1 Koranti 2:4 - Nyaa Shɔɔ Ɓɔɔ Laa a Ɓɛɛ

⁴ Ka ɓɔɔ n rang nɔɔ yee Laa kaɓa, n ɓakɛ nɔɔ nɛɛ zũnang shɔnzang ɓɔɔ ri ka koo keɓe kpang. Ɓi Suru Laa nɛɛ naa vuu palɛnang Laa kɔ tusu nɔɔ nɛɛ, vuu keɓe niizang kɔ nwani.

1 Koranti 2:4 ပူးပေါင်းရင်းမြစ်များ

Zang Shonang Yeesɔ 20:27

Ka ruu ɓɔɔ, n kɔɔ nɔɔ vuu ɓɔɔ Laa kasɛ ɓɛɛ tɔ nandon, n zárɛ̀ doo kpang ɓɛɛ.

Zang Shonang Yeesɔ 26:28

Agiripa kɔɔ Bulu tɔɔ, “Ɓɔɔ mɔɔ zi ka jĩng ɓaaɓɛ nwannang kɔ ruu nwang nɛɛ mɔɔ tɔkɔlɔng ɓee, daa naa ɓɔɔ mɔɔ risi m n nwang zang ɓɔɔ dũng Kirisi ɓɛɛ tɔ ya?”

Rooma 15:13

Laa ɓɔɔ wukɔ shingnɛ nɔɔ shing gn ɓɛɛ, wu shingnɛ nɔɔ tãa tĩnang gbãng gbãng ka yeti manɛ, yeti manɛ wu ti valɛ. Tɔ̀ɔ, Suru Laa wu a nɔɔ naa, nɔɔ shing gn kaa gbãng gbãng.

Rooma 15:19

Nɛɛ vuu ɓɔɔ zang zirɛ zang mã naa ka danggn, a ɓɔɔ vuu ɓɔɔ Suru Laa palɛ nɛɛ naa vuu palɛnang ɓiɓɛ ɓɛɛ. Ka rakɛnang ɓɔɔ n gaayu nɛɛ Urushalima, n riki nɔng nandon, n daa nɛɛ mani ka Ilirikum ɓɛɛ, n hangsɛ zang Ruu Laa kɔɔnang tɔ nandon ka yuu Kirisi.

Rooma 16:18

Ka ruu ɓɔɔ, zang ɓɔɔ ri palɛ naa weɓe ri pàlɛ́ ɓarɛ Kpanti ɓuru Kirisi shonang kpang, ri kãa ɓarɛ ɓɔɔ buru ɓarɛ. Ri nwãarɛ zang ɓɔɔ ri zi vuu kpang nɛɛ nyaa ɓɛlɛɓɛlɛ, nɛɛ nyaa tĩnang ɓarɛ.

1 Koranti 1:17

Yeesɔ Kirisi shong m nɛɛ, n naa pàlɛ̀ zang wu batizima kpang. Shong m nɛɛ n naa kɔɔ zang Ruu Tɔ̃ɔ Kpanti Laa. N nyɔ zang wu nɛɛ nyaa waati kpang, n ti kɔɔ zang ruu nɛɛ zũnang yuu mɛɛ kpang. Tɔ̀ɔ, zang ri zi kati nɛɛ naa vuu palɛnang kagn ka vɔrɔ ɓɔɔ Kirisi vɔ ka yuu laa ɓɛɛ.

1 Koranti 2:1

Rɛɛ manzung, ɓɔɔ n á ka nɔng manɛ tĩng shɔɔnang, n kɔ̀ɔ nɔɔ vuu ɓɔɔ Laa waasɛ katɔ ɓɔɔ wu nwangsɛ ruu ɓɛɛ. N a wu nɛɛ nyaa naa tãa, a ɓɔɔ zinang ɓɔɔ ɓa ɓɔɔ manɛ katɔ kpang.

1 Koranti 2:13

Ka ruu nɔngkɔ, ruu nɛɛ kɔɔ nɔɔ ruu ka yuu vuu ɓɔɔ Laa a zang keɓe, ruu kɔ̀ɔ́ nɔɔ wu nɛɛ yee ɓɔɔ shɔnzang ri tùsù ruu nɛɛ zũnang ɓarɛ ɓɛɛ kpang. Ɓi Suru Laa tùsù ruu vuu keɓe. Ruu nwangsɛ ɓuru dĩiri vuu Suru Laa, ruu kɔ̀ɔ́ zang ɓɔɔ Suru Laa kagn ka yeti ɓarɛ ɓɛɛ.

