1 Koranti 3:3 - Nyaa Shɔɔ Ɓɔɔ Laa a Ɓɛɛ

³ Nɔɔ nwang doo naa zang koo keɓe, ka ruu ɓɔɔ, nɔɔ kaa doo sũnyaa nɛɛ zɔɔ, nɔɔ haa doo nyaa nɛɛ zɔɔ ɓɛɛ. Nɔɔ zi kpang nɛɛ naa nɔɔ pálɛ̀ nɔngkɔ, nɔɔ doo naa zang koo keɓe kɔ kpang ya? Nɔɔ palɛ wu naa ɓɔɔ zang piti palɛ ɓɛɛ kpang ya?

1 Koranti 3:3 ပူးပေါင်းရင်းမြစ်များ

Rooma 13:13

Rúu gaayu nwannang waasɛ̃, naa zang ɓɔɔ ri nwang ka nɔng ɓɔɔ yakɛ katɔ ɓɛɛ. Wu ka ɓɔɔ nɔɔ gaarɛ zɔɔ, nɔɔ ɓooro saa ɓɛɛ kpang, nɔɔ palɛ dũndũng kpang, nɔɔ ti pálɛ̀ shi kpang, kpang, nɔɔ hàa nyaa kpang, nɔɔ ti kaa sũnyaa kpang.

1 Koranti 1:10

Manzung, n gaa nɔɔ ka ruu Kpanti ɓuru Yeesɔ Kirisi, nyaa manɛ wu daa gbete, ka vuu ɓɔɔ nɔɔ kɔɔ ɓɛɛ. Nɔ́ɔ ti kusu zɔɔ kpang. Rɛ̃rɛnang manɛ wu daa gbete, nɔ́ɔ ti palɛ vuu gbete.

1 Koranti 1:11

Rɛɛ manzung, n kɔɔ vuu keɓe, ka ruu ɓɔɔ, zang ɓɔɔ ka teteng zang ɓɔɔ ri ka gãa Kuluwi ri kɔɔ m nɛɛ, zang ɓɔɔ ri haa nyaa nɛɛ zɔɔ ka teteng manɛ.

1 Koranti 11:18

Vuu ɓɔɔ tĩng shɔɔnang keɓe. Zang ri kɔɔ m nɛɛ, ɓɔɔ nɔɔ dũng Laa ɓɛɛ, nɔɔ nɛɛ kpalɛ zɔɔ tɔ nɔɔ basɛ zɔɔ ka vaa ka bm bm, nɔɔ shing jĩng nɛɛ zɔɔ kpang. N zirɛ mɔɔ kɔɔ nɛɛ ruu keɓe niizang.

1 Koranti 3:4

Naa zang gbete kɔɔyi nɛɛ, “N dũng m Bulu,” a zang ɓɔɔ kɔɔ ɓi nɛɛ, “N dũng m Apolo”. Wee nɔɔ pálɛ̀ nɔngkɔ ɓee, nɔɔ doo naa zang koo keɓe kɔ.

2 Koranti 12:20

N kaa vɔrɔ naa n daa shɛ̃ɛ nɔng manɛ, n daa ĩi nɔɔ náabm̀, wu naa ɓɔɔ n kasɛ n ĩi nɔɔ ɓɛɛ kpang, a nɔɔ ti naa zirɛ n náabm̀, wu naa ɓɔɔ nɔɔ kasɛ ɓɛɛ kpang. N kaa vɔrɔ n daa ĩi nɔɔ, nɔɔ haarɛ nyaa, nɔɔ kaa sũnyaa, gnvɔ ka yeti manɛ dɔɔli. Nɔɔ ti kasɛ yuu manɛ kɔ shɛ̃ɛning, nɔɔ dãlɛ zɔɔ, nɔɔ rangkɛ zang, nɔɔ tuu yuu manɛ dɔɔli. A nɔɔ ti vɔ̃ɔtɔ nɔng.

Galati 5:15

A naa nɔɔ palɛ vuu naa yɔpɔ kpaasi, nɔɔ lasɛ zɔɔ yeti, a nɔɔ ti shing zɔɔ nyaa vuu waa ka bii. Nɔɔ gãng jĩng waasɛ̃ nɔɔ nɛ̀ɛ́ ningsi zɔɔ dɔ̃ɔ gbete.

Titu 3:3

Ka ruu ɓɔɔ, ɓeleng ruu nɛɛ yuu ɓuru bɛ̀ɛ́ ruu palɛ vuu shoko, ruu ɓaa shoo ka nyaa Laa kpang, zang nwãarɛ ruu. Ruu nwang ɓuru jaafoo, vuu ɓɔɔ bii ɓuru kasɛ ɓɛɛ, nɛɛ vuu ɓɔɔ shingnɛ zang tãa tĩnang ɓɛɛ ka zɔ̃ng zɔ̃ng. Ruu sùúkãng ka nɔng vuu shi kpang palɛnang nɛɛ sũnyaa kaanang. Zang piti bɛ̃ɛ ruu katɔ, a ruu ti bɛ̃ɛ zang piti.

Yakubu 3:16

Ka ruu ɓɔɔ, nɔng ɓɔɔ sũnyaa kaanang nɛɛ nɔng ɓɔɔ zang ri kasɛ yuu ɓarɛ dɔɔli kagn, nɔng keɓe vɔ̃ɔtɔ ɓi kaa tɔ. A vuu shi kpang nwang ɓi ka nɔng dɔɔli.

1 Bituru 4:2

Vuu ɓɔɔ yi nɛɛ lɛɛkɔ, nɔɔ pálɛ̀ manɛ vuu ɓɔɔ Laa kasɛ ɓɛɛ, wu vuu ɓɔɔ bii shɔnzang kasɛ ɓɛɛ kpang.