1 Koranti 3:5 - Nyaa Shɔɔ Ɓɔɔ Laa a Ɓɛɛ

⁵ Zang ɓaa wi nɛɛ Apolo wiya? Zang ɓaa wi nɛɛ Bulu wiya? Ruu ɓuru zang shonang Laa kɔ shɛn. Nɔɔ zi Kirisi nɛɛ naa ɓuru.

1 Koranti 3:5 ပူးပေါင်းရင်းမြစ်များ

Matiyu 25:15

Yɔɔ kaɓa, a zang shonang ɓiɓɛ ɓɔɔ gbete saka jaka maani, ti a zang gbete jaka ziti, a ti a zang gbete jaka gbete ka naa zũnnang ɓarɛ. A seepaa daa zanti kati.

Luka 1:2

naa ɓɔɔ ruu tãa ka nyaa zang ɓɔɔ ri rang yee Laa ɓɔɔ ri zi naa ɓɔɔ vuu keɓe gaayu nɛɛ jĩng ɓarɛ ɓɛɛ.

Yɔhana 3:27

A Yɔhana kasɛ ri nyaa tɔɔ, “Laa nɛɛ a zang vuu kpang, zang walɛ vuu ɓɔɔ kpang.

Zang Shonang Yeesɔ 18:24

Ka diki kaɓa, yɔɔ Yahudi ɓɔɔ kagn zang ɓaa wu nɛɛ Apolo, zang yi wu ka gari Alezandiriya, a à kaa Afisa. Zunung yee rannang dɔɔli, a ti zi labeenang Laa gbãng gbãng.

Zang Shonang Yeesɔ 19:1

Ɓɔɔ bɛ̀ɛ́ Apolo doo ka Koranti, Bulu riki tipi kaɓa, a sòo nyaa daa ka Afisa. Ĩi zang ɓɔɔ ri dũng Laa ka nɔng,

Rooma 15:16

N nwàng zang shonang Yeesɔ Kirisi, nɛɛ n palɛ zang ɓɔɔ ri zang Yahudi kpang shonang. N kɔɔ ri Ruu Tɔ̃ɔ Laa, tɔ̀ɔ, zang ɓɔɔ ri zi Laa kpang, ri nwang kaa naa vuu ɓɔɔ zang a Laa, ɓɔɔ shing Laa wu tãa tĩnang ɓɛɛ. Ɓɔɔ Suru Laa risi nwang tɔ̃ɔ ɓɛɛ.

1 Koranti 12:28

Ka teteng zang ɓɔɔ ri dũng Laa ɓɛɛ, Laa kɔɔyi, nɛɛ zang ɓu wu nwangnɛ, shonang ɓiɓɛ kagn. Gaayu zɔ̃ngkɔ zang ɓɔɔ nɛɛ ri nwang zang shonang Yeesɔ Kirisi. A naa zɔ̃ngkɔ zang ɓɔɔ nɛɛ ri kɔɔ zang ruu ɓɔɔ Laa tusu ri ɓɛɛ. Ri ɓang knti zang tĩng. A zɔ̃ngkɔ zang ɓɔɔ nɛɛ ri màsɛ̀ zang kɔnang, ri ɓang knti. Zɔ̃ngkɔ zang ɓɔɔ nɛɛ ri yi zang naa ka bii. Nɛɛ zang ɓɔɔ ri nwang ɓarɛ zang bang ɓɔɔ ri yiti zang ɓɛɛ. A zang ɓɔɔ ri rang yee nɛɛ nyaa zang ɓɔɔ ri kpɛ̃ɛrɛ katɔ kpang nɛɛ náa ɓɔɔ Suru Laa a ri ɓɛɛ.

1 Koranti 16:12

Ka ruu jaa nàá ɓuru Apolo, n gàarɛ́ wu gbãng gbãng nɛɛ wu dũng zang ɓɔɔ ri dũng Laa, wu naa leng jĩng ka nɔɔ. A pɛ̃ɛrɛ ka jĩng ɓiɓɛ nɛɛ daa naa ɓɔɔ wu a kãntang gn kpang. Nɛɛ walɛ gbalang tɔ, a ditɔ ka nɔng manɛ.

