1 Koranti 2:13 - Nyaa Shɔɔ Ɓɔɔ Laa a Ɓɛɛ

¹³ Ka ruu nɔngkɔ, ruu nɛɛ kɔɔ nɔɔ ruu ka yuu vuu ɓɔɔ Laa a zang keɓe, ruu kɔ̀ɔ́ nɔɔ wu nɛɛ yee ɓɔɔ shɔnzang ri tùsù ruu nɛɛ zũnang ɓarɛ ɓɛɛ kpang. Ɓi Suru Laa tùsù ruu vuu keɓe. Ruu nwangsɛ ɓuru dĩiri vuu Suru Laa, ruu kɔ̀ɔ́ zang ɓɔɔ Suru Laa kagn ka yeti ɓarɛ ɓɛɛ.

1 Koranti 2:13 ပူးပေါင်းရင်းမြစ်များ

Luka 12:12

Ka ruu ɓɔɔ, Suru Laa naa tusu nɔɔ vuu ɓɔɔ nɔɔ kɔɔ ɓɛɛ ditɔ ka laa kaɓa ɓɛɛ.”

Zang Shonang Yeesɔ 2:4

Suru Laa a kaa bii ɓarɛ, a ri gaayu yee rannang kaa nɛɛ nyaa zang ɓɔɔgn naa ɓɔɔ Suru Laa tusu ri nɛɛ ri rang ɓɛɛ.

1 Koranti 1:17

Yeesɔ Kirisi shong m nɛɛ, n naa pàlɛ̀ zang wu batizima kpang. Shong m nɛɛ n naa kɔɔ zang Ruu Tɔ̃ɔ Kpanti Laa. N nyɔ zang wu nɛɛ nyaa waati kpang, n ti kɔɔ zang ruu nɛɛ zũnang yuu mɛɛ kpang. Tɔ̀ɔ, zang ri zi kati nɛɛ naa vuu palɛnang kagn ka vɔrɔ ɓɔɔ Kirisi vɔ ka yuu laa ɓɛɛ.

1 Koranti 14:2

Zang ɓɔɔ Suru Laa a wu naa, a rang yee nɛɛ nyaa ɓɔɔ wu kpɛ̃ɛrɛ katɔ kpang ɓɛɛ, rang yee ɓi nɛɛ Laa, wu nɛɛ shɔnzang kpang. Ka ruu ɓɔɔ, shɔnzang ri tãa ruu ɓɔɔ wu kɔɔ kpàng ɓɛɛ. Kɔɔrɔ ɓi vuu ɓɔɔ Laa wàasɛ̀ zang katɔ, ɓɛɛ nɛɛ naa ɓɔɔ Suru Laa a wu ɓɛɛ.

1 Koranti 2:1

Rɛɛ manzung, ɓɔɔ n á ka nɔng manɛ tĩng shɔɔnang, n kɔ̀ɔ nɔɔ vuu ɓɔɔ Laa waasɛ katɔ ɓɔɔ wu nwangsɛ ruu ɓɛɛ. N a wu nɛɛ nyaa naa tãa, a ɓɔɔ zinang ɓɔɔ ɓa ɓɔɔ manɛ katɔ kpang.

1 Koranti 2:14

Zang ɓɔɔ Suru Laa nɛɛ kagn yeti ɓiɓɛ kpang, ta vuu ɓɔɔ Suru Laa alɛ zang ɓi kpang. Zang kaɓa zi vuu keɓe kpang, vuu bìí nwang wu ɓi naa vuu shoko, ka ruu ɓɔɔ, ɓi Suru Laa kɔ shɛ̃ɛning shing zang, zang zi vuu kaɓa ɓɛɛ.

1 Koranti 2:4

Ka ɓɔɔ n rang nɔɔ yee Laa kaɓa, n ɓakɛ nɔɔ nɛɛ zũnang shɔnzang ɓɔɔ ri ka koo keɓe kpang. Ɓi Suru Laa nɛɛ naa vuu palɛnang Laa kɔ tusu nɔɔ nɛɛ, vuu keɓe niizang kɔ nwani.

1 Koranti 9:11

Naa ɓɔɔ zang vang jĩng vuu ka jaa, ruu kɔ̀ɔrɔ̀ nɔɔ ruu tɔ̃ɔ Laa tɔ. Ti nwǎng nɔɔ vuu Suru Laa kana ka yeti manɛ. Daa naa ɓɔɔ nɔɔ a ruu vuu naa manɛ ɓɔɔ koo keɓe kpang ya?

Afisa 5:19

Nɔɔ rang zɔɔ yee nɛɛ soo ɓɔɔ nɔɔ dɔɔ Kirisi nɛɛ mani ɓɛɛ, nɛɛ soo ɓɔɔ nɔɔ zãa wu nɛɛ mani, a ɓɔɔ nɛɛ soo ɓɔɔ Suru Laa kpɛ̃ɛrɛ zang ɓɛɛ. Nɔɔ gaa soo, nɔ́ɔ dɔɔ Kirisi ka yeti manɛ.

Kolosi 3:16

Yee Yeesɔ Kirisi wu nwang ka yeti manɛ dɔ̃ɔ gbete, ka ɓɔɔ nɔɔ tusu vuu, a nɔɔ ti kpɛ̃ɛrɛ zɔɔ vuu nɛɛ zũnang ɓɛɛ. Nɔɔ gaa soo ɓɔɔ nɔɔ dɔɔ Laa nɛɛ mani, nɛɛ ɓɔɔ nɔɔ zãa wu nɛɛ mani nɛɛ ɓɔɔ Suru Laa kpɛ̃ɛrɛ zang ɓɛɛ. Nɔɔ ti zãa wu ka yeti manɛ.

1 Bituru 1:12

A Laa tusu ri nɛɛ ri pàlɛ́ ɓi yuu ɓarɛ shonang kpang, ri pàlɛ́ ɓi nɔkɔ. Kãntang keɓe, zang ɓɔɔ ri kɔ̀ɔrɔ̀ nɔɔ Ruu Laa, ri kɔɔ nɔɔ rɛɛ vuu keɓe tɔ, naa ɓɔɔ Suru Laa ɓɔɔ à nɛɛ lapa a ri naa ɓɛɛ. Zang nyaa shonang Laa ɓɔɔ ri ka lapa, ri kasɛ nɛɛ ri zi rɛɛ vuu keɓe jong.

2 Bituru 1:16

Rùu kɔɔ nɔɔ ruu, naa ɓɔɔ Kpanti ɓuru Yeesɔ Kirisi naa a nɛɛ naa vuu palɛnang ɓiɓɛ ɓɛɛ tɔ. Vuu ɓɔɔ ruu kɔɔrɔ keɓe wu ruu gbãagbãa ɓɔɔ shɔnzang nwangsɛ nɛɛ zũnang ɓiɓɛ kpang. Ruu zi bannang ɓiɓɛ nɛɛ jĩng ɓuru.