1 Koranti 3:11 - Nyaa Shɔɔ Ɓɔɔ Laa a Ɓɛɛ

¹¹ Ka ruu ɓɔɔ, zang ɓɔɔ lòó doo gãa ɓɔɔgn takpang. Doo gãa ɓɔɔ Laa looyi, ɓi wukɔ Yeesɔ Kirisi.

1 Koranti 3:11 ပူးပေါင်းရင်းမြစ်များ

Matiyu 16:18

N kɔɔ mɔɔ, mɔkɔ Bituru. Dĩiri nung keɓe ɓi pɛngkɛ. N mãa gãa mɛɛ, zang ɓɔɔ ri naa shing gn ka bii mɛɛ, ka yuu pɛngkɛ keɓe kɔ. Vɔrɔ zunung ɓɔɔ wu lasɛ kpang.

1 Koranti 3:10

Laa pàlɛ̀ m tɔ̃ɔ ka tĩng, yáa m nɛɛ nkɔ n gaayu shonang kaɓa. N loo doo gãa kaɓa waasɛ̃, naa zang ɓɔɔ zunung gãa mãanang katɔ ɓɛɛ. N loo doo gãa tɔ a zang ɓɔɔ mãa ɓi ka gãa. Zang ɓu wu palɛ waasɛ̃ naa ɓɔɔ wu mãa gãa bìí ɓɛɛ.

1 Koranti 3:12

Zang ɓɔɔ ri tuu zinariya, zang ɓɔɔ ri tuu azurufa, zang ɓɔɔ ri tuu ɓarɛ tari ɓɔɔ shaa nyaa dɔɔli ɓɛɛ, ri mãa gãa nɛɛ mani ka yuu doo gãa kɔ zang loo ɓee. A zang ɓɔɔ ri see ɓarɛ laa, nɛɛ wisi, a ɓɔɔ furu vuu, ri mãa gãa nɛɛ mani, ka yuu doo gãa keɓe.

Afisa 2:20

Nɔɔ nwang manɛ naa gãa ɓɔɔ zang mãa ɓɛɛ, a zang shonang Yeesɔ nɛɛ zang nyaa shonang Laa, rikɔ ɓarɛ kaa doo gãa ɓɔɔ zang loo ka tipi ɓɛɛ. Yeesɔ Kirisi nɛɛ yuu ɓiɓɛ, ɓi kaa tari ɓɔɔ yiti gãa ɓɛɛ.

2 Timoti 2:19

A doo gãa ɓɔɔ Laa loo ɓɛɛ, shii ɓi katɔ katakata, zang zĩiti kpang. Zang bee vuu keɓe ka bii ɓiɓɛ nɛɛ, “Laa zi rɛɛ zang ɓɔɔ ri ɓarɛ ɓɔɔ ɓiɓɛ tɔ”. A “Zang ɓɔɔ nɛɛ kɔɔyi nɛɛ, wu ɓɔɔ Kpanti Laa, wu yaa gbalang vuu shi kpang ɓɔɔ wu palɛ katɔ.”

1 Bituru 2:4

Ka ruu nɔngkɔ, nɔɔ a naabm ka bii ɓiɓɛ. Wukɔ tari ɓɔɔ nwang ɓi dòndòng kaɓa, ɓɔɔ a zang suru bii, ɓɔɔ shɔnzang ri bɛ̃ɛyi naa vuu ɓɔɔ shi kpang ɓɛɛ. Ka jĩng Laa ɓɔɔ zɔ̃ng wu, wu ɓi zang ɓɔɔ daa naa ɓɔɔ zang a wu bannang ɓa zang piti katɔ ɓɛɛ.