Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Koranti 2:8 - Nyaa Shɔɔ Ɓɔɔ Laa a Ɓɛɛ

8 Zang ɓɔɔ kagn gbete, ka teteng zang ɓɔɔ ri roo kpanti ka koo keɓe ɓɔɔ zi zũnang keɓe kagn ɓɛɛ kpang. Naa ri nɛɛ zi katɔ, ri nɛɛ ɓáa Kpanti Yeesɔ Kirisi ɓɔɔ wukɔ ɓa zang bannang piti, naa ka laa kpang.

အခန်းကိုကြည့်ပါ။ ကော်ပီ




1 Koranti 2:8
22 ပူးပေါင်းရင်းမြစ်များ  

Ka laa kaɓa, Yeesɔ naa risi nyaa gàa Laa tɔɔ, “N zãa mɔɔ tɔ Dada, Kpanti Laa ɓɔɔ mãa lapa nɛɛ tipi ɓɛɛ. Ka ruu ɓɔɔ, mɔɔ wàasɛ̀ zang ɓɔɔ zũng katɔ nɛɛ zang ɓɔɔ ri zi labeenang dɔɔli vuu keɓe, a mɔɔ naa tusu zang ɓɔɔ ri zi vuu kpang kɔ jong ɓɛɛ.


Jĩng vuu ɓɔɔ shili ka teteng kɔkɔ, ɓi kaa zang ɓɔɔ ri tãa Ruu Laa, a rɛ̃rɛnang ka yuu vuu ɓɔɔ ka koo keɓe nɛɛ vuu naa kasɛnang, naa mulu Ruu Laa ɓɔɔ ka yeti ɓarɛ kati, a ruu bìí naa nwàng ri vuu kaa takpang.


A Yeesɔ kɔɔyi nɛɛ, “Daa mɛɛ, yaa ri gbalang vuu keɓe katɔ, ka ruu ɓɔɔ, ri zi vuu ɓɔɔ ri palɛ kpang ɓee.” Ri sháa laa ka naa ɓɔɔ ri basɛ rɛɛ fɔ̃ɔrɔ ɓiɓɛ ɓɛɛ.


Zang ri palɛ nɔɔ vuu keɓe, ka ruu ɓɔɔ, ri zi Daa kpang, ri ti zi m kpang kɔ doori ɓɛɛ.


Nɔɔ zi zang bang bang zang Yahudi tɔ nɛɛ zang Farisi ri shing danggn ka bii ɓiɓɛ gbete ya?


A ri hɛ̃ɛ wu nɛɛ, “Daa ɓaaɓɛ ɓu kiya?” Yeesɔ kasɛ ri nyaa tɔɔ, “Nɔɔ zi m kpang, nɔɔ ti zi Daa mɛɛ doo kpang kɔ. Naa nɔɔ nɛɛ zi m tɔ, nɔɔ nɛɛ ti zi Daa mɛɛ tɔ kɔ doori.”


Zang ɓɔɔ ri nwang ka Urushalima nɛɛ rɛɛ zang bang ɓarɛ ri zi Yeesɔ nung kpang. Ri ti zi rúu rɛɛ zang nyaa shonang Laa ɓɔɔ zang gã ka Diki Ɔ̃sɔnang diki diki kpang, ka ruu nɔngkɔ, ri palɛ vuu ɓɔɔ rɛɛ zang nyaa shonang Laa keɓe ri kɔɔ tɔ, ka ɓɔɔ ri dɔng wu ruu ɓɛɛ.


Istifanu kasɛ wu nyaa tɔɔ, “Rɛɛ manzung nɛɛ rɛɛ daa mɛɛ, nɔɔ ɓaa shoo. Laa ɓɔɔ wukɔ ɓa zang piti bannang ɓɛɛ, nwang nyaa ka bii dabang ɓuru Ibirayi, bɛ̀ɛ́ wu doo ka tipi Masopotaami. Bɛ̀ɛ́ daa nwang gn ka gari Haran kpang.


Nɛɛ nɔngkɔ, zang ɓɔɔ ri zũng katɔ ka koo keɓe, zũnang ɓarɛ kaa waati, zang ɓɔɔ ri tusu zang nyaa dannang zang Yahudi zũnang ɓarɛ ti waati, zang ɓɔɔ ri ti làá zang nyaa ka koo keɓe zũnang ɓarɛ doo waati kɔ. Laa tusu ruu tɔ nɛɛ zũnang zang koo keɓe, ɓi naa ɓɔɔ shoko waati.


Ruu zi tɔ nɔngkɔ, a ruu kɔɔrɔ zang ɓɔɔ ri zũng danggn tɔ, ruu zũnang Laa doo nɛɛ mani. A zɔ̃̌ng zũnang kaɓa ɓi kaa tɔ̀ɔ́ ɓɔɔ koo jaa knti keɓe kpang. À ɓi ti nɛɛ bìí zang ɓɔɔ ri roo kpanti ka koo keɓe, ɓɔɔ ri shàarɛ́ ɓarɛ katɔ ɓɛɛ kpang.


Niizang, yeti ɓarɛ kpãa nyaa vuu zinang katɔ. Vuu ɓɔɔ yirɛ, a nɛɛ mani lɛɛkɔ, zang zùu yeti ɓarɛ doo nɛɛ sɛ̃ɛ fɔ̃ɔrɔ ɓɔɔ Musa zúu yuu ɓiɓɛ nɛɛ mani ɓɛɛ. Ri nɛɛ gã labeenang ɓɔɔ nyaa dannang ɓɔɔ gbaala kagn, ri zi vuu ɓɔɔ kagn ɓɛɛ kpang. Zang nɛɛ raa zang ɓɔɔ dũng kaa Laa tɔ, tɔ̀ɔ, Kirisi wu puu zang sɛ̃ɛ fɔ̃ɔrɔ ɓɔɔ zuu zang jĩng kaɓa kati.


N gàá Làá Kpanti ɓuru Yeesɔ Kirisi. Daa, ɓɔɔ zang a wu bannang ɓɛɛ, wu a nɔɔ Suru ɓiɓɛ, ɓɔɔ shing nɔɔ nɔ́ɔ zũngnɛ, a wu ti nwangsɛ nɔɔ Laa, tɔ̀ɔ, nɔ́ɔ zi wu kati ɓɛɛ.


Zang ɓɔɔ yeti ɓarɛ tɔ̀ɔ katɔ ɓɛɛ. Zang basɛ ri ɓarɛ tɔ, nɛɛ suru bii ɓɔɔ Laa a zang ɓɛɛ. Yeti ɓarɛ zi vuu gn kpang, ka ruu ɓɔɔ, ri taarɛ yuu dɔɔli ɓɛɛ.


Ka tĩng, n rang yee shi kpang ka yuu ɓiɓɛ, n dang zang ɓiɓɛ jĩng, a n ti palɛ ri nɛɛ ɓangge, a zɔ̃ng m doo nɛɛ mani. A gn mɛɛ kɔng Laa, ka ruu ɓɔɔ bɛ̀ɛ́ n zi vuu ɓɔɔ n palɛ ɓɛɛ kpang. Bɛ̀ɛ́ n ti shing danggn gn kpang ɓɛɛ,


Manzung, nɔ́ɔ palɛ vuu dang gbete kpang. Ka ruu ɓɔɔ, nɔɔ shing danggn tɔ ka bii kpanti Yeesɔ Kirisi ɓɔɔ zang a wukɔ bannang ɓa zang piti ɓɛɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