1 Koranti 3:10

Laa pàlɛ̀ m tɔ̃ɔ ka tĩng, yáa m nɛɛ nkɔ n gaayu shonang kaɓa. N loo doo gãa kaɓa waasɛ̃, naa zang ɓɔɔ zunung gãa mãanang katɔ ɓɛɛ. N loo doo gãa tɔ a zang ɓɔɔ mãa ɓi ka gãa. Zang ɓu wu palɛ waasɛ̃ naa ɓɔɔ wu mãa gãa bìí ɓɛɛ.

1 Koranti 3:22

Naa doo wiya? Naa doo Bulu, naa Apolo naa Bituru, ri ɓarɛ zang shonang manɛ. Koo nandon, nɛɛ suru bii, nɛɛ vɔrɔ ɓi ɓɔɔ manɛ kɔ nandon. Naa doo vuu ɓɔɔ nɔɔ zili kãntang keɓe, nɛɛ vuu ɓɔɔ a doo ka knti, ri ɓarɛ ɓɔɔ manɛ kɔ nandon.

1 Koranti 3:7

Ka ruu nɔngkɔ, zang ɓɔɔ ɓáa jĩng vuu, nɛɛ zang ɓɔɔ ɓàarɛ́ mii kagn, ri ɓarɛ vuu ɓɔɔ kpang. Laa ɓɔɔ wukɔ shingnɛ, jĩng vuu tarɛ, a bangnɛ, wukɔ ɓa ri nandon.

1 Koranti 9:17

Naa nkɔ nɛɛ rɛ̃rɛ nɛɛ yeti mɛɛ nɛɛ, n kɔ̀ɔrɔ́ zang Ruu Tɔ̃ɔ Laa, n nɛɛ shing jĩng katɔ nɛɛ zang a m vuu ɓɔɔ. Á ɓi nkɔ rɛ̃rɛ nɛɛ n palɛ shonang keɓe kpang, ɓi Laa yaa m shonang keɓe ka naa, a dang m nyaa nɛɛ n pàlɛ̀ wu.

2 Koranti 11:23

Ri zang ɓɔɔ palɛ Yeesɔ Kirisi shonang ya? N palɛ Yeesɔ shonang, n ɓa ri katɔ. N rang yee naa zang shoko. N palɛ shonang tɔ gbãng gbãng, n ɓa ri katɔ. Zang mã m ka sãa doo dɔɔli ɓa ri katɔ, zang nyɔ m tɔ nɛɛ gbãa dɔɔli, ɓa ɓɔɔ ɓarɛ katɔ. A zang yàarɛ́ m nung vɔrɔ gbete diki diki.

2 Koranti 3:3

Nɔɔ tusu tɔ nɛɛ, nɔkɔ labeenang keɓe ɓɔɔ Yeesɔ Kirisi nɛɛ yuu ɓiɓɛ beeyi ɓɛɛ, a shong nyaa kaa nɛɛ mani nɛɛ bii ɓuru. Bee labeenang keɓe nɛɛ mii vuu ɓɔɔ zang bee laa nɛɛ mani ɓɛɛ kpang. Bee ɓi nɛɛ Suru Laa ɓɔɔ ningkãari ɓɛɛ. Bee wu ka rɛɛ tari pɛkɛtɛ ɓɔɔ zang bee vuu kagn ɓɛɛ kpang. Beere ɓi ka yeti shɔnzang.

2 Koranti 3:6

Wukɔ a ruu kaka, ruu palɛ wu shonang naa ɓɔɔ nyaa dannang shɔɔ kɔɔ ɓɛɛ. Wu nyaa dannang shɔɔ ɓɔɔ zang bee katɔ ɓɛɛ kpang, ɓi ɓɔɔ Suru Laa. Nyaa dannang ɓɔɔ zang bee katɔ, nyɔ zang ɓi vɔrɔ, a Suru Laa a zang ɓi suru bii.

2 Koranti 4:1

Gn ɓuru kɔng Laa, a á ruu shonang keɓe nɛɛ ruu palɛ. Ka ruu nɔngkɔ, ruu yaa gn naa kpang.

2 Koranti 4:5

Ka ruu ɓɔɔ, ruu kɔɔ nɔɔ ruu ka yuu ɓuru kpang ɓɛɛ. Ruu kɔɔ nɔɔ ka yuu Yeesɔ Kirisi, nɛɛ wukɔ Kpanti, a ruu ɓuru kaa zang shonang manɛ ka ruu Yeesɔ.

2 Koranti 4:7

Ka ruu ɓɔɔ, a ruu vuu ɓɔɔ bang keɓe, rùu ɓɔɔ ruu nwang ɓuru naa ɓari tapɔng. Tɔ̀ɔ, zang zi kati nɛɛ naa vuu palɛnang bang keɓe, ɓi ɓɔɔ Laa, wu ɓɔɔ ɓuru kpang.

2 Koranti 5:18

Ɓi Laa ɓɔɔ risi ruu, ɓɔɔ ruu shing jĩng nɛɛ wu kpang, ruu nwang wusang ɓiɓɛ kɔ, palɛ vuu keɓe nɛ bii Kirisi. A á ruu shonang nɛɛ ruu risi zang ɓɔɔ ta wu, ri nwang wusang ɓiɓɛ.

2 Koranti 6:1

Ka shonang kɔ ruu pálɛ̀ ka nyaa zɔɔ nɛɛ Laa ɓee, ruu gàa nɔɔ ɓɔɔ Laa pàlɛ̀ nɔɔ tɔ̃ɔ tɔ ɓɛɛ, wu nwàng naa pàlɛ̀ nɔɔ ka dalɛ waati kpang.

2 Koranti 6:4

Ka vuu ɓɔɔ ruu pálɛ́ ɓɛɛ nandon, ruu tusu yuu ɓuru katɔ kɔ jong, nɛɛ ruu ɓuru zang shonang Laa ka danggn ɓɔɔ ruu mã́ ka jĩng dannang, nɛɛ naa ɓɔɔ zang kpãa ruu, a ɓɔɔ vuu ɓɔɔ kpãa ruu ɓɛɛ.

Afisa 3:7

Laa shing m nɛɛ n nwang zang shonang ɓɔɔ kɔɔ zang Ruu Tɔ̃ɔ, nɛɛ bìí vuu tɔ̃ɔ ɓɔɔ wu a m ɓɛɛ. Laa a m vuu tɔ̃ɔ keɓe nɛɛ naa vuu palɛnang ɓiɓɛ.

Kolosi 1:23

Nɔɔ yi tĩng manɛ ka danggn ɓɔɔ nɔɔ shing ɓɛɛ. Vuu ɓɔɔ wu kɔsɔ nɔɔ ka vuu gn shinnang ɓɔɔ nɔɔ walɛ ka ɓɔɔ nɔɔ tãa Ruu Tɔ̃ɔ Laa ɓɛɛ kpang. Ka ruu Ruu Tɔ̃ɔ keɓe kɔ, n Bulu n raa zang shonang. Ruu Tɔ̃ɔ ɓɔɔ zang kɔɔ zang tɔ nandon ka koo ɓɛɛ.

Kolosi 1:25

A Laa shing m n nwàng zang shonang zang ɓɔɔ ri dũng wu ɓɛɛ. A m shonang keɓe n pálɛ́, tɔ̀ɔ, wu nwàng nɔɔ tɔ̃ɔ kati. Shonang keɓe ɓi ɓɔɔ n kɔɔrɔ zang ruu ɓiɓɛ nyaa kiiri ɓɛɛ.

1 Timoti 1:12

N zãa Kpanti Yeesɔ Kirisi ɓɔɔ a m kaka, n palɛ shonang mɛɛ nɛɛ mani tɔ. N ti zãa wu tɔ ka ɓɔɔ zirɛ n daa naa tɔ, zɔ̃ng m nɛɛ n shòng wu ɓɛɛ.

1 Bituru 4:10

Laa palɛ nɔɔ tɔ̃ɔ tɔ ka gbalang náabm̀ náabm̀. Laa a zang ɓu naa vuu palɛnang wu palɛ vuu ka zɔ̃ng zɔ̃ng. Ka ruu nɔngkɔ, zang ɓu wu palɛ tɔ̃ɔ, wu palɛ shonang nɛɛ naa ɓɔɔ Laa a wu, wu yi zang ɓɔɔ naa ka bii.