1 Koranti 4:20

Ka ruu ɓɔɔ, kpanti roonang Laa ɓi yee ɓɔɔ zang rangkɛ nɛɛ nyaa waati kpang, ɓi vuu naa vuu palɛnang Laa.

2 Koranti 6:6

Ka nwannang tɔ̃ɔ ɓuru, nɛɛ danggn mãnang, nɛɛ tɔ̃ɔ ɓɔɔ ruu palɛ, ruu tusu yuu ɓuru nɛɛ ruu ɓuru zang shonang Laa. Nɛɛ bii Suru Laa, a ɓɔɔ kasɛnang ɓɔɔ ruu kasɛ zang nɛɛ mani niizang ɓɛɛ.

Galati 1:10

Ruu keɓe nwang naa ɓɔɔ n kãayi nɛɛ nyaating mɛɛ wu puu ka bii shɔnzang ya? Kpang, n kasɛ nyaating mɛɛ wu puu ka bii Laa. N kasɛ nɛɛ tɔ zang piti ri zi m nung ya? Naa n nɛɛ palɛ nɔngkɔ, n nɛɛ tɔ̀ɔ́ zang ɓɔɔ palɛ Kirisi shonang kpang.

Kolosi 2:4

N kɔɔ nɔɔ ruu keɓe tɔ, zang ɓɔɔ wu nwáarɛ̀ nɔɔ nɛɛ nyaa laanang sèé kpang, naa nyaa keɓe shi doo naa viya?

1 Tesalonika 1:5

Ruu Tɔ̃ɔ ɓɔɔ ka yuu Yeesɔ Kirisi ɓɔɔ ruu kɔɔ nɔɔ ɓɛɛ, ruu kɔɔ wu nɛɛ nyaa waati kpang. Laa a ruu naa vuu palɛnang ɓiɓɛ tɔ nɛɛ Suru ɓiɓɛ, a ruu ti shing danggn tɔ gbãng gbãng ka yuu Ruu Tɔ̃ɔ ɓɔɔ ka yuu Yeesɔ Kirisi ɓɔɔ ruu kɔ̀ɔ nɔɔ ɓɛɛ. Nɔɔ zi zɔ̃ng nwannang ɓɔɔ ruu nwangnɛ, ɓɔɔ bɛ̀ɛ́ ruu doo nɛɛ nɔɔ ɓɛ̀ɛ́ tɔ. Ruu palɛ vuu keɓe nandon ruu tɔɔ ruu yi nɔɔ naa ka bii.

1 Bituru 1:12

A Laa tusu ri nɛɛ ri pàlɛ́ ɓi yuu ɓarɛ shonang kpang, ri pàlɛ́ ɓi nɔkɔ. Kãntang keɓe, zang ɓɔɔ ri kɔ̀ɔrɔ̀ nɔɔ Ruu Laa, ri kɔɔ nɔɔ rɛɛ vuu keɓe tɔ, naa ɓɔɔ Suru Laa ɓɔɔ à nɛɛ lapa a ri naa ɓɛɛ. Zang nyaa shonang Laa ɓɔɔ ri ka lapa, ri kasɛ nɛɛ ri zi rɛɛ vuu keɓe jong.

2 Bituru 1:16

Rùu kɔɔ nɔɔ ruu, naa ɓɔɔ Kpanti ɓuru Yeesɔ Kirisi naa a nɛɛ naa vuu palɛnang ɓiɓɛ ɓɛɛ tɔ. Vuu ɓɔɔ ruu kɔɔrɔ keɓe wu ruu gbãagbãa ɓɔɔ shɔnzang nwangsɛ nɛɛ zũnang ɓiɓɛ kpang. Ruu zi bannang ɓiɓɛ nɛɛ jĩng ɓuru.

2 Bituru 2:18

Ri rangkɛ yee bang bang ɓɔɔ waati ka yuu ɓarɛ. Ri ti kasɛ ri nwãarɛ zang ɓɔɔ ri kasɛ nɛɛ ri yaa vàá zang ɓɔɔ ri zi gbalang Laa kpang ɓɛɛ. Maalang ɓɔɔ ri tusu zang vuu sèé keɓe, ri kasɛ nɛɛ ri shing zang, zang ri palɛ zɔ̃ng dũndũng piti nɛɛ vuu shi kpang, shi kpang ɓɔɔ ri tãa tĩnang palɛnang doo katɔ kɔ ɓɛɛ.