃ɔ naa weɓe, naa ka bii ning. Tɔ̀ɔ, ruu nwang kaa gbete nɛɛ ri ka shonang ruu ɓɔɔ niizang palɛnang.