1 Koranti 2:5 - Nyaa Shɔɔ Ɓɔɔ Laa a Ɓɛɛ

⁵ Ka ruu nɔngkɔ, dĩiri danggn shinnang manɛ ka bii Yeesɔ Kirisi, ɓi vuu zũnang shɔnzang kpang, ɓi naa vuu palɛnang Laa shingnɛ.

1 Koranti 2:5 ပူးပေါင်းရင်းမြစ်များ

Zang Shonang Yeesɔ 16:14

Ka teteng zang soro ɓɔɔ ri tã̀á ruu keɓe, jaa soro ɓɔɔ kagn gbete, zang ɓaa wu nɛɛ Lidiya. Jaa soro keɓe, zang gari Tayatira, màlɛ́ fɔ̃ɔrɔ ɓɔɔ nwɛ̃ɛri ɓɛɛ. Ɓi ti zang ɓɔɔ bang Laa ɓɛɛ. Laa puu wu jĩng nɛɛ, wu zi vuu ɓɔɔ Bulu kɔ̀ɔ́ ɓɛɛ, nɛɛ wu ti shing danggn kati.

1 Koranti 1:17

Yeesɔ Kirisi shong m nɛɛ, n naa pàlɛ̀ zang wu batizima kpang. Shong m nɛɛ n naa kɔɔ zang Ruu Tɔ̃ɔ Kpanti Laa. N nyɔ zang wu nɛɛ nyaa waati kpang, n ti kɔɔ zang ruu nɛɛ zũnang yuu mɛɛ kpang. Tɔ̀ɔ, zang ri zi kati nɛɛ naa vuu palɛnang kagn ka vɔrɔ ɓɔɔ Kirisi vɔ ka yuu laa ɓɛɛ.

1 Koranti 3:6

Rùu ɓuru naa zang ɓɔɔ ri lang jaa ɓɛɛ. Nkɔ ɓaa jĩng vuu, a Apolo ɓaarɛ mii kagn. Ɓi Laa kɔ ka bm gbete shingnɛ jĩng vuu tarɛ, a bangnɛ.

2 Koranti 12:9

A kasɛ m nyaa tɔɔ, “Tɔ̃ɔ ɓɔɔ n pàlɛ́ mɔɔ wukɔ yi mɔɔ naa ka bii, ka ruu ɓɔɔ, naa vuu palɛnang mɛɛ palɛ shonang gbãng gbãng ka ɓɔɔ mɔɔ lakɛ naa ka bii ka vuu Suru Laa kpang ɓɛɛ.” N tãa kaa tĩnang gbãng gbãng, n tuu yuu mɛɛ ka yuu naa ɓɔɔ n lakɛ náa ka bii ka vuu Suru Laa kpang ɓɛɛ, tɔ̀ɔ, n tãa naa vuu palɛnang Yeesɔ Kirisi ɓɔɔ yiti m ɓɛɛ kati.

2 Koranti 4:7

Ka ruu ɓɔɔ, a ruu vuu ɓɔɔ bang keɓe, rùu ɓɔɔ ruu nwang ɓuru naa ɓari tapɔng. Tɔ̀ɔ, zang zi kati nɛɛ naa vuu palɛnang bang keɓe, ɓi ɓɔɔ Laa, wu ɓɔɔ ɓuru kpang.

2 Koranti 6:7

Ɓɔɔ nɛɛ yee niizang ɓɔɔ ruu rang ɓɛɛ, a ɓɔɔ kaa nɛɛ naa vuu palɛnang Laa. Nwannang zang tɔ̃ɔ ka tĩng Laa kɔ nwang kaa naa vuu waa ɓuru, ɓɔɔ ruu ta sĩiri nɛɛ mani, a ruu ti gãng bii nɛɛ mani ɓɛɛ